Galatə 2:12 - Yálá laawoo hɛɓɛ (dc)

¹² Hvo gaai, gɛɛ kɛ nuąi Ɉakə ə di tɔɔ, di hvo pa, Sefasə da huwu takpɛliɠaa di kɛli kɔ̨nɔ̨n mįi gee ɓa, kɛlaa, yii kɛa Ɉuifəɠaai ti di pa, ə mąą kwɛa ɉuwu takpɛliɠaa ti diɛ, ə tɔɔ a dee, yɛ ɲɔw Ɉuifəɠaa diɛ,

Yálá laawoo hɛɓɛ

¹² Hvo gaai, gɛɛ kɛ nuąi Ɉakə ə di tɔɔ, di hvo pa, Sefasə da huwu takpɛliɠaa di kɛli kɔ̨nɔ̨n mįi gee ɓa, kɛlaa, yii kɛa Ɉuifəɠaai ti di pa, ə mąą kwɛa ɉuwu takpɛliɠaa ti diɛ, ə tɔɔ a dee, yɛ ɲɔw Ɉuifəɠaa diɛ,

Bible

¹² Kpɛ́ni fêi, ǹûai kùla Zĩi pɔ naai, dí lɛ́ɛ pâi, Pitɛ da Zɛ̃tai-ŋai dí dílaa mìi; kɛ́lɛ, tãi ǹûai ŋí dí pà lai, Pitɛ da Zɛ̃tai-ŋai dífe ŋɔ́nɔ dílaa mii ni. E gbîŋ kùla dísama, kpɛ́ni fêi, è kɛ̀ yáôi diai dîa dí mò a gɛ́ɛ fɛ̂ɛ dí núu kpɛtɛ é lɛ́ɛ kɛ̂i a Kôrai-nuui.

Galatə 2:12 ပူးပေါင်းရင်းမြစ်များ

Hanwon 29:25

Ɲɔw kɛnɛ̨ a hɛlɛn dɛ nuą tɔwɔ. Kɛlaa, nui a gilitɔɔ Yai-Laa ɓa, a mąą nu mɛ̨i kaa.

Azaya 57:11

Gbɛɛ ɓə ə́ kɛi ɲɔw mą, yɛ́ mówo kpɔ tii? Yai ə́ lənə la mą́ą́? Yai gíli hvo mą kɛa lɛɛ ə́ ɲąą? Nwɛ́i, ɉu aa kɛa, və́ kwɛi hvaa ə́ pɔ, hvo kɛ tii? Nąąlɔwai, hvó kɛli kɛa mą́ą́wiɛ.

Azaya 65:5

Diɛ kɛ diɛ: «Ə́ kili kɛ ə́ kpɔwɔ hu, hvo lɛɠɛ mą́ą́, və́ nəi pa ə́ kɛ a mąąhəɠəmun.» Dúwɔ taaleei tii a níí holi, nulu yɛ tɛ ɲɛ̨́i, ə ɓo yɛ nwɔ̨n a túwɔ́ lən ɉii.

Lukə 15:2

Farisiɛ̨ɠaa da dɔ́n galamɔ̨ɔ̨ɠaa di líí ə holi, diɛ kɛ di kee ɓa: «Nui ŋɛ̨i a ɲee hee túwɔ́ pələ ɲɔ̨n gulɔ nuą mu, ɛlɛɛ, da diɛni diɛ kɔ̨nɔ̨n mį́į́ gee ɓa.»

Lukə 5:38

Kɛlaa, mąąnɛ̨ɛ̨, nu ə lɔɔ nįnɛ̨ pu hvólówo nįnɛ̨ hu.

Gɛlaɠaa 10:28

yɛ diɛ: «Ká kili kaa ɉu kaa kɛ, tɔn nwalawala kaa Ɉuifəɠaa mɛ̨i, di ta hva pɛli lɔi huwu takpɛli yəi bɛlɛ́n, di hvo nulaa kɛ. Kɛlaa, nwɛ́i, Yálá aa gilaa pono, yɛ, mąą hvo nɛ̨ɛ̨li və́ nui lɔpee ta kaa a nu kɔ́hɔɓoɔ, a wala kɛ ti a nu ɲɔ̨nwɔ̨ɔ̨.

Gɛlaɠaa 12:17

Piɛrə ə mo diɛ a ɲee, yɛ di di mɛ̨iháá. Ɛlɛɛ, bələi gu Ną́mu ə gulɔ la gaho pɛlɛ́ mu, ə ɉukulɔ diɛ; ə nwoo laa kulɔ, yɛ diɛ: «'Ká li ká ɉukulɔ Ɉakə ɓa da gu Nán nonnii yiiɠaai ti.» Yili pulu, ə kulɔ ə li pələ takpɛli.

Galatə 2:14

Kɛlaa gáái ŋį́ mo, hvo hiɛi yɛ bələi nwɛlɛɛ lɛlɛɛ mąą tɛ̨ą kaa la, gbɔn gəlee ɲɛ̨i ɓa, gɛ́ Sefasə ɓa: Akɛ, yɛ́i ə́ kaa a Ɉuifə, ə́ ə́ wɔɔ yɛnɛ̨ɛ̨ kɛ yɛ huwu takpɛliɠaa, hvó gɛ li a Ɉuifə yíi, yá pɛli tɔɔi ləi, yɛ́ kpala huwu takpɛliɠaa la, diɛ túwɔ́ yɛ Ɉuifəɠaa?

Galatə 2:9

Ɛlɛɛ, mɛ̨inɛ̨ɛ̨i Yálá ə gɛ mą́ą́, di ɉukɔlɔn, Ɉakə, Sefasə da Ɉaan, diɛi kɛ di kɔ́lɔnŋąą yɛ gbɔn ɉu kɔwɠaa, di di yee laa ku yəi, ɲą́ą́ kwa Barnabasə, yili a nɛ yɛ kwa diɛni ku woo tɔɔi aa kɛ tanɔ̨n, ə gɛ, kwəli huwu takpɛliɠaa pɔ, diɛi tii, di li gɛ́nɛ̨lɛa pɔ pələ.

Ifisiɛŋ 2:15

Kristə aa dɔn nwoo həɠə mą, da ɉu tíɓoɠaa ə mą kɛ, mąą tɔnŋaa; bələ ɓə ə paa la a liilaa, Ɉuifəɠaa da nuąi di hvo kɛ Yálá kɔlɔn di pɔ, a di kɛi ə mo a nu tanɔ̨n, a nu nįnɛ̨, gbinį lee hu.

Ifisiɛŋ 3:6

Mɛ̨nį loɔ ti ɓaa: huwu takpɛliɠaa daa di wɔɔ nąą hɔlɔɓo gwɛlin ɉɛn dɔ̨nɔ̨ tii hu, di kaa a kɔlɔ tɔ̨nɔ̨ tɔɔ-tɔɔiɠaa, di ɓo a mɛ̨nį laakwɛlanmoɔ hu mɛ̨inɛ̨ɛ̨ hɔlɔɓo nuą Jesus Kristə hu, nwɛlɛɛ lɛlɛɛ háálai.

Tɛsalonikə dɔlɔɔ 5:22

'ká ká mąą kwɛa mɛ̨nį ɲɔ̨n ɉuwui lɔpee gəlee ɓa.