Galatə 2:20 - Yálá laawoo hɛɓɛ (dc)

²⁰ ŋą́ kɛli kɛa yɛnɛ̨ɛ̨ kɛ, və́ gɛi gbɔ́wɔ́ ɓa, Kristə ka tii yɛnɛ̨ɛ̨ kɛi ɉú. Gbala ə tɔɔ, ɲɛnɛ̨ɛ̨ yii ŋɛ̨i gáá gɛi nu kɔlɔ hui, gáá gɛi laa na laa hu, Yálá lon ŋɛ̨i nwɛ́lilakɛi, yɛ gbɔwɔ kwɛlɛ mą́ą́ mɛ̨nį ɓa, ɉáálai.

Yálá laawoo hɛɓɛ

²⁰ ŋą́ kɛli kɛa yɛnɛ̨ɛ̨ kɛ, və́ gɛi gbɔ́wɔ́ ɓa, Kristə ka tii yɛnɛ̨ɛ̨ kɛi ɉú. Gbala ə tɔɔ, ɲɛnɛ̨ɛ̨ yii ŋɛ̨i gáá gɛi nu kɔlɔ hui, gáá gɛi laa na laa hu, Yálá lon ŋɛ̨i nwɛ́lilakɛi, yɛ gbɔwɔ kwɛlɛ mą́ą́ mɛ̨nį ɓa, ɉáálai.

Bible

²⁰ Kwa Kôrai dí kúkpàmo wúru su-tíyeŋɔɔ ma; ǹyaŋ fe ŋɔ́nɔ ɣele ma, fɛ̂ɛ Kôrai nyíi gáa ŋ́gbonôi; vulu-laai nâa ŋa gɛ̂i ŋ́gbonôi, ŋa gɛ̂i a laa-la Ɣâla Ǹóŋ kponôi nyíi ŋ́wɛ̀li é gbîŋ tɛɛ ḿɛni mai.

Galatə 2:20 ပူးပေါင်းရင်းမြစ်များ

Wɛli 7:10

Ə́ woo ə ɉón yɛ lɔɔ nɛ̨ɛ̨! A tɛ̨ą, gɛ́ nɔɔ nɛ̨ɛ̨ ti ɉəɛ nwɛ́likɛmąąmun dɔwɔ, ə yíi nuą laawulun ɉu yɔwɔ.

Maafîu 20:28

Yili ɓə gaa mą, Nu lon ə pa, ə gɛ, ə kɛ a nuą di wɔ kólo kɛmun, ə gɛ ə gbɔwɔ kwɛlɛ nu kpulu kɛnɛ̨ nwun mąąɓo mɛ̨nį ɓa.»

Maafîu 4:3

Nąąlɔwai, ŋąąhɛn kɛ mun ə lɛɠɛ mą, yɛ mą: «A kɛ Yálá Lon mąą yɛ́, mo gwɛnii ŋɛ̨i ta ɓa ə mąąpənə a kɔ̨nɔ̨n, ə mį́į́.»

Ɉaan 1:49

Natanaɛlə ə pənə yɛ mą: «Mąąkwɛli kɛmun, ə́ kaa a Yálá Lon, yɛ ɓo a Israɛlə tɔɔmun.»

Ɉaan 10:11

«Ɲą́ą́ ɓə gáá ɓɛlaa mɛ̨i kaa mun nɛlɛɛ, ɓɛlaa mɛ̨i kaa mun nɛlɛɛ a gbɔwɔ kwɛlɛ nwɔ ɓɛlaaɠaai mąą mɛ̨nį ɓa.

Ɉaan 15:13

Wɛli kɛ mąą laa ta hva tɛɛ yii nu a haa la mɛlaa mąą mɛ̨nį ɓa mą.

Ɉaan 17:21

Ə gɛ, di kəlee di kɛ ɉu tɔ̨nɔ̨, yɛ pələi gu kaa la ɉu tɔ̨nɔ̨. Gwa diɛni gu kɛ ɉu tɔ̨nɔ̨, ə gɛ, yɛnɛ̨ɛ̨ nuą di gɔlɔn diɛ: yɛ́ ɓə dɔ́ɔ́.

Ɉaan 3:16

Mąąhɔlɔɓo, Yálá aa yɛnɛ̨ɛ̨ nuą wɛli la kɛ kpɔ kɛnɛ̨, hvo kɛli ə Non ɉulɔnu tɔ̨nɔ̨ gbən kwɛlɛ, ya ɓə ə gɛ, nui lɔpee a laa na, nwun na hva pili. Kɛlaa, a yɛnɛ̨ɛ̨ kpɛɛ hvo mą hɔlɔɓo Yálá yei.

Ɉaan 3:35

Lon wɛli kaa Nąn ma, a mɛ̨nįɠaa kəlee mąą huwalawala lɛɛ ɲei.

Ɉaan 6:57

Ną́n Yálá ŋɛ̨i dɔ́ɔ́ gaa a vulú, gáá yɛnɛ̨ɛ̨ kɛi ɉaalai. Yili ɓə gaa mą, nui a ɉúwɔ mįi, a kɛ a vulú ɲą́ą́ ɉaalai.

Ɉaan 6:69

Ku wɛi, kwaa laa na, kwaa gɔlɔn kuɔ ə́ kaa a Yálá nwɔ mąąhəɠɛɛ.»

Gɛlaɠaa 8:36

Di kɛɛ kɛa bələ pɔ, di həli kɛɛnąą ta, yálee yɛ ɓo laa, gbɛtɛgbuwului ti yɛ Filipə ɓa: «Yálee ka, lə mɛ̨nį ɓə a pɛli kpɛ̨ąn ɉii mą́ą́waa mɛ̨nį hu?»

Gɛlaɠaa 9:20

Solə ə nɛɛ ɲąąɓa yɛ mo Yálá hvɛli pɛlɛ́ɠaa mu, yɛ kɛ diɛ: Jesus kaa a Yálá lon.

Lomaŋ 1:17

Yaan, bələi Yálá a nu kɛ la a tələnmomun yaa kpinįi ɲɛ̨i ɓa, nwɛlɛɛ lɛlɛɛ ɓə a yili lɛ. Ə həɠə gɔwɔ tɔɔi lɔwai ɓa, ə lɛɛ ɉu ɲąąkpɛɛi lɔwai, laa na laa lɔ ɓə. Yɛ bələi bɛ̨ɛ̨i la, diɛ kɛ mą: Nui tələnmoɔ a yɛnɛ̨ɛ̨ kɛ, nwɔ laa na laa háálai.

Lomaŋ 14:7

A tɛ̨ą, nu ta hvo yɛnɛ̨ɛ̨ gbɔwɔ ɓa, nu ta hva nwɔ̨nɔ̨ haa gbɔwɔ ɓa.

Lomaŋ 3:22

Yálá a nu kɛ a tələnmomun ɲɛ̨i ɓa akɛ mąą nu a laa Jesus Kristə la. Nuąi da laa Jesus Kristə la, diɛ ɓə Yálá a yili kɛ diɛ. Mąąhɔlɔɓo, nu ta hvo hviala ɓo li mɛlan ma.

Lomaŋ 4:25

Ya pa, gu wɔ mɔ̨nɔ̨ɠąąi ka tii ə ɉəɠə, ə haa, ə nwun gu mąąhəɠə mɛ̨nį ɓa.

Lomaŋ 5:2

Ɉaalai, gwa pɛli kɛa gu mąą lɛɠɛ Yálá ɓa, laa na laa pɔ pələ, nwɔ mɛ̨inɛ̨ɛ̨ hu ɓə, gwa gu kpɔwɔɲąą kɛnɛ̨, a kilitɔɔmąąlaa Yálá mąąwiɛ pələ hu.

Lomaŋ 5:6

A tɛ̨ą, ɓɛlɔwai hvaŋą hvo kɛ la gu yəi, Yálá nwɔ yələi ə ɉəɠə ɉu ɉəliɛ, Kristə ə haa mɛ̨nį ɲɔ̨n gɛ nuą mąą mɛ̨nį ɓa.

Lomaŋ 5:8

Kɛlaa, bələi Yálá ə nwɔ wɛlikɛmąąlaa lɛ la guɔ, bələ ka: Ɓɛlɔwai gu kɛ la a nɛ̨ŋɛ̨n ɉəɠə nuą, nąąlɔwai ɓə Kristə ə haa la gu mąą mɛ̨nį ɓa.

Lomaŋ 6:13

Ka hvo ka tɔɔ-tɔɔiɠaa ta lɛɛ laa hvo kɛ a nɛ̨ŋɛ̨n nwɔ tiɓo kɛhɛn, yii a kɛ mɛ̨nį ɲɔ̨n gɛi la. Kɛlɛɛ yaamunn, ka ka kpɔɔ tɛɛ Yálá pɔ yɛ nuąi daa kulɔ haa hu daa kɛ a di húlu. Ka ka kɔ́lɔ nąą kəlee lɔ nwɔ tiɓo hu, ə gɛ, yii gaa a tələnmo mɛ̨nį ka yili kɛ.

Lomaŋ 6:8

Akɛ gu laai na guɔ diɛ gwa Kristə a ni gwaa haa gu kee pɔ, gu laai na guɔ diɛ gwa diɛ ni gu kaa pai yɛnɛ̨ɛ̨ kɛi gee pɔ.

Lomaŋ 8:10

Akɛ Kristə kaa ka hui, bələi mąn haa pɛ̨ɛ̨ la ka nwuɔ̨, a nɛ̨ŋɛ̨n naa pɔɔi; Gilii Yálá ə dɛɛ ka pɔ gaa a ka wɔɔ yɛnɛ̨ɛ̨, tələnmolaa háálai.

Lomaŋ 8:37

Kɛlaa, yili kəlee hu, yeetɛɛmąąlaa kaa ku yəi, nui ku wɛlila kɛ ɉaalai.

Korɛntə dɔlɔɔ 6:17

Kɛlaa, nui da Ną́mu daa yili di kee ɓa, di kili a kɛ tanɔ̨n.

Korɛntə veelɛ 1:24

Ə kɛ ŋɛ̨i yɛ kwa hee ká wɔɔ kalan mɛ̨į, ya hvəə, kɛlaa, ku yee pɛlɛ ɓə ku kaa moi ká wɔɔ kwəinɛ̨ɛ̨ ɓa, hvo gaai, galan mɛ̨nį nwɛi, ká yee kaa mą a nwalawalaa.

Korɛntə veelɛ 10:3

Bələi mąn ku ka la a nu kanŋaai, kɛlaa ku wɔ kɔ́i ku kaa gɔ́i, ku hvo gɔ́i a nu kili.

Korɛntə veelɛ 11:10

Kristə mąą tɛ̨ąi heeni ɉú, ɉáálai, gáá kpɔ moi gɛ́: Ɲɛ̨́i pono mɛ̨nįi gaa Akaiə lɔi hu, hva kulɔ ɲə́i.

Korɛntə veelɛ 13:3

hvó gaai, ká káá bɔ ká gaa, káá Kristə ɓə pə́lə́ ɓoi káá, bɔ́ pələ. Kristə hvįi hvo kpɛɛli ká mąą mɛ̨nį ɓa, kɛlaa a nwɔ huwalawalaa kulɔ pono ŋą ka lɔwai.

Korɛntə veelɛ 13:5

Káá kpinįi, 'ká ká kpɔwɔ mąą mɛ̨nį hukpɛ, ká gaa tai, akɛ ká káá laa na laa hu. 'Ká ká kpɔwɔ hukɔɔn dai, ká hvo mɔ̨ɔ̨ gbaɠala kɔlɔn, káá kɛ Jesus Kristə kaa ká hu? Hvo kɛli lɔ kani ká hukɔɔn di moi, ká hvo kulɔ li ɉu.

Korɛntə veelɛ 5:14

Kristə nwɔ wɛlikɛmąąlaa aa hee ku hu, ku kili kaa ɉu kuɔ, yii nu tɔ̨nɔ̨ ɓə nu kəlee pulu haa ɓo, akɛti kani, nu kəlee ka ti haa.

Korɛntə veelɛ 5:15

Ɛlɛɛ, ə nu kəlee pulu haa ɓo, ə gɛ, nuąi di hvulú kɔwɔ ɲą, di hvo yɛnɛ̨ɛ̨ kɛ a di kpɔwɔ mąą mɛ̨nį, kɛlaa, di yɛnɛ̨ɛ̨ kɛ nui haa ə nwun, mąą mɛ̨nį ɓa.

Korɛntə veelɛ 5:7

Hvo gaai, ku kaa ku wɔɔ yɛnɛ̨ɛ̨ kɛi laa na laa hu, ku ɲɛ̨i hvo tɔɔ li hɛn da ɓa.

Galatə 1:4

gu Nąmui tii ɓə gbɔwɔ kulɔ a haláá gu wɔɔ nɛ̨ŋɛ̨nŋaa mąą mɛ̨nį ɓa, ə gɛ, ə gu kulɔ ɲɛnɛ̨ɛ̨ ŋɛ̨i hu mɛ̨nį ɲɔn ɲee kɔnma, yɛ bələi Yálá liiɓa kaa la, yai a gu Nąn.

Galatə 2:16

Ku kili kaa ɉu kuɔ, nu hva pɛli tələnmolaa hɔlɔɓoi dɔn bɔ yíiɓoɔ hu, kɛlaa nu a laa Jesus Kristə la, ya ɓə a tələnmolaa hɔlɔɓo la; kuɔ kpɛli, ku laa Jesus Kristə la, kuɔ pɛli kɛ a tələnmo nuą Kristə nwɔ laa na laai háálai, hvo kɛ li a dɔn bɔ yíiɓoɔ. Gbala ə tɔɔ, nui lɔpee ta hvo pai tələnmolaa hɔlɔɓoi dɔ́n bɔ yíiɓoɔ hu.

Galatə 3:11

Yaan gaa a tɛ̨ą, nu hva pɛli kɛi a tələnmomun Yálá ɲɛ̨i ɓa, dɔ́n tii ɉáálai. Mąąhɔlɔɓo, tələnmomun a yɛnɛ̨ɛ̨ kɛ laa na laa háálai.

Galatə 5:24

Nuąi a Kristə nwɛiɠaa, daa kɔlɔ da ɲee pɔ mɛ̨nįɠaa da niiɓa mɛ̨nįɠaa kəlee kpanwo kolɔwa ɓa.

Galatə 6:14

Nwɛ́i, ŋą́ kɛ ŋą́ gbɔ́wɔ́ ɲąą kɛnɛ̨, ŋą́ gbɔ́wɔ́ ɲąąkɛnɛ̨ gu Ną́mu Jesus Kristə nwɔ kolowaai mąą mɛ̨nį hu. Kristə nwɔ kolowai háálai, ŋą́ą́ haa yɛnɛ̨ɛ̨ ɲɛ̨i ɓa, yɛnɛ̨ɛ̨ aa haa ɲɛ̨́i ɓa.

Ifisiɛŋ 3:17

Ə gɛ Kristə ə ɉeei kaa ká nįį pɔ, laa na laa hu, ká hamu ə kɛ a vilɛnŋąa, dɔɔ a nwalawala wɛlikɛmąąlaa mɛ̨i.

Ifisiɛŋ 5:2

'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.

Ifisiɛŋ 5:25

Hinąą, káán, 'ká ká nɛ̨ąni wɛlilakɛ yɛ bələi Kristə ə Yálá ŋą kpɔn wɛlilakɛ la, ɛlɛɛ, ə gbɔwɔ kulɔ a haláá mąą mɛ̨nį ɓa.

Filipə 1:21

Mąąhɔlɔɓo, ŋą́ kɛ vúlú kɔwɔ ɲą, nwɔ́ yɛnɛ̨ɛ̨ ɓaa a Kristə, ŋį́ haa, yili kaa mą́ą́ a tɔ̨nɔ̨ kɛnɛ̨ɛ̨.

Filipə 4:13

Kristə háálai, ŋą́ pɛli ŋį́ nííkpələ mɛ̨nįɠaai ti kəlee hu.

Kolosə 1:27

Bələ ɓə ə kɛ la tii bɔ, ə mɛ̨nįi tii ŋą yəi-kɛnɛ̨laa da ŋą mąąwiɛlaa lɛ la huwu takpɛliɠaa lɔwai, a Kristə kɛ mɛ̨nį ká lɔwai, a kilitɔɔmąą laa, a mąąwiɛlaa!

Tɛsalonikə dɔlɔɔ 1:10

ɛlɛɛ, Non ŋɛ̨i ə nwun haa yəi, ə tɛ la yələi, yai a Jesus, yai a gu kulɔ liiholui gaa pai ɲəi, káá mąą mąąkpɔn.

Tɛsalonikə dɔlɔɔ 5:10

ə haa gu mąą mɛ̨nį ɓa, əgɛ, gu kɛ yíi-o, gu kɛ a ɲɛ̨i-o, guɔ yɛnɛ̨ɛ̨ kɛ a ɲiliɛ mą.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Hebreu 8:3

Ɉaláá laa həli mun gɛnɛ̨i lɔpee da ɉeei, ya ɓə a, Yálá kɔ hɛn da ɉaláá hɛnŋaa laa həli; hvo kɛli yaa kpɛlimąn, hɛn da ə kɛ ɲəi yɛ naa həli gbɔwɔ mąą mɛ̨nį ɓa.

Piɛrə dɔlɔɔ 1:8

a yaa tii káá nwɛli la kɛ, ká ɲɛ̨i hvo mąi ɛlɛɛ, káá laa na, ká hvo nwɔ̨nɔ̨ gaai; 'ká pili kani yələi a kwəinɛ̨ɛ̨i ɲɛ̨n deei hvo mą, a mąąwia,

Zɔ̂ŋ Maa-ŋuŋ 1:7

Kɛlaa, a kɛ gwa kɛi hiɛ kɛɛ pono hu, yɛ bələi Yaa kpinii gaa la a kɛɛ pono, akɛ tii gu kəlee gu kaa ɉu tanɔn, Non Jesus ɲąmą a gu mąąhəɠə nɛ̨ŋɛ̨n ɲəi.

Zɔ̂ŋ Maa-ŋuŋ 4:14

Ku wɛi, kwa mąą kɛla hvaa ɓo, kuɔ, ku gaa, ɛlɛɛ, kuɔ, Nąn ə Non dɔɔ, ə kɛ a yɛnɛ̨ɛ̨ ɓalomun.

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,

M̀ɛni-lɛɛi 3:20

Ɓɛ kaa, gáá tɔɔni bɛlɛ́ laaləi, gɛ gbon gɛlɛ. Nui a nwóó mu hon, ɛlɛɛ, ə bɛlɛ laa ɓo, ŋą́ lɔ bɔ bɛlɛ́n, ɛlɛɛ, kwa yaa ku ku yee lɔ kɔwɔ tɔ̨nɔ̨ hu.