Ɛsdrasə 7:28 - Yálá laawoo hɛɓɛ (dc)

²⁸ Aa hvaa mą, tɔɔmun aa ɲɛ̨i lɛlɛɛ hee mą́ą́, da nwɔ ɲɛ̨itɔwɔ nuą, ə mą kɛ nwun nąmįną, diɛi kpɔ di yee walawalaa. Mɛ̨nįi tii ə vaŋą lɔ, ŋį́ Israɛlə kalanɉonŋąą ŋąąkpɔn, kwa diɛni ku pa.»

Yálá laawoo hɛɓɛ

²⁸ Aa hvaa mą, tɔɔmun aa ɲɛ̨i lɛlɛɛ hee mą́ą́, da nwɔ ɲɛ̨itɔwɔ nuą, ə mą kɛ nwun nąmįną, diɛi kpɔ di yee walawalaa. Mɛ̨nįi tii ə vaŋą lɔ, ŋį́ Israɛlə kalanɉonŋąą ŋąąkpɔn, kwa diɛni ku pa.»

Bible

²⁸ Ɣâla ŋɔƃɛlɛ-seei sârai, Pɛsia kaloŋ, ŋɔlia-woo ƃó-ƃelai da ŋɔtíi láa túɛ-ƃelai kélee da díyee sée ḿu. Ŋáɣâlai Yâwɛɛ a ńii kúla a gɛɛ ŋa Eezuɛ-ŋai kɛ́ gɔ́-soŋ laai sui, dílaa túɛ-ƃelai dámaa líi kúla kwa dîa-ni kwa lene pôlu Zerusâlɛŋ.”

Ɛsdrasə 7:28 ပူးပေါင်းရင်းမြစ်များ

Zɛnɛse 32:28

Yɛ Ɉakɔbə ɓa: «Ə́ laa ɓaa a gbɛɛ?» Ɉakɔbə yɛ mą: «Náá ɓaa Ɉakɔbə.»

Zɛnɛse 43:14

Gɛ́ Huwalawala Kəlee Nąmu Yálá ə hvaa mą, ɉulɔnui tii ə ka ɲɛ̨i mąą wɛli kaa, ə Bɛnɉamɛn lɛɛ laa da Simeɔn ka diɛni ka pa. Yii ɓaa nwɛ́i, gíli kaa ɉu gɛ́ diɛ ŋą́ą́ hvɛɠɛ a nón dɔ̨nɔ̨, veelɛ kɛɛnąą ka ŋɛ̨i laŋąn ɉii mą.»

Ɛsdrasə 5:5

Kɛlaa, Yálá ɲɛ̨i ə kɛ Ɉuifə kalanɉonŋąąi tii mɛ̨i, di hvo pɛli golói tii kpɛlai pələi. Di lɛɛ goló kɛi, ə lɛɛ la ɉu, diɛ tɔɔmun Dariusə woo mąąkpɔn.

Ɛsdrasə 7:14

Mąąhɔlɔɓo, tɔɔmun da nwɔ kalanɉon mɛ̨ihveelɛi ɓə ə́ tɔɔi, ə́ kaa lii Ɉuda lɔi da Ɉerusalɛmə taa di mɛ̨i kaai, yɛ bələi gaa la ə́ wɔ Yálái nwɔ tɔ́n ɉɛɓɛ́i gaa ə́ yəi ɉu.

Ɛsdrasə 7:6

Ɛsdrasə tii ə həɠə Babilonə daai. Ə kɛ a hɛɓɛ́ pɛ̨ɛ̨ mun, dɔ́n ɉɛɓɛ́i Yai-Laa, Israɛlə nwɔ Yálá ə dɛɛ Moisə pɔ, ə kɛ a gɔlɔnŋąą. Yɛ pələi nwɛli ə kɛ la nwɔ Yálái ɓa, yii gaa a Yai-Laa, yii kpɔ ə ɉu hvɛli tɔɔmun ma, di gəlee tɛɛ bɔ.

Ɛsdrasə 7:9

Yaan, ɲąnin dɔlɔɔ nwɔ hvóló tɔlɔɔ, di həɠə Babilonə, ɛlɛɛ ɲąnin nɔɔli nąą nwɔ hvóló dɔlɔɔ yələ ɓə di həli la Ɉerusalɛmə, mąąhɔlɔɓo, nwɔ Yálái yee ə kɛ di mɛ̨i.

Ɛsdrasə 8:1

Bɛlɛ nąmįną da nu huwuɠaai kwa diɛni ku həɠə Babilonə lɔi hu, tɔɔmun Artasɛrsɛsə nwɔ tɔɔlaa lɔwai, diɛ ka:

Ɛsdrasə 8:15

Ŋą́ nuąi tii ŋąąkpɔn, ɲai tii a li Ahawa pələ, gwɛlɛ. Ku tɔɔlaa, ŋį́ nuą lɔwai kaa da ɉaláá laa həli nuą lɔwai, kɛlaa, və́ Levi lonnii ta kaa.

Ɛsdrasə 8:18

Yɛ bələi Yálá yee ə kɛ la kuɔ a nɛlɛɛ, di pa ku pɔ da Mali lon dɔ̨nɔ̨, yii kulɔ Levi huwuhu, yɛ ɓo a nwun gɛ ɉu mun: da Serevia da nonnii, ɛlɛɛ, da gayɔwɔɠaa, di kɛ a nu pow kɔ́w mɛ̨ihaaɓa (18).

Ɛsdrasə 9:9

Mąąhɔlɔɓo, ɓɛlɔwai ku kɛ la luwɔlaa hu, hvo ə́ kili kulɔ li ku hu, ə́ ə́ kiliŋąhiɛ kuɔ, Pɛrsə tɔɔɓɛlaa ɲɛ̨i ɓa, ə́ wɔ wɛlikɛmąąlaa hu, ə́ ku nwun mąąɓo, ə gɛ, ku Yálá hee pɛlɛ́ muhəɠə, kuɔ nwɔ̨nɔ̨ bɛlɛ kpoloon tii muhəɠə a nįnɛ̨, ə́ ku mąą kɔ́nwɔ̨i tɛɛ ku pɔ Ɉerusalɛmə daai, da Ɉuda lɔi hu.

Nehemi 1:11

Ee Yai-Laa! Ə́ wəli tɔɔ ə́ wɔ tímun nwɔ hvɛli ɓo woo ɓa, ə́ wɔ tínuą di di wɔ hvɛli ɓo woo ɓa, diɛi da ɲɔw ə́ laa ɓa, hvaa mą, ɉulɔnui ŋɛ̨i ə ɲɛ̨i lɛlɛɛ hee ə́ wɔ tímun ma.» Nąąlɔwai, ɲą́ą́ ɓə kɛ a tɔɔmun nwɔ lɔɔi pɛlimun.

Nehemi 2:8

Ɛlɛɛ, ə́ dɔ̨nɔ̨ kɛ a Asafə nwɔ, yaai gaa a tɔɔmun nwɔ lɔwɔɠaa ɲąąwooɓomun, ə gɛ, ə pɛli wulu tɛɛi bɔ́, daa mąąkɔ̨nwɔ̨ hįį gbonŋąą kulɔ mɛ̨nį ɓa, da daa mąąkɔ̨nwɔ̨ pɛ́lɛ́i tii Yálá hee pɛlɛ́ kwɛlɛ nwɛi; da bɛlɛi gáá pai lɔi mu nwɛiɠaa.» Tɔɔmun ə ɉɛɓɛ́ɠaa tii tɛɛ bɔ́, mąąhɔlɔɓo, nwɔ́ Yálái yee lɛlɛɛ ə kɛ mɛ̨́i.

Mąątɛ̨nɛ̨ 109:12

Nu ta hvo nulaa kɛ mą, nu ta hvo nwɔ təlilɛai mąąwɛli kaa.

Zôna 3:7

Yili pulu ə mo di noloɓo daa nąą kəlee diɛ kɛ mą: «Tɔɔmun da nwɔ ɲɛ̨itɔwɔ nuą diɛ: Nui lɔpee ta hvo laa mįi hɛn da mįi, di hvo di kpələ, ə mą kɛ, daatɛlɛɛɠaa kpɛli.