Ɛsdrasə 4:12 - Yálá laawoo hɛɓɛ (dc)

¹² «Ku wɔ mɛ̨nį nąmu! Ku kaa ə́ kili pui ɉu, kuɔ yɛ́: Ɉuifəɠaa ŋɛ̨i həɠə ə́ pɔɔli diɛ pa ku pɔ ɓɛ Ɉerusalɛmə daai, di kaa pənəi diɛ nwąnąlɔ taa da gwɛli tee taa ŋɛ̨i tɔɔ; diɛ ɉįi tɔɔ, diɛ pɛlɛ́ tɔɔ bɛlɛ kpoloonŋąą ŋą.

Yálá laawoo hɛɓɛ

¹² «Ku wɔ mɛ̨nį nąmu! Ku kaa ə́ kili pui ɉu, kuɔ yɛ́: Ɉuifəɠaa ŋɛ̨i həɠə ə́ pɔɔli diɛ pa ku pɔ ɓɛ Ɉerusalɛmə daai, di kaa pənəi diɛ nwąnąlɔ taa da gwɛli tee taa ŋɛ̨i tɔɔ; diɛ ɉįi tɔɔ, diɛ pɛlɛ́ tɔɔ bɛlɛ kpoloonŋąą ŋą.

Bible

¹² “Gâloŋ, kwa ŋ̀wɛ̂lii í gɔ́lɔŋ a gɛɛ Zuda-ŋai kùla ílɔii kpîniŋ da-ŋa su, dí pá Zerusâlɛŋ taa-leei sui, da kɛ́ daa-leei ŋí tɔɔ̂i pôlu nyíi zu-ƃela tûa-pere nyɔ̂mɔɔi, dí ƃò a tɔɔ-mâ-ƃelai. Da pɛlɛ ziɣãŋ-ŋai tɔ̂ɔ ma ǹaa vé pâi tûai díkɛ kpɛɛ dîa.

Ɛsdrasə 4:12 ပူးပေါင်းရင်းမြစ်များ

Tɔɔɓɛlaa veelɛ 18:20

Yaai ə́ kɛ la diɛ: ‹Woo tɔ̨nɔ̨ a pɛli ə kɔ́ kɔ́ pələ lɛ mą́ą́, ə ɉú walawala!› Gbɛɛ ɓə ə́ kilitɔɔi mą yɛ́ ə́ kwɛlitee ɲə́i?

Tɔɔɓɛlaa veelɛ 24:1

Nąąlɔwai tii hu, Babilonə tɔɔmun Nabukodonosorə ə Ɉuda lɔi hon a kɔ́. Yoyakimə ə lɛɛ ɲee mu, kwɛlan ɉaaɓa yee mu. Gwɛlan ɉaaɓa kpɛɛi lɔwai, Yoyakimə ə pənə ə Babilonə tɔɔmun yee mɛ̨i yali.

Kɔlɔnikɔ Veerɛi 36:13

Yɛ nwɔ̨nɔ̨ gwɛlitee tɔɔmun Nabukodonosorə yəi, ɛlɛɛ yaan, aa kɛ gwɛla Yálá ɲɛ̨i ɓa, yili yəi. Sedesiasə ə nwun ɉuwalawala, ə kili walawala laa kulɔ, hvo kpɛli gɛ, hvo pənə hvo pa, Israɛlə nwɔ Yálá Yai-Laa pɔ.

Ɛsdrasə 4:11

Ɉɛɓɛ́i di bɛ̨ɛ̨, ɉu woo ka: «Ə həli ku wɔ tɔɔmun Artasɛrsɛsə ɓa! Nwoo ŋɛ̨i kaa kulɔi ə́ wɔ tínuą da ə́ wɔ koɓitaa yii gaa Eufratə ya voló tooi pələ, di la, yɛ li la tɔwɔ pələ.

Ɛsdrasə 4:15

ku kaa bɔ, ɉɛɓɛ́i tii ə́ nąn di wɔ mɛ̨nį pɔlɔɠaa pɛ̨ɛ̨ kaa ɉu, ɉu pili. Gwa ɉɛɓɛ́i tii hu kaa, ə́ kaa pai mɛ̨nį ta pɛ̨ɛ̨ kaai laa daai ŋɛ̨i laa mɛ̨i, diɛ kɛ mą: Kwɛli tee taa li, dɔ̨nɔ̨ hvo mą dɔɔɓɛlaa diɛ, da goɓitaaɠaa. Ɉɛɓɛ́i tii a nɛ yɛ, daai ŋɛ̨i, ɉu nuą di wɔlɔ kɛi di kwɛli tee. Mɛ̨nįi gɛ daa wolɔɔ la ya li.

Ɛsdrasə 4:19

Pələi ŋɛ̨i ka mo la, ŋį́ nuą tí, daa ɉɛɓɛ́ɠaa hu kaa, di gaa kpɔlɔ yɛ bələi tii ka mo la daai tii laa mɛ̨i, diɛ kɛ mą: ‹Ə gɔwɔ tɔɔ kpɔ wɔlɔ, daai tii a muhəɠə tɔɔɓɛlaa laa ɓa, yɛ gwɛli tee, nąą lɔ ɓə kwɛli tee mɛ̨nįɠaa da kulɔ laa.›

Ɛsdrasə 5:3

Nąąlɔwai, Eufratə ya voló tooi pələ nwɔ lɔi nąmui ŋɛ̨i da kɛ mą: Tatnai; da Setarə-Bɔznai, ə mą kɛ, da di ɓɛlaa, di pa diɛ nuąi tii kaa, di di mąąni kɛ, diɛ kɛ diɛ: «Gbɛɛ ɓə kɛ kaa, ka Yálá hee pɛlɛ́ tɔɔ, da ɉįi ŋɛ̨i daa ɓa?

Ɛsdrasə 5:9

Ku galanɉonŋąą mąąnin gɛ, kuɔ diɛ: Gbɛɛ ɓə bɛlɛ́i ŋɛ̨i tɔɔ mɛ̨nį mąą laa tɛɛ ka pɔ, da ɉįi tɔɔ mɛ̨nį?

Nehemi 1:3

Diɛ mą́ą́: «Nuąi həɠə nuwɔ laa hu, di haa laa nɔi mɔ̨nɔ̨ kɛnɛ̨ hu, da nwunmɛ̨. Ɉerusalɛmə mąąkpɛɛ hįį puɔ naa taɠaa, ɛlɛɛ, gbonŋąą kələnŋąą.»

Nehemi 6:6

Ɉɛɓɛ́i tii hu woo ka: «Di kaa moi nɔiɠaa hu, diɛ kɛ: Gasmu, gáá moi yɛ́, yɛ́ ka Ɉuifəɠaa ka káá bɔ ka ka muhəɠə a kɔ́, yili mąą mɛ̨nį ɓə gɛi, gɛ́ ɉįi tɔɔ la, ə gɛ, ə́ pa kɛ a di wɔ tɔɔmun, yɛ pələi di kaa moi la.

Ɉeremi 52:3

Mɛ̨nįi di kɛi gɛ Ɉerusalɛmə daai da Ɉuda lɔi hu, ə Yai-Laa liiholi, yili ɓə gɛ, yɛ di pili, yɛ di həɠə ɲɛ̨i mu. Sedesiasə ə tɔɔ Babilonə tɔɔmun na.

Danîa 3:8

Nąąlɔwai tii hu kpɔlɔɔ, Kalde nuą taɠaa, də li di Ɉuifəɠaa maa ɲaba lɔ.

Danîa 9:25

Yii mąąnɛ̨ɛ̨ ə́ kili ə kɛ ɉu, ə́ gbaɓala kaa, ya ka: Ə həɠə ɓɛlɔwai ŋɛ̨i di nwɛlɛɛ ŋɛ̨i ɓo la, yɛ hvilɛn na ka kulɔ mɛ̨nį luwɔlaa hu ɓa, da Ɉerusalɛmə taa tɔɔ mɛ̨nį a nįnɛ̨, ə mą kɛ, tɔɔmun yii Yálá ə ɉəɠə ɉu ə mąątí gulɔ mɛ̨nį pɔ̨nɔ̨ŋa, a kɛ a lɔwai mɛ̨ihveelɛ heei kwɛlan mɛ̨ihveelɛ. Yili pulu, lɔwai heei pow mɛ̨ida kɔ́w hveelɛ heei kwɛlan mɛ̨ihveelɛ hu, daa-lee kɛnɛ̨ da nwɔ hįi, da di tɔɔ. Kɛlaa, nɔwaiɠaai tii da kɛ a mɛ̨nį walawala.

Lukə 13:34

«Oo! Ɉerusalɛmə nuą, kaai ka Yálá kwəi mɛ̨nį hukulɔ nuą paa, nuąi Yálá a di tɔɔ ka pɔ, kaa di paa a kwɛni. Ŋą́ą́ ɉukɔɔn gee mɛ̨i tamąą, gɛ́ ŋą ə́ lonnii ɲąąkpɔn yɛ bələi tɛ́ɛ́ kɔ́nwɔ̨lee a nonnii ɲąąkpɔn na goon mu. Kɛlaa, ka hvo gɛ li.

Gɛlaɠaa 24:5

Kwaa gaa kuɔ ɉulɔnui ŋɛ̨i kaa a lɔi kala ɲɔ̨n gbɔkpɔɔ, Ɉuifəɠaai kpɔ yɛnɛ̨ɛ̨ nąą kəlee a di ɲąą hee di kee ɓa. Nuąi da kɛ diɛ: Nazarɛtə lɛɛ kalan gɛ nuą, di nwun nąmu ta li.

Tɛsalonikə dɔlɔɔ 5:22

'ká ká mąą kwɛa mɛ̨nį ɲɔ̨n ɉuwui lɔpee gəlee ɓa.