Galatə 1:7 - Yálá laawoo hɛɓɛ (dc)

⁷ Ə kɛ ŋɛ̨i, nwɛlɛɛ lɛlɛɛ takpɛli ɓə laa, yili hvəə, nuą lɔ ɓə ka ɓowoi, diɛ kɛ di Kristə mąą wɛlɛɛ lɛlɛɛ ɲɛ̨ilai ɲɔ̨nwɔ̨ɔ̨ hee mą.

Yálá laawoo hɛɓɛ

⁷ Ə kɛ ŋɛ̨i, nwɛlɛɛ lɛlɛɛ takpɛli ɓə laa, yili hvəə, nuą lɔ ɓə ka ɓowoi, diɛ kɛ di Kristə mąą wɛlɛɛ lɛlɛɛ ɲɛ̨ilai ɲɔ̨nwɔ̨ɔ̨ hee mą.

Bible

⁷ zu-kulai fa a gɛ́ɛ tuŋ da kpɛni káa naa, kɛ́lɛ, núu da-ni díkaa naa da káfũa-fũa, díkɛ ŋ̀wɛli dí Kôrai ŋɔtuŋ lɛ́lɛɛi maa faleŋ.

Galatə 1:7 ပူးပေါင်းရင်းမြစ်များ

Ɉeremi 23:26

Di kaa pai lɛɛi yili hu, ɛlɛɛ la ɉu mįnɛ̨ lɔwai? Nuą tii di kpɔɔ kɛi a Yálá kwəi mɛ̨nį hukulɔ nuą, diɛ lɛɛ kɛ, akɛti hɛn da kaa mɔ̨ɔ̨ di nwun ɉu? Diɛi da mɛ̨nį kulɔ di nwun ɉu diɛ mo a lɛɛ.

Ɉeremi 23:36

Kɛlaa, ka hvo kɛa Yai-Laa nwɔ tiɛ̨i mąą mɛ̨nį ta ɓo. Diɲɛ kaa pai kɛi a ka kəlee tɛi tɛi ka hvaa woo. Mąąhɔlɔɓo, ka kɛ Yai-Laa Mɛ̨nį Kəlee ŋą Hééɓomun ku wɔ Yálái, yaai gaa Yálá hvulú vaa woo mąąhvaalən ɉii.

Maafîu 24:24

Mąąhɔlɔɓo, lɛɛ kɛla tamąą kaa pai pai, da lɛɛ nuą tamąą diɛ kɛ diɛ: Nwun mąąɓomun mąą a ɲą́ą́. Ɛlɛɛ diɛ kpalo mɛ̨nį tamąą kɛ, da kwəi pili mąą mɛ̨nįɠaa, ə gɛ, di nuą ɓowo, a kɛ kɛ di yee a pɛli, dəli kɛ Yálá nwɔ nu mąąhəɠɛɛɠaai diɛ kpɛli di ɓowo.

Gɛlaɠaa 13:10

Hulɔnu yɛ́ ɓə! Yɛ́i ə́ laahvɛɛ a gbąną-gbąną huwu kəlee da nwąnąlɔɔ, ə́ nąnį lon tii, tələnmolaa ɲowo kɛnɛ̨, hvó mɔ̨ɔ̨ pai kpɛlai ku Ną́mu Yálá nwɔ pələ haŋąai hukpinįn ɉi, a bələ haŋąnŋąąi ti?

Gɛlaɠaa 15:24

Kwaa bələ mɛ̨n diɛ; ku taɠaa daa pa laa ká pɔɔli, diɛ ká kwəi pilimąą wooɠaa, da ká hupu wooɠaa ɓo káá. Kuɔ hvəə di tí a yili.

Gɛlaɠaa 20:30

Ə mą kɛ ka lɔwai, nu taɠaa kaa pai kɛi lɛɛ kɛi, ə gɛ di laa na nuą nwun dinɛn, di di hvilɛn di pulu.

Korɛntə veelɛ 11:13

Mąąhɔlɔɓo, nuąi ti di kaa a lɛɛ kɛlaɠaa, a lɛɛ nuąi, yá di kaa yɛ, Kristə ŋą kɛlaɠaa.

Korɛntə veelɛ 2:17

Ku hvo yɛ nuąi da kɛ Yálá lawoo kɛi a hɛn gwɛli hɛn. Kɛlaa yaamun, kwa gɛ a kwəi kwələlaa, Yálá ɓə ku tɔɔ la, kwa gɛ Yálá ɲɛ̨i ɓa, kwa kɛ pələ ɓoi Kristə laa hu.

Korɛntə veelɛ 4:2

Nwumɛ̨ mɛ̨nįɠaai noɔ, kwaa lənə yiliɠaa diɛ, ku hva túwɔ́ a nuą ɓowo pələ, ɛlɛɛ, ku hvo nwɔ̨nɔ̨ Yálá laawoo mąąhvalin, kɛlaa yaamun, nwumɛ̨ mɛ̨nį, kwaa yiliɠaai lɛɛ laa, ku hvo gbąnąlaa túwɔ́ ɓoi, ku hvo Yálá lawoo ɲɛ̨ilaai mąą hvalin Ɉii. Kɛlaa yaamun, tɛ̨ą yii gaa ɉu, ya ɓə kwa nɛ a ɉuponoɔ, ə gɛ, nu kəlee di kilitɔɔ mąą laa hɔlɔɓo Yálá ɲɛ̨i ɓa.

Galatə 1:6

Yálá ə ká təli kpɔ a nɛ̨ɛ̨laa Kristə háálai, kɛlaa, ká pulu tɔɔ mɛ̨nį mą kpɔlɔɔ ti ɉa, káá ká ɲɛ̨i tinɛ̨n, kaa ɉee wɛlɛɛ lɛlɛɛ takpɛli ɓa, yili aa gwə́i pili mą́ą́.

Galatə 2:4

bələi mąn nɛɛ kalan nɛa tii di kɛ la bɔ. Di pa ku lɔwai yɛ nɛ̨nɛ̨ɛ̨n-naa kɛ nuą; di kɛ bɔ di gaa, bələi ku kaa ku wɔɔ lɛɛgbɔwɔ ɓa laa hon ɉii la, a yai həɠə Jesus Kristə pɔ pələ, ə gɛ, di ku lɔ di yee mu.

Galatə 4:17

Nuąi ti di kaa mɛ̨nį kpɛa-kpɛaɠaa kɛi káá, ká ɲɛ̨i kwɛli mɛ̨nį ɓə, kɛlaa, di kwəi hvo kwələ li, di kaa lɔ bɔ, di ká kulɔ ɲə́i, əgɛ, ká ká ɲɛ̨i lɛlɛɛ hee di pɔ pələ.

Galatə 5:10

Nwɛ́i, gílitɔɔ gu Ną́mu ɓa, ká mąą mɛ̨nį hu; ká hvo pai ɉon ɉii a pələ takpɛli. Kɛlaa, nui tii ká nwun ɉu kɛi vuwú-vuwú, gaa pai vɛla hɔlɔɓoi, a pələ lɔpee.

Galatə 5:12

Akɛ yili kaa tii, nuąi ká nwun ɉu kɛi vuwú-vuwú, di hvo kpɛla lɔ di kpɔwɔ kɛ́nɛ̨ kɛɛ ɓa, kɛlaa di gəlee tee laa kpɔ tɛ̨ɛ̨tɛ̨ɛ̨?.

Galatə 6:17

Ə həɠə yiihu ɓa, və́ bɔ nu ta hvo nwə́lii woo ɲąąnwąną, mąąhɔlɔɓo, gbɔlɔɔnŋąa ŋɛ̨i gaa gɔ́lɔ́ ɓa, da nɛ diɛ: Jesus nwɔ ɓaa a ɲą́ą́.

Timote veelɛ 2:18

Daa həɠə tɛ̨ą pələ mɛ̨i, diɛ kɛ, haaɓɛlaa daa gbɛa nwun; diɛ nu tamąą di wɔɔ laa na laa həɠə la tii bələ mɛ̨i.

Zɔ̂ŋ Maa-ŋuŋ 2:26

Yili ŋą hɛɓɛ́ ɓə ŋą́ kɛ bɔ, ŋą́ dɛɛ káá, yɛ hvilɛn na nuą di kaa bɔ di ká lan, di mąą mɛ̨nį ɓa.

Zɔ̂ŋ Maa-ŋuŋ 4:1

Nwɛ́likɛmąą nuą, 'ká hvo laa mąąkwɛli kɛ nuą kəlee woo la, kɛlaa, 'ká di mąąkpɛɛ, ə gɛ, ká gaa, akɛ ə həɠə Yálá pɔ; mąąhɔlɔɓo, lɛɛ nuą tamąą daa di kpɔwɔ kɛ a Yálá kwəi mɛ̨nį hukulɔ nuą daa taɠa-taɠa yɛnɛ̨ɛ̨ nąą kəlee.

Zɔ̂ŋ Veerɛi 1:10

Nu ta a pa ká pɔ, hvo pa li a laa na pələ yili, 'ká hvo ká yee hee mu, ɛlɛɛ, 'ká hvo kpɛli balúwɔ́ɲɛ̨n.

Zɔ̂ŋ Veerɛi 1:7

Mąąhɔlɔɓo, nu ɲąąhɛn nuą tamąą daa taɠa-taɠa yɛnɛ̨ɛ̨, Di hvo laa li Jesus Kristə kɛ mɛ̨nį a nu, na. Ya ka tii, a ɲąąhɛn kɛmun tii, a Kristə ɲowoi tii!

Zûu 1:4

Mąąhɔlɔɓo, nu ɲɔ̨nwɔ̨ɔ̨ tamąą daa lɔ ka lɔwai, diɛ guɔ Yálá nwɔ mɛ̨inɛ̨ɛ̨ woo ŋɛ̨i mąą pənə a di kpɔɔ liiɓa. Ə gɛ, di di wɔ túwɔ́ pələ ɲɔ̨nŋaai lɛ yɛ tɛ̨ą mɛ̨nį. Diɛ lənə Jesus Kristə ɓa, yai gaa a gu mąąkwɛlimun tanɔ̨n gbən da gu Námui. Yálá lawoo a wɔlɔ nuą tii di nwun napili mąą mɛ̨nį ɓo ɉu aa kwɛa.

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.

M̀ɛni-lɛɛi 13:14

Ə kɛli lɔi mɛ̨i nuą nwun ɉu lan a gbalo mɛ̨nįɠaai di gɛɛ mąą laa tɛɛ bɔ, yɛ gɛ ɉuwɔi tii ɲɛ̨i mu. Ə mo diɛ, yɛ kɛ, ɉuwɔi tii di nwąną a ɓowa kwɛaa, ɛlɛɛ, bala ə kpɛɛi, di mąąnįnįn bɛli, di dɔɔ.

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.

M̀ɛni-lɛɛi 2:2

Ŋą́ ə́ kɛ-mɛ̨nįɠaa kəlee kɔ́lɔn, yɛ́ kóló kɛ pələ, da ə́ hvaŋąlɔ pələ, ɛlɛɛ, hvá pɛli nwąnąlɔ nuą heei kulɔi. Nuąi da di kpɔwɔ kɛ a kɛlaɠaa, yaan di hvo la, yáá di mąąkpɛɛ, ɛlɛɛ yaan, di hvo kpɔ la, ɛlɛɛ yáá di kaa kpɔ tii a lɛɛ nuą.

M̀ɛni-lɛɛi 2:20

Kɛlaa, ə́ hɔn da kaa laa, ya ɓaa, yá kɛ Ɉezabɛlə mąąwɛli kaai, a nɛ̨ɛ̨nui tii a kɛ gbɔwɔ kɛi a Yálá kwəi mɛ̨nį hukulɔ mun, ɛlɛɛ, yɛ nwɔ́ tínuą nwun ɉu lan, yɛ di mąąkwɛli a wɛlikɛɛ, ɛlɛɛ, da haláá huwu mįi.

M̀ɛni-lɛɛi 2:6

Kɛlaa, ə mą kɛ tii, mɛ̨nį lɛlɛɛɠaai ə́ yee pɔ, diɛ ka: Bələi lɔ Nikolasə kalan gɛ nuą wɛlikpɛɛi la ɲą́ą́ gbínįi mą́ą́, bələ lɔ ɓə di wɛlikpɛɛi la yɛ́.

M̀ɛni-lɛɛi 20:3

Ə bili nowa kpon gwɛaa hu, ə naa kpulu a gwɛli, ɛlɛɛ, ə gɔlɔn ɉɛn naa bulu, ə gɛ, hvo pa hįi lɔiɠaa ɲąąhɛn, ə lɛɛ ɉu gwɛlan nwaa tɔ̨nɔ̨i tii laa ə kulɔ. Yili pulu, hvo kɛli di pənə di gulɔ, woloɓo.