Ɛsdrasə 10:9 - Yálá laawoo hɛɓɛ (dc)

⁹ Voló haaɓai tii yee mu, Ɉuda nu huwu da Bɛnɉamɛn nwɛiɠaai di di ŋąąkpɔn Ɉerusalɛmə ɲąnin mɛ̨inąąn ną nwɔ hvóló pow hveelɛ yələ. Nɔi lonnii kəlee di kɛ tɔɔni Yai-Laa líílaa, diɛ kpɛlin, mɛ̨nį tii mąą mɛ̨nį ɓa, da dulɔ mɛ̨nį ɓa.

Yálá laawoo hɛɓɛ

⁹ Voló haaɓai tii yee mu, Ɉuda nu huwu da Bɛnɉamɛn nwɛiɠaai di di ŋąąkpɔn Ɉerusalɛmə ɲąnin mɛ̨inąąn ną nwɔ hvóló pow hveelɛ yələ. Nɔi lonnii kəlee di kɛ tɔɔni Yai-Laa líílaa, diɛ kpɛlin, mɛ̨nį tii mąą mɛ̨nį ɓa, da dulɔ mɛ̨nį ɓa.

Bible

⁹ Gpakolo-ŋai kélee kɛ̀ Zuda da Bɛŋsima lɔii kpiniŋ sui, dí díŋaa tɛ̀ gîe ma Ŋ̀âla-pɛrɛ Kɛ́tɛi lá vólo saaƃai ŋí yée mu. Vólo saaƃai ŋí maa ɣelei gbɛ̀ɛ-ŋai è kɛ̀ a ŋ̀áloŋ ǹɔ́ɔlu mɛi náaŋ ŋɔfólo buu feerɛ ɣele. Tuna è kɛ̀ pûi a ŋ̀ánaa. Kɛ́lɛ ǹûai dífe gɔyâŋ ŋí siɣe ní ma kpɛ́ni fêi è kɛ̀ a kɔyâŋ kpanaŋ. Díkɛ̀ naa díkɛ kpɛ̃liŋ kpɛ́ni fêi gɔ́lɛi è kɛ̀ pâi. Díkɛ tèla yào m̀ɛnii ma díkɛ̀ naa m̀ɛni mai.

Ɛsdrasə 10:9 ပူးပေါင်းရင်းမြစ်များ

Ɛsdrasə 10:10

Ɉaláá laa həli mun Ɛsdrasə ə muhəɠə, yɛ diɛ: «Kaa wɔlɔ kulɔ nwoo mu laa kɛ, ɛlɛɛ nwɛ̨ą nɛ̨ąą həɠə mɛ̨nį a ka nɛ̨ąni, aa Israɛlə hɔn ɲɔw da pɛlɛ mą.

Ɛsdrasə 10:3

Gwa gu wɔ Yálái ni gu mįnɛ̨ həɠə yiihu, ku ku yee kulɔ nwɛ̨ą nɛ̨ąą kəlee hu da di lonnii, yɛ bələi yɛ́i a ku wɔ mɛ̨nį nąmu, ka nuąi kpɔ da ɲɔw gu wɔ Yálá nwɔ tíɓoi ɓa, ka ku liɛwoo kɛ la.

Ɛsdrasə 10:8

Nui lɔpee a wala pa, hvóló haaɓa tɛɛ pulu, yɛ pələi bɛlɛ nąmįną da galanɉonŋąą di mo la, ɲəi hɛnŋąą kəlee a lɛɛ a Yai-Laa nwɔ pɛ́lɛ́i nwɔɔ, ɛlɛɛ, ya kpinįi tii, da naa kulɔ Israɛlə nuą lɔwai.

Ɛsdrasə 9:4

Nuąi kpɔ Israɛlə nwɔ Yálá mąą mɛ̨nį ə kɛi di lii kulɔ diɛ, di pa di hee gwɛ́lɛ, nuą tii həɠə nuwɔ laa hu, di wɔ nɛ̨ŋɛ̨nŋąą tii mąą mɛ̨nį ɓa. Ŋą́ lɛɛ kpɔ heeni nii kələn gwəi tii hu, ə lɛɛ ɉu, ɲələwulii haláá kulɔi lɔwai ə ɉəli.

Ɉeremi 10:10

Kɛlaa, Yai-Laa nwɛi, yaa ɓə a Yálá; yii gaa a vulú, yɛ ɓo a tɔɔmun a yələ kəlee. A níiholi, lɔi a kpɛlin, yɛnɛ̨ɛ̨ lɔi ta hva pɛli tɔɔi nwɔ liiholi tɔwɔ.

Ɉeremi 10:13

Hvo gaai, yaa ɓə ya tiɛ̨ gee mɛ̨i yələ kwəi yɛ tulɔ kpinįnŋaa kulɔ lɔi kpon ɉeei, a ɉu wia, diɛ tɛ, yɛ ɲee ɓo diɛ, diɛ pu. Ya ɓə a hvaŋąɠaa kulɔ, ɓɛi a di pu laa gee mɛ̨i.

Ɉeremi 36:22

Tɔɔmun nwɛi, ə kɛ heeni nwɔ̨n gwɛlɛ, haaɓɛlaapɔɔlɛɛ tɔɔi lɔwai li kɛ, nwɔ̨n ɉeɛ kɛ nií la.