Lɛɛ gbɔwɔ ɓa 9:14 - Yálá laawoo hɛɓɛ (dc)

¹⁴ Gbala ə tɔɔ, mɛ̨nį kaa gwə́i gɛ́ pa naai yɛ́, ká ə́ wɔ ɲɛ̨itɔwɔ nuą da ə́ wɔ lɔi hu nuą kəlee kaa. Ə gɛ, ə́ kili ə pu ɉu yɛ́, nu ta hvo ɓɛ lɔi mɛ̨i kwa yaa ku pɛliɛ.

Yálá laawoo hɛɓɛ

¹⁴ Gbala ə tɔɔ, mɛ̨nį kaa gwə́i gɛ́ pa naai yɛ́, ká ə́ wɔ ɲɛ̨itɔwɔ nuą da ə́ wɔ lɔi hu nuą kəlee kaa. Ə gɛ, ə́ kili ə pu ɉu yɛ́, nu ta hvo ɓɛ lɔi mɛ̨i kwa yaa ku pɛliɛ.

Bible

¹⁴ Tãi ŋí su a pâi ŋɔtɔ̂ŋ-kpɛ-maai kɛ̂i a yá ka ítii-kɛ-ƃelai é pɛ́lɛ ínûai dîa a gɛɛ ká gɔ́lɔŋ a gɛɛ Ɣâla da kélee fé naa ǹɔii gwaa kélee yɛ̂ɛ ǹyaa.

Lɛɛ gbɔwɔ ɓa 9:14 ပူးပေါင်းရင်းမြစ်များ

Samia Veerɛi 7:22

A tɛ̨ą ə́ kɛnɛ̨i, Ną́mu Yálá. Ə́ ɲɔ̨nwɔ̨mąn və laa, ɛlɛɛ, Yálá takpɛli hvo laa ə kulɔ ə́ pulu; yɛ bələi kpɔlɔ ə too la ku wəlii.

Tɔɔɓɛlaa dɔlɔɔ 8:38

Vɛli ɓo nwun ə kɛ a mɛ̨nįi lɔpee, ə kɛ a mɛ̨nį huwui lɔpee gəlee mąą nɛ̨ɛ̨mąą hvə nwun, mąą nu ə kɛ a ə́ wɔ nu huwui Israɛlə mun da, mąą nu kili a pu ɉu yɛ kɛ mɔ̨nɔ̨i tii naa mɛ̨i ɉutɔɔ mɔ̨nɔ̨ li, mɔ̨nɔ̨i tii a kpanwo niiɓa, mąą nu a ɲɛ̨i tinɛ̨n bɛlɛ́i ŋɛ̨i pɔ pələ, ə́ ə́ hvɛli;

Kɔlɔnikɔ Maa-ŋuŋ 17:20

Yai-Laa! Ə́ ɲɔ̨nwɔ̨mąn və Yɛ́; yɛ bələi ku mɛn na a ku wəli, yálá takpɛli hvó laa, gulaa Ə́ pulu.

Mąątɛ̨nɛ̨ 86:8

Nwɔ́ mɛ̨nį Nąmu, yáláɠaa lɔwai, nɛlɛ kpɔ kpɔɔ ɓə gulaa yɛ́, Yálá! Ə́ kɛ mɛ̨nįɠaa, gɔɔn mąą hvo laa.

Lɛɛ gbɔwɔ ɓa 15:11

Yai-Laa, yáláɠaa lɔwai gbɛɛ gaa yɛ Yɛ́? Gbɛɛ ɓə gaa yɛ Yɛ́ mąąhəɠəlaa hu! Gɛ mɛ̨nįɠaa kɛnɛ̨ pələ mąąɲɔwuɔi, yɛ pɛli kwɛlɛɛn mɛ̨nįɠaa kɛi?

Lɛɛ gbɔwɔ ɓa 8:10

Di gbɔn gee ɓa a ɉįiɠaa, nɔi kun ə ɲɔ̨n.

Lɛɛ gbɔwɔ ɓa 8:6

Tɔɔmun yɛ Moisə ɓa: «Tinąą.» Moisə yɛ mą: «Ŋą́ą́ mɛ̨n, bələi tii ə́ mo la, gáá gɛi tii, ə gɛ, ə́ kili ə pu ɉu yɛ́, nu lɔpee ta hvo laa, yii gaa yɛ Yai-Laa ku wɔ Yálái.

Lɛɛ gbɔwɔ ɓa 9:15

Ŋą́ ɲee pɛlɛ kɛ yɛ́ yiihu, ká ə́ wɔ lɔi hu nuą ka kwəi kulɔ ɲɔ̨n ɉəɠə, yɛ ə́ laa aa kpɛɛ lɔi mɛ̨i.

Azaya 45:5

Ɲą́ą́ ɓə gáá a Yai-Laa, dakpɛli hvo laa, ə kulɔ ɲą́ą́ búlu, ɲą́ą́ ɓə! Ə kulɔ ɲą́ą́ búlu, yálá takpɛli hvo laa. Ŋą́ yala tɔɔ ə́ hąą, ya pa hvó gɔ́lɔn.

Azaya 46:9

'Ka ka kiliŋąhiɛ mɛ̨nįɠaai da tɛɛ ɉu, a tɔwɔ-tɔwɔ mɛ̨nįɠaa tii: A tɛ̨ą, ɲą́ą́ lɔ ɓə a Yálá, dakpɛli hvo laa, Ɲą́ą́ lɔ ɓə a Yálá, kwa hɛn da ku hvo kpɔn ni náá ɓa, gəlee kaa lɔ ɲɛ̨́i mu yɛ hvaŋą kpɛli kpɛli.

Ɉeremi 10:6

Yai-Laa! Nu ta hvo laa gulaa yɛ́! Ə́ kɛnɛ̨i, ə́ laa kɛnɛ̨i, Ə́ kɛ mɛ̨nį ɲɛ̨i kɛnɛ̨ɠaai ə́ di kɛ, mąą mɛ̨nį ɓa.

Ɉeremi 10:7

Gbɛɛ a pɛli niikpələi a yɛ́! Lɔiɠaa di wɔ tɔɔmun! Mąą nɛ̨ɛ̨ kilimąą nuą di hɔlɔɓo lɔi kəlee hu, di tɔɔ, lɔiɠaa hu, Kɛlaa, nu ta hvo laa yɛ ɓo yɛ yɛ́!

Ɉeremi 19:8

Gáá pai daa ŋɛ̨i mąą pənəi a lɔi mąąwɛliɛ, nuąi pai kɛi tɛɛi nąą kwɛlɛ, ɲɔw yɛ too di hu, di kwəi yɛ pili diɛ; da gɛɛ kalaa taaləi tii kaa, hvo kɛ li da tomą a ɲɔw.

Danîa 5:21

Yálá ə gulɔ nuą lɔwai, ə gili kɛ yɛ huwɔ kili, da lɔwɔ huwɔɠaa diɛ ɓo di kee ɓa, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, ə lɛɛ la ɉu Yálá yii gaa hɛn gəlee nwun mɛ̨i, tɔɔmun Nabukodonosorə ə gɔlɔn yɛ diɛ: Yálái tii ɓə nwɔ yeetɛɛmąą kaa tɔɔlaa kəlee mɛ̨i, yaai a nu hee ɓɛi gaa bɔ.

Levetekɔ 26:18

«Yili a kɛ tii, ka wala nwɔ̨nɔ̨ ka wəli tɔɔ mą́ą́, ŋą́ ka wɔ nɛ̨ŋɛ̨nŋąą mąą kwələ kulɔ kaa geemɛ̨i mɛ̨ihveelɛ.

Levetekɔ 26:21

«Ka tɔɔ ná, ka wala ka wəli tɔɔ nwóó ɓa, ŋą́ ka kɛlɛ gee mɛ̨i mɛ̨ihveelɛ a nwalawalaa, ə pɛli ka wɔ nɛ̨ŋɛ̨n ma.

Levetekɔ 26:28

ŋą́ tɔɔ ka la a liiholi kɛnɛ̨, ɲą́ą́ gbinįi gɛ́ ka hutɔɔ gee mɛ̨i mɛ̨ihveelɛ, ka wɔ nɛ̨ŋɛ̨nŋąąi mąą mɛ̨nį ɓa.

Mise 6:13

Yili mąą mɛ̨nį ɓa, ŋą́ ɲɔ́n bili ə́ hu, a ə́ kɛlɛ pələ, da ə́ huwolo pələ ɲə́i, ə́ wɔ nɛ̨ŋɛ̨nŋaai mąą mɛ̨nį ɓa.

Dutɛrɔnome 3:24

«Yai-Laa yáá gɔwɔ tɔɔ yɛ́ ə́ kɛnɛ̨ pələ da ə́ yee wala wala pələ lɛ ə́ wɔ tímun ɓa. Yálá ta kaa mɔ̨ɔ̨ yələi da lɔi mɛ̨i, gɛ mɛ̨nįɠaa da nwɔ heeɓolaa diɛ həli Ə́ pɔ?

Dutɛrɔnome 4:35

Ka wɛi, ka mąąnɛ̨ɛ̨ ka gɔlɔn kaa diɛ: Yai-Laa ɓə gaa a Yálá, yálá takpɛli hvo tɛɛ li yaa tii mą.

M̀ɛni-lɛɛi 18:8

Yili mąą mɛ̨nį ɓa, mɛ̨nį ɲąąnwąnąąɠaai naa dɔwɔ, di kaa pai pu mɛ̨i lɔ a hvóló tanɔ̨n, diɛ ɓaa: Haa, haa wɔlɔ, da pulu, ɛlɛɛ, nwɔ̨n mə pai yaai tii gələn ɉii. Mąąhɔlɔɓo, Ną́mu Yálá, yai pai gití teei, vaŋą kɛnɛ̨i.»

M̀ɛni-lɛɛi 22:18

Ɲą́ą́ ɓə moi kpɔ a tɛ̨ą, mɛ̨nįɠaai ɉɛɓɛ́i ŋɛ̨i hu, nui a da pɛlɛ mą, mɛ̨nį ɲąąnwąnąąɠaai ɉɛɓɛ́ hu, Yálá a nwɛi ta pɛlɛ mą.

Samuɛlə dɔlɔɔ 4:8

Ku lɛɛ li ɉu, gbɛɛ ɓə pai ku kulɔi Ɲálá hvaŋą kɛnɛ̨i tii yəi? Ɲálái tii ɓə mɛ̨nį ɲąąnwąnąą huwui gəle laa Eziptə nuą diɛ nɔi pun ɉu.»