Filipə 1:7 - Yálá laawoo hɛɓɛ (dc)

⁷ Vialaɓoɔi ka mąą liihɛlɛn ə too mą́ą́, ka mąą mɛ̨nį kaa níí hu a hvóló kəlee, mąąhɔlɔɓo, mɛ̨inɛ̨ɛ̨i yálá ə gɛ mą́ą́, ká wɔɔ nąą kaa ɉu. Ə mą kɛ yiihu gáá gaho ŋą, ə mą kɛ, ŋą́ kɛ la gbɔ́ɔ́ ɓa gɛ́ wɛlɛɛ lɛlɛɛ mąąkɔ̨nwɔ̨, gɛ́ naa həli.

Yálá laawoo hɛɓɛ

⁷ Vialaɓoɔi ka mąą liihɛlɛn ə too mą́ą́, ka mąą mɛ̨nį kaa níí hu a hvóló kəlee, mąąhɔlɔɓo, mɛ̨inɛ̨ɛ̨i yálá ə gɛ mą́ą́, ká wɔɔ nąą kaa ɉu. Ə mą kɛ yiihu gáá gaho ŋą, ə mą kɛ, ŋą́ kɛ la gbɔ́ɔ́ ɓa gɛ́ wɛlɛɛ lɛlɛɛ mąąkɔ̨nwɔ̨, gɛ́ naa həli.

Bible

⁷ Ǹɛ́lɛɛ̂i kámaa-mɛni kíli é tóo ŋá kákelee, kpɛ́ni fêi, kákaa ńii su, kwa ka-ni ku ƃo a m̀ɛlɛ-seei sɔlɔ ƃo-ƃela, ŋ́gɛɛ máŋ kpini-pɛrɛ mui, da ńdɔɔ Duŋ Lɛ́lɛɛi mɛni ma e pɛlɛ ŋɔtɔ̃yâi mai.

Filipə 1:7 ပူးပေါင်းရင်းမြစ်များ

Gɛlaɠaa 20:23

Kɛlaa gílí kaa ɉu, gɛ́ Kili-Mąąhəɠɛɛ kaa moi mą́ą́ daa tɛitɛi hu, yɛ, yɔwɔn da mɔ̨nɔ̨ ɓə mą́ą́ kpɔn ɉi.

Gɛlaɠaa 21:33

Nąąlɔwai, gɔ́laɠa nwun nąmu ə lɛɠɛ Polə ɓa, ə Ɉon, yɛ diɛ: Ka ɲili a yɔwɔn veelɛ. Yili pulu ə di mąąni kɛ yɛ diɛ: Gbɛɛ ɓɛi, ɛlɛɛ, lə ɓə ə gɛ?

Korɛntə dɔlɔɔ 13:7

Wɛlikɛmąąlaa a hɔn kəlee mąąhvaalɛɛ, a laa mɛ̨nį kəlee la, a gilitɔɔ mɛ̨nį kəlee ɓa, a niikpələ mɛ̨nį kəlee mu.

Korɛntə dɔlɔɔ 9:23

Ŋą́ yili kəlee kɛ nwɛlɛɛ lɛlɛɛ mąą mɛ̨nį ɓa, gɛ́ pɛli nwɔ́ɔ́ hɔlɔɓoi ɉu.

Korɛntə veelɛ 3:2

Káá ɓə a ku wɔɔ hɛɓɛ́i, ɉɛɓɛ́i tii pɛ̨ɛ̨i ku nii hu, nu kəlee di gɔlɔn, diɛ mo.

Korɛntə veelɛ 7:3

Və́ yili ɓoi ti káá, ká hvala mɛ̨nį ɓa, mąąhɔlɔɓo, ŋą́ą́ gbɛa kɛ mo káá, ká káá ku lii hu, ə kɛ haa hu, ə kɛ ku hvulú kɔwɔ ɲą.

Galatə 5:6

Gbala ə tɔɔ, nui gaa Jesus Kristə hu, yɛ ə kɛ a kɛ́nɛ̨-lon, yɛ ə kɛ a kɛ́nɛ̨-kpolaa, yili hvo neelee, kɛlaa, yii a neelee, ya ɓaa: laa na laai bɔ túwɔ́ kaa mą.

Ifisiɛŋ 3:1

Yili mąą mɛ̨nį ɓə, ɲą́ą́ Polə, a Jesus Kristə ŋą gaho nąmu, káái a huwu takpɛliɠaa, ká mąą mɛ̨nį ɓa.

Ifisiɛŋ 4:1

Gáá kani ká mąąnɛ̨ɛ̨i, gu Nąmu nwɛi hu, ɲą́ą́ ŋɛ̨i gaho ŋą, gɛ́, ká ká wɔɔ yɛnɛ̨ɛ̨ kɛ, a dəliɓo wooi too ká wəlii, mąą hon bələ;

Ifisiɛŋ 6:20

yai mąą kɛla ɓaa a ɲą́ą́, gɛ́ ɓo la yɔwɔn ɲą, 'ká Yálá hvɛli, ə gɛ, gɛ́ pɛli naa həli a kili la tee, yɛ bələi mąąnɛ̨ɛ̨i ŋą́ gɛ la.

Filipə 1:12

Nąn nonnii, gáá bɔ ka gɔlɔn kaa diɛ laa nɔ̨nwɔ̨ yiiɠaai həli mą́ą́, yili aa kɛ a wɛlɛɛ lɛlɛɛ tɛ mɛ̨nį tɔwɔ.

Filipə 1:13

Dɔɔkwəlii holahiɠaa, da pələ takpɛli nuą, di gɔlɔn diɛ gáá gaho ŋą Kristə mąą mɛ̨nį ɓa.

Filipə 1:14

Gɛ́ mɛ̨nį gaho ɲą, yili aa gu nąn nonnii tamąą di wɔɔ liikpələ ta kɛ mą, gu Ną́mu hu, di hva ɲɔw Yálá lawoo laa həli.

Filipə 1:5

Mąąhɔlɔɓo, kaa kpɔnmąą tɛɛ bɔ́ nwɛlɛɛ lɛlɛɛ laa həliɛ hu, ə həɠə voló tɔlɔɔ ɓa, ə həli la yiihu ɓa.

Filipə 2:22

Bələi Timote a kulɔ la nwoo ɓa, kaa kpinįi ka gɔlɔn. Da pələi kwa yaa kwa kólo kɛ la, ya ɓə bɔ́ yɛ nón, gɛ́ ɓo yɛ nąn, kuɔ nwɛlɛɛ lɛlɛɛ mąąkɔ̨nwɔ̨.

Filipə 4:14

Kɛlaa yaamun, ka gɛ a nɛlɛɛ, ka ka kiliŋąhiɛ ká vilɛn mą́ą́, ŋą mɔ̨nɔ̨i hu.

Filipə 4:15

Káái a Filipə daai nuą, ka gɔlɔn kaa diɛ: ɓɛlɔwai ŋį́ həɠə la Masedoanə lɔi hu wɛlɛɛ lɛlɛɛ laa həliɛ kɔ́wɔ tɔɔi lɔwai, kaai a Yálá ŋą kpɔn Filipə daai kaa tanɔ̨n gbən lɔ ɓə kaa mą́ą́ kpɔn mąą ɓo, kaa tɔ̨nɔ̨ gbən ɓə kaa yili kɛ.

Filipə 4:3

Yɛi ɓaa mɛ́lan, gɛ́ ə́ kpɔnmąą tɛɛ di pɔ ə di yee lɔ gee hu, mąąhɔlɔɓo, nɛ̨ąąi ti, kwa diɛni ku wɛlɛɛ lɛlɛɛ mąąkɔ̨nwɔ̨, ə mą kɛ, Kleman da mɛlaa yiiɠaai kwa diɛni ku kɛi kólo kɛ gee ɓa, diɛi di laa kaa yɛnɛ̨ɛ̨ kpɛɛ hvo mą hɛɓɛ́ hu.

Kolosə 4:18

Túwɔ́ wɛlɛɛ ŋɛ̨i, ɲą́ą́ gbínįi ɓə bɛ̨ɛ̨i a ɲéé, ɲą́ą́ Polə, gáá yɔwɔn ŋą, 'ká ká kili lɛɛ ɉú. Yálá nwɔ mɛ̨inɛ̨ɛ̨ ə kɛ ká pɔ!

Kolosə 4:3

Ká wɔɔ Yálá hvɛlii lɔwaiɠaa, ká Yálá hvɛli kuɔ kpɛlimąn kuɔ, əgɛ, Yálá ə naa woo laa həli pələ laaɓo ku tɔwɔ, gɛ́ pɛli Kristə mąą mɛ̨nį loɔɠaa hukulɔi, yai gáá gaho ɲą, mąą mɛ̨nį ɓa;

Tɛsalonikə dɔlɔɔ 5:5

Ká kəlee kpɔ, ká káá a kɛɛ pono lonnii, a yələɓɔɔ lonnii, gu hvo a kpinį nwɔɔ, gu hvo kpɛlimąn a tɛɛhilɛ-kpinį nwɔɔ.

Timote veelɛ 1:8

'Hvó kani kɛ ə́ kaa nwumɛ̨i gu Ną́mu mąą kɛla hvaa ɓoi, ɛlɛɛ, ɲą́ą́ ŋɛ̨i gaho ɲą mąą mɛ̨nį ɓa, 'hvó nwumɛ̨ a mą́ą́ mɛ̨nį. Kɛlaa, 'too bɔ́, gu nwɛlɛɛ lɛlɛɛ mąą mɔ̨nɔ̨ mį́i, gu kilitɔɔ la Yálá vaŋą ɓa;

Timote veelɛ 2:9

a yai, mąą mɔ̨nɔ̨ ka gáá mįi, diɛ dóó kpɔ la yɔwɔn ŋą, yɛ ŋą́ kɛ a mɛ̨nį ɲɔ̨n gɛmun. Kɛlaa Yálá laa woo hvo yɔwɔn ŋą.

Filemɔn 1:13

Ŋą́ kɛ kpɔ bɔ ə lɛɛ ɓɛ gwɛ́lɛ, ə́ ə́ tɔɔi kɛ, ɓɛlɔwai ŋɛ̨i gáá la gaho ŋą nwɛlɛɛ lɛlɛɛ mąą mɛ̨nį ɓa.

Hebreu 3:1

Yili ɓa tii kani, Kristalɛa mąąhəɠɛɛɠaa, káái Yálá aa ká təli, 'ká ká ɲɛ̨i hee Jesus ɓa, yai a ká wɔɔ laa na laa nwun, a kɛla, da ɉaláá laa həli mun gɛnɛ̨i;

Piɛrə dɔlɔɔ 4:13

Kɛlaa yaamun, ká ká kwəinɛ̨ɛ̨, mąąhɔlɔɓo, mɔ̨nɔ̨i ti Kristə ə mįi, ká wɛi ka ti aa həli káá. Yili ɓə a gɛ, ɓɛlɔwai nwɔ mąąwiɛ laa kaa pai tooi la ponoŋą, kaa kpɛlimąn, ká wɔ kwəinɛ̨ɛ̨ laa ə kulɔ.

Piɛrə dɔlɔɔ 5:1

Nu pɔlɔ-pɔlɔɠaai ká lɔwai, diɛ ɓə gáá di hvaŋąlɔi, ɲą́ą́i a nu pɔlɔ-pɔlɔ yɛ diɛ, ŋį́ ɓo a mɔ̨nɔ̨i tii Kristə ə mįi, mąą kɛla, mąąwiɛ laai pai tooi pono ŋą, nwɔ́ nąą kaa ɉu:

Piɛrə veelɛ 1:13

Ɓɛlɔwai ŋɛ̨i gáá ni la yɛnɛ̨ɛ̨, yii gáá gaai ɉu a ɉaŋąa, ya ɓaa: ŋį́ ka kili pu mɛ̨nįɠaa hu, ka kɛ ɉu a ka ɲɛ̨i.

Zɔ̂ŋ Maa-ŋuŋ 3:14

Gu wɛi, gu kili kaa ɉu guɔ gwaa kulɔ haa hu, gwaa lɔ yɛnɛ̨ɛ̨ hu, hvó gaai, gwa gu nąn nonnii wɛlilakɛ. Nui wɛlikɛmąąlaa hvo ɉu gaa ni haa hu.