Ɛsdrasə 7:27 - Yálá laawoo hɛɓɛ (dc)

²⁷ «Mąąwiɛ kaa Yai-Laa ɓa, ku nąnni di wɔ Yálá; Yaai ə hvaa mą, Yai-Laa nwɔ pɛ́lɛ́i gaa Ɉerusalɛmə, ə mąą mɛ̨nį too tɔɔmun nii hu.

Yálá laawoo hɛɓɛ

²⁷ «Mąąwiɛ kaa Yai-Laa ɓa, ku nąnni di wɔ Yálá; Yaai ə hvaa mą, Yai-Laa nwɔ pɛ́lɛ́i gaa Ɉerusalɛmə, ə mąą mɛ̨nį too tɔɔmun nii hu.

Bible

²⁷ Ɛzura è m̀o ǹyɛɛi, “Ŋa laa-maa tɛ̂ tɛɛ̂i kúnuu-pɔlɔ-ŋai Díɣâlai Yâwɛɛ pɔ́. A gɛ́ Pɛsia kaloŋ a ƃaa kɛ́ maa tɛ́ɛ ǹyaa Yâwɛɛ Ŋɔpɛ́rɛi kɛ́tɛi pɔ́ a téla gɛ́ gâloŋ a wála-wala laa tɛɛ Zuda-ŋai pɔ́ a gɛɛ dí ǹyaa Yâwɛɛ ŋɔpɛ́rɛi tɔ́ɔ pôlu a ǹɛ́lɛɛ Zerusâlɛŋ taa-leei su.

Ɛsdrasə 7:27 ပူးပေါင်းရင်းမြစ်များ

Kɔlɔnikɔ Veerɛi 31:8

Yii kɛa Ezekiasə da nwɔ kalanɉonŋąą di pa di, ɉɛnŋąąi di paa la, di gaa, di Yai-Laa hɛɠɛɛɓo, di lúwɔ́ too Israɛlə nuą diɛ.

Ɛsdrasə 6:22

Di pənə di voló mɛ̨ihveelɛ hɛli ŋɛ̨i da bu a lɛɠɛ yii dɛ hɛn və ɉu, di yili pu gee ɓa a kwəinɛ̨ɛ̨. Mąąhɔlɔɓo, Yai-Laa ə di kwəinɛ̨ɛ̨, ə Asiri tɔɔmun ɲɛ̨i lɛlɛɛ hee diɛ, ə di yee kɔ́n gɛ ɉu, Yálá nwɔ pɛ́lɛ́i tɔɔ mɛ̨nį ɓa, yii gaa a Israɛlə nwɔ Yálá.

Nehemi 2:12

Yili pulu, kwii hąą, ŋį́ muhəɠə kwa hinąą taɠaa, kɛlaa, mɛ̨nį nwɔ Yálá aa kɛ doo giliŋa ə gə, ŋį́ gɛ Ɉerusalɛmə mąą mɛ̨nį hu, hvo mo nu ta ɓa. Hoo takpɛli hvo kɛ bɔ́, hvo kɛ li yii tii ŋį́ kɛ mɛ̨i.

Nehemi 2:8

Ɛlɛɛ, ə́ dɔ̨nɔ̨ kɛ a Asafə nwɔ, yaai gaa a tɔɔmun nwɔ lɔwɔɠaa ɲąąwooɓomun, ə gɛ, ə pɛli wulu tɛɛi bɔ́, daa mąąkɔ̨nwɔ̨ hįį gbonŋąą kulɔ mɛ̨nį ɓa, da daa mąąkɔ̨nwɔ̨ pɛ́lɛ́i tii Yálá hee pɛlɛ́ kwɛlɛ nwɛi; da bɛlɛi gáá pai lɔi mu nwɛiɠaa.» Tɔɔmun ə ɉɛɓɛ́ɠaa tii tɛɛ bɔ́, mąąhɔlɔɓo, nwɔ́ Yálái yee lɛlɛɛ ə kɛ mɛ̨́i.

Nehemi 7:5

Nwɔ́ Yálá ə doo gíli pɔ, yɛ ŋį́ galanɉonŋąą, daa ŋąąwoo ɓo nu, da nɔi nuą ŋąąkpɔn di lono mɛ̨nį ɓa. Nuąi kulɔ nuwɔ laa hu diɛ pa, ŋį́ di lono hɛɓɛ́ hu kaa, yii ka bɛ̨ɛ̨ ɉu, ya ka:

Lɛɛ gbɔwɔ ɓa 8:9

Yai-Laa ə gɛ yɛ bələi Moisə ə ɉu hvɛli la. Gbəŋəɠaa kəlee di haa bɛlɛ́ɠaa mu, gwəliɠaa hu, da ɲɛɛ kɔ́wɔɠaa hu.

Hanwon 21:1

Tɔɔmun gili kaa yɛ tɛɛyá Yai-Laa yee ŋą, a dənən dɔɔ ɓɛi lɔpee a kɛ bɔ.

Azaya 60:13

Liban mąą yili hɛn a pa ə́ pɔ, nwɔ hɛanŋaai, da mahiɠaa, da nwiɛɠaa, diɛ mą́ą́wiɛ pɛlɛi lɛlɛ la, a tɛ̨ą, ɓɛi gɔ́wɔ hvilɛnŋąą laa, gáá pai nąą mąąwiɛi.

Lukə 7:5

Mąąhɔlɔɓo, gu huwu wɛli kaa mą. Ə lɛɛ, gu wɔ Yálá hvɛli pɛlɛ́i ŋɛ̨i gaa ɓɛ, ya ɓə dɔɔ.»

Korɛntə veelɛ 8:16

Yálá hɛɠɛɛ mąmą, yai ká mąą lii too Titə kwəi.

Filipə 4:10

Gwə́i ə nɛɛ kpɔ kɛnɛ̨ gu Ną́mu hu: gɛ mɛ̨nį ka pɛli nwɔ̨nɔ̨ ka ka kili lɛɛ Ɉú. Ka kɛi kpɔ ka kiliŋąhiɛ mą́ą́, kɛlaa, pələi kɛ ka gulɔ la pono ŋą, bələ hvo kɛ ka yəi.

Hebreu 10:16

«Mįnɛ̨i pai kɛi kwa diɛni ku yilii a mąą yələɠaa tii, ya ka: Ŋą́ kɛli pa ŋą́ tɔnŋaai tɔɔi, di lii hu, da di wɔɔ kiliŋąhiɛ hu ɓə gáá pai bɛ̨ɛ̨i laa. Gu Nąmu ɓə mo!

Hebreu 8:10

Gu Ną́mu yɛ mą: Mįnɛ̨i gwá Israɛlə pɛlɛ́i ku kaa pai ɉəɠəi, a mąą yələɠaa, di lii hu, da di wɔ kiliŋąhiɛ hu ɓə gáá pai nwɔ́ tɔ́n nwooɠaai pɛ̨ɛ̨i laa, gɛ́ kɛ a di wɔ Yálá, diɛn, di kɛ la a nwɔ́ nu huwu.

Zĩi 1:17

Mɛ̨inɛ̨ɛ̨ kəlee, da nukpɔɔlaa hɛn nɛlɛɛɠaa kəlee, da həɠə yələi pələ, kɛɛpono Nąn bɔ, yai, gɛ pələ mąą hva hvalin, nįnįn nɔpee hvo nąą ta.

M̀ɛni-lɛɛi 17:17

Mąąhɔlɔɓo, Yálá aa ɉuwɔi tii kwəi kili pɔ mɛ̨nį kɛɛ too di lii hu, a gwəi kili tanɔ̨n, ya ɓaa, di di hvaŋą da di wɔɔ huwalawalalaa lɔ ɉuwɔi tii ŋą tíɓo hu, ə lɛɛ ɉu, Yálá laa woo pɔ mɛ̨nį ə kɛ.