Galatə 4:25 - Yálá laawoo hɛɓɛ (dc)

²⁵ Mąąhɔlɔɓo Sinai kaa Arabə lɔi hu. Ɛlɛɛ, Agarə mukulaa ɓaa, Ɉerusalɛmə háákələi, yai a nuwɔ-nɛ̨ą da nonnii.

Yálá laawoo hɛɓɛ

²⁵ Mąąhɔlɔɓo Sinai kaa Arabə lɔi hu. Ɛlɛɛ, Agarə mukulaa ɓaa, Ɉerusalɛmə háákələi, yai a nuwɔ-nɛ̨ą da nonnii.

Bible

²⁵ Eega maa-mɛni káa nɔ́ yɛ̂ɛ Sana Yeei nyíi gáa Arebia-lɔii sui; m̀óloŋɔɔ̂i Zerusâlɛŋ ma nyíi gáa sâa naai, kpɛ́ni fêi, gáa luɛ-laai da ŋɔnîa-pɛlɛɛi.

Galatə 4:25 ပူးပေါင်းရင်းမြစ်များ

Mąątɛ̨nɛ̨ 68:17

Yee nwun damąą ɲąɠaa, lə mɛ̨nį ɓa ka tɛɠɛɓo, Yálá nwɔ yeei hu, a ɲeei tii Yálá kaa bɔ ə hee mɛ̨i? A tɛ̨ą, Yai-Laa kaa pai heei laa, a yələ kəlee mɛ̨nį.

Mąątɛ̨nɛ̨ 68:8

Yálá! Ɓɛlɔwai ə́ kulɔ la, ə́ ɓo ə́ wɔ nuąi ɲɛ̨itɔwɔ, ka diɛni kaa hiɛ nɔi pun ɉu,

Maafîu 23:37

«Ɉerusalɛmə taa! Oo Ɉerusalɛmə, yɛ́i yá Yálá kwəi mɛ̨nį hukulɔ nuą paa, yiiɠaai Yálá a di tɔɔ ə́ pɔ, yɛ́ di hɔɔ a kwɛni diɛ. Ŋą́ kɛ bɔ ŋį́ ə́ lonnii kəlee ŋąąkpɔn yɛ pələi tɛ́ɛ́ kɔ́nwɔ̨lee a nonnii kəlee ŋąąkpɔn na goon mu.

Lukə 13:34

«Oo! Ɉerusalɛmə nuą, kaai ka Yálá kwəi mɛ̨nį hukulɔ nuą paa, nuąi Yálá a di tɔɔ ka pɔ, kaa di paa a kwɛni. Ŋą́ą́ ɉukɔɔn gee mɛ̨i tamąą, gɛ́ ŋą ə́ lonnii ɲąąkpɔn yɛ bələi tɛ́ɛ́ kɔ́nwɔ̨lee a nonnii ɲąąkpɔn na goon mu. Kɛlaa, ka hvo gɛ li.

Lukə 19:44

Di kaa pai ə laɠan ɉii nɔi ɓa, yɛ́ ka ə́ kwəi lonnii, di hvo kpɛli pai kwɛni lɛɛi ɓɛ kwɛni mɛ̨i. Mąąhɔlɔɓo, hvó ə́ ɓalo yələ kɔ́lɔn ni.

Gɛlaɠaa 1:11

di mo galan nɛa ti diɛ, diɛ kɛ diɛ: «Galile nuą, lə mɛ̨nį ɓa ka káá lɔ ɓɛ, ka ɲɛ̨i heɛ ɲələ kpala? Jesus ŋɛ̨i ka ɲɛ̨i ə lɛɛ mą ə tɛ yələkɔlɔn ɉu, bələi lɔ ti ə tɛ la, bələ lɔ ɓə gaa pai pai la.»

Galatə 1:17

ɛlɛɛ, və́ kpɛli tɛ Ɉerusalɛmə, nuąi gbɛa kɛ a gɛlaɠaa dɔ́wɔ́, di pɔ; ŋą́ nɛɛ ɲąąɓa, ŋą́ li Arabə lɔi hu, yili pulu, ŋį́ pənə ŋį́ pa Damasə.

Galatə 4:24

Yili kaa a mɛ̨nį mąą hanwon, Nɛ̨ąą hveelɛi tii kaa a mįnɛ̨ hveelɛi, mįnɛ̨ dɔlɔɔ, yai di ɉəɠə Sinai yee ɓa, luwɔ lon mə ə gaa, yili ka tii, a Agarə.

Galatə 4:26

Kɛlaa Ɉerusalɛmə, yii ɲələi pələ, gaa gbɔwɔ yee kɔnma, yili ɓə a gu lee;

Dutɛrɔnome 33:2

«Yai-Laa ə kulɔ Sinai yee ɓa pələ yɛ pa. Yɛ bələi hvóló a ɓɛla la, ə həɠə Seirə pələ, ə ɓɛla nwɔ nuą mɛ̨i, yɛ həɠə Paran yeeɠaa lɔwai ə pa nwɔ nuąi pɔ, nwɔ malakaɠaa di ɓo bɔ; nwɔ tɔ́n yɛ ɓo ɲəi yɛ kpalan nən.

Hebreu 12:18

Ká hvo ká mąąlɛɠɛ li hɛn da ɓa, yii nu yá ə́ yee tunwɔ̨n mą, yɛ bələi: Nwɔ̨n nən, kɛɛkpinįɛ, kpinį, túlɔ́-hvaŋą,

Nwun mąąɓo 5:5

Yeeɠaa di kɛi kpɛlin Yai-Laa ɲɛ̨itɔwɔ, ə mą kɛ, Sinai yee yaa kpɛli. Yai-Laa, ə́ kaa a Israɛlə nwɔ Yálá.