Galatə 3:13 - Yálá laawoo hɛɓɛ (dc)

¹³ Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Yálá laawoo hɛɓɛ

¹³ Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Bible

¹³ Kôrai e kúŋuŋ ma ƃò dɔ̂ŋ ŋɔnáɣaŋ-laai yêei, kpɛ́ni fêi, ǹyaa kpîŋ è kɛ̀ a naɣâŋ-laa kúmɛni ma-kpɛ́ni fêi, bɔ̃yɛɛ̂i, “Naɣâŋ-laa káa núu kélee ma a sɛ̂lɛŋ wúru mai,”

Galatə 3:13 ပူးပေါင်းရင်းမြစ်များ

Samia Veerɛi 17:23

Yii kɛa Ahitofɛlə ə gaa yɛ di hvo hvilɛn ɉii nwɔ liɛwooɠaai pulu, ə nwɔ hoohvaalən hąą yili ə hvilɛn bələ ɓa, yɛ li bɔ taai. Ə vɛli ɲəi bɛlɛ́n nuą kəlee diɛ, ə li ə gbɔwɔ hɛlɛn. Haai ə mo, di noo nąn gámą hu.

Samia Veerɛi 18:10

Nu ta ə gaa hɛlɛn ni, ə pa yɛ Ɉoabə ɓa: «Ŋą́ą́ Absalɔn kaa hɛlɛn ni wulu ta ɓa.»

Samia Veerɛi 21:3

Davidə ə mo Gabaɔn nuą diɛ, yɛ diɛ: «Lə ɓə ŋą́ pɛli gɛi kaa? Lə ɓə ŋą́ pɛli gɛi a bɔnaa kulɔ hɛn gwa kaa ni gu lɔwai, ə gɛ, ka lúwɔ́ too Yai-Laa kwɛlin ma?»

Samia Veerɛi 21:9

ə di tɛɛ Gabaɔn nuą pɔ, di di hɛlɛn ɲee tona, Yai-Laa lííla. Nu mɛ̨ihveelɛi tii kəlee di haa laa. Di di paa, ɓɛlɔwai di kɛ hihɛnŋaa ma kulɔ la, kpai teɛ kɔ́wɔ tɔɔi lɔwai.

Tɔɔɓɛlaa veelɛ 22:19

yii kpɔ ə́ lii ə too pulu, ə́ ə́ mąą həɠə huɓɛla, yɛ́ wɔlɔ nííla, yili ɓa, ɲą́ą́ gbɛli mąn, ŋą́ą́ mɛ̨n, Yai-Laa nwóó li.

Ɉeremi 44:22

Yai-Laa hva kɛa kɛ pɛli niilaai ka túwɔ́ pələ ɲɔ̨nŋaa tii mu, da ka wɔ nwuɔ̨ mɛ̨nįɠaa, kɛlɛi yili ɓə aa ka wɔ lɔi lɛɛ a lɔi pun, a lɔi kpoloon mąąwɛliɛ, aa kɛ a nɛ̨ŋɛ̨n naa hɛn, nui lɔpee ta hvo nɔi, bələ ɓə gaa la yiihu.

Ɉeremi 49:13

Yai-Laa woo li, gáá gwɛ́lai a gbɔ́ɔ́ kpinį lee, Bɔsra kaa pai lɛɛi a lɔi pun, a taa kpoloon, diɛ gɛ a lalan ɉɛn, da nɛ̨ŋɛ̨n naa hɛn. Daaɠaa kpɔ ɲee hu di kaa pai lɛɛi a taa kpoloon, a yələ kəlee da nwɔɔ.»

Danîa 9:24

Daa mąąhəɠɛɛi ŋɛ̨i, da ə́ wɔ nuąi, mɛ̨nį ta aa ɓo di laa mɛ̨i, yii gaa pai həli diɛ lɔwai pow mɛ̨ihveelɛ heei kwɛlan mɛ̨ihveelɛ yee mu. Nąąlɔwai kaa a lɔwai yii viɛlaɓoɔ, ə gɛ, di kulɔ nwoo mu laa kpɛɛ, nąąlɔwai ɓə di mɛ̨nį ɲɔ̨n gbɛɛ la, di di wɔ nɛ̨ŋɛ̨nŋaa mąąhvaalɛɛ, tələnmolaa yii kpɛɛ hvo mą, di gulɔ pɔ̨nɔ̨ ŋą, hįi kaaɠaa da mɛ̨nįi Yálá kwəi mɛ̨nį hukulɔ mun ə mo naa ə hon. Ɛlɛɛ, nui mąąhəɠɛɛ nu mąąhəɠɛɛɠaa diɛ, di mąątí.

Danîa 9:26

Gwɛlan pow mɛ̨ida kɔ́w hveelɛi heei gwɛlan mɛ̨ihveelɛi tii tɛɛ pulu, hulɔnu ta yii Yálá aa ɉəɠə ɉu ə mąątí, di kaa pai baai, dɔɔ bulu kɛ mun hva hɔlɔɓo nuą lɔwai. Yili pulu, nwun nąmu ta ka pai muhəɠəi, da nwɔ kɔlaɠaɠaai, di daa lee wolo, ə mą kɛ Yálá hee pɛlɛ́. Ə mą kɛ tii, Yálá nwɔ líiɲąnwąną kaa pai pui nui tii mɛ̨i, ə nwɔ yɛnɛ̨ɛ̨ ŋaakpɛɛ. Kɛlaa, gɛɛ hvo pa kɛ haai, gaa pai kɛɛ kalai kɔ́kɔ́ɔ hu, yɛ pələi di mɛ̨nį tii gbən dee la.

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Maafîu 26:28

Mąąhɔlɔɓo, yii kaa a ɲą́mą yii gaa a mįnɛ̨ nįnɛ̨ ɲąmą, yii gaa pai pui nu taamąą di wɔ nɛ̨ŋɛ̨nŋaa mąąhvaalɛɛ mɛ̨nį ɓa.

Maafîu 27:5

Ɉudasə ə nwali pili, ə taɠa-taɠa Yálá hee pɛlɛ́ mu, ə li ə gbɔwɔ hɛlɛn.

Gɛlaɠaa 5:30

Jesus ŋɛ̨i ka ɉon ka gbanwo kolɔwa ɓa, ə haa, ka nąnni pɔlɔɠaa di wɔɔ Yálá, ə gulɔ haaɓɛlaa lɔwai ə gɛ a vulú.

Lomaŋ 4:25

Ya pa, gu wɔ mɔ̨nɔ̨ɠąąi ka tii ə ɉəɠə, ə haa, ə nwun gu mąąhəɠə mɛ̨nį ɓa.

Lomaŋ 9:3

A tɛ̨ą, yii gáá bɔ, a nɛ̨ɛ̨mąn, nɛ́ŋɛ̨n ə laa, ŋį́ gulɔ Kristə nwɔ wɛlikɛmąąlaa hu, nąn nonniii, a diɛi a ɉúwu hu nuą di mąą mɛ̨nį ɓa.

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Galatə 3:10

Gbala ə tɔɔ, dɔn bɔ yíiɓo nuą kəlee, di kaa dɔn ŋą nąŋɛ̨n naa yee mu, hvo gaai, ɉɛɓɛ́ yɛ diɛ: Nui hvo pai Yálá nwɔ tɔ́nŋąą ŋɛ̨i bɛ̨ɛ̨, bɔ yíiɓoi, nɛ̨ŋɛ̨n naai!

Galatə 4:5

Ə pa, ə gɛ, nuąi kɛ dɔ́n mu, ə di nwun mąąɓo, ɛlɛɛ, mąąlaa ə tɛɛ gu pɔ, guɔ pɛli kɛi la a Yálá lonnii.

Ifisiɛŋ 5:2

'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.

Dutɛrɔnome 21:23

Mąą hvo nɛ̨ɛ̨li bowa hvo yii hɛlɛn ni nwulu ɓa; da bowa loo a mąą yələ. Mąąhɔlɔɓo, nui da ɉɛlɛn wulu ɓa, nɛ̨ŋɛ̨n naa ɓə Yálá ə mo; mąą hvo nɛ̨ɛ̨li, hvo ka wɔ lɔi kɔ́hɔ ɓo, yaai Yai-Laa ka wɔ Yálái ə dɛɛ ka pɔ a ka hɔlɔɓo lɔi.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Hebreu 9:12

ɛlɛɛ, lɔi ə mo laa, hvo lɔ li a, ɓolu ɲąmą, hvo lɔ li a nįnɛ̨ ɲąmą, ə lɔ laa, a gbɔwɔ ɲąmą, lɔ taanɔ̨n gbən, ɛlɛɛ, ə nu kanŋaa nwun mąąɓo mɛ̨nį tɛ̨ɛ̨tɛ̨ɛ̨ mąąlaa hɔlɔɓo.

Hebreu 9:15

yili ɓə gɛ, gaa a mįnɛ̨ nįnɛ̨ laamun, a mįnɛ̨ nįnɛ̨ hukɔw. Ə haa, əgɛ, ə nu kanŋaa nwun mąąɓo di wɔɔ nɛ̨ŋɛ̨nŋaa yəi, yai di ɉəɠə mįnɛ̨ tɔlɔɔ tii yee mu; yili pɔ pələ ɓə, nuąi Yálá aa di təli, da pɛlimą kɛa, mɛ̨nį nɛ̨ɛ̨ɠaa naakwɛlanmoɔ, di ɉɔlɔɓo a yələ kəlee mɛ̨nį.

Hebreu 9:26

Akɛ yili ɉuwu ɓə kɛ, Kristə ə li gbɔwɔ kulɔ a haláá geemɛ̨i tamąą, ə həɠə kpɔ yɛnɛ̨ɛ̨ kɔwɔ tɔɔ yələ ɓa. Kɛlaa, a tɛ̨ą. Ə gɛ lɔ taanɔ̨n gbən, a vóló ɲąąkpɛɛi yələi ŋɛ̨i, ə too la pono ɲą, ə nɛ̨ŋɛ̨nŋaa waa, a gbɔwɔ kulɔi ə mo a haláá.

Hebreu 9:28

Pələ lɔ ɓə ə kɛ la, Kristə yaa kpɛlimąn, ə gbɔwɔ kulɔ a haláá taanɔ̨n gbən, ə nu tamąą di wɔɔ nɛ̨ŋɛ̨nŋaa kulɔ diɛ; ɛlɛɛ, gaa lɔ nwɔ̨nɔ̨ pənəi ə pa tii taanɔ̨n a veelɛnąą, yili hvo hvilɛn ni nɛ̨ŋɛ̨n mąą mɛ̨nį ɓa, kɛlaa, gaa pai, nuąi di kaa mąąkpɔn ɉii, di nwun mąąɓo mɛ̨nį ɓa.

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Zɔ̂ŋ Maa-ŋuŋ 4:10

Nwɛlikɛmąą laa tii ka: Guɔ hvəə Yálá wɛlila kɛ, Yaa tii ɓə gu wɛlila kɛ, ɛlɛɛ, ə Non dɛɛ a gu wɔ nɛ̨ŋɛ̨nŋaa waa halaa hɛn.

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,

M̀ɛni-lɛɛi 13:8

Lɔi mɛ̨i heeɓonuą kəlee diɛ kwɛli hvilɛn mą, diɛi kpɔ tii di laa hvo kɛ pɛ̨ɛ̨ li mɛlaa lon di gulɔ a haláá, ŋą yɛnɛ̨ɛ̨ kɛ hɛɓɛ́i hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa.

M̀ɛni-lɛɛi 5:9

Diɛ wələ nįnɛ̨ too, diɛ kɛ mą: «Yɛ́ ɓə ə́ mąąnɛ̨ɛ̨ ə́ ɉɛɓɛ́i ŋɛ̨i hon, ɛlɛɛ, ə́ gɔlɔn ɉɛnɠaa kulɔ mą, gbala ə tɔɔ, Yɛ́ ɓə di ə́ kulɔ a haláá, ɛlɛɛ, yáá nu huwu tamąą, híiwoo tamąą, lɔi lonnii, ɛlɛɛ, da lɔi tamąą nwun mąąɓo a Yálá nwɔɔ, a ə́ ɲąmą