Filipə 2:14 - Yálá laawoo hɛɓɛ (dc)

¹⁴ 'Ká hvo ká woolaa ka kɛ mɛ̨nį lɔpee ta hu, ka hvo hɛatoo.

Yálá laawoo hɛɓɛ

¹⁴ 'Ká hvo ká woolaa ka kɛ mɛ̨nį lɔpee ta hu, ka hvo hɛatoo.

Bible

¹⁴ Ka mɛni kélee kɛ́, káfe káŋuŋ-su-woo sàa, káfe mare-kɛɛ kɛ̀,

Filipə 2:14 ပူးပေါင်းရင်းမြစ်များ

Mąątɛ̨nɛ̨ 106:25

Diɛ hvaa di nwun ɉu, di wɔ pɛlɛ́ɠaai mu, di hvo lɛɛ Yai-Laa woo mu.

Hanwon 13:10

Hvaa lɔ ɓə kpɔwɔɲąą kɛnɛ̨mun a ɉɔlɔɓo, nuąi da di wəli tɔɔ liɛwoo ɓa, kili ɓə da ɉɔlɔɓo.

Lonon mo 14:27

«Ŋą́ą́ nuą ŋɛ̨i woo mɛ̨n, diɛ náá pələ ɓo. Gɛɛ kala nuą ŋɛ̨i, mįnɛ̨ lɔwai ɓə di kaa pai kpɛlai la mą?

Maafîu 20:11

Ɉɔlɔɓoi tii di mo tii, di kwəi hvo nɛ̨ɛ̨. Mɛ̨nįi tii góló nąmu ə gɛi, di gɔɠɔ tɔɔ kɛa diɛ ɉaa.

Markə 14:5

Ə mą kɛ nu aa kwɛlan dɔ̨nɔ̨ kóló kɛ, nwali hva pɛli həli nwulɔi ŋɛ̨i ɉɔnwɔ hu, mąąnɛ̨ɛ̨ kɛ gu nwulɔi ŋɛ̨i lɔwɔ́tɔɔ gu nwali tɛɛ yeehowolo nuą pɔ.» Pələ kpɔlɔɔ ɓə di kɛi mo la nɛ̨ɛ̨nu tii laa a di nwąnąi.

Markə 9:14

Di paa kɛa di həli galan nɛa yiiɠaa tii diɛ, di gaa, nu kpulu kɛnɛ̨ aa di mąą tinɛ̨n, da tɔ́n galamɔ̨ɔ̨ɠaa diɛ hɛa too.

Lukə 5:30

Farisiɛ̨ɠaa da tɔ́n galamɔ̨ɔ̨ɠaa, di piliɛ kɛ di kee mɛ̨i kɛɛnąą tɔ̨nɔ̨ ɓa. Jesus kaa tii di mo da nuą tii di heɛɛ kɛɛnąą tɔ̨nɔ̨, yili hvo nɛɛ diɛ. Di mo Jesus nwɔ kalan nɛai diɛ, diɛ diɛ: «Lə mɛ̨nį ɓa ka ka kalamɔ̨ɔ̨ ni, ka káá kɔ̨nɔ̨n mįi kɛɛnąą tɔ̨nɔ̨ ka nįįhɔ̨nwɔ̨ kulɔ nuą, ə mą kɛ túwɔ́ pələ ɲɔ̨n gɛ nuą?»

Gɛlaɠaa 15:2

Yili ə nuą ɲąąhee geeɓa, Polə da Barnabasə da nuą ti di ɉuyala kpɔ kɛnɛ̨, di woo ə pɛli ɉu, diɛ: Polə da Barnabasə da di wɔ nuą taɠaa di tɛ Ɉerusalɛmə, gɛlaɠaa da galanɉonŋaa kaai, mɛ̨nįi ti ɓo mɛ̨nį ɓa.

Gɛlaɠaa 15:39

Polə da Barnabasə di woo hvo naa mą, ya ɓə gɛ, nu kəlee ə li a dee. Barnabasə ə Markə həɠə di tɛ gələn ɉu, Siprə.

Gɛlaɠaa 15:7

Di ɉuyala kpɔ di kee lɔwai a nwalawalaa, yili ɓə gɛ, Piɛrə ə bələ həɠə yɛ diɛ: «Nąn nonnii, ka kili kaa ɉu káá kɛ, Yálá ə ɉə́ɠə́ ɉu ka lɔwai a gɔwɔ tɔɔ yələ, ə gɛ, huwu takpɛliɠaa diɛ pɛli nwəlɛɛ lɛlɛɛ mɛ̨n ɉii ná, ɛlɛɛ, diɛ gaa a tɛ̨ą.

Gɛlaɠaa 6:1

Naalɔwai, galan nɛa kpulu hu ə kɛi kɛnɛ̨, Ɉuifə yiiɠaai kɛi Grɛkə woo ɓo, di kɛi Hebreuɠaa laa ɓo, kɔ̨nɔ̨n mɛ̨nį hu, mąąhɔlɔɓo, di hvo kɛi di wɔ kalaninŋaai mąą mɛ̨nį ɲɛ̨i kulɔ a dənən gɔ̨nɔ̨n ɲąąkwɛlɛi lɔwai.

Lomaŋ 12:18

Akɛ pɛli mąą a kɛ ɉu, ká hvaa mą ɓə-o, liilaa ə kɛ ka nu kəlee ka lɔwai.

Lomaŋ 14:1

Nuąi di hvii kpɛɛ laa na pələ mɛ̨i, ka ka yee hee di mu ka hvo di laa pələɓo.

Lomaŋ 16:17

Ną́n nonnii, gáá ka liɛwoo ɓoi, gɛ́: nuąi di kaa a kɔ́wɔ tuwo kwɛni, diɛ ɓɛlaɓo too ka lɔwai, dɛ̨ąwooi di ka mąąkwɛlima daa nɛɛ laa, ka ka kpɔɔ mɛ̨i kaa di mąą mɛ̨nį ɓa; 'ká ka mąą kwɛa diɛ.

Korɛntə dɔlɔɔ 10:10

'Ká hvo hvaa ká nwun ɉu, yɛ bələi daɠaa di gɛ la; nwun na pilimun yɛ di nwun na pili.

Korɛntə veelɛ 12:20

Ɲɔw kaa ɉú, gɛ́ kɛ ŋą́ pa, və́ pa ká kaa yɛ bələ, gáá la bɔi; ɛlɛɛ, kaan káá gáá yɛ bələi ká la bɔ və́ kɛ la. Gáá ɲɔwi, kiti hvo pa kɛ ká lɔwai, tolo, lííholi, hvaa, laa kala, laa pələ ɓo, tɛɠɛɓo ɉu, da mɛ̨nį yɔhɔ-yɔhɔɠaa.

Galatə 5:15

Kɛlaa, akɛ, kɛi ká keeni ɲin, káá ká keeni huwɔ hu hvala-hvala, 'ká gɛ a nɛlɛɛ, ká hvo pa ká keeni mąą mɛ̨nį pili ɉu.

Galatə 5:26

Mąą hvo nɛ̨ɛ̨li 'gu hvo gu kpɔwɔ ɲąąkɛnɛ̨, gu hvo gu liiŋąnwąną gu kee pɔ, gu hvo gu keeni ɲɛ̨ikɔw kpɔlu.

Filipə 2:3

'Ká hvo mɛ̨nį lɔpee ta kɛ a wɛli kpɛɛ mąąlaa, a wala kɛ ti, nu ta hvo gbɔwɔ kɛnɛ̨ kiliŋąhiɛ kɛ; kɛlaa, kpɔwɔ mąą yɛɛ laa hu, ka ka ɓɛlaa kaa yɛ, ká tɛɛ-mąąɠaa.

Tɛsalonikə dɔlɔɔ 5:13

'ká di ɓɛlɛlɔ kpɔ kɛnɛ̨ di kɛ kóló mąą mɛ̨nį ɓa. 'Ká ɲɛnɛ̨ɛ̨ kɛ a liilaa ká diɛni ká kee lɔwai.

Tɛsalonikə dɔlɔɔ 5:15

Ka gɛ a nɛlɛɛ, nu ta hvo mɛ̨nį ɲɔ̨n gwələ kulɔ a mɛ̨nį ɲɔ̨n, kɛlaa, ka túwɔ́ a nɛlɛɛ ká kee lɔwai, ə mą kɛ, a nui lɔpee gəlee.

Hebreu 12:14

'Ká tɔɔ a ká nwąnąi, liilaa ə kɛ ká nu kəlee ká lɔwai, ɛlɛɛ, ká mąąhəɠəlaa kwɛli, yai ə kulɔ bulu, nu hva pɛli Yálá ɲɛ̨ilaai kaai.

Zĩi 1:20

gbala ə too, nu ŋą lííholi hva Yálá ŋą tələnmolaa pɔ mɛ̨nį kɛ.

Zĩi 3:14

Kɛlaa, tolo a kɛ ká hu, da wɛlikpɛɛmąą laa, ká hvo ká kpɔwɔ ɲąąkɛnɛ̨, ɛlɛɛ, ká hvo lɛɛ pɛlɛ tɛ̨ą ɓa a ká túwɔ́ pələ.

Zĩi 5:9

Ną́n nonnii, ka hvo ka woolaa ka kee yəi, əgɛ, di hvo nəi pa ká kiti tee. Ká nąą kaa, giti tee mun kaa kɛa tɔɔni bɛlɛ́ laaləi.

Piɛrə dɔlɔɔ 3:11

Ə bulu tɔɔ mɛ̨nį ɲɔ̨n ma, ə mɛ̨nį lɛlɛɛ kɛ, ə vaŋąlɔ ə liilaa kwɛli ɛlɛɛ, ə hvilɛn bulu.

Piɛrə dɔlɔɔ 4:9

'Ká ká yee hee nu kəlee mu a kwəi kwɛlɛ laa, 'ká hvo ɉaa.

Zûu 1:16

Nɛɛ kalan gɛ nuą tii, mɛ̨nį ta hva di kwəinɛ̨ɛ̨. Di kaa lɔ di woo laa hu, di kpɔwɔ nwɔ kiliŋąhiɛ lɔ ɓə da hiɛ la. Kpɔwɔ ɲąą kɛnɛ̨ wooɠaa kaa di la. Da kɛi nu ta tɔ̨nɔ̨ kulɔ ya lɔ ɓə da mąąwiɛ la.