Filipə 2:6 - Yálá laawoo hɛɓɛ (dc)

⁶ Yai, bələi mąn Yálá laa kaa ɲəi, hvo giliŋąhiɛ li da Yálá di pɛli mɛ̨nį ɓa, hvo kąnąn yili ɓa.

Yálá laawoo hɛɓɛ

⁶ Yai, bələi mąn Yálá laa kaa ɲəi, hvo giliŋąhiɛ li da Yálá di pɛli mɛ̨nį ɓa, hvo kąnąn yili ɓa.

Bible

⁶ Berei máŋ è kɛ̀ la a Ɣâlai, ve kánaŋ ni Ŋɔɣâla-laai ma.

Filipə 2:6 ပူးပေါင်းရင်းမြစ်များ

Azaya 7:14

Yili mąą mɛ̨nį ɓa, Ną́mu yaa kpinįi gaa mɛ̨nį ta lɛi kaa, ya ɓaa: Nɛ̨ɛ̨non yii hvo hulɔnu mɛ̨nį hukɔlɔn, a koo həɠə, ə lon ɉulɔnu hɔlɔɓo, ə naa hee a Ɛmanuɛlə.

Azaya 8:8

Gaa pai həlii Ɉuda lɔi ɓa, yɛ hiɛ mɛ̨i, yɛ nąą kəlee hvɛɛ, yɛ həli kpɔ nu kwąną, ɛlɛɛ ɲąą kɛnɛ̨ pələ, Oo Ɛmanuɛlə, gaa pai yɛ́ lɔii laa hvɛɛi nąą kəlee.

Azaya 9:6

Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Ɉeremi 23:6

Nwɔ yɛnɛ̨ɛ̨ hu, Ɉuda nwun mąą a ɓo Israɛlə yɛ kɛ nɛ̨ɛ̨ hu. Naai di kaa pai ɉeei mą, ya ka: ‹Yai-Laa ɓə a ku wɔ tələnmolaa.›»

Mise 5:2

Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Maafîu 1:23

Ə mo yɛ: «Nɛ̨ɛ̨gbəla ta yii hvo hulɔnu mɛ̨nį hu kɔ́lɔn, gaa pai koo həɠəi, ə lon ɉulɔnu hɔlɔɓo, di naa hee a Ɛmanuɛlə (mukulaa ɓaa: Yálá kaa gu pɔ).»

Ɉaan 1:18

Nu ta hvo ta Yálá kaa li, kɛlaa, Yálá Lon dɔ̨nɔ̨ gbən yii da Nąn di kɛ di kee pɔ, ya ɓə Nąn nɛ nuą diɛ.

Ɉaan 10:30

Kwa ną́n Yálá ku kaa tɔ̨nɔ̨.»

Ɉaan 10:33

Ɉuifəɠaa di nwoo pulu pənə diɛ mą: «Mɛ̨nį lɛlɛɛɠaai yaa gɛ mąą mɛ̨nį hvəə ku kaa ə́ hɔɔi la. Ku kaa ə́ hɔɔi, mąąhɔlɔɓo, yaa Yálá mąątea woo ɓo; ə lɛɛ, yai ŋɛ̨i ə́ kaa a nu, yɛ kɛ diɛ: Yálá ɓaa yɛ. Mɛ̨nį ku kaa bɔ ku ə́ hɔɔ la, yaa li.»

Ɉaan 10:38

Kɛlaa, akɛ ŋą́ą́ kɛi mɛ̨nįɠaa tii kɛ, ka wala laa ná, ka laa gɛ́ mɛ̨nįɠaa tii la, kaa diɛ kwa ná Yálá ku kaa tɔ̨nɔ̨.»

Ɉaan 14:28

Ka nwóó mɛ̨n! Ŋą́ kɛ kaa: ‹Gáá lii, ŋą pənə ŋį́ pa ka pɔ.› Akɛ nwɛ́li kaa kaa, ka ka kwəinɛ̨ɛ̨, mąąhɔlɔɓo, gáá lii Ną́n Yálá pɔ. Ə lɛɛ, Ną́n Yálá kɛnɛ̨i dɛɛ mą́ą́.

Ɉaan 14:9

Jesus yɛ mą: «Filipə gwa gaa ni gwaa lɔwai tamąą kɛ gu kee ɓa, ya ɓə hvo gɔ́lɔ́n? Nui a gáá, a kɛ tii aa Ną́n gaa. Lə mɛ̨nį ɓa ə́ kaa kɛi mą́ą́: ‹ə́ Ną́n nɛ kuɔ?›

Ɉaan 17:5

Ną́n! Yiihu kɛa mąąwiɛi ŋɛ̨i kɛ ɲə́i gɛɛ yɛnɛ̨ɛ̨ kɔ́wɔ hvo tɔɔ, dɛɛ bɔ́.

Ɉaan 20:28

Tomasə yɛ Jesus ɓa: «Ną́mu da nwɔ́ Yálá.»

Ɉaan 5:18

Nwooi tii mąą mɛ̨nį ɓa, Ɉuifəɠaa di kɛi Jesus paa pələ kwɛli. Mąąhɔlɔɓo, hvo lɛɛ lɔ a vįitɔɔ yələ mąą kala mɛ̨nį, kɛlaa, ə kɛi nwɔ̨nɔ̨ Yálá kɛ a Ną́n, ɛlɛɛ, yɛ kɛ, da Yálá di pɛliɛi.

Ɉaan 5:23

Yili ɓə a gɛ, nu kəlee diɛ Non mąąwiɛ, yɛ bələi da Nąn mąąwiɛ la. Nui hva Non mąąwiɛ, hva Nąn gbɛli mąn mąąwiɛ, yai Non dɔɔi.

Lomaŋ 9:5

di kaa a di kalaɓɔlɔni lonnii, di kaa pələ hu, diɛ ɓə Kristə ə hɔlɔɓo di huwu hu, yai hee ni hɛn gəlee nwun mɛ̨i. Lúwɔ́ kɛ mą a yələ kəlee da nwɔɔ, kɛi a mo tii Yálá ə kɛ! Mįiną!

Korɛntə veelɛ 4:4

A diɛi tii di hvo laai nwɛlɛɛ lɛlɛɛ la, diɛi, ɲɛnɛ̨ɛ̨ ŋɛ̨i hu yálá aa di kili ɲɛ̨i wolo, ə gɛ, di hvo pa nəi Kristə ŋą mąąwiɛlaa mąą wɛlɛɛ lɛlɛɛ kaa, a Kristə yai gaa a Yálá mąąnįnįn.

Korɛntə veelɛ 8:9

Bələi gu Ną́mu Jesus Kristə ə mɛ̨inɛ̨ɛ̨ kɛ la káá, gbaɠala kaa káá, yaa ti kɛ a hɛn nąmu, ə gbɔwɔ kɛ a yeehvowolomun, ə gɛ, ká kɛ a hɛn nąmįną.

Timote dɔlɔɔ 1:17

Wɔlɔ-wɔlɔ da wɔlɔ-wɔlɔ tɔɔmun, a Yálái haa hvo mą, kaa hvo mą, yɛ ɓo lɔ tanɔ̨n gbən, kɛnɛ̨laa da mąąwiɛlaa, ə kɛ mą, ɲɛ̨n dee hvo mą! Kɛ́i a mo tii Yálá, ə kɛ! Amįįną.

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Taitɔ 2:13

guɔ gu wɔɔ Yálá kɛnɛ̨i da gu Nąmu Jesus Kristə, gu ɓalomun ŋą hvoló mąąwia mąąkpɔn na a kilitɔɔmąą laa.

Hebreu 1:3

Non ti ɓə a Yaa kpinįi ŋą mąąwiɛlaa too pono ŋą, bələi lɔ gaa la, bələ lɔ ɓə Non gaa la, ɛlɛɛ Naa woo ŋą hvaŋą ɓə ɉeɛ yɛnɛ̨ɛ̨ kəlee mu. Yii kɛa, ə nuą kəlee di wɔɔ nɛ̨ŋɛ̨nŋaa waa diɛ, ə tɛ ə hee Hééɓolaa ɓa-mįi-yee hu.

Hebreu 1:6

Kɛlaa yaamun, ɓɛlɔwai ə kɛli pa Lon dɔlɔɔ lɛi la yɛnɛ̨ɛ̨ ɓa, ə mo yɛ: «Yálá ŋą malakaɠaa kəlee, 'ká kwɛli hvilɛn mą.»

Hebreu 1:8

Kɛlaa, yii ɓaa a Non nwɛi, Yaa kpinįi ə mo, yɛ: «Ə́ wɔɔ tɔɔkpəlin, oo Yálá, gaa lɔ heeni ɉeei a yələ kəlee mɛ̨nį, ɛlɛɛ, tələnmolaa ɓə ya ə́ wɔ tɔɔlai kɛ ɉu.

Hebreu 13:8

Jesus Kristə kaa lɔ a gɛ pələ yələ kəlee, wɛi, háákələi, ə lɛɛ ɉu, wɔlɔ-wɔlɔ ɓa.

M̀ɛni-lɛɛi 21:6

Ɛlɛɛ, yɛ mą́ą́: «Mɛ̨nį kəlee laa aa hon. Ɲą́ą́ ɓə a Alfa, ɛlɛɛ, a Omega, gɔwɔ tɔɔi, da naa kulɔi. Nui kpələ wɛli kaa mą, ŋą́ gɔ a yá nwun gulɔi yá, a mɛ̨nį nɛ̨ɛ̨.