Ɛsdrasə 9:8 - Yálá laawoo hɛɓɛ (dc)

⁸ Kɛlaa, yiihu, ɉu hvo nii kwɛa li, Yai-Laa kuɔ Yálá aa ku kpəli lɛɛ a vúlu, aa ku heei tɛɛ ku pɔ nwɔ kɛɛnąą maahɛɠɛɛ ɓa. Ku wɔ Yálá, yaa ku ɲɛ̨i pɔ̨nɔ̨, yaa hvaŋą wolo tɛɛ ku pɔ, ku wɔ luwɔlaa hu.

Yálá laawoo hɛɓɛ

⁸ Kɛlaa, yiihu, ɉu hvo nii kwɛa li, Yai-Laa kuɔ Yálá aa ku kpəli lɛɛ a vúlu, aa ku heei tɛɛ ku pɔ nwɔ kɛɛnąą maahɛɠɛɛ ɓa. Ku wɔ Yálá, yaa ku ɲɛ̨i pɔ̨nɔ̨, yaa hvaŋą wolo tɛɛ ku pɔ, ku wɔ luwɔlaa hu.

Bible

⁸ Tãi kpuai ŋí yée mu, Kúɣâlai Yâwɛɛ, ya kúmalôŋ káa ya ǹɛɛ naa kwa kula luɛ-laa su, kwa pá gwaa ma waai ŋí ma ŋuma-ƃo kɛ́ ƃò kúyêei. Ya kú kúla luɛ-laa su ya gɛ́ kúkɛ ƃò fúlu lâa nina su.

Ɛsdrasə 9:8 ပူးပေါင်းရင်းမြစ်များ

Tɔɔɓɛlaa veelɛ 19:4

Asiri tɔɔmun nwɔ kɔ́ kɔ́ kwɛli hɛn ɉəɠə mun ŋɛ̨i ə dɔɔ, yɛ pa Yálá hvulú lalan ɉii, Yai-Laa kaa kiɛ pai nwoo mɛ̨n ɉii. Nwooɠaa tii mąą mɛ̨nį ɓa, Yai-Laa ə́ wɔ Yálá kaa pai nwąną kulɔi mą, nwaa wooɠaa tii mąą mɛ̨nį ɓa. Esai! Ə́ woo tɛ Yai-Laa ɓa, nu kpəli woloi aa lɛɛ mąą mɛ̨nį ɓa.›»

Ɛsdrasə 9:9

Mąąhɔlɔɓo, ɓɛlɔwai ku kɛ la luwɔlaa hu, hvo ə́ kili kulɔ li ku hu, ə́ ə́ kiliŋąhiɛ kuɔ, Pɛrsə tɔɔɓɛlaa ɲɛ̨i ɓa, ə́ wɔ wɛlikɛmąąlaa hu, ə́ ku nwun mąąɓo, ə gɛ, ku Yálá hee pɛlɛ́ muhəɠə, kuɔ nwɔ̨nɔ̨ bɛlɛ kpoloon tii muhəɠə a nįnɛ̨, ə́ ku mąą kɔ́nwɔ̨i tɛɛ ku pɔ Ɉerusalɛmə daai, da Ɉuda lɔi hu.

Nehemi 1:11

Ee Yai-Laa! Ə́ wəli tɔɔ ə́ wɔ tímun nwɔ hvɛli ɓo woo ɓa, ə́ wɔ tínuą di di wɔ hvɛli ɓo woo ɓa, diɛi da ɲɔw ə́ laa ɓa, hvaa mą, ɉulɔnui ŋɛ̨i ə ɲɛ̨i lɛlɛɛ hee ə́ wɔ tímun ma.» Nąąlɔwai, ɲą́ą́ ɓə kɛ a tɔɔmun nwɔ lɔɔi pɛlimun.

Nehemi 9:31

Kɛlaa, ə́ wɔ wɛlikɛmąąlaa kɛnɛ̨ɛ mąą mɛ̨nį ɓa, hvo kɛ ə́ kili kulɔ li di hu, hvo kɛ di nwun na pili li; mąąhɔlɔɓo, ə́ kaa a wɛlikɛmąą Yálá, yɛ́ nu ɲɛ̨imąąwɛli kaa.

Zôo 33:30

Bələ ɓə a nu kulɔ la haa wolo la, Yɛ kɛɛ pono tɛɛ nu huluɠaa pɔ.

Mąątɛ̨nɛ̨ 13:3

Níí yɛ kələn gwə́i ə lɛɛ ɉu mįnɛ̨ lɔwai ə həli la? Ŋį́ ɓo lɔ mɔ̨nɔ̨ hu, a yələ kəlee? Ɲówo yee kaa pai lɛɛi a dɛɛ mą́ą́, ə lɛɛ ɉu lə yələ ə ɉəli?

Mąątɛ̨nɛ̨ 13:4

Ə́ ɲɛ̨i hee, nwóó pulu pənə, Yai-Laa, nwɔ́ Yálá! Yálá, ɲɛ́i hvoloon, və́ pa yíi haa yee kɔ́nma!

Mąątɛ̨nɛ̨ 138:7

Ŋą́ kɛ laanɔ̨nwɔ̨ kɛnɛ̨ hu, yá pənə ə́ nwɔ́ yɛnɛ̨ɛ̨ pu nįnɛ̨ koloi, yá ə́ yee hulɔ pɛlɛ ɲówóɠaa diɛ, ə́ ɓa-mįi-yee yɛ málo.

Mąątɛ̨nɛ̨ 34:5

Ŋą́ tínɛ̨n Yai-Laa pɔ pələ, ə nwóó mu hon; ə gúlɔ mą́ą́ɲɔw mɛ̨nįɠaa kəlee hu.

Mąątɛ̨nɛ̨ 85:6

Yɛ́ mɔ̨ɔ̨ ə́ lɛɛ a ə́ líiholiɛ ku pɔ a yələ kəlee mɛ̨nį? Yɛ́ ə́ wɔ líiholii hu kwɛa lɔ a kwɛlan gəlee?

Hanwon 29:13

Yeehvowolomun da hvulu hɛn gwɛlimun da di kee kaa, Yai-Laa ɓə a nu hveelɛi tii ɲįnąąɓo tɛ̨ą mɛ̨i.

Ikilisiati 12:11

Kilimąą nuą woo kaa yɛ hɛ́pɛlɛ, a yali nu lii ɓa, ə nu kili nwun. Kilimąą nuą woo a nu kili lɛɛ mɛ̨nį kɔ́lɔn mɛ̨nįɠaa hu. Kilimąą nuą woo a həɠə Yálá tanɔ̨n gbən mə bɔ, yai a nu tənən dɔɔ a tɛ̨ą.

Azaya 1:9

Akɛ kɛ, Yai-Laa Mɛ̨nį Kəlee ŋą Hééɓomun, hvo ku kpəli wolo lɛɛ kɛ, yɛ kwəli kɛ yɛ, Sodomə, ku mąą mɛ̨nį ə kɛ yɛ Gomorə.

Azaya 14:3

Ɲələi Yai-Laa kaa pai hvitɔɔ yɛnɛ̨ɛ̨ tɛɛi la ə pɔ, ə́ wɔ mɔ̨nɔ̨ɠaai da ə́ wɔ hviikpɛɛɠaai pulu, da nuwɔ laa ɲąąnwąnąąi ə kɛ ɉu, gəlee pulu,

Azaya 56:5

gáá pai ɉələŋąn dɔɔi di mąą mɛ̨nį ɓa, gɛ́ laa tɛɛ di pɔ ɲə́i bɛlɛ́n, bɔ́ɔ́li; yili hviɛlaɓoɔi lon ɉinąą da lon nɛ̨ąą diɛ, gáá laa ta pɛ̨ɛ̨i diɛ a yələ kəlee da nwɔɔ, di hva gulɔ laa a yələi lɔpee ta.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Azaya 6:13

Da nɔi lonnii ɓɛlaɓo ɉu pow, bow nąąi pai kulɔi ɉu, yaa kpɛli a lɛɛ a nwɔ̨n gɔ̨nɔ̨n, yɛ bələi da kpitili da ɓahi di pɔn na, nwungbə lɔ ɓə a lɛɛ, nwungbəi tii, hɛn ɉuwu mąąhəɠɛɛ li.

Ɉeremi 42:2

diɛ Yálá kwəi mɛ̨nį hukulɔ mun Ɉeremi ɓa: «Kuɔ nɛ̨ɛ̨mąą hvə woo ə həli yɛ́. Yai-Laa ə́ wɔ Yálái hvɛli, ku kpəli woloi aa lɛɛ, ku mąą mɛ̨nį ɓa. Kwaa lɛɛ lɔ kɛa tɛitɛi; ya pa ku kpulu kɛnɛ̨ kɛ, gbaɠala kaa yɛ́.

Ɉeremi 44:14

Nuą mąn lɛɛ Ɉuda lɔi hu, nuą di kaa Eziptə lɔi hu di mąąkilɛ pələi, da hvo pai kulɔi ɉu, di ta hvo pai lɛɛi, di ta hvo pai pənəi hvo li Ɉuda lɔi hu, di kili kaa ni di pulu pənə mɛ̨nį ɓa di pa di hee di pɔɔli. Kɛlaa, di hva pənə di hvo li laa. Nu kpulu wolo tiikpə lɔ ɓə pai kulɔi ɉu.»

Izikiɛ 14:22

ə mą kɛ ti, nu kpəli wolo a lɛɛ. Diɛ hilɛlɛa da nɛ̨ɛ̨lɛa kulɔ daai; diɛ ka ɲɛ̨i pai ka pɔ. Ka káá pai di tuwɔ pələ kaai, da di kɛ mɛ̨nįɠaa; yili kaa pai ka lii laai mɔnɔ̨ɠaai laa Ɉerusalɛmə ɓa, ɉu, da mɛ̨nįɠaai kpɔ ŋą́ą́ gɛ diɛ həli mą.

Osia 6:2

Gaa pai a gu kɛi a gu hvulú hvóló hveelɛ yeemu. Voló haaɓa yələ, a kɛ a gbɛɛ a gu muhəɠɛɛ; ɛlɛɛ gu kaa pai kɛi a gu hvulú níila.

Habakukə 3:2

Éé Yai-Laa! Ŋą́ą́ ə́ kɛ mɛ̨nįɠaa mąą pələ mɛ̨n ŋą́ą́ ɲɔw. Yai-Laa ə́ kɛ mɛ̨nįɠaa kɛ yiihu. Yɛ bələi wɔlɔ ə́ kɛi gɛ la. Ə́ kɛ mɛ̨nį kɔlɔŋąą lɛ a kwɛlan gəlee. Ə mą kɛ kwaa ə́ liiholi mɛ̨nį kɛ, ə́ wɔ ɲɛ̨i mąą wɛli kaa lɛ kuɔ.

Sofoni 3:12

Gáá pai ɲéé kanąn ɉii nu huwu logolo tiikpə ɓa, ə́ wɔ lɔi hu. A nuąi di kaa a yeehvowolo nuą, di ɓɛlɛɛ, Yai-Laa laa hu ɓə di kaa pai kɛi di mąą kilɛi laa.

Zakari 10:4

Ɉuda huwu hu ɓə bɛlɛ́ hvilɛn gwɛni kaa pai kulɔi laa, da ɉəɠə pɛlɛ́ hvilɛn nwulu, da gɔ-kɔ kilɛn. Nąą ɓə nɔi ɲąąwooɓonuą kəlee kaa pai kulɔi laa.

Zakari 8:12

Yili ɓa, gáá pai liilaa hį́n ɉi lɔi mɛ̨i, viɲə yɛ ɓa, híhɛn yɛ lɛlɛ nɔi hu, yələkɔ́lɔn yɛ tulɔ pu; Ŋą́ ɉɛnŋąąi tii kəlee tɛɛ, nɔi lonnii gbəliɠaai da lɛɛ, di pɔ a di wɔɔ.

Zakari 8:6

Yai-Laa, Yai-Laa Mɛ̨nį Kəlee ŋą Hééɓomun woo ka, yɛ diɛ: Akɛ, nɔi lonnii yiiɠaai daa lɛɛ, da wala kɛ mɛ̨nįɠaai tii kaai a pɛli mɛ̨nį, ɲələ a pa həlii, a kɛ tii ɲą́ą́n gbɛli mąn, vá mɔ̨ɔ̨ gaa a mɛ̨nį a pɛli kɛi? Yai-Laa Mɛ̨nį Kəlee ŋą Hééɓomun woo li.

Lomaŋ 9:27

Esai nwɛi, ə mo yɛ: «Israɛlə lonnii di mąn tamąą yɛ gboloyá hu ɲɛa kɔw, da wolo lɔ ɓə pai ɓaloi.»

M̀ɛni-lɛɛi 3:12

«Nui ɲee a tɛɛ mɛ̨nįɠaa tii ɓa, ŋą́ gɛ a pɛlɛ́-lɔnwɔ̨ nwɔ́ Yálái ŋą pɛlɛ́i mu, hva kɛa kulɔ laa kpɔ hvąą-hvąą, ɛlɛɛ, ŋą́ nwɔ́ Yálái laa pɛ̨ɛ̨ mą, ɛlɛɛ da nwɔ́ Yálá ŋą taalee, yai a Ɉerusalɛmə nįnɛ̨, yai həɠəi yələi, yɛ həɠə nwɔ́ Yálái kwɛlɛ, ɛlɛɛ da Náá nįnɛ̨.

Samuɛlə dɔlɔɔ 14:27

Kɛlaa, Ɉonatan hvo nąn nwoo tii mɛ̨n, ɓɛlɔwai ə kɛi mɛ̨nįi tii ɓo la nuą diɛ, yɛ gwɛla. Wulu kpiɛn ə kɛ Ɉonatan yəi, ə ɉaŋa ə nɔ gwəi nwulɔ hu, ə lɛɛ, ə ɉiɛ lɔ na, ɲɛ̨i ə pɔ̨nɔ̨ nwun ma.

Samuɛlə dɔlɔɔ 14:29

Ɉonatan yɛ mą: «Nán a mɛ̨nį ɲąąnwąnąą laa nɔi ɓa, ka ɓɛ kaa li, ɲɛ̨i aa pɔ̨nɔ̨ nwún ma a gwɛin nwulɔ woloi ŋɛ̨i lɔ ŋą́ gɔwɔn.