Filipə 3:5 - Yálá laawoo hɛɓɛ (dc)

⁵ Hvo gaai, néé da ną́n di kaa a Hebreu di ɓo a Israɛlə lonni, Bɛnɉamɛn yəi bɛlɛ́n nuą. Di ɉéé kɛ́nɛ̨ ɓa a voló mɛ̨ihaaɓa yələ. Yii hvilɛn na tɔ́n gɔlɔn mɛ̨nį ɓa, gáá a dɔ́n galamɔ̨ɔ̨.

Yálá laawoo hɛɓɛ

⁵ Hvo gaai, néé da ną́n di kaa a Hebreu di ɓo a Israɛlə lonni, Bɛnɉamɛn yəi bɛlɛ́n nuą. Di ɉéé kɛ́nɛ̨ ɓa a voló mɛ̨ihaaɓa yələ. Yii hvilɛn na tɔ́n gɔlɔn mɛ̨nį ɓa, gáá a dɔ́n galamɔ̨ɔ̨.

Bible

⁵ Ŋ́gaa a Eezuɛ-nuu, ŋa ƃo a Bɛŋsima ŋɔsuui su-nuu da. Dí ŋ́gbɛ̀tɛ tãi ŋá kɛ̀ la a folo lɔ́ɔlu mɛi saaƃai. Ŋ́gaa a Ibulu-nuu nyíi Ibulu-ŋa dí zɔlɔ ƃoi. À kɛ̀ a dɔ̂ŋ su-pere, ŋ́gaa a Faresii-nuu.

Filipə 3:5 ပူးပေါင်းရင်းမြစ်များ

Zɛnɛse 14:13

Nu ta ə kɛi pu gɔi tii ɓa, ə pa ə nwoo hukulɔ Abramə ɓa, Abramə ŋɛ̨i a Hebreu, yai kɛ heeni Mamre nwɛla koo ɓa Amɔrə lɔi hu. Mamre ə kɛ a Ɛskɔlə da Anɛrə di kaayɔwɔ, nu haaɓai tii da Abramə ni di tɔɔi kɛ.

Zɛnɛse 17:12

Ə həɠə yiihu ɓa, ə lɛɛ la ɉu kɛa lɔwai kəlee, ka lon ɉulɔnu hɔlɔɓo, voló mɛ̨ihaaɓa yələ, ka ɉee kɛ́nɛ̨ ɓa, ə mą kɛ a luwɔ lon yii hɔlɔbo ka yee bɛlɛ́n, ə mą kɛ a yii ka ɲa, hvo a ka huwu ta, ka gəlee hee kɛ́nɛ̨ ɓa.

Zɛnɛse 40:15

Di gúlɔ ku pɔ lɔi Hebreu lɔi hu a huwalawala, diɛ pa ɓɛ a ɲą́ą́. Pai nwɔ̨nɔ̨ ŋį́ mo, və́ mɛ̨nį ɲɔ̨n gɛ li, di ɉón diɛ dóó gaho ŋą.»

Zɛnɛse 41:12

Hebreu hulɔnon da ə kɛ laa, a gaho nąmįną mɛ̨i kaa mun nwɔ luwɔ, ɉulɔnon tii ɓə di gɛ kɛa a gaho nąmįną mɛ̨i kaa mun. Ku ku wɔ hįiɠaai hukulɔ mą. Ə nu kəlee nwɛi mukulaa lɛ mą a dee-tee.

Zôna 1:9

Ɉonasə ə di woo ŋąąpənə, yɛ diɛ: «Gáá a Hebreu mun, Yálái ŋɛ̨i a Yai-Laa yai yələkɔlɔn da lɔi di pɛli, ə mą kɛ gboloyá, ya ɓə ŋį́ ɲɔw mą.»

Lukə 1:59

Ɓɛlɔwai nokoloi tii ə lɔwɔ tɔ̨nɔ̨ kɛ la, gaa nuą də li la di ɉee kɛ́nɛ̨ ɓa. Di kɛ bɔ di nąn Zakari laa hee mą.

Lukə 2:21

Lɔwɔ tɔ̨nɔ̨ tɛɛ pulu, di nokoloi tii hee kɛ́nɛ̨ ɓa, di naa hee a Jesus; yɛ pələi malaka ə mo la nee ɓa, gɛɛ hvo mąą goo həɠə.

Lukə 5:38

Kɛlaa, mąąnɛ̨ɛ̨, nu ə lɔɔ nįnɛ̨ pu hvólówo nįnɛ̨ hu.

Gɛlaɠaa 22:3

«Gáá a Ɉuifə, di gáá Talisə daai, Silisi lɔi hu. Kɛlaa, Ɉerusalɛmə ɓɛ ɓə ŋį́ kɛnɛ̨ laa, nui ŋį́ lakwəli kɛ ɲəi, naa ɓaa: Gamaliɛlə. Ya ɓə mą́ą́ kwɛli gu kalaɓɔlɔni di wɔ tɔ́n ɓa kpɔ tɛhvɛ-tɛhvɛ. Yálá mąą mɛ̨nį kɛɛ ŋą hvaŋą lɔ ə kɛ ɉú, yɛ pələi gaa la ka yəi háákələi.

Gɛlaɠaa 23:6

Polə kili ə kɛ ɉu, yɛ diɛ: tɔ́n vili nąmįną kpulu heei ə kɛ hveelɛ; bələ tɔ̨nɔ̨ ə kɛ a Sadusiɛ̨ɠaa, bələ tɔ̨nɔ̨ yɛ ɓo a Farisiɛ̨ɠaa, yili ɓə gɛ, ə mo diɛ, yɛ diɛ: «Ną́n nonnii, gáá a Farisiɛ̨, ną́n ɲɛ ɓo a Farisiɛ̨. Gɛ mɛ̨nį náái haaɓɛlaa nwun mɛ̨nį la, ya ɓə gɛ, diɛ paa a ɲą́ą́ gíti tee mɛ̨nį ɓa.»

Gɛlaɠaa 6:1

Naalɔwai, galan nɛa kpulu hu ə kɛi kɛnɛ̨, Ɉuifə yiiɠaai kɛi Grɛkə woo ɓo, di kɛi Hebreuɠaa laa ɓo, kɔ̨nɔ̨n mɛ̨nį hu, mąąhɔlɔɓo, di hvo kɛi di wɔ kalaninŋaai mąą mɛ̨nį ɲɛ̨i kulɔ a dənən gɔ̨nɔ̨n ɲąąkwɛlɛi lɔwai.

Lomaŋ 11:1

Gɛ́ mą: Akɛti Yálá aa lənə mɔ̨ɔ̨ nwɔ nuąi diɛ? Kpaa-o! Hvo lənə li diɛ. Mąąhɔlɔɓo, ɲą́ą́ kpinįlee gaa a Israɛlə mun da Abrahamə huwu hu mun, ŋą́ kulɔ Bɛnɉamɛn yəi bɛlɛ́n.

Korɛntə veelɛ 11:22

Di kaa a Hebreuxɠaa, ɲą́ą́ gbɛlimąn gáá la! Israɛlə lonnii ɓaa a diɛ? Ɲą́ą́ gbɛlimąn gáá la! Di kaa a Abrahamə huwu? Ɲą́ą́ gbɛlimąn gáá a da!

Samuɛlə dɔlɔɔ 4:6

Filisti nuą di di domą woo tii mɛ̨n, diɛ mą: «Lə tomą ɓə Hebreuɠaa kaa moi?» Di kili ə pu ɉu diɛ kɛ, Yai-Laa nwɔ mįnɛ̨ kəhii ka tii a pa di lɔwai,