Filipə 4:6 - Yálá laawoo hɛɓɛ (dc)

⁶ 'Ká hvo ka liihɛlɛn a mɛ̨nį lɔpee ta, kɛlaa mɛ̨nį kəlee hu, ká ká mąąkąnŋaa laa həli Yálá ɓa, a nɛ̨ɛ̨mąą woo, 'káá mąąnɛ̨ɛ̨, 'káá mąątɛ̨nɛ̨, káá ɉɛɠɛɛ ɓo.

Yálá laawoo hɛɓɛ

⁶ 'Ká hvo ka liihɛlɛn a mɛ̨nį lɔpee ta, kɛlaa mɛ̨nį kəlee hu, ká ká mąąkąnŋaa laa həli Yálá ɓa, a nɛ̨ɛ̨mąą woo, 'káá mąąnɛ̨ɛ̨, 'káá mąątɛ̨nɛ̨, káá ɉɛɠɛɛ ɓo.

Bible

⁶ Káfe kpaaŋ mɛni kélee ma, kɛ́lɛ, Ɣâla fɛliɛ su da mare-kɛɛ e pɛlɛ sɛɣɛi-fei ma, mɛni kélee ka ŋ̀wɛ̂lii ka ǹɛɛ naa Ɣâla é gɔ́lɔŋ.

Filipə 4:6 ပူးပေါင်းရင်းမြစ်များ

Tɔɔɓɛlaa dɔlɔɔ 8:28

Oo! Yai-Laa nwɔ́ Yálá, Ə́ wəli tɔɔ ə́ hvɛli woo da ə́ mąąnɛ̨ɛ̨ wooi ə́ wɔ tímun gaa naa həli yɛ́, mą. Ə́ wəli tɔɔ yɛ́ tímun tomą woo da ŋą vɛli wooi gaa naa həli yɛ́ háákələi, nwɔ́ Yálá.

Kɔlɔnikɔ Veerɛi 32:20

Tɔɔmun Ezekiasə da Yálá kwəi mɛ̨nį hukulɔ mun Amɔsə lon Esai, di Yálá hvɛli mɛ̨nįi tii hu, di tómą diɛ di woo tɛ yələ kɔ́lɔn mą.

Mąątɛ̨nɛ̨ 51:15

Ŋą́ yɛ́ pələi lɛ hɔn ɲɔ̨n gɛ nuą diɛ, nɛ̨ŋɛ̨n ɉəɠə nuą diɛ pɛli pənəi, diɛ pa ə́ pɔ.

Mąątɛ̨nɛ̨ 55:17

Nwɛ́i Yálá ɓə gáá nwóó tɛi bɔ pələ, ɛlɛɛ, Yai-Laa ɓə a nwún mąąɓo.

Mąątɛ̨nɛ̨ 55:22

Naa nɛ̨ɛ̨i mą yɛ kwɛ̨in nwulɔ, Kɛlaa, nii yɛ kɔ́ kɔ́. Vaa wooɠaa nɛ̨ɛ̨i na yɛ wulɔ, Kɛlaa ɓɔwa kwɛaɠaa ka tii.

Mąątɛ̨nɛ̨ 62:8

Málo mɛ̨nį, da ɲɛ̨́i pɔ̨nɔ̨ mɛ̨nį, gəlee kaa Yálá yəi. Yálá ɓə a mą́ą́kɔ̨nwɔ̨ kwɛni walawala, a mą́ą́kilɛi.

Hanwon 15:8

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Hanwon 16:3

Ə́ kɛ kolóɠaa hu lɛ Yai-Laa ɓa, Yaa ɓə a gɛ, ə́ wɔ kwəi kiliɠaa laa yɛ hon.

Wɛli 2:14

Nwɔ́ tonwələn gbɔlun yɛ́i ə́ kaa kwɛni wolo hu, ə́ loɔ gwɛniɠaa lɔwai, ə́ nwun gulɔ, ŋį́ ə́ ɲɛ̨ilai kaa; 'hvaa, ə́ woo ə too nwə́lii. Mąąhɔlɔɓo, ə́ woo nɛ̨ɛ̨i, ə́ ɲɛ̨ilaa mąąhəɠɛɛ.»

Ɉeremi 32:16

Yii kɛa ŋį́ ɉɛɓɛ́ tɛɛ Neriya lon Barukə pɔ, ŋą́ Yai-Laa hvɛli, gɛ́ mą:

Ɉeremi 33:3

«Vɛ́li, ŋą́ ə́ woo mu hon, gáá pai mɛ̨nį kpɛa kpɛa kulɔi pɔ̨nɔ̨ŋa ə́ ɲɛ̨i ɓa, a mɛ̨nįɠaai di looɔ, yiiɠaai hvo gɔlɔn.

Danîa 3:16

Nąąlɔwai, Sadrakə, Mesakə da Abɛdə-Nego, di tɔɔmun nwoo ŋąąpənə, diɛ mą: «Mɛ̨nįi ŋɛ̨i yaa mo kuɔi, ku hva pɛli ə́ woo ŋąąpənəi yili hu.

Danîa 6:10

Nwoo tii ɓoɔ pulu, tɔɔmun ə hvaa mą, ə ɲee pɔɔ too dɔ́n tii hu.

Maafîu 10:19

Da li a kaa gɛɛnąąɠaai tii ɓa, yii mąąnɛ̨ɛ̨ ka mo, da bələi mąąnɛ̨ɛ̨ ka mo la, yili niihɛlɛn və too kaa. Nąąlɔwai, woo yii mąąnɛ̨ɛ̨ ka mo, da mo pələ, a lɛ kaa.

Maafîu 13:22

Yiiɠaai too ɲɔ̨w ɉaalən ɉu diɛ ɓaa, nuą da Yálá laawoo mɛ̨n, kɛlaa yɛnɛ̨ɛ̨liihɛlɛnŋąą da nwɔ ŋąąnɛ̨ɛ̨ a kpinįn a diɛ, ə di hvinatɔn, nwoo tii hva kólo kɛ di kili pɔ.

Maafîu 6:34

Yili ɓa, ka hvo tinąą mɛ̨nį ta niihɛlɛn ɉee. Tinąą a niihɛlɛn a gbɔwɔ mąą mɛ̨nį. Hvóló kəlee mąąkpaan bɛliɛi lɔ gbɔwɔ ɓa.»

Maafîu 6:8

'Ka hvo gɛ yɛ diɛ. Mąąhɔlɔɓo, yii kpɔ gbaan gaa kaa, ka Ną́n Yálá ə gɔlɔn gɛɛ ka hvo kɛ vɛlii mą.

Lukə 10:41

Ną́mu Jesus ə nwoo pulu pənə yɛ mą: «Martə, Martə, yaa ə́ liihɛlɛn a mɛ̨nį tamąą; ə lɛɛ, ə́ kpaaŋąa yili hu.

Lukə 12:22

Jesus ə mo nwɔ kalan nɛai diɛ, yɛ diɛ: «Yili ɓə gɛ, gɛ́ kɛ kaai: Ka hvo ka liihɛlɛn ka wɔ yɛnɛ̨ɛ̨ mąą mɛ̨nį ɓa, yɛ hvilɛ na yii ka pai mį́i mą, awala kɛ tii, ka kɔ́lɔ mąą mɛ̨nį ɓa; yii ka káá pai mąą yilii la.

Lukə 12:29

Ka hvo ka liihɛlɛn a ka kɔ̨nɔ̨n mɛ̨nį da ka kpələyá mɛ̨nį.

Lukə 18:1

Jesus ə ɉanwon ŋɛ̨i hɔɔ diɛ, əgɛ, ə nɛ diɛ, yɛ diɛ: ka hvo kpəla Yálá hvɛliɛ ɓa.

Lukə 18:7

A kɛ tii, Yálá hvo moɔ pai niiɓa nuą mąą hutɔɔi, a diɛi tii di kilitɔɔi mą; diɛ tómą bɔ pələ a hvóló da kpinį?

Korɛntə dɔlɔɔ 7:21

Akɛ ə́ kɛ a luwɔ Yálá yɛ ə təli, hvo ə́ liihɛlɛn, kɛlaa, akɛ yá pɛli lɛɛ gbɔwɔ ɓa laa hɔlɔɓoi, tɔɔ a ə́ walaa, ə́ ɉɔlɔɓo.

Korɛntə dɔlɔɔ 7:32

Gáá bɔ liihɛlɛn lɔpee ta hvo kɛ kaa, nui nɛ̨ą hvo mą, a niihɛlɛn a gu Ną́mu mąą mɛ̨nį, gu Nąmu liiɓa ɓə gɛ liihɛlɛn a kɛ mą.

Korɛntə veelɛ 1:11

Káá kpɛlimąn, ká kɛ ká wɔɔ nąą kɛi ɉu, a Yálá hvɛlii ká kɛ moi kuɔ. Akɛtii, mɛ̨inɛ̨ɛ̨i tii kwa ɉɔlɔɓo a nu kpulu kɛnɛ̨ɛ̨ kɛ mɛ̨nį, yili a kɛ a Yálá hɛɠɛɛɓo mɛ̨nį ku mąą mɛ̨nį ɓa, nu tamąą yəi.

Ifisiɛŋ 5:20

Yələ kəlee, mɛ̨nį kəlee hu, 'ká Nąn Yálá hɛɠɛɛɓo, gu Ną́mu Jesus Kristə laa hu.

Ifisiɛŋ 6:18

Gɛ Kili-Mąąhəɠɛɛ ə hvɛli woo kɛ pələ huwui lɔpee gəlee lɔ ká la, da nɛ̨ɛ̨mąą hvə woo mɛ̨nį kəlee hu, káá lɛɛ a ká ɲɛ̨i, káá Yálá hvɛli Kristalɛa kəlee diɛ.

Kolosə 3:15

Gɛ́! Kristə nwɔ liilaa yii Yálá ə ka təli mą, əgɛ, ka kɛ a nu tɔ̨nɔ̨, ə ɉeei kaa ka nįį hu, 'ká kɛ a mɛ̨inɛ̨ɛ̨ hu kɔ́lɔn nuą.

Kolosə 3:17

Mɛ̨nįi lɔpee ká pɛli moi, awala kɛ tii, káá gɛ, 'ká gəlee kɛ gu Ną́mu Jesus laa hu, káá gu Nąn Yálá mąmąɓo la, ɉaalai.

Kolosə 4:2

Ká ká hvaŋąlɔ Yálá hvɛliɛ hu, ə ɲee kɛ káá, káá pɛli mɛ̨inɛ̨ɛ̨ hu kɔlɔn ɉii.

Timote dɔlɔɔ 2:1

Yii tɔlɔɔ gáá ká tíi la, ya ɓaa; nuą diɛ mɛ̨nįɠaa huhvɛli, diɛ hvɛli wooɠaa ɓo, diɛ mąąnɛ̨ɛ̨ wooɠaa ɓo, diɛ mąmąɓoɠaa kɛ, nu kəlee mąą mɛ̨nį ɓa,

Timote dɔlɔɔ 5:5

Yii ɓaa nɛ̨ɛ̨nui gaa kpɔ a galanin a neelee, nu hvo ɲəi, aa gilitɔɔ Yálá ɓa, ɛlɛɛ, yɛ Yálá hvɛli, yɛ mąąnɛ̨ɛ̨ a kpinį da hvóló.

Piɛrə dɔlɔɔ 4:7

Hɛn gəlee ɲąąkpɛɛi lɔwai aa lɛɠɛ. 'Ká kili mɛ̨nį kɛ, 'ká yee ə pɛli ká koolon ma, káá pɛli Yálá hvɛlii.

Piɛrə dɔlɔɔ 5:7

'Ká ká kpąąn mɛ̨nįɠaa kəlee laa níila, gbala ə tɔɔ, a ká mąąkpąąn gbɛɛ.

Samuɛlə dɔlɔɔ 1:15

Anə yɛ mą: «Nwɔ́ mɛ̨nį nąmu, və́ ɓaa wəlii kpɔlɔ mun, nɛ̨ɛ̨nu mąąwɛliɛ ɓaa a ɲą́ą́, və́ lɔɔ kpələ li, da hɛn a nu kɛlɛ. Gwə́i pili mąą mɛ̨nį ɓə gáá moi Yai-Laa ɓa.

Samuɛlə dɔlɔɔ 30:6

Davidə kwəi pilɛɛ kɛ mą, mąąhɔlɔɓo, nuą di kɛi baa mɛ̨nį ɓo a kwɛni. Nu kəlee liikələn ŋąą kɛ gwəi, da kɛi di kiliŋąhiɛ di lonnii hinąą da di lonnii nɛ̨ąą diɛ. Kɛlaa Yai-laa haalai, Davidə ə nii kpələ.

Samuɛlə dɔlɔɔ 7:12

Samuɛlə ə kwɛni həɠə, ə vilɛn Mispa da daa ɲɛ̨i da kɛ ma: Ɲin, di ɲɛ̨n ma. Ə gɛɛnąąi tii laa hee a Ɛvɛn-Ezɛrə, yii mukulaa ɓaa: Mąąkɔ̨nwɔ̨ kwɛni, yɛ diɛ: «Yai-Laa a ku mąąkɔ̨nwɔ̨ a lɛɛ ɉu kwaa həli gɛɛnąąi ŋɛ̨i ɓa.»