Filipə 4:9 - Yálá laawoo hɛɓɛ (dc)

⁹ Mɛ̨nįɠaai kpɔ ká kalan na, ká ɉɔlɔɓo ɲə́i, ká mɛ̨n ná, ká gáá, gɛ́ gɛ, ká gəlee pɔ mɛ̨nį kɛ; Liilaa Yálá ə kɛ ká pɔ.

Yálá laawoo hɛɓɛ

⁹ Mɛ̨nįɠaai kpɔ ká kalan na, ká ɉɔlɔɓo ɲə́i, ká mɛ̨n ná, ká gáá, gɛ́ gɛ, ká gəlee pɔ mɛ̨nį kɛ; Liilaa Yálá ə kɛ ká pɔ.

Bible

⁹ Mɛni-ŋai kélee ka maa kɔ́ri ńyêei, ka zɔlɔ ƃó ńyêei, ka mɛni ǹái, ka ŋ́gaa gɛ̂i, ka díkɛ. Nii-see-Ɣalai a pâi kɛ̂i kákɔlɛ.

Filipə 4:9 ပူးပေါင်းရင်းမြစ်များ

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Azaya 8:10

'Ka mɛ̨nį kili tee ka kwəi, ɉu kaa pai kalai; 'Ka mɛ̨nįɠaa ɓo, Kɛlaa, gəlee da lɛɛ a kpɛli, mąąhɔlɔɓo, Yálá kaa ku pɔ.

Maafîu 1:23

Ə mo yɛ: «Nɛ̨ɛ̨gbəla ta yii hvo hulɔnu mɛ̨nį hu kɔ́lɔn, gaa pai koo həɠəi, ə lon ɉulɔnu hɔlɔɓo, di naa hee a Ɛmanuɛlə (mukulaa ɓaa: Yálá kaa gu pɔ).»

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Maafîu 7:21

«Nuąi da kɛ mą́ą́: ‹Ną́mu, Ną́mu›, gəlee hvo pai lɔi Yálá-taa tɔɔlaa hu. Hvɛɛ yiiɠaai da Ną́n gaa yələi, niiɓa kɛ, diɛ ɓə pai lɔi laa.

Lukə 6:46

«Lə mɛ̨nį ɓa, ka káá kɛi mą́ą́: ‹Ną́mu, Ną́mu?› Ə lɛɛ, yii gáá moi, ka hvo gɛi?

Lukə 8:21

Kɛlaa, nu kpului tii kɛ di wəli tɔɔ Jesus woo ɓa, Jesus ə mo diɛ, yɛ diɛ: «Néé lonnii ɓaa a nuą ŋɛ̨i di wəli tɔɔ Yálá laawoo ɓai, ə lɛɛ, diɛ bɔ mɛ̨nį kɛ.»

Ɉaan 13:17

Kaa yiliɠaai kɔ́lɔn, ka bɔ mɛ̨nį kɛi, ka kɛ a nwun na nɛ̨ɛ̨ nuą.

Ɉaan 15:14

Yii ŋį́ ka tí la, ka gɛi, kɛ tii mɛ̨́laa ɓaa kaa.

Ɉaan 2:5

Jesus nee yɛ tii diɛ: «Yii a ka tii la, ka yili kɛ.»

Gɛlaɠaa 9:6

Kɛlaa, 'Ə́ muhəɠə, 'tɛ taai, mɛ̨nįi mąąnɛ̨ɛ̨ ə́ gɛ, di kaa lii moi yɛ́.»

Lomaŋ 15:33

Gɛ́ liilaa Yálá ə kɛ ka kəlee ka pɔ; kɛi a mo tii Yálá ə kə! Mįiną!

Lomaŋ 16:20

Ɉu hvo kɛa kwɛa li Liilaa-Yálá, yɛ pa ɓilihi nwun nwoloi ka kɔ́wɔ mu. Gu Ną́mu Jesus nwɔ mɛ̨inɛ̨ɛ̨ ə kɛ ka pɔ!

Korɛntə dɔlɔɔ 10:31

Ká kɛ kɔ̨nɔ̨n mįi-o ká kɛ ká kpələi-o, yii lɔpee ka káá gɛi, 'ká gəlee kɛ Yálá mąąwiɛ mɛ̨nį ɓa.

Korɛntə dɔlɔɔ 14:33

Mąąhɔlɔɓo, Yálá hvə puɉu mɛ̨nį kɛ Yálá, kɛlaa gaa a liilaa Yálá. Yɛ bələi a kɛ kɛi la gbɔn mąąhəɠɛɛɠaa hu,

Korɛntə dɔlɔɔ 4:16

Niɛwooi gáá gɛi káá, ya ɓaa, 'Ká bɔ́ɔ́ kɔɔn.

Korɛntə veelɛ 13:11

Yiihu kɛa, Ną́n nonni, ká kɛ kwəinɛ̨ɛ̨ hu, 'ká kóló kɛ, ə gɛ, ká mąą mɛ̨nį yɛ pɛli ɉu; 'ká ká keeni hvaŋąlɔ, woolaamąą ə kɛ ká lɔwai, ká ká wɔɔ yɛnɛ̨ɛ̨ kɛ liilaa hu, ə gɛ, wɛlikɛmąąlaa da liilaa Yálá yɛ pɛli kɛi ká pɔ.

Dutɛrɔnome 5:1

Moisə ə Israɛlə lonnii kəlee təli, yɛ diɛ: «Israɛlə lonnii! Ka ka wəli tɔɔ dɔ́n nwooɠaa da nɔi hu yíi ɓo pələɠaa ɓa, yii gáá dɛɛi ka pɔ háákələi! 'Ka di mąąkwɛli, 'ka bɔ mɛ̨nį kɛ.

Filipə 3:17

Ną́n nonnii, 'ká bɔ́ɔ́ kɔ́ɔn, bələi ŋɛ̨i ku ká kalan na, nuąi da kɛ hiɛi ti, ká hvilɛn di pulu.

Filipə 4:7

Yálá nwɔ liilaa gɛnɛ̨ɛ̨, ɲee tɛɛ, mɛ̨nį kɔ́lɔn mɛ̨nį kəlee ɓa, ə ɲee kɛ ka niiɓa da ka wɔ kiliŋąhiɛɠaa Kristə laa hu.

Tɛsalonikə dɔlɔɔ 1:6

Ɛlɛɛ, káán, ká ku pɔɔ kɔɔn, kuɔ kwa gu Nąmu ni; káá ká yee hee Yálá laa woo mu, mɔ̨nɔ̨ tamąą hu, a kwəinɛ̨ɛ̨i a həɠə Kili-Mąąhəɠɛɛ yəi.

Tɛsalonikə dɔlɔɔ 2:14

Yili ɓa tii, ną́n nonnii, Yálá ŋą kpɔnŋaai di kaa Ɉude, Jesus Kristə hu, káá di pɔɔ kɔɔn; hva gaai, káá kpɛlimąn, káá mɔ̨nɔ̨ mįi ká kaayɔwɔɠaa yəi, yɛ bələi diɛi tii di mįi la Ɉuifəɠaa yəi;

Tɛsalonikə dɔlɔɔ 5:23

Liilaa Yálá yaa kpinįi, ə ká mąąhəɠə kpɔ tɛ̨ɛ̨tɛ̨ɛ̨, ɛlɛɛ, ká kili, ká nįį, ká kɔlɔ, ə lɛɛ kpɔ a nɛlɛɛ, mąąkulɔi hvo kɛ mą, ə lɛɛ ɉu gu Nąmu Jesus Kristə pa yələ ə ɉəli mą.

Tɛsalonikə veelɛ 3:4

Yii hvilɛn na ká mąą mɛ̨nį ɓa, ku laai na, gu Ną́mu nwɛi hu, kuɔ, mɛ̨nįi kwa ká tí a gɛ mɛ̨nį, ká gɛ, ɛlɛɛ, ká káá pai kɛi lɔ gɛi a yələ kəlee.

Timote veelɛ 4:22

Gu Ną́mu ə lɛɛ ə́ pɔ. Ŋą mɛ̨inɛ̨ɛ̨ ə kɛ ká kəlee ka pɔ. Amįįną.

Zĩi 1:22

Kɛlaa, 'ká kɛ a Yálá laa woo pɔ yíiɓo nuą, ɛlɛɛ, 'ká hvo kɛ a nuąi da di wəli tɔɔ, diɛ di kpɔwɔ ɓowo.

Piɛrə veelɛ 1:10

Yili ɓə gaa mą, nwɛ́li kɛ mąą nuą, ka ka hvaŋąlɔ kpɔ kpaan, ka təli ŋɛ̨i Yálá ə mo, ə ka yɛɠɛ ɉu, ka kanąn ma. Mąąhɔlɔɓo, ka gɛ ti, ka hva pɛli tooi mɛ̨nį ɲɔ̨n ɉu.

Zɔ̂ŋ Maa-ŋuŋ 3:22

ɛlɛɛ, hɛn kpɔ gwa vɛli mą, gwa ɉɔlɔɓo ɲəi mąąhɔlɔɓo, gwa nwɔ tíɓoɠaai pɔ yíiɓo, ɛlɛɛ, yii nwɛli kaa mą, guɔ gɛ.