Galatə 6:10 - Yálá laawoo hɛɓɛ (dc)

¹⁰ Yili ɓa, yii kpɔ gu kaa nii gu hvulú kɔwɔ ɲą, 'ká gu kolo kɛ, dɔlɔ ə həli nu kəlee ɓa, gəlee ə mą kɛ, nuąi di lɛɠɛɛ guɔ, laa na la hu.

Yálá laawoo hɛɓɛ

¹⁰ Yili ɓa, yii kpɔ gu kaa nii gu hvulú kɔwɔ ɲą, 'ká gu kolo kɛ, dɔlɔ ə həli nu kəlee ɓa, gəlee ə mą kɛ, nuąi di lɛɠɛɛ guɔ, laa na la hu.

Bible

¹⁰ Mɛni ma, tãi pɔ̂ri-maa káa la kúyêei, kwaa ku mɛni lɛ́lɛɛ kɛ́ núu kélee mi, é tela kɛ́ a diai díkaa a naa-lai su-ƃela-kpului.

Galatə 6:10 ပူးပေါင်းရင်းမြစ်များ

Mąątɛ̨nɛ̨ 37:27

'Hvó kɛ ə́ kaa mɛ̨nį ɲɔ̨n gɛi, mɛ̨nį lɛlɛɛ kɛ; akɛtii, yá ə́ heei hɔlɔɓo a yələ kəlee mɛ̨nį.

Mąątɛ̨nɛ̨ 37:3

'Ə́ kilitɔɔ Yai-Laa ɓa, 'túwɔ́ a nɛlɛɛ yɛ́ pɛli heei nɔi hu, yɛ́ kɔ̨nɔ̨n ɉɔlɔɓo laa liilaa hu.

Hanwon 3:27

Nuąi di kaa kpaan ɉu, kpɔmąą tɛɛ di pɔ, akɛ yili ŋą yee pɛli mąą a kɛ yɛ́.

Ikilisiati 3:12

Ŋą́ą́ gɔlɔn, gɛ́ diɛ: Tɔlɔ takpɛli hvo nu lonnii yəi, hvo kɛli lɔ di di ɲąąnɛ̨ɛ̨ kulɔ di kɛ kóló dɔlɔ hu; di wɔɔ yɛnɛ̨ɛ̨ hu.

Ikilisiati 9:10

Yii kpɔ ə́ yee a pɛli mą, gɛ a huwalawalai gaa ə́ yəi. Mąąhɔlɔɓo, ɓɛi ə́ kaa pai lii laa haaɓɛlaataa, kóló hvo laa, mɛ̨nį dɛ̨ą kwɛliɛ hvo laa, mɛ̨nį kɔ́lɔn ŋąą hvo laa da kili mɛ̨nį.

Maafîu 10:25

Mąąnɛ̨ɛ̨ lɔ kalan non ə kɛ yɛ galamɔ̨ɔ̨. Luwɔ ə kɛ yɛ nuwɔ nąmu. Akɛ di kɛ pɛlɛ́ nąmu ɓa: Beɛlzebulə, gu hvo mun kɛ bɛlɛ́n nuą! Da di laa hee a ɲɔ̨nwɔ̨ɔ̨ ə tɛɛ la bɛlɛ nąmu ɓa.»

Maafîu 12:50

Mąąhɔlɔɓo, nuąi di kaa Ną́n Yálái yələkɔlɔn ɉu niiɓa kɛi, diɛ ɓə di kaa a néé da gááyɔwɔɠaa.»

Maafîu 25:40

«Tɔɔmun a mo kɛa diɛ yɛ diɛ: ‹Gáá moi kaa a tɛ̨ą, ɓɛlɔwai lɔpee ka kɛi mɛ̨nįɠaa tii ta kɛ la nwɔ́ lɛapɛlɛɛɠaa ŋɛ̨i ta ɓai, ɲą́ą́ ka tii ka kɛi gɛ mą́ą́.›

Maafîu 5:43

«Ka mɛ̨n di mo ka kąlą pɔlɔni diɛ: ‹Ə́ ɓɛlan gaa lon nwɛli la kɛ, ə́ ə́ yowo wɛli kpɛɛ yɛ́.›

Markə 3:4

Yili pulu, nuą tii kɛi nąą kaa, ə mo diɛ, yɛ diɛ: «Guɔ tɔ́n kaa kɛi lə? Akɛti, mąąnɛ̨ɛ̨ nu ə mɛ̨nį lɛlɛɛ kɛ a vįitɔɔ yələ, a wala kɛti mɛ̨nį ɲɔ̨n? Akɛti, mąąnɛ̨ɛ̨ nu ə nu nwun mąąɓo, a wala kɛti nu ə nu paa a vįitɔɔ yələ?» Kɛlaa, nuą di hvo kɛ bɔ di hvo nwoo pulu pənə.

Lukə 6:35

Yaamun, ka ka yowoɠaa wɛli la kɛ, ka mɛ̨inɛ̨ɛ̨ kɛ diɛ, ka kwələ tɔɔ diɛ ka hvo gbɛ. Akɛti, ka wɔ hvɛla kulɔ kaa pai kɛnɛ̨i, ə lɛɛ, ka kɛ a Yálá lonni. Mąąhɔlɔɓo, nuąi di hvo mɛ̨inɛ̨ɛ̨ kɔ́lɔn, a mɛ̨inɛ̨ɛ̨ kɛ diɛ; ə mą kɛ túwɔ́ pələ ɲɔ̨n gɛ nuą.

Ɉaan 12:35

Jesus yɛ diɛ: «Kɛɛ pono kaa ni ka pɔ a lɔwai ta wolo. Ɓɛlɔwai kɛɛ ponoɔi la, ka hiɛ, ə gɛ, kpinį hvo pa ka hon, mąąhɔlɔɓo, nui a hiɛ kpinįi hvo dɔwɔ kɔ́lɔn.

Ɉaan 9:4

Yii kɛɛ ponoɔ̨ ni, nui ŋɛ̨i dɔ́ɔ́, hvo kɛli gu yee ə kɛ nwɔ kolóɠaai diɛ. Kpini kaa pai pɛlɛi, nu ta hva pɛli kólo kɛi.

Gɛlaɠaa 6:7

Yálá lawoo ə kɛi taɠa kɛɛnąą kəlee, kalan nɛa kpulu hu yɛ kɛnɛ̨ Ɉerusalɛmə, ɛlɛɛ, ɉaláá laa həli nuą tamąą diɛ di yee hee Jesus mąą mɛ̨nį mu.

Korɛntə veelɛ 2:8

Yili ɓə gɛi, gɛ́ ɉu hvɛli káá, 'ká ɉon a wɛlikɛmąąlaa,

Galatə 1:23

Di mɛ̨n nɔ nuą la, diɛ kɛ: «Nui wɔlɔ kɛi ku mɔ̨nɔ̨ɓo, gaa kɛa yiihu laa na mɛ̨nį laa həlii, a yai wɔlɔ ə kɛli ɉukala,»

Ifisiɛŋ 2:19

Yili ɓa, ká hvo kɛa a nwɛ̨ąą, ká hvo a tɛɛ nuą, ká káá a taa tɔ̨nɔ̨ hu nuą, a Yálá yəi bɛlɛ́n nuą.

Ifisiɛŋ 3:15

Yai huwu mɛ̨nį kəlee a həɠə bɔ pələ, lɔi mɛ̨i da yələkɔlɔn ɉu.

Ifisiɛŋ 4:28

Nui kɛli nwuɔ̨ kɛ, ə kpəla nwuɔ̨ ɓa; yaamun ə tɔɔ a nwąnąi, ə kóló kɛ a tələnmolaa a gbɔwɔ yee, ə hɛn ɉɔlɔɓo, nui kanąn ɉu, ə gulɔ ganąn ɉu.

Ifisiɛŋ 5:16

diɛi, da yiihu yɛnɛ̨ɛ̨ ŋɛ̨i dɔlɔ hɔlɔɓo, mąąhɔlɔɓo hvóló ɲɔ̨nwɔ̨ɔ̨ɠaa kaa hɔɔi gu mɛ̨i

Filipə 4:10

Gwə́i ə nɛɛ kpɔ kɛnɛ̨ gu Ną́mu hu: gɛ mɛ̨nį ka pɛli nwɔ̨nɔ̨ ka ka kili lɛɛ Ɉú. Ka kɛi kpɔ ka kiliŋąhiɛ mą́ą́, kɛlaa, pələi kɛ ka gulɔ la pono ŋą, bələ hvo kɛ ka yəi.

Kolosə 4:5

Nuąi di hvo a Kristalɛa, 'ká túwɔ́ pələ ə kɛ a nɛlɛɛ di ɲɛ̨i ɓa. Yíikuu kpuɔlon ká yəi, 'ká ɉon a nɛlɛɛ.

Tɛsalonikə dɔlɔɔ 5:15

Ka gɛ a nɛlɛɛ, nu ta hvo mɛ̨nį ɲɔ̨n gwələ kulɔ a mɛ̨nį ɲɔ̨n, kɛlaa, ka túwɔ́ a nɛlɛɛ ká kee lɔwai, ə mą kɛ, a nui lɔpee gəlee.

Tɛsalonikə dɔlɔɔ 5:21

'ká gəlee hukpɛ a kili, yii nɛlɛɛ, 'ká ká yee kanąn mą;

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Taitɔ 3:8

Nwoo ti kaa a tɛ̨ąi da pɛli di kilitɔɔi mą, ɛlɛɛ, gáá bɔ ə́ ə́ wəli tɔɔ kpɔ mą kpąą, əgɛ, nuąi daa laa Yálá la, di pɛli kɛnɛ̨i mɛ̨nį lɛlɛɛɠaa kɛɛ hu. Yili ɓə nɛlɛɛ, dɔlɔ ə ɓo mą nuą diɛ.

Hebreu 13:16

'Ká gu hvo lɛ̨ą mɛ̨nį lɛlɛɛ kɛɛ ɓa, ɛlɛɛ, guɔ kpɔnmąą tɛɛ gbɔn ɉu lonnii pɔ, mąąhɔlɔɓo, ɉaláá hɛn taaləi tii ɓə a Yálá liihon.

Hebreu 3:6

Kɛlaa, Kristə nwɛi, gaa a bɛlɛ́n non, yɛ ɓo ŋą pɛlɛ́i mɛ̨i. Ŋą pɛlɛ́i, ya ɓaa a guɔ, akɛ mɛ̨nįi gu kaa mąąkpɔn ɉii, a ɲɛ̨i pono, a kilitɔɔmąą laa, gwa gu yee kąnąn mą kpąą.

Hebreu 6:10

Ɛlɛɛ, Yálá hvo hvulu li, hva pɛli lɛ̨ąi ka kɛ mɛ̨nį nɛ̨ɛ̨ɠaai ka káá gɛi, diɛ, gəlee ə mą kɛ, wɛlikɛmąąlaai ká kɛi tí la kristalɛa diɛi, diɛi wɔlɔ kɛ laa, ə mą nwɔ̨nɔ̨ kɛ, háákələi.

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

Piɛrə dɔlɔɔ 4:17

Yálá nwɔ kitii teei lɔwai aa lɛɠɛ, kɛlaa, gɔwɔ kaa pai tɔɔi Yálá nwɔ pɛlɛ́i ɓa. Yaan, akɛ gɔwɔ kaa tɔɔi guɔi, nuąi di hvo gɛi di hvo laa Yálá nwɔ wɛlɛɛ lɛlɛɛ la, di ɲąąkpɛɛi a kɛ ləi?

Zɔ̂ŋ Maa-ŋuŋ 5:1

Nui lɔpee a laa na, yɛ: Jesus ɓə a Kristə, mąą nu kaa a Yálá lon; ɛlɛɛ, nui a Yálá wɛlila kɛ, yai a non gaamun a non tii Yálá ə gaa, nwɛlila kɛ.

Zɔ̂ŋ Zaaƃai 1:10

Yaan, ŋą́ pa pai, yaa tii woo ɲɔ̨n moi a ku laai, ŋą́ gɛmɛ̨nįɠaa too pono ɲą, ɛlɛɛ, yili hvo kpɛli nii hon ni, hva ɲee hee di mu, ɛlɛɛ, nuąi da kɛ di di yee hee di mu, ə kpɛ̨ąn ɉu, ɛlɛɛ, yɛ di kpɛ gbɔn ɉu.

Zɔ̂ŋ Zaaƃai 1:11

Nwɛ́likɛmąąmun, 'hvó mɛ̨nį ɲɔ̨n pɔɔ kɔɔn, kɛlaa, mɛ̨nį lɛlɛɛ pɔɔ kɔɔn. Nui a mɛ̨nį lɛlɛɛ kɛ, Yálá nwɛi ta li; nui a mɛ̨nį ɲɔ̨n kɛ, hvo Yálá kɔlɔn.

Zɔ̂ŋ Zaaƃai 1:3

Bələi tɛ̨ą mɛ̨nį aa too la pono ɲą, ə́ wɔɔ yɛnɛ̨ɛ̨ kɛ pələ hu, gu nąn nonnii taɠaa di pa ɓɛ, di ə́ mąą kɛla hvaa ɓo, yili ə gwə́inɛ̨ɛ̨ kpɔ kɛnɛ̨; ə́ kaa hiɛi tɛ̨ą kɛɛ pono hu.