Ɛsdrasə 5:14 - Yálá laawoo hɛɓɛ (dc)

¹⁴ Ya ɓə gɛ, ɉɛnɲąŋąɠaai ŋɛ̨i wɔlɔ kɛ Yálá yəi bɛlɛ́n Ɉerusalɛmə daai, yɛ ɓo a hɛni da wali, Nabukodonosorə ə wɔlɔ ɉəɠə, ə li la Babilonə, ə bu nwɔ haliɠaai yəi bɛlɛ́n. Tɔɔmun Sirusə ə ɉɛnŋąąi tii kulɔ ɉali pɛ́lɛ́i tii mu, nui ŋɛ̨i da kɛ mą Sɛsbasarə yai ə ɉee a nɔi nwun nąmu, ə ɉəɠə ə dɛɛ bɔ.

Yálá laawoo hɛɓɛ

¹⁴ Ya ɓə gɛ, ɉɛnɲąŋąɠaai ŋɛ̨i wɔlɔ kɛ Yálá yəi bɛlɛ́n Ɉerusalɛmə daai, yɛ ɓo a hɛni da wali, Nabukodonosorə ə wɔlɔ ɉəɠə, ə li la Babilonə, ə bu nwɔ haliɠaai yəi bɛlɛ́n. Tɔɔmun Sirusə ə ɉɛnŋąąi tii kulɔ ɉali pɛ́lɛ́i tii mu, nui ŋɛ̨i da kɛ mą Sɛsbasarə yai ə ɉee a nɔi nwun nąmu, ə ɉəɠə ə dɛɛ bɔ.

Bible

¹⁴ Gâloŋ Nɛbukinaza è gôo, da káne kawulu-ŋa kùla Ŋ̀âla-pɛrɛ Kɛ́tɛi mù é lí a dia Babelɔŋ é dípu ŋɔɣâla-pɛrɛi mu. Kɛ́lɛ Gâloŋ Sarɔ è zãâi ŋí kùla naa é dítɛɛ pôlu Zerusâlɛŋ. È ǹyée kpàmo Sɛbasa ma a gɛɛ é kɛ́ a Zuda lɔii mɛi nûu. È zãâi ŋí kélee tɛ̀ɛ bɔ́.

Ɛsdrasə 5:14 ပူးပေါင်းရင်းမြစ်များ

Kɔlɔnikɔ Veerɛi 36:18

Yálá yəi bɛlɛ́n ɉɛnŋąą kəlee, gbɛa-kpɛaa mąn, bɛlɛɛɠaa mąn, Yai-Laa ŋą pɛlɛ́i mu hɛn gɔwɠaa, tɔɔmun ŋą pɛlɛ́i mu hɛn gɔwɠaa, ə mą kɛ, galanɉonŋąą di wɛi, di gəlee həɠə di li la Babilonə.

Kɔlɔnikɔ Veerɛi 36:7

Nabukodonosorə ə Yai-Laa ŋą pɛlɛ́i mu hɛnŋąą tamąą həɠə, ə li la ə ɉee nwɔ tɔɔ pɛlɛ́i mu Babilonə.

Ɛsdrasə 5:15

Yɛ yili ɓa: Ɉɛnɲąŋąɠaai ŋɛ̨i həɠə, ə́ li ə́ ɉee Yálá yəi bɛlɛ́n Ɉerusalɛmə, ɛlɛɛ, di Yálá nwɔ pɛ́lɛ́i tɔɔ, ɓɛi wɔlɔ gaa laa tɔɔ ni.

Ɛsdrasə 5:16

Nąąlɔwai tii, Sɛsbasarə ə pa ɓɛ Ɉerusalɛmə daa, ə Yálá hee pɛlɛ́ kɔ́wɔ tɔɔ. Yili pulu ɓə kɛa, ku ku yee pɛlɛ la goló ɓa, kuɔ gɛ, kɛlaa, hvo nii kpɛɛ li.›

Ɛsdrasə 6:5

Yili pulu, Yálá hee pɛlɛ́ mu hɛnŋąą kpɔ wɔlɔ tɔɔmun Nabukodonosorə ə ɉəɠə yɛ li la Babilonə, yɛi kɛ a hɛni, a wala kɛ tii wali, di kaa pai pai a gəlee Ɉerusalɛmə, di gəlee hee ɉeei Yálá hee pɛlɛ́ mu.›»

Ɛsdrasə 7:27

«Mąąwiɛ kaa Yai-Laa ɓa, ku nąnni di wɔ Yálá; Yaai ə hvaa mą, Yai-Laa nwɔ pɛ́lɛ́i gaa Ɉerusalɛmə, ə mąą mɛ̨nį too tɔɔmun nii hu.

Hanwon 21:1

Tɔɔmun gili kaa yɛ tɛɛyá Yai-Laa yee ŋą, a dənən dɔɔ ɓɛi lɔpee a kɛ bɔ.

Ɉeremi 52:19

Gəgənŋaa, lansan kələn ɉɛnɲąŋąa, nuą mąąhəɠə gəgən gbɛa-kpɛaɠaa, gwɛli ləɠiɠaa, ləɠi tɔɔ hɛnŋaa, gbələ gəgənŋaa, da gəgən pɛlɛɛɠaa; yiiɠaa kpɔ tii kɛ a hɛni da wali, tɔɔmun mąąkpɛɛ kulaaɠaa nwun nąmu ə gəlee həɠə.

Egaa 1:1

Dariusə nwɔ tɔɔlaa gwɛlan veelɛ hu, ɲąnin mɛ̨ida nwɔ hvóló dɔlɔɔ yələ, Yai-Laa ə mɛ̨nį ɓo gwəi mɛ̨nį hukulɔ mun Aze ɓa, yɛ mą: Nwɛlɛɛ ŋɛ̨i ɓo Saltiɛlə lon ɉulɔnu Zorobabɛlə ɓa, yii gaa a gbahalanąmą Ɉuda lɔi hu, ə mą kɛ, Yehosadakə lon ɉulɔnu Ɉosue ɓa, yii gaa a haláá laa həli mun gɛnɛ̨, yɛ diɛ:

Egaa 1:14

Saltiɛlə lon Zorobabɛlə ŋɛ̨i kɛ a gbahanąmą Ɉuda lɔi hu, da Ɉosue yai kɛ a haláá laa həli mun gɛnɛ̨, ə mą kɛ, nuąi kpɔ kulɔ luwɔlaa hu di pa, Yai-Laa ə di lii muhəɠə. Di nɛɛmą, di di yee pɛlɛ Yai-Laa hee pɛlɛ́ tɔɔ mɛ̨nį ɓa, yai a di wɔ Yálá.

Egaa 2:2

Mo Saltiɛlə lon ɉulɔnu Zorobabɛlə ɓa, yii gaa a gbahalanąmą Ɉuda lɔi hu, da Yehosadakə lon ɉulɔnu Ɉosue, yii gaa a haláá laa həli mun gɛnɛ̨, ɛlɛɛ, da nuąi kpɔ həɠə luwɔlaa hu diɛ pa, yɛ diɛ:

Egaa 2:21

«'Mo Zorobabɛlə ɓa, yai gaa a gbahalanąmą Ɉuda lɔi hu, yɛ mą: Gáá pai yələkɔlɔn da lɔi di kpɛlin ɉii.

Gɛlaɠaa 13:12

Yii kɛa nɔi nwun nąmu ə yili kaa la, ə laa Yálá la. Gu Ną́mu Jesus mąą kalan di kɛli gɛ, yili ə nii hon.