Ɛsdrasə 9:7 - Yálá laawoo hɛɓɛ (dc)

⁷ Ə həɠə ku nąnni di wɔ lɔwai ɓa, ə həli la háákələi ɓa, túwɔ́ pələ ɲɔ̨n kwaa gulɔ, aa kɛnɛ̨. Kuɔ, ku wɔ tɔɔɓɛlaa, da ku wɔ haláá laa həli nuą, ku kɛ nɛ̨ŋɛ̨nŋąą ɓə gɛ, kuɔ too yɛnɛ̨ɛ̨ tɔɔɓɛlaa yee ŋą, kuɔ kɛ a ɓɔwa kwɛaa kɔ̨nɔ̨n luwɔlaa hu, too mɛ̨i yee kɔ́nma, da nwumɛ̨, yɛ pələi gaa la háákələi.

Yálá laawoo hɛɓɛ

⁷ Ə həɠə ku nąnni di wɔ lɔwai ɓa, ə həli la háákələi ɓa, túwɔ́ pələ ɲɔ̨n kwaa gulɔ, aa kɛnɛ̨. Kuɔ, ku wɔ tɔɔɓɛlaa, da ku wɔ haláá laa həli nuą, ku kɛ nɛ̨ŋɛ̨nŋąą ɓə gɛ, kuɔ too yɛnɛ̨ɛ̨ tɔɔɓɛlaa yee ŋą, kuɔ kɛ a ɓɔwa kwɛaa kɔ̨nɔ̨n luwɔlaa hu, too mɛ̨i yee kɔ́nma, da nwumɛ̨, yɛ pələi gaa la háákələi.

Bible

⁷ É kúla kúnuu-pɔlɔ-ŋai díwɔ̂ ɣele-ŋai dîa, é tóo sâa ma, kúai a ínûai, kwa sɔnyɔ̂ŋ kɛ́ a yá a zu kɛ́tɛ. Kúsɔnyɔ̂ŋ-ŋai da gɛ́ kúkâloŋ-ŋai da kúsâla láa soŋ-ƃelai é pɛ́lɛ kúla kpîŋ kûa kwa too lɔii ŋuŋ da kpɛ́ni-ŋa mɛi kâloŋ-ŋa yêei. Da kú ta-ŋa paa, da sãâ kula kú ta-ŋa yêei, da lí a kúta-ŋa luɛ-laa su. Da ƃaâ kula kûa a ŋ̀ánaa, ǹyaŋ díkaa nɔ́ niî sɔnyɔ̂ŋ kɛ̂i.

Ɛsdrasə 9:7 ပူးပေါင်းရင်းမြစ်များ

Tɔɔɓɛlaa dɔlɔɔ 8:47

nɔi da kɛ ɉu luwɔlaa hu, da lɛɛ laa, da di kiliŋąhiɛ, da di túwɔ́ pələ mąąhvalin, da nɛ̨ɛ̨mąą hvə yɛ́, ɓɛi tii di kaa laa nuwɔlaa hu, diɛ kɛ mą: ‹Nɛ̨ŋɛ̨n ɉəɠə nuą ɓaa kuɔ, kwaa ku ɉon gɛ, kwaa nɛ̨ŋɛ̨n ɉəɠə›.

Kɔlɔnikɔ Veerɛi 29:6

Hvo gaai gu nąnni di di hɔn gɛ a ɲɔ̨nwɔ̨ɔ̨ Yai-Laa gu wɔ Yálái ɲɛ̨i ɓa; di nɛɛ laa; di di ɲɛ̨i həɠə Yai-Laa nwɔ pɛlɛ́i ɓa; di di pulu tinɛ̨n mą.

Kɔlɔnikɔ Veerɛi 30:7

'Ka gɛ yɛ ka nąnni da ka kaayɔwɔɠaa di woo kala di nąnni di wɔɔ Yálái Yai-Laa ɓa, yaan ə di lɛɛ laa diɛ di hukala; yɛ bələi gbaɠala kaa la kaa.

Kɔlɔnikɔ Veerɛi 34:24

‹Yai-Laa woo ka, yɛ: Gáá pai mɛ̨nį ɲąąnwąnąą laai gɛɛnąą ŋɛ̨i ɓa da ɉu nuą; ɉɛɓɛ́i tii di ɉu woo ɓo Ɉuda tɔɔmun ɲɛ̨i ɓa, mɛ̨nį ɲąąnwąnąą bɛ̨ɛ̨i ɉu, gáá gəlee pɔ mɛ̨nį kɛi;

Ɛsdrasə 9:13

Yili ɓa, mɛ̨nįɠaai kpɔ laa kuɔ, ə kulɔ ku wɔ túwɔ́ pələ ɲɔ̨n da ku wɔ nɛ̨ŋɛ̨nŋąą mąą mɛ̨nį hu. Kɛlaa, Yɛ́i ɓaa ku wɔ Yálá, ə́ ku wɔ nɛ̨ŋɛ̨nŋąą lɛɛ kuɔ a kpɛli, ə́ ə́ kili kulɔ ku wɔ nɛ̨ŋɛ̨nŋąą hu, hvó ku hon ni yɛ pələi ku túwɔ́ la. Ɛlɛɛ, yɛ́ gbəli wolo lɛɛ a vulú, yɛ́ naahɔn mo.

Nehemi 9:30

«Kwɛlan damąą yee mu, ə́ mɔ̨nɔ̨ mįi di mu, ə́ kɛi di təli ə́ pɔ pələ, ə́ wɔ Kilii haalai yai kɛ ə́ wɔ loloɓo nuą hu. Kɛlaa, di hvo gə di hvo di wəli tɔɔ ə́ woo ɓa. Yili ɓə gə, yɛ́ di kwɛlɛ lɔi takpɛliɠaa diɛ.

Azaya 64:4

Nui gwəinɛ̨ɛ̨ mɛ̨nį ɓaa a təlimo yii ɓoɔ, da nuąi ə́ wɔ pələɠaai mɛ̨i, diɛ di kilitɔɔ yɛ́, da ka diɛni ka kwiɛn a Yɛ́. Ɓɛ kaa, Yáá ə́ líiholi, mąąhɔlɔɓo, kwaa həɠə bələ mɛ̨i, tɔwɔ tɔwɔ pələɠaai tii mɛ̨i ɓə, ku kaa pai ɓalo hɔlɔɓoi laa.

Ɉeremi 25:18

Ɉerusalɛmə taa, da Ɉuda taaɠaa, da nwɔ tɔɔɓɛlaa, da di wɔɔ kalanɉonŋaa; yɛ di kɛ a lɔi pun, a taa kpoloon. Nu ta a gaa hvo kɛli a tomą, yɛ nɛ̨ŋɛ̨n naa. Bələ kpɔlɔɔ ɓə gaa la yiihu.

Ɉeremi 3:25

Ka gu pɛlɛ, mąąhɔlɔɓo, gwaa nwumɛ̨! Ka guɔ ɓɛlɛkpɛɛmąą túwɔ́ aa gu ɲɛ̨i paa! Hvo gaai, kwaa nɛ̨ŋɛ̨n ɉəɠə Yai-Laa kuɔ Yálái ɓa; kuɔ mąn, ku nąnni mąn, ə həɠə ku muhəɠə yələ ɓa, ə həli la háákələi ɓa. Ku hvo ku wəli tɔɔ li Yai-Laa kuɔ Yálái woo ɓa.

Ɉeremi 32:23

Di pa di hee ɓɛ, kɛlaa di hvo di wəli tɔɔ ə́ woo ɓa, di hvo lɛɛ ə́ wɔ tɔ́n nwooi pulu, mɛ̨nįɠaai kpɔ ə mo diɛ, di hvo da kɛ. Yili ɓə gɛ, yɛ́ mɛ̨nį ɲąąnwąnąą huwu lɔpee gəlee laa diɛ.

Ɉeremi 32:32

Mɛ̨nį ɲɔ̨nwɔ̨ɔ̨ɠaai Israɛlə nuą da Ɉuda nuą di gɛ, mąą mɛ̨nį ɓa, di nwą́nąlɔ, diɛ-oo, di wɔ tɔɔɓɛlaai-oo, di wɔ kalanɉonŋaai-oo, di wɔ haláá laahəli nuąi-yoo, di wɔ Yálá kwəi mɛ̨nį hukulɔ nuąi-yoo; Ɉuda lɔi hu nuą kəlee, ɛlɛɛ, da Ɉerusalɛmə hee ɓo nuą.

Ɉeremi 44:22

Yai-Laa hva kɛa kɛ pɛli niilaai ka túwɔ́ pələ ɲɔ̨nŋaa tii mu, da ka wɔ nwuɔ̨ mɛ̨nįɠaa, kɛlɛi yili ɓə aa ka wɔ lɔi lɛɛ a lɔi pun, a lɔi kpoloon mąąwɛliɛ, aa kɛ a nɛ̨ŋɛ̨n naa hɛn, nui lɔpee ta hvo nɔi, bələ ɓə gaa la yiihu.

Ɉeremi 44:9

Akɛti, káá mɔ̨ɔ̨ lɛ̨ą ka nąnni di wɔ túwɔ́ pələ ɲɔ̨nŋaai diɛ, da Ɉuda tɔɔɓɛlaa di wɛiɠaa, bɛlɛɛ ka wɛiɠaa diɛ da ka nɛ̨ąni di wɛi? A nɛ̨ŋɛ̨nŋaai ka kɛi ɉəɠə Ɉuda lɔi hu da Ɉerusalɛmə gwəliɠaa hu?

Woolaa 5:7

Ku nąnnii nɛ̨ŋɛ̨n ɉəɠə, daa haa; kuɔ ɓə kɛa ɉu mɔ̨nɔ̨ mįi.

Izikiɛ 11:9

Gáá pai ka kpɛi daa kwəi, ŋą́ ka tɛɛ nwɛ̨ąą pɔ, mɛ̨nįi ŋą́ mo, gáá pai bɔ mɛ̨nį kɛi.

Izikiɛ 39:23

Lɔi kəlee kaa pai gbaɠala kaai diɛ kɛ Israɛlə nwɔ pɛlɛ́i ə li luwɔlaa hu; di wɔ nɛ̨ŋɛ̨nŋąą mąą mɛ̨nį ɓa; mąąhɔlɔɓo, di di pulu kulɔ mą́ą́; yili ɓə gɛ gɛ́ ɲɛ̨́i loo diɛ, gɛ́ di tɛɛ di yowoɠaa pɔ, kɔ́ kɔ́ ɓɔwa yɛ di paa.

Lonon mo 32:14

Ɛlɛɛ ya ka, kaai ŋɛ̨i a nɛ̨ŋɛ̨n nonnii, kaa hvilɛn ka nąnni pɔɔŋą, kaa kɛ ka Yai-Laa líiholi Israɛlə pɔ.

Samuɛlə dɔlɔɔ 12:15

Kɛlaa, ka wala ka wəli tɔɔ Yai-Laa woo ɓa, ka ká nwun gulɔ Yai-Laa nwɔ tɔ́n nwooɠaa mu, Yai-Laa yee kaa pai wiɛi ka mɛ̨i, yɛ bələi ə wiɛ la ka nąnni mɛ̨i.