Filipə 3:2 - Yálá laawoo hɛɓɛ (dc)

² 'Ká gɛ a nɛlɛɛ yilɛɠaa ti mąą mɛ̨nį ɓa, ka gɛ a nɛlɛɛ nɛɛ góló ɲɔ̨nwɔ̨ɔ̨ kɛ nuą tii mąą mɛ̨nį ɓa, 'ká gɛ a nɛlɛɛ, nɛɛ kɛ́nɛ̨lɛai ti mąą mɛ̨nį ɓa.

Yálá laawoo hɛɓɛ

² 'Ká gɛ a nɛlɛɛ yilɛɠaa ti mąą mɛ̨nį ɓa, ka gɛ a nɛlɛɛ nɛɛ góló ɲɔ̨nwɔ̨ɔ̨ kɛ nuą tii mąą mɛ̨nį ɓa, 'ká gɛ a nɛlɛɛ, nɛɛ kɛ́nɛ̨lɛai ti mąą mɛ̨nį ɓa.

Bible

² Ka kámɛi káa a ŋ̀îla-ŋai. Ka kámɛi káa a díi nyɔ́mɔɔ-kɛ-ƃelai, ka kámɛi káa a diai da dísua tèe-tee diai.

Filipə 3:2 ပူးပေါင်းရင်းမြစ်များ

Mąątɛ̨nɛ̨ 119:115

Kaai a mɛ̨nį ɲɔ̨n gɛ nuą, 'ka mą́ą́ laa, gɛ́ nwɔ́ Yálái nwɔ tíɓoɠaa kɛ.

Mąątɛ̨nɛ̨ 22:16

Gwáną aa kpala, yɛ kwɛahaɠa a kɛ nwɔ̨n ɉu, nɛ̨́n yɛ kanąn nɛ̨́ŋɛ̨-nɛ̨ŋɛ̨ mu, yáá náá kámą la pɔlɔkpɔlun ɉu.

Mąątɛ̨nɛ̨ 22:20

Kɛlaa yɛ́, Yai-Laa, 'hvó tɔɔ kpɔ tii kwɛaala! Yɛ́i a vą́ŋą! 'Pa kilɛ mą́ą́! 'Ə́ mąą hvulɔ ɉa!

Hanwon 26:11

Bələi lɔ yilɛ a pənə yɛ maɠi kɔ̨mɔ̨n la, bələ lɔ ɓə kilikpɛɛgwəi mun a pənə ə too la nwɔ ɓowolaa hu.

Maafîu 24:10

Nąąlɔwai, nu tamąą kaa pai lənəi mą́ą́, diɛ di kee ni wɛli kpɛɛ diɛ.

Maafîu 7:15

«'Ka ka kpɔɔ mɛ̨i kaa, nuąi da di kpɔɔ kɛ a Yálá kwəi mɛ̨nį hukulɔ nuą di mąą mɛ̨nį ɓa. Mąąhɔlɔɓo, da lɔ ɓɛlaa kɔ́lɔ hu, diɛ pa ka pɔ. Kaa di kaa yɛ ɓɛlaaɠaa, a mɛ̨nį gɛ kwɛ́li hvulúɠaa li.

Maafîu 7:6

«Ka hvo hɛn mąąhəɠɛɛ tɛɛ yilɛɠaa pɔ, ə gɛ, di hvo pa tinɛ̨n di hvo wolo kaa. Ka hvo ka wɔ hɛniɠaai pu ɓoiɠaa kɔ́wɔ mu, ə gɛ, di hvo pa dan a di kɔ́wɔ, di hvo mąąliɓi.»

Lomaŋ 2:28

Ɉuifə lɔ hvaa nui Ɉuifə laa kaa mą: Kɛ́nɛ̨ lon nɔ hvaa nui daa gɛ́nɛ kɛ gɔ́lɔ ɓa pələ.

Korɛntə veelɛ 11:13

Mąąhɔlɔɓo, nuąi ti di kaa a lɛɛ kɛlaɠaa, a lɛɛ nuąi, yá di kaa yɛ, Kristə ŋą kɛlaɠaa.

Galatə 5:13

Ka wɛi, ną́n nonnii, ká lɛɛ mɛ̨nį ka kpɔwɔ yee kɔnma mɛ̨nį ɓə, Kristə ə ka təli la, kɛlaa, ká hvo nɛɛ gbɔwɔ yee kɔnma laai ti kaa yɛ, mɛ̨nį ká laa ɉu, káá kɔ́lɔ liiɓa kɛ. Kɛlaa wɛlikɛmąą laa hu, 'ká kɛ a ká keeni di wɔɔ tínuą

Galatə 5:15

Kɛlaa, akɛ, kɛi ká keeni ɲin, káá ká keeni huwɔ hu hvala-hvala, 'ká gɛ a nɛlɛɛ, ká hvo pa ká keeni mąą mɛ̨nį pili ɉu.

Galatə 5:6

Gbala ə tɔɔ, nui gaa Jesus Kristə hu, yɛ ə kɛ a kɛ́nɛ̨-lon, yɛ ə kɛ a kɛ́nɛ̨-kpolaa, yili hvo neelee, kɛlaa, yii a neelee, ya ɓaa: laa na laai bɔ túwɔ́ kaa mą.

Filipə 3:19

Di kaa di kpɔɔ nwun na pilii, mąąhɔlɔɓo, di wɔ Yálá ɓaa di kolon. Mɛ̨nįi a di nwumɛ̨, ya ɓə da di kwəinɛ̨ɛ̨ ɉu, ɛlɛɛ, di wɔ kiliŋąhiɛ ka lɔ ɲɛnɛ̨ɛ̨ ŋɛ̨i hu hɛnŋąa diɛ.

Filipə 3:3

Guɔ ɓə gu kaa a gɛ́nɛ̨-lonni leeleeɠaa, mąąhɔlɔɓo, gwa tí Yálá ɓa, Yálá nwɔ Kilii háálai, a guɔi gu wɔ kwəinɛ̨ɛ̨ kaa Jesus Kristə hu, gu kili hvo tɔɔ li gu kpɔwɔ ɓa.

Timote dɔlɔɔ 1:19

a laa na laa da kili lɛlɛɛ. Nu tamąą daa di yee kulɔ mu, diɛn, di wɔɔ laa na laa aa lɛɛ yái.

Taitɔ 1:16

Da kɛ diɛ di Yálá kɔ́lɔn, kɛlaa, di túwɔ́ pələ yɛ ɓo a dakpɛli. Di ɓɛlɛkpɛɛ diɛ, di kalapiliɛ, di hva pɛli mɛ̨nį lɛlɛɛ lɔpee ta kɛi.

Piɛrə veelɛ 2:22

Ɉanwon ŋɛ̨i da kɛ mą: «Yilɛ a ɓaɠi, ə tinɛ̨n ə maɠi kɔ́mɔ.» Ə lɛɛ, yii ŋɛ̨i nwɔ̨nɔ̨ da kɛ mą: «Ə mɛ ɓoi waa, a tinɛ̨n ə too palaya hu.» Mɛ̨nįi ti həli diɛ, a nɛ yɛ ɉanwon veelɛi ti kaa tɛ̨ą.

Zûu 1:4

Mąąhɔlɔɓo, nu ɲɔ̨nwɔ̨ɔ̨ tamąą daa lɔ ka lɔwai, diɛ guɔ Yálá nwɔ mɛ̨inɛ̨ɛ̨ woo ŋɛ̨i mąą pənə a di kpɔɔ liiɓa. Ə gɛ, di di wɔ túwɔ́ pələ ɲɔ̨nŋaai lɛ yɛ tɛ̨ą mɛ̨nį. Diɛ lənə Jesus Kristə ɓa, yai gaa a gu mąąkwɛlimun tanɔ̨n gbən da gu Námui. Yálá lawoo a wɔlɔ nuą tii di nwun napili mąą mɛ̨nį ɓo ɉu aa kwɛa.

M̀ɛni-lɛɛi 2:9

Ŋą́ ə́ wɔ mɔ̨nɔ̨i kɔlɔn, ɛlɛɛ, da yɛ́ yeehvowolo laa, kɛlaa hɛn nąmu ɓaa a yɛ́, ɛlɛɛ, naa-mąąhiɛ nuąi da di kpɔwɔ kɛ a Ɉuifəɠaa, ɛlɛɛ yaan, di hvo la, di kaa a ɓilihi hvɛli pɛlɛ́.

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

M̀ɛni-lɛɛi 22:15

'Ká kulɔ ɲɛnɛ̨ɛ̨ pələ, yilɛɠaa, ɛlɛɛ, kaahɛn ɉəɠə nuą, tuwɔ pələ ɲɔ̨n gulɔ nuą, ɛlɛɛ, da nu paa nuą, hali kɔ nuą, ɛlɛɛ, da nuąi lɛɛ wɛli kaa diɛ, ɛlɛɛ, diɛ lɛɛ kɛ!

M̀ɛni-lɛɛi 3:9

Ə́ ɲɛ̨i hee, gáá ɓilihi hvɛli pɛlɛ́ mu nuą tɛɛi ə́ pɔ, a diɛi da di kpɔwɔ kɛ a Ɉuifəɠaa, ɛlɛɛ yaan, di hvo la, mąąhɔlɔɓo da kɛ lɛɛ kɛi. Ə́ ɲəi hee, gáá pai a diɛ, di gwɛli hvilɛn ə́ kɔwɔ mu, ɛlɛɛ, di kili a pu ɉu, diɛ, ə́ wɛlikaa mą́ą́.