Filipə 3:6 - Yálá laawoo hɛɓɛ (dc)

⁶ Yii hvilɛn na dɔ́n mąąkɔ̨nwɔ̨ mɛ̨nį ɓa, ŋį́ kɛi Kristə nwɔ nu kpului ɓɛlɛkpɛɛ diɛ, yii hvilɛn na dɔ́n ɉan haaɓa, hɔn və kɛ mą́ą́.

Yálá laawoo hɛɓɛ

⁶ Yii hvilɛn na dɔ́n mąąkɔ̨nwɔ̨ mɛ̨nį ɓa, ŋį́ kɛi Kristə nwɔ nu kpului ɓɛlɛkpɛɛ diɛ, yii hvilɛn na dɔ́n ɉan haaɓa, hɔn və kɛ mą́ą́.

Bible

⁶ À kɛ̀ a ŋátii kɛ-pere su, ŋá kɛ̀ a Kôrai-toli-kpɔŋ kpɔara-nuu. À kɛ̀ a tɔ̃yâ laa-la yɛ̂ɛ berei dɔ̂ŋ káa lai, ńzɔŋ fe kɛ́ ni má.

Filipə 3:6 ပူးပေါင်းရင်းမြစ်များ

Samia Veerɛi 21:2

Tɔɔmun ə Gabaɔn nuą təli, ə gɛ, da diɛni di heei ə kɛ tɔ̨nɔ̨, di mɛ̨nį ta ɓo mɛ̨nįi tii hu. Gabaɔn nuą di hvo kɛ a Israɛlə nu huwu ta. Kɛlaa, di kɛ a Amɔrə nu huwu gbəliɠaai lɛɛ, diɛi wɔlɔ da Israɛlə nuą di mįnɛ̨ həɠə, diɛ kɛ di hva di paa. Pələi mąn ə kɛ la tii, Israɛlə nuą da Ɉuda nuą di mąą mɛ̨nį nwąną pələ kɛ Saulə yəi, ə kɛi Gabaɔn nuą paa.

Tɔɔɓɛlaa veelɛ 10:16

Ɉehu yɛ mą: «Pa gwə li, bələi Yai-Laa mąą lii kaa la kwə́i, ə́ bələ kaa.» Di ɉiɛ kulɔ Ɉehu nwɔ wotoloi hu.

Ikilisiati 7:16

'Hvó ə́ kpɔwɔ kaa, ə́ ɲɛ̨i ɓa yɛ nu haŋąą. 'Hvó ə́ kpɔwɔ kaa ə́ ɲɛ̨i ɓa yɛ kilimąą mun. Akɛ tii, mɔ̨nɔ̨ lɔ ɓə gwa naa gu kpɔwɔ ɓa.

Levetekɔ 13:16

Kɛlaa, gɔlɔ yii tii kpɔlu a pənə a kwələ, mąą nu a pənə ə li ə həli ɉaláá laa həli mun ma.

Maafîu 23:25

«Tɔ́n galamɔ̨ɔ̨ɠaa ka Farisiɛ̨ɠaa, kpalo ɓɛlaai kaa! Mąąhɔlɔɓo, ka kpələ kɔ́wɔ da gəgənŋąa pulu pələ waa, kɛlaa, ɉu pələ laa hveelɛ a nwuɔ̨ hɛnŋąa da ka wɔ túwɔ́ pələ ɲɔ̨n giliŋąhiɛɠaa.

Maafîu 5:20

Gáá moi kaa, akɛ ka wɔ tələnmolaa a wala kɛnɛ̨ hvo tɛɛ dɔ́n galamɔ̨ɔ̨ɠaa da Farisiɛ̨ɠaa di wɛi ɓa, ka hva pɛli lɔi Yálá-taa tɔɔlaa hu.

Lukə 1:6

Zakari da nɛ̨ą Elisabɛtə di kɛ a nu haŋąaɠaa Yálá ɲɛ̨i ɓa, diɛ Yálá nwɔ liɛwooɠaa hon gbɔ kpaan.

Gɛlaɠaa 21:20

Yii kɛa di nwooɠaai ti mɛ̨n, di Yálá hɛɠɛɛɓo yili pulu diɛ Polə ɓa: «Yáá gaa, Ɉuifə kpulu tamąą daa kɛ a laa na nuą, ə mą kɛ ti, di kanąnŋąa ni Moisə nwɔ́ tɔ́n ɓa.

Gɛlaɠaa 22:5

Galanɉonŋaa da di wɔ ɉaláá laa həli mun gɛnɛ̨ɛ̨, da pɛli di yili dɛ̨ą ɓo. Diɛi ti ɓə hɛɓɛ́ tɛɛ bɔ́, diɛ ŋą́ li Damasə, ku nąn nonnii di kaa laa, ŋą́ di yili ŋį́ pa a diɛ Ɉerusalɛmə, di hutɔɔ mɛ̨nį ɓa.»

Gɛlaɠaa 26:5

Di gɔ́lɔn gbɔ a ɉu kwɛa, ɛlɛɛ, da kɛ bɔ, da pɛli di mą́ą́ mɛ̨nį kɛla hvaaɓo, diɛ ŋą́ nwɔ́ yɛnɛ̨ɛ̨ kɛ a nuąi da ku wɔɔ kalan mɛ̨nįi mąą yɛlɛkɛ, nu kəlee ɓa, di wɔɔ pələi mɛ̨i, Farisiɛ̨ laa hu.

Gɛlaɠaa 8:3

Solə nwɛi, ə ɲąąwala kpɔ, yɛ gbɔn ɉu taɠa. Ə kɛli lɔ bɛlɛ́ɠaa mu, yɛ laa na nuą hon, hinąą da nɛ̨ąą, yɛ di too gaho ŋą.

Lomaŋ 7:9

Tɔlɔɔ ti kɛ, dɔ́n və ni kɛ pa li; ŋį́ kɛ a vúlú. Kɛlaa, yii kɛa dɔ́n ə pa a liɛwoo, nɛ̨ŋɛ̨n aa mąn kɛ a vulú.

Korɛntə dɔlɔɔ 10:32

'Ká hvo kɛ a nui lɔpee ta too hɛn, ə kɛ a Ɉuifə, ə kɛ a, Grɛkə, ə kɛ nwɔ̨nɔ̨ a Yálá nwɔ kpɔn.

Korɛntə dɔlɔɔ 15:9

Mąąhɔlɔɓo, ɲą́ą́ ɓə gɛlaɠaa lɔwai a nogolaamun, a ɲą́ą́i mą́ą́ hvo nɛ̨ɛ̨li di hvo kɛ mą́ą́: kɛla; mąąhɔlɔɓo, ŋį́ gbɔn mɔ̨nɔ̨ɓo.

Filipə 2:15

Ə gɛ ka kɛ a nuąi hɔn və diɛ, ka kɛ a Yálá lonni leelee, yiiɠaai di mąą kulɔi hvo diɛ yɛnɛ̨ɛ̨, hulu nuą da nu ɲɔ̨nwɔ̨ɔ̨ɠaa lɔwai. Mąąnɛ̨ɛ̨ ka lən di lɔwai yɛ yələkɔlɔn ɉu pɛmɛ̨lɛ̨n-gɔw.

Filipə 3:9

kwa yaa ku yili ku kɛɛ ɓa, hva kɛ a gbɔ́wɔ́ ŋą tələnmo laa, yai ŋą́ ɉɔlɔɓo dɔn bɔ yíí hu, kɛlaa, a tələnmolaai a kulɔ nu laa mɛ̨nį Kristə la, hu, yɛ həɠə Yálá pɔ, gɔwɔ hvilɛnŋąą laa na laa mɛ̨i.

Timote dɔlɔɔ 1:13

a ɲą́ą́i wɔlɔ kɛi nalan, gɛ́ ŋą nuą mɔ̨nɔ̨ɓo, ɛlɛɛ, nwą́nąlɔɔ. Kɛlaa, Ə ɲɛ̨́imąąwɛli kaa, mąąhɔlɔɓo, ŋą́ kɛi gɛ dɛ́ɠii, laa na laa hvo kɛ ɲə́i.

Nwun mąąɓo 6:30

Nuą dəli kɛa, diɛ Yoasə ɓa: «Pa a ə́ lon Zedeɔn, ku baa, mąąhɔlɔɓo, aa Baalə nwɔ haláá kulɔi wolo, nwului kɛ nąą kwɛlɛ, kuɔ gɔ́, aa gulɔ aa ɉu tee.»