Lɛɛ gbɔwɔ ɓa 9:24 - Yálá laawoo hɛɓɛ (dc)

²⁴ Ə həɠə kpɔ Eziptə lɔi kɔ́wɔ tɔɔ yələ ɓa, ə həli la volói ti ɓa, hanwon da hvo ta pu li a gbuwulu kpɛa kpɛa nwia yɛ yili, ɛlɛɛ yələgbąnąą yɛ gɛ.

Yálá laawoo hɛɓɛ

²⁴ Ə həɠə kpɔ Eziptə lɔi kɔ́wɔ tɔɔ yələ ɓa, ə həli la volói ti ɓa, hanwon da hvo ta pu li a gbuwulu kpɛa kpɛa nwia yɛ yili, ɛlɛɛ yələgbąnąą yɛ gɛ.

Bible

²⁴ Zãoi è kɛ̀ kpɔ́ a zu kɛ́tɛ a sɛŋ ŋ̀ele-gbânai ŋɔŋɔŋ è kɛ̀ teei zu, nyii kɛ̀ a zu kɛ́tɛ, nyii da fé niî wɔ́lɔ pú ní Ize lɔii su é síɣe gɔ́ɔ-pilaŋ-tãi mai.

Lɛɛ gbɔwɔ ɓa 9:24 ပူးပေါင်းရင်းမြစ်များ

Zôo 38:23

Diɛi ŋį́ di pɛli nuą mɔ̨nɔ̨ ɓo yələ mąą mɛ̨nį ɓa, a lamun kɔ́ yələ da kɔ́ kɔ́ yələ mąą mɛ̨nį ɓa.

Mąątɛ̨nɛ̨ 105:32

Ə hanwon kpuwulu pu di mɛ̨i, a tulɔ mąą hvalin, ə nwɔ̨n doo nɔi.

Mąątɛ̨nɛ̨ 18:13

Kɛɛ pɔ̨nɔ̨ tawolo ə kɛ dɔwɔ, dulɔ kpinįnŋąąi tii diɛ tɛɛ, hawonn da nwɔ̨n gbaalənŋąą diɛ kulɔ.

Lɛɛ gbɔwɔ ɓa 10:6

Di kaa pai ə́ yəi bɛlɛ́n vɛɛi, di ə́ wɔ nu kpɛa-kpɛai yəi bɛlɛ́n vɛɛ, ə mą kɛ nɔi hu nuą kəlee. Gaa pai kɛi a mɛ̨nįi da hvo ta laa li ka wɔ lɔi ɓa, ə həɠə ka kalani di wɔ kalani diɛ, ə həli la yiihu ɓa.» Moisə ə kulɔ tɔɔmun ɲəi bɛlɛ́n, ə li.

Lɛɛ gbɔwɔ ɓa 9:18

Ə́ ɲɛ̨i hee laa, tinąą ɓɛlɔwai, gáá pai hanwon gbɛa-kpɛa pui ɓɛ nɔi, yii ɲɔ̨nwɔ̨n mąn və ta pu li, ə həɠə kpɔ Eziptə lɔi ŋɛ̨i kɔ́wɔ tɔɔ yələ ɓa, ə həli la háákələi ɓa.

Lɛɛ gbɔwɔ ɓa 9:23

Moisə ə nwɔ tunwɔ̨n tɛ ɲələi, Yai-Laa ə yələgbąnąą ɓɛla da hanwon, ɲələgbąnąą ti ə gbɛa too, yili pulu, Yai-Laa ə hanwon bu nɔi mɛ̨i nąą kəlee.

Lɛɛ gbɔwɔ ɓa 9:25

Eziptə lɔi nąą kəlee pilɛɛ gee mɛ̨i, nuąi kpɔ kɛ ɲɛɛkɔwɔɠaa hu, da ɉuwɔɠaa, ɉanwon ti ə di kɛlɛ, yɛ hihɛnŋąą kala, yɛ wuluɠaa yali.

Azaya 30:30

Yai-Laa woo kaa pai kɛi tɔɔi a mąą ɲɔwuɔ, diɛ ɲee pili pələ kaa, nwɔ liiholi kɛnɛ̨ɛi hu, ə ɓo yɛ nwɔ̨n gɛnɛ̨ a kɛi kɛɛ kələn, yɛ hvaŋą tulɔ kɛnɛ̨ a kɛi pu, hanwon yɛ pu mu.

Izikiɛ 1:4

Ɲɛ̨́i ə lɛɛ laa, tulɔ hvaŋą ə kɛi həɠə ɲánwuɔ̨ pələ, tulɔ kpinįn ɉu wiaa da nwɔ̨n gɛnɛ̨, ɛlɛɛ, gwɛ́lɛ́ kəlee pɔ̨nɔ̨ɔ̨ kɛ a nwɔ̨n nə́n; ɛlɛɛ, nwɔ̨n tii hąą ə kɛ yɛ nwɔ̨n gbaalən gbɔluɔ tamąą da kɛi kulɔ nwɔ̨n tii hu.

Izikiɛ 13:13

Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ: gáá pai tulɔ hvąŋą muhəɠəi a nííholi pələ kɛnɛ̨, ŋą́ líiholi kaa pai tulɔ ɉogbo ɉogbo pui, ŋą́ lii ɲą nwąną yɛ kɛɛ kala hanwon bu.

Maafîu 24:21

Mąąhɔlɔɓo, mɛ̨nį nwąnąą kpɛa-kpɛaɠaa da kɛ a volói tii, yii ɲɔ̨nwɔ̨man hvo ta kɛ li ə həɠə yɛnɛ̨ɛ̨ kɔ́wɔ tɔɔi lɔwai ɓa, ə həli la ma yələi tii ɓa. Ɛlɛɛ da hvo nwɔ̨nɔ̨ pai kɛi kɛa yili pulu.