Galatə 5:19 - Yálá laawoo hɛɓɛ (dc)

¹⁹ Kɔlɔ liiɓa mɛ̨nįɠaa di wɛi, gu di kɔlɔn, diɛ ɓaa: Wɛli kɛɛ, mąąliɓi túwɔ́ ɓoɔ, túwɔ́ pələ ɲɔ̨n gulaa,

Yálá laawoo hɛɓɛ

¹⁹ Kɔlɔ liiɓa mɛ̨nįɠaa di wɛi, gu di kɔlɔn, diɛ ɓaa: Wɛli kɛɛ, mąąliɓi túwɔ́ ɓoɔ, túwɔ́ pələ ɲɔ̨n gulaa,

Bible

¹⁹ Ǹyaŋ núu ŋɔkɛ-pere-nyɔŋ ŋɔtíi-ŋai su ponoɔ̂i. Dia ƃa, wulu-wulu-kɛɛ, núu kɛ́ɛ maa fe waa ni, wolii-kpɔlɔ,

Galatə 5:19 ပူးပေါင်းရင်းမြစ်များ

Mąątɛ̨nɛ̨ 17:4

Gɛ́ túwɔ́ yɛ nuąi, di hvilɛn ŋąą ə́ hvaa woo pulu, mɛ̨nįɠaai ə́ mo, ŋą́ hvilɛn di pulu.

Ɉaan 3:6

Lon nɛ̨ɛ̨nu a gaa, nu li; lon Kili a gaa, a kɛ tii Kili li.

Lomaŋ 7:18

Mąąhɔlɔɓo, ŋą́ gɔlɔn gwɔ́wɔ́ hu pələ, gɛ́ kɛ: Mɛ̨nį lɛlɛɛ kɛ kili hvo ɉú; mukulaa ɓaa: Yili hvo nwɔ́ nu kɔ́lɔ hu. Bələi mąn mɛ̨nį lɛlɛɛ kɛ kili kaa la ɲą́, gɛ huwalawala hvo ɲə́i.

Lomaŋ 7:25

Mąąwiɛ ə kɛ Yálá ɓa gu Ną́mu Jesus Kristə laa hu, mąąhɔlɔɓo, Yálá ɓə a pɛli mą. Ŋɔ́ kiliŋąhiɛ lɛlɛɛ hu pələ, ŋą́ą́ kɛ kɛa a Yálá nwɔ tɔ́n nwɔ timun, kɛlaa, nwɔ́ nu hvii kpɛɛ laa hu, gáá a nɛ̨ŋɛ̨n nwɔ tɔ́n nwɔ timun.

Lomaŋ 7:5

Ɓɛlɔwai gu kɛ la kɔ́lɔ yee kɔnmą, dɔ́n gala túwɔ́ɠaa lɔ ɓə gu kɛli mo; gu ɓá yɛ kɛ a haa nwɔɔ.

Lomaŋ 8:13

Mąąhɔlɔɓo, ka kɛli yɛnɛ̨ɛ̨ kɛ a kɔlɔ liiɓa, ka haa. Kɛlaa, Gilii ŋɛ̨i Yálá ə dɛɛ ka pɔ ɉaala, ka kɔ́lɔ liiɓa kɛɛ lɛɛ laa, ka yɛnɛ̨ɛ̨ hɔlɔɓo.

Lomaŋ 8:3

Mɛ̨nįi tɔ́n hva pɛli kɛ gɛi, mąąhɔlɔɓo, nu nwɔ hviikpɛɛlaa aa gɛ vaŋą kpɛɛ ɉu, Yálá aa yili kɛ: Aa nɛ̨ŋɛ̨n gití tee nu kɔ́lɔ hu, a gbɔwɔ lon dɛɛi ə mo, ə pa, ə kɛ a nu, ə gbɔwɔ kulɔ a haláá nɛ̨ŋɛ̨n mąą mɛ̨nį ɓa, ə nɛ̨ŋɛ̨n nwun na pili kɔ́lɔ hu.

Lomaŋ 8:5

Yili ɓa: Nuąi di kaa di wɔ yɛnɛ̨ɛ̨ kɛi a nu kili, nu liiɓa mɛ̨nį ɓə niihɛlɛn gaa diɛ. Kɛlaa, nuąi di kaa yɛnɛ̨ɛ̨ kɛi Yálá ŋą Kilii yeekɔn ma, Yálá liiɓa mɛ̨nį ɓə da di liihɛlɛn na.

Lomaŋ 8:9

Kɛlaa, ka wɛi, ka hvo nu kili yeekɔnma, kɛlaa, Kili-Mąąhəɠɛɛ ɓə; gbala ə tɔɔ, Yálá ŋą Kilii kaa ka hu, nui Kristə nwɔ Kilii hvo ɉu, Kristə nwɔ nu hvə li.

Korɛntə dɔlɔɔ 3:3

Hvo gaai, ka káá ni nu kiliŋąhiɛ yee kɔnma. Mąąhɔlɔɓo, tolo da hvaa di kaa ni ka lɔwai; akɛtii nu kiliŋąhiɛ hva mɔ̨ɔ̨ a yili? Ɛlɛɛ, káá túwɔ́ la ti yɛ ɲɛ̨nɛ̨ɛ̨ ŋɛ̨i hu nuą?

Korɛntə dɔlɔɔ 6:18

Ka pu ka həɠə túwɔ́ pələ ɲɔ̨n dɔwɔ, nɛ̨ŋɛ̨n da kpɛliɠaa kaa laa, nu a ɉəɠə hva gɔlɔ mąą liɓi. Kɛlaa, túwɔ́ pələ ɲɔ̨n gulɔmun a nɛ̨ŋɛ̨n ɉəɠə gbɔwɔ kɔ́lɔ ɓa.

Galatə 5:13

Ka wɛi, ną́n nonnii, ká lɛɛ mɛ̨nį ka kpɔwɔ yee kɔnma mɛ̨nį ɓə, Kristə ə ka təli la, kɛlaa, ká hvo nɛɛ gbɔwɔ yee kɔnma laai ti kaa yɛ, mɛ̨nį ká laa ɉu, káá kɔ́lɔ liiɓa kɛ. Kɛlaa wɛlikɛmąą laa hu, 'ká kɛ a ká keeni di wɔɔ tínuą

Galatə 5:17

Gbala ə tɔɔ, kɔlɔ a tɔɔ Kili la, Kili yɛ tɔɔ kɔlɔ la, kɔ heɛi di lɔwai, yili ɓa, 'ká hvo mɛ̨nį ta kɛ lɔ a ká liiɓa.

Galatə 6:8

Nui a gbɔwɔ kɔlɔ lii ɓa hin, kɔlɔ liiɓa hɛn mə a ɉɔlɔɓo: ya ɓaa, a haa. Kɛlaa, nui a Kili-Mąąhəɠɛɛ liiɓa hin, Yálá liiɓa mɛ̨nį ɓə a ɉɔlɔɓo: ya ɓaa, a ɓaloi hva kpɛɛ.

Taitɔ 3:3

Mąąhɔlɔɓo, guɔ kpɛlimąn, gu wɔlɔ kɛ yɛ diɛ, gu hvo kɛli mɛ̨nį ta kpaɠala kaa, gu kwɛli teɛ, gu lanŋąą, guɔ ɓo nu kan niiɓa mɛ̨nį kəlee yee kɔnma, gu tolɔɔ, guɔ wɛlikpɛɛmąą laa kulɔ a gu keeni.

Hebreu 13:4

Hílɛtai yíi mɛlɛ ə kɛ mą nu kəlee ɲɛ̨i ɓa, ɛlɛɛ, hilɛtai gbin, hvo kɔhɔɓo; mąąhɔlɔɓo, túwɔ́ pələ ɲɔ̨n gulɔ nuą, da wɛlikɛ nuą, Yálá kaa pai di kiti teei.

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

M̀ɛni-lɛɛi 22:15

'Ká kulɔ ɲɛnɛ̨ɛ̨ pələ, yilɛɠaa, ɛlɛɛ, kaahɛn ɉəɠə nuą, tuwɔ pələ ɲɔ̨n gulɔ nuą, ɛlɛɛ, da nu paa nuą, hali kɔ nuą, ɛlɛɛ, da nuąi lɛɛ wɛli kaa diɛ, ɛlɛɛ, diɛ lɛɛ kɛ!