Ɛsdrasə 6:8 - Yálá laawoo hɛɓɛ (dc)

⁸ Yii gáá tí la, yɛ hvilɛn na Ɉuifə kalanɉonŋąą diɛ, da Yálá hee pɛlɛ́ tɔɔ mɛ̨nį, ya ka: Dɔɔ hɛn gɔw hu, nįįhɔ̨nwɔ̨ yii a kɛ həɠəi ɲa pulu pələ, gəlee a lɔ bɛlɛi tii tɔɔ mɛ̨nį hu, ə gɛ golói tii hvo pa tɔɔ.

Yálá laawoo hɛɓɛ

⁸ Yii gáá tí la, yɛ hvilɛn na Ɉuifə kalanɉonŋąą diɛ, da Yálá hee pɛlɛ́ tɔɔ mɛ̨nį, ya ka: Dɔɔ hɛn gɔw hu, nįįhɔ̨nwɔ̨ yii a kɛ həɠəi ɲa pulu pələ, gəlee a lɔ bɛlɛi tii tɔɔ mɛ̨nį hu, ə gɛ golói tii hvo pa tɔɔ.

Bible

⁸ Ŋa m̀ôi kâa a gɛɛ ká kpɔ́ŋ dîa díi ŋí kɛ́ mɛni ma. Dɔ̀ɔ sɛŋ kaoi kélee a pâi kulâi ǹɔii ŋɔŋuŋ fela-fei su nyíi ǹûai da gbɛ̀ɛ Yufeletii Ya-leei ŋɔfólo liî pere lɔii su, a gɛɛ maa tîi mɛni fé tòo pôlu kpaa núu da é gɛ́ díkpera.

Ɛsdrasə 6:8 ပူးပေါင်းရင်းမြစ်များ

Ɛsdrasə 4:16

Tɔɔmun! Ku kaa ə́ kili pui tii ɉu, kuɔ yɛ́: Akɛ da daa ŋɛ̨i tɔɔ, di pənə di hįį tɔɔ mą, yii a kulɔ nąą pulu, ya ɓaa: ə́ wɔ yee pɛli mąą hva kɛ Eufratə ɲa lee koo ɓa lɔiɠaa ŋɛ̨i mɛ̨i, voló tooi pələ.»

Ɛsdrasə 4:23

Yii lɔ tɔɔmun Artasɛrsɛsə nwɔ hɛɓɛ́i tii ɉu woo ə həli Gbahanama Rehumə ɓa, da nwɔ hɛɓɛ́ kɛ mun Simsai, da di ɓɛlaa, di di muhəɠə kpɔlɔ tii ɉa, də li di həli Ɉuifəɠaa diɛ Ɉerusalɛmə daai, di di wɔ kolói tii kpəla mą a huwalawala.

Ɛsdrasə 5:5

Kɛlaa, Yálá ɲɛ̨i ə kɛ Ɉuifə kalanɉonŋąąi tii mɛ̨i, di hvo pɛli golói tii kpɛlai pələi. Di lɛɛ goló kɛi, ə lɛɛ la ɉu, diɛ tɔɔmun Dariusə woo mąąkpɔn.

Ɛsdrasə 6:14

Ɉuifə kalanɉonŋąą yee ə lɛɛ bɛlɛ́ tɔɔ koló ɓa a nɛlɛɛ, yɛ pələi Yálá kwəi mɛ̨nį hu kulɔ nuą Aze da Ido lon Zakari di mo la; di bɛlɛ́ tɔɔ koló laa kulɔ, yɛ pələi Israɛlə nwɔ Yálá ə mo la; yɛ bələi Pɛrsə tɔɔɓɛlaa Sirusə, Dariusə da Artasɛrsɛsə di mo la.

Ɛsdrasə 6:4

Di kaa pai kwɛni haɠaa tɔɔi a ɲɛli haaɓa, di wulu nįnɛ̨ yɛli tɔ̨nɔ̨ tɔɔ. Gəlee hɔ̨nwɔ̨ kaa pai kulɔi tɔɔmun ɲəi bɛlɛ́n.

Ɛsdrasə 6:7

Ka nuąi tii lɛɛ laa, di Yálá nwɔ pɛ́lɛ́i tɔɔ, Ɉuifəɠaa di wɔ gbahanama da Ɉuifə kalanɉonŋąą di bɛlɛ́ tɔɔ dɔɔi bɔlɔ ɓa.

Ɛsdrasə 6:9

Hɛnŋąąi kpɔ bɛliɛ di wɔ haláá hɛn ma, yii di kaa pai gulɔi yələkɔlɔn ɉu Yálá ɓa, nįŋɛ̨ gbɔn, ɓɛlaa hilɛ, ɓɛlaa lon, kpolo, lɔɔ da wulɔ, da gəlee tɛɛ Ɉerusalɛmə haláá həli nuą pɔ, yɛ bələi di kaa la bɔ, yələ ɓɔ pələ tɛitɛi, di hvo hvɛɠɛ a hɛn da.

Ɛsdrasə 7:14

Mąąhɔlɔɓo, tɔɔmun da nwɔ kalanɉon mɛ̨ihveelɛi ɓə ə́ tɔɔi, ə́ kaa lii Ɉuda lɔi da Ɉerusalɛmə taa di mɛ̨i kaai, yɛ bələi gaa la ə́ wɔ Yálái nwɔ tɔ́n ɉɛɓɛ́i gaa ə́ yəi ɉu.

Nehemi 11:23

Mąąhɔlɔɓo, tɔɔmun mə kɛi di wɔ koló kɛ pələ lɛ, ɛlɛɛ, hɛɓɛ́ ta ə kɛi nwələ too nuą di wɔ hvóló lɛ diɛ.

Nehemi 2:8

Ɛlɛɛ, ə́ dɔ̨nɔ̨ kɛ a Asafə nwɔ, yaai gaa a tɔɔmun nwɔ lɔwɔɠaa ɲąąwooɓomun, ə gɛ, ə pɛli wulu tɛɛi bɔ́, daa mąąkɔ̨nwɔ̨ hįį gbonŋąą kulɔ mɛ̨nį ɓa, da daa mąąkɔ̨nwɔ̨ pɛ́lɛ́i tii Yálá hee pɛlɛ́ kwɛlɛ nwɛi; da bɛlɛi gáá pai lɔi mu nwɛiɠaa.» Tɔɔmun ə ɉɛɓɛ́ɠaa tii tɛɛ bɔ́, mąąhɔlɔɓo, nwɔ́ Yálái yee lɛlɛɛ ə kɛ mɛ̨́i.

Danîa 6:26

Mɛ̨nįgaai tii tɛɛ pulu, tɔɔmun Dariusə ə hɛɓɛ́ pɛ̨ɛ̨, ə naa həli hįi kəlee ɓa, nɔiɠaa kəlee hu, hįi woo kəlee ɓo nuą diɛ, diɛi di kaa lɔi mɛ̨i naa kəlee, yɛ diɛ: «Gɛ́ liilaa ə tɛɛ ka pɔ kpɔ kɛnɛ̨!

Egaa 2:8

Yai-Laa Mɛ̨nį Kəlee ŋą Hééɓomun yɛ nwɔ̨nɔ̨ diɛ: A tɛ̨ą, hɛni da walii gaa lɔi mɛ̨i, gəlee kaa kpɔ a nwɔ́ɔ́.