Galatə 5:24 - Yálá laawoo hɛɓɛ (dc)

²⁴ Nuąi a Kristə nwɛiɠaa, daa kɔlɔ da ɲee pɔ mɛ̨nįɠaa da niiɓa mɛ̨nįɠaa kəlee kpanwo kolɔwa ɓa.

Yálá laawoo hɛɓɛ

²⁴ Nuąi a Kristə nwɛiɠaa, daa kɔlɔ da ɲee pɔ mɛ̨nįɠaa da niiɓa mɛ̨nįɠaa kəlee kpanwo kolɔwa ɓa.

Bible

²⁴ Ǹyaŋ diai díkaa Zîsɛ Kôrai kponôi da núu ŋɔtùa-pere-nyɔŋ paa da ŋɔtûa-pere-nyɔŋ maa-sɛŋ-wɛliɛ.

Galatə 5:24 ပူးပေါင်းရင်းမြစ်များ

Lomaŋ 13:14

Kɛlaa, ka gu, gu Ną́mu Jesus Kristə kɛ a gu kwąną həɠə, 'ká hvo ká kpɔwɔ lɛɛ kɔlɔ yeekɔnma, ɲɛ̨ikulɔ bɔ laa yɛ hee la ká mɛ̨i.

Lomaŋ 6:6

Mąąnɛ̨ɛ̨ ka gu mɛ̨nį ŋɛ̨i kpaɠala kaa a nɛlɛɛ: Gu kɛ pələ pɔlɔi wɔlɔ gu kɛ ɉu, yili ka ti gu nɛɛ Kristə ɓa yɛ haa la wulu ɓa. Ə gɛ nɛ̨ŋɛ̨n gɔlɔi ti hu ə kala, ə lɛɛ, gu hvo kɛa kɛ a nɛ̨ŋɛ̨n nwɔ luwɔɠaa.

Lomaŋ 8:13

Mąąhɔlɔɓo, ka kɛli yɛnɛ̨ɛ̨ kɛ a kɔlɔ liiɓa, ka haa. Kɛlaa, Gilii ŋɛ̨i Yálá ə dɛɛ ka pɔ ɉaala, ka kɔ́lɔ liiɓa kɛɛ lɛɛ laa, ka yɛnɛ̨ɛ̨ hɔlɔɓo.

Lomaŋ 8:9

Kɛlaa, ka wɛi, ka hvo nu kili yeekɔnma, kɛlaa, Kili-Mąąhəɠɛɛ ɓə; gbala ə tɔɔ, Yálá ŋą Kilii kaa ka hu, nui Kristə nwɔ Kilii hvo ɉu, Kristə nwɔ nu hvə li.

Korɛntə dɔlɔɔ 15:23

kɛlaa, nu kəlee da dɔɔi: Kristə ɓə tɔwɔ, a həɠə laa, nuąi di kaa Kristə yeekɔnma.

Korɛntə dɔlɔɔ 3:23

Kɛlaa, ka káá a Kristə nwɔɔ, Kristə yɛ ɓo a Yálá nwɔɔ.

Korɛntə dɔlɔɔ 6:13

«Kɔ̨nɔ̨n gaa a koo lon nwɔɔ, koo lon yaan, kɔ̨nɔ̨n mɛ̨nį ɓə gaa la nu ɓa.» Tɛ̨ą li, kɛlaa, koo lon da kɔ̨nɔ̨n, gəlee kaa a kala hɛn Yálá ɲɛ̨i ɓa. Kɛlaa, nu kpįnį nwɛi, hvo a túwɔ́ pələ ɲɔ̨n gulɔ nwɔɔ, nu kpįnį kaa a gu Nąmu nwɔɔ, gu Ną́mu yɛ ɓo a nu kpįnį nwɔɔ.

Korɛntə veelɛ 10:7

Ká ká ɲɛ̨i hee tai ká kpɔwɔ mɛ̨nįɠaa hu, akɛ gaa nu ta kwəi, yɛ kɛ gaa a Kristə ŋą nu, ə kɛ lɔ nwɔ̨nɔ̨ tii gwəi, yɛ kɛ, kuɔ kpɛli ku kaa a Kristə ŋą nuą.

Galatə 2:20

ŋą́ kɛli kɛa yɛnɛ̨ɛ̨ kɛ, və́ gɛi gbɔ́wɔ́ ɓa, Kristə ka tii yɛnɛ̨ɛ̨ kɛi ɉú. Gbala ə tɔɔ, ɲɛnɛ̨ɛ̨ yii ŋɛ̨i gáá gɛi nu kɔlɔ hui, gáá gɛi laa na laa hu, Yálá lon ŋɛ̨i nwɛ́lilakɛi, yɛ gbɔwɔ kwɛlɛ mą́ą́ mɛ̨nį ɓa, ɉáálai.

Galatə 3:26

Mąąhɔlɔɓo, ká kəlee kpun, laa na laa háálai, káá kɛ kɛa a Yálá lonni Jesus Kristə hu.

Galatə 3:28

Ɉuifə mɛ̨nį hvo kɛa ɉu, Grɛkə mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛgbɔwɔ ɓa mɛ̨nį hvo kɛa ɉu, hulɔnu mɛ̨nį hvo kɛa ɉu, nɛ̨ɛ̨nu mɛ̨nį hvo kɛa ɉu; gbala ə tɔɔ, ká kəlee káá kɛ kɛa tanɔ̨n Kristə hu

Galatə 3:29

Ɛlɛɛ, akɛ, káá kɛ kɛa a Kristə nwɔɔɠaa, akɛ tii, káá ɓə a Abrahamə kwəi lon, yɛ bələi di naakwɛlanmo la, káá ɓə a gwɛlin ɉəɠə nuą.

Galatə 5:20

hali kɔ mɛ̨nį, kááhɛn ɉəɠɛɛ, yowolaa, woo taɠa mąą, tolo, liikələ gwəi, wɛa túwɔ́, ɓɛlaɓolaa da kpɔn daɠa mɛ̨nį,

Galatə 6:14

Nwɛ́i, ŋą́ kɛ ŋą́ gbɔ́wɔ́ ɲąą kɛnɛ̨, ŋą́ gbɔ́wɔ́ ɲąąkɛnɛ̨ gu Ną́mu Jesus Kristə nwɔ kolowaai mąą mɛ̨nį hu. Kristə nwɔ kolowai háálai, ŋą́ą́ haa yɛnɛ̨ɛ̨ ɲɛ̨i ɓa, yɛnɛ̨ɛ̨ aa haa ɲɛ̨́i ɓa.

Ifisiɛŋ 3:1

Yili mąą mɛ̨nį ɓə, ɲą́ą́ Polə, a Jesus Kristə ŋą gaho nąmu, káái a huwu takpɛliɠaa, ká mąą mɛ̨nį ɓa.

Ifisiɛŋ 3:11

Mɛ̨nįi ə mąą kili tee gwəi ə həɠə wɔlɔ-wɔlɔ ɓa, ə bɔ mɛ̨nį kɛ gu Nąmu Jesus Kristə hu.

Ifisiɛŋ 3:6

Mɛ̨nį loɔ ti ɓaa: huwu takpɛliɠaa daa di wɔɔ nąą hɔlɔɓo gwɛlin ɉɛn dɔ̨nɔ̨ tii hu, di kaa a kɔlɔ tɔ̨nɔ̨ tɔɔ-tɔɔiɠaa, di ɓo a mɛ̨nį laakwɛlanmoɔ hu mɛ̨inɛ̨ɛ̨ hɔlɔɓo nuą Jesus Kristə hu, nwɛlɛɛ lɛlɛɛ háálai.

Kolosə 2:11

Yaa tii ɉu ɓə, káá kɛ la a kɛ́nɛ̨-lonni, ka wɔ kɛ́nɛ̨ kuu hvo kɛ li, yɛ bələi nuą da gɛ la. Kɛlaa, yili ɓə a Kristə ŋą kɛ́nɛ̨ kui; yai gu wɔ nɛ̨ŋɛ̨n gɔlɔi kulɔ guɔ.

Piɛrə dɔlɔɔ 2:11

Nwɛ́likɛmąą nuą, gáá ká hvaŋąlɔ, káái yɛ tɛɛ nuą da nwɛ̨ąą, 'ka hvo ká ɲɛ̨i kulɔ yɛnɛ̨ɛ̨ hɛn da pɔ, yai a kɔ́ pɛlɛ nu nįį ɓa.