Ɛsdrasə 8:17 - Yálá laawoo hɛɓɛ (dc)

¹⁷ Ŋą́ di tɔɔ, ə gɛ, də li Ido pɔɔli, yii gaa a Kasifia taa nąmu, nwooi kɛ mąąnɛ̨ɛ̨ di mo Ido ɓa da gaayɔwɔɠaa, diɛi kɛi tíɓo kɛ Yálá hee pɛlɛ́ mu Kasifia daai, ŋį́ bu di la, ə gɛ, nuąi da kɛ tíi ku wɔ Yalái yəi bɛlɛ́n, da diɛni di pa.

Yálá laawoo hɛɓɛ

¹⁷ Ŋą́ di tɔɔ, ə gɛ, də li Ido pɔɔli, yii gaa a Kasifia taa nąmu, nwooi kɛ mąąnɛ̨ɛ̨ di mo Ido ɓa da gaayɔwɔɠaa, diɛi kɛi tíɓo kɛ Yálá hee pɛlɛ́ mu Kasifia daai, ŋį́ bu di la, ə gɛ, nuąi da kɛ tíi ku wɔ Yalái yəi bɛlɛ́n, da diɛni di pa.

Bible

¹⁷ Tãi ǹûai ŋí dí pà lai, ŋá dí tɛ̀ɛ Idoo pɔ́ naa. Idoo è kɛ̀ a Kasifia kolii láa túɛ-nuu. Ŋá dí tɛ̀ɛ bɔ́ naa a gɛɛ dí marê kɛ́ da m̀arâai é pɛ́lɛ Ŋ̀âla-pɛrɛ Kɛ́tɛi mu tii kɛ́-kpakolo-ŋai dîa a gɛɛ dí nûa tɛɛ díkɛ tíi kɛ̀ Kúɣâlai ŋɔpɛ́rɛi mu.

Ɛsdrasə 8:17 ပူးပေါင်းရင်းမြစ်များ

Samia Veerɛi 14:19

Tɔɔmun yɛ mą: «Kɛlɛi Ɉoabə ɓə ə́ yee pili mɛ̨nįi ŋɛ̨i hu-ee?» Nɛ̨ɛ̨nui ə nwoo pulu pənə yɛ mą: «Gána nwun ə báá, nwɔ́ mɛ̨nį nąmu tɔɔmun, yii lɔpee ya mo nu hva pɛli lii ŋɛ̨i hvo li ŋɛ̨i, gaa tii ə́ wɔ́ tímun Ɉoabə ɓə dɔ́ɔ́. Mɛ̨nįɠaai kpɔ kɛ mąąnɛ̨ɛ̨ ŋą́ mo, ya ɓə di lɔ ná.

Samia Veerɛi 14:3

Yili pulu, li ə́ həli tɔɔmun ma, ə mɛ̨nįɠaai ŋɛ̨i ɓo mą.» Mɛ̨nįɠaai kɛ mąąnɛ̨ɛ̨ nɛ̨ɛ̨nui tii ə mo, Ɉoabə ə gəlee ɓo mą.

Kɔlɔnikɔ Maa-ŋuŋ 9:2

Nu dɔlɔɔɠaai hee laa, daaɠaa hu, nąą yɛ ɓo a di wɔɔ, diɛ ɓaa: Israɛlə nuą, ɉaláá laa həli nuą nwun nąmįną, Levi lonnii da nuąi kɛi tíɓo kɛ Yálá hee pɛlɛ́ mu.

Ɛsdrasə 2:43

Tínuą: Siha lonnii, Hasufa lonnii, Tabaotə lonnii,

Ɛsdrasə 2:58

Da Salomɔn nwɔ tínuą lonnii, di kɛ a nu nwun ɉaaɓa ɲee mɛ̨inąąn kɔ́w hveelɛ (392).

Ɛsdrasə 7:7

Israɛlə lonnii tamąą, da ɉaláá laa həli nuą tamąą, da Levi lonnii tamąą, wələ too nuą tamąą, bɛlɛ́ laaləi mąąkpɛ nuą tamąą, da tɔɔmun nwɔ tínuą tamąą də li Ɉerusalɛmə, tɔɔmun Artasɛrsɛsə nwɔ tɔɔlaa gwɛlan mɛ̨ihveelɛ lɔwai.

Ɛsdrasə 8:16

Nąąlɔwai, ŋį́ bɛlɛ nąmįną ŋɛ̨i təli, diɛ ɓaa: Eliezɛrə, Ariɛlə, Semaya, Ɛlnatan, Yarivə, Ɛlnatan, Natan, Ɉekaria, Mesulamə da dɔ́n galamɔ̨ɔ̨ hveelɛi, Yoyarivə da Ɛlnatan.

Lɛɛ gbɔwɔ ɓa 4:15

Ya həli mą, mɛ̨nį kəlee hukulɔ mą ə́ ə́ woo pu na. Ɲą́ą́ Gáá Lɔ ə́ laaləi pɔ ka yaa, mɛ̨nį mąąnɛ̨ɛ̨ ka gɛ, ŋą́ nɛ kaa.

Ɉeremi 1:9

Yili pulu Yai-Laa ə ɲee haŋą, ə ɉee nááləi ɓa, yɛ mą́ą́: «Yiihu, ŋą́ą́ nwóóɠaa pu ə́ la ka tii.

Ɉeremi 15:19

Yii Yai-Laa ə bulu pənə la, ya ka; yɛ mą: Akɛ pənə pulu kiliŋąhiɛ a too yɛ́, ŋį́ pənə ŋį́ pa a yɛ́, yá kɛ nííla, yɛ́ tí mą́ą́, ə lɛɛ, ya wala hviikpɛɛ wooɠaa ɓo, yɛ́ woo walawalaɠaa ɓo, ə́ laaləi a kɛ a nááləi. Di kaa pai pənəi diɛ pa ə́ pɔ, Kɛlaa, yɛ́ hvəi mąąnɛ̨ɛ̨ ə́ li di pɔ.

Lonon mo 18:6

Kaa gaa, ɲą́ą́ gbinįi gáá ka nąn nonnii a Levi nu huwu di həɠəi Israɛlə lonnii lɔwai, ŋį́ di tɛɛ ka pɔ a ka wɔɔ. Di tɛɛ li kpɔ tɛ̨ɛ̨ tɛ̨ɛ̨ Yai-Laa pɔ. Diɛ gee kaa kələ mąą kólóɠaa kɛ.

Dutɛrɔnome 18:18

Gáá pai gwə́i mɛ̨nį hukulɔ mun da kulɔi di kaayɔwɔɠaa lɔwai, ə kɛ yɛ bələi ə́ kaa la. Gáá pai nwóóɠaa pui na, ɛlɛɛ, yii lɔpee ŋą́ dí la, yɛ mo diɛ.

Taitɔ 1:5

Titə, ŋį́ ə́ lɛɛ Krɛtə lɔi hu, ə gɛ, mɛ̨nį yiiɠaai aa lɛɛ, ə́ di hvilɛn ginɛ̨ ɓa. Ɛlɛɛ, ə́ nu pɔlɔɠaa hee gbɔn nwun na daa kpɛa-kpɛaa hu, yɛ bələi ŋą́ mąą liɛwoo tɛɛ la ə́ pɔ.