Ɛsdrasə 9:1 - Yálá laawoo hɛɓɛ (dc)

¹ Mɛ̨nįɠaai tii kəlee tɛɛ pulu, bɛlɛ nąmįną di pa, diɛ mą́ą́: «Israɛlə lonnii, ɉaláá laa həli nuą, da Levi huwuhu nuą, da nɔi nuą daa kɛ tɔ̨nɔ̨, diɛ ɓaa: Kanaan nuą, Hɛtə nuą, Perizi nuą, Ɉebusə nuą, Amɔn nuą, Moabə nuą, Eziptə nuą, da Amɔrə nuą, da diɛni diɛ Yálá nwąną kala.

Yálá laawoo hɛɓɛ

¹ Mɛ̨nįɠaai tii kəlee tɛɛ pulu, bɛlɛ nąmįną di pa, diɛ mą́ą́: «Israɛlə lonnii, ɉaláá laa həli nuą, da Levi huwuhu nuą, da nɔi nuą daa kɛ tɔ̨nɔ̨, diɛ ɓaa: Kanaan nuą, Hɛtə nuą, Perizi nuą, Ɉebusə nuą, Amɔn nuą, Moabə nuą, Eziptə nuą, da Amɔrə nuą, da diɛni diɛ Yálá nwąną kala.

Bible

¹ M̀ɛni-ŋai ŋí kélee kɛ́ɛ pôlu ma, Eezuɛ láa túɛ-ƃelai da-ŋa dí pà ḿbɔ naa. Dí m̀o ḿâ a gɛɛ zâla láa soŋ-ƃelai, Liiva-ŋai da Eezuɛ-ƃelai da díyee píli sîi da kpɛ́ni-ŋa dílônii-nɛyãai kùla mɛni su a dínɛyâa. Ǹɛyâai ŋí díkaa a Amɔŋ, Môa da Ize-ƃelai dílônii-nɛyaa kpaa máŋ dí kùla Keena-ŋai, Ita-ŋai, Pɛriza-ŋai, Zɛbuza-ŋai da Amola-ŋai dísuui su. Da kɛ́ tûai a ƃaa kûla ma pere yɛ̂ɛ berei ǹɔii ŋí su-ƃelai kpaa máŋ ǹúu suu-ŋai ŋí su-ƃelai da tûa lai.

Ɛsdrasə 9:1 ပူးပေါင်းရင်းမြစ်များ

Zɛnɛse 15:16

Ə́ huwuhu nuą ɉəɠə gee pɔ nąąn gɛɛnąą ɓə pai kɛi ɓɛ nɔi ŋɛ̨i hu, mąąhɔlɔɓo, Amɔrə nuą di hvo ni di wɔ nwąnąlɔ laahvɛɛ li, ə gɛ, ŋį́ di kpɛ.»

Tɔɔɓɛlaa dɔlɔɔ 11:1

Tɔɔmun Salomɔn ə lɔi takpɛliɠaa hu nɛ̨ąą tamąą wɛli la kɛ, Eziptə tɔɔmun lon ɉəɠɛɛ pulu, Moabə nɛ̨ąą, Amɔn nɛ̨ąą, Edɔmə nɛ̨ąą, Sidɔn nɛ̨ąą, da Hɛtə nɛ̨ąą.

Kɔlɔnikɔ Veerɛi 33:2

Ə túwɔ́ a ɲɔ̨nwɔ̨ɔ̨ Yai-Laa ɲɛ̨i ɓa. Nuą tii Yai-Laa ə di wɔɔ lɔiɠaa kulɔ di yəi, yɛ Israɛlə hee laa, ə hvilɛn di yii pələ ɲɔ̨nwɔ̨ɔ̨ɠaa pulu.

Kɔlɔnikɔ Veerɛi 8:7

Hɛtə nuą taɠaa di kɛ nɔi, Amɔrə nuą, Perizi nuą, Hivi nuą, da Ɉebusə nuą; diɛi tii di hvo kɛ a Israɛlə nuą ta.

Ɛsdrasə 10:2

Ya ɓə, Yehiɛlə lon Sekania, yai kɛ a Elamə lon da, ə mo Ɛsdrasə ɓa, yɛ mą: «Kwa ku hɔn gɛ a Yai-Laa, a huwu takpɛli nɛ̨ąą həɠəi ku mo a ku nɛ̨ąni, kɛlaa ə mą kɛ tii, Israɛlə kilitɔɔi wolo kaa laa.

Ɛsdrasə 10:8

Nui lɔpee a wala pa, hvóló haaɓa tɛɛ pulu, yɛ pələi bɛlɛ nąmįną da galanɉonŋąą di mo la, ɲəi hɛnŋąą kəlee a lɛɛ a Yai-Laa nwɔ pɛ́lɛ́i nwɔɔ, ɛlɛɛ, ya kpinįi tii, da naa kulɔ Israɛlə nuą lɔwai.

Nehemi 13:23

Ɲələi tii ɓə nwɔ̨nɔ̨, ŋį́ Ɉuifəɠaa kaa la, diɛi Asdɔdə, Amɔn da Moabə nɛ̨ąą həɠə la a di nɛ̨ąni;

Nehemi 4:3

Ku ku wɔ Yálái hvɛli nąąlɔwai, ə lɛɛ, ku nuą tɔɔ, diɛ nąą mąąkpɛ a hvóló da kpinį; diɛi tii di mąą mɛ̨nį ɓa.

Nehemi 4:7

Yili ɓə gɛ, gɛ́ kɛɛnąąɠaa kulɔ, ɉįi pulu pələ, nąąɠaa lonon, ŋį́ nɔi lonnii tɔɔ laa a kwəliɠaa laa, kɔ-kɔ ɓɔwaɠaa, da kpalaɠaa, da kilɛnŋąą di ɓo di yəi.

Nehemi 9:2

Nuąi kɛ a Israɛlə nu huwu, di kulɔ nwɛ̨ąą lɔwai di tɔɔ a di tee, diɛ hvaa di kɛ nɛ̨ŋɛ̨nŋąą diɛ da di nąnni di wɔ túwɔ́ pələ ɲɔ̨n.

Mąątɛ̨nɛ̨ 106:35

Da huwu takpɛliɠaa di too di kee pɔ, di di yee lɔ di tuwɔ pələɠaa hu.

Lɛɛ gbɔwɔ ɓa 13:5

«Ɓɛlɔwai Yai-Laa kaa pai ka lɔi la Kanaan lɔi hu; ɓɛi Hɛtə nuą, Amɔrə nuą, Hivi nuą da Ɉebusə nuą di kaa laa. Nɔi tii ɓə wɔlɔ ə naakwɛlanmo ka kalaɓɔlɔni diɛ, yɛ gaa dɛɛi di pɔ. Ɓɛi hɛn gəlee da lɛlɛ laa. Ɉɛlii ti ɓə ka bu a ɲąnin ti da volói ti.

Lɛɛ gbɔwɔ ɓa 23:23

«‹Nwɔ́ malakai kaa pai kɛi hvilɛni ka tɔwɔ, gaa pai lii a kaa Amɔrə nuą, Hɛtə nuą, Perizi nuą, Kanaan nuą, Hivi nuą, da Ɉebusə nuą di wɔ lɔi hu; ɛlɛɛ, gáá pai di kpɛɛi yɛnɛ̨ɛ̨.

Lɛɛ gbɔwɔ ɓa 33:16

nuą da pɛli gbaɠala kaai ləi diɛ kɛ ɲą́ą́ kwa ə́ wɔ́ nu huwui, kwaa ə́ lii hon? Kɛlaa, Yá kɛ ku lɔwai, kwa ə́ wɔ nu huwui ku hva kɛ yɛ bələi nu huwu takpɛliɠaa kaa la lɔi mɛ̨i, yili ɓə a nɛ yɛ kwaa ə́ lii hon.»

Azaya 52:11

'Ka li, 'ka li, 'ka kulɔ laa, 'ka hvo tunwɔ̨ hɛn gɔhɔɓoɔ ta ɓa. 'Ka kulɔ di lɔwai, 'ka ka mąąhəɠə, kaai Yai-Laa mąąwiɛ hɛn ɲąŋąɠaa kaa ka yəi.

Ɉeremi 26:10

Mɛ̨nįɠaai tii mɛ̨n di mo, Ɉuda lɔi ɲąąwooɓo nuą di həɠə tɔɔmun ɲəi bɛlɛ́n, di ɲee tɛ Yálá hee pɛlɛ́ mu, di hee gbon nįnɛ̨ laaləi pələ.

Ɉeremi 26:16

Nɔi ɲąąwooɓo nuą da nɔi lonnii kəlee, diɛ ɉaláá laa həli nuą da Yálá kwəi mɛ̨nį hukulɔ nuą diɛ: «Ɉulɔnui ŋɛ̨i hvo haa kwɛli li gbɔwɔ ɓa, Yai-Laa gu wɔ Yálái laa hu ɓə, ə hvaa laa.»

Levetekɔ 18:3

Ka hvo túwɔ́ yɛ bələi ka kɛi gɛ la Eziptə lɔi hu, ɓɛi ka kɛ laa. Ka hvo túwɔ́ yɛ bələi Kanaan nuą da túwɔ́ la, ɓɛi gáá lii laa a kaa, ka hvo hvilɛn di yíi pələ pulu.

Malasi 2:11

Ɉuda nu huwu aa nwɔ liɛwooi lɛɛ, daa túwɔ́ pələ ɲɔ̨n gɛnɛ̨ kɛ Ɉerusalɛmə daai, ə mą kɛ, Israɛlə lɔi hu nąą kəlee. Yaan, kɛɛnąąi kɛ a Yálá nwɔ nąą, mąą mɛ̨nį nwąnąą Yálá ɓa, daa mɛlɛkpɛɛ mą. Hvo lɛɛ a yili, daa nɛ̨ąą həɠə, yiiɠaai da kwɛli hvilɛn haliɠaa diɛ.

Lonon mo 23:9

Ŋą́ kɛ ŋɛ̨i tɔɔni kwɛni mɛ̨i, gɛ́ gaa, Ŋą́ kɛ ŋɛ́i tɔɔni yee tonna, gɛ́ mąą kpɛɛ. Gáá gaai a nu huwui dɔɔ a dee. Da lɔi takpɛliɠaa di hvo tɔɔ li.

Lonon mo 25:6

Nąąlɔwai, Israɛlə hulɔnon da ə Madian nɛ̨ɛ̨non da həɠə, ə paa la nąn nonnii lɔwai, Moisə da Israɛlə nu kpulu kəlee ɲɛ̨i ɓa, ɓɛlɔwai di kɛi wɔlɔ la gee kaa kələ laaləi

Dutɛrɔnome 18:9

Nɔi Yai-Laa ka wɔ Yálái kaa pai dɛɛi ka pɔ, ka pa həlii ɉu, nu huwui tii laa, ka hvo di wɔ kɛɛ kala túwɔ́i tii mąąkwɛli, ka hvo di pɔɔ kɔ́ɔn.

Dutɛrɔnome 23:8

Ka hvə Edɔmə nuą kaa a nu ɲɔ̨nwɔ̨ɔ̨ɠaa, ka nąn nonnii ɓaa diɛ. Ka hvə Eziptə nuą kaa a nu ɲɔ̨nwɔ̨ɔ̨ɠaa, mąąhɔlɔɓo, ka kɛ di pɔ lɔi a nwɛ̨ą.

Dutɛrɔnome 7:1

Ɲələi Yai-Laa ka wɔ Yálái kaa pai ka lɔi la nɔi ŋɛ̨i ka káá pai ɉɔlɔɓoi a ka wɔ ɉui; yɛ nu huwu tamąą kpɛ ka ɲɛ̨i tɔwɔ, diɛi a: Hɛtə nuą, Girgasə nuą, Amɔrə nuą, Kanaan nuą, Perizi nuą, Hivi nuą, ɛlɛɛ da Ɉebusə nuą; nu huwu mɛ̨ihveelɛi tii di tamąąi, di hvaŋą kɛnɛ̨ di tɛɛ kaa,

Zasua 23:12

Kɛlaa, ka ka pulu tɔɔ Yai-Laa ɓa, kaa humo a nu huwuɠaai ŋɛ̨i ka kwɛlɛ a diɛ, kaa nɛ̨ą həɠə di pɔɔli, kaa li di pɔɔli; diɛn diɛ pa ka pɔɔli,