Lɛɛ gbɔwɔ ɓa 8:27 - Yálá laawoo hɛɓɛ (dc)

²⁷ Bələi ti Moisə ə ɉu hvɛli la, Yai-Laa ə gɛ ti. Vɔnŋąą tii mąą ə kwɛa tɔɔmun ma, da nwɔ nu kpɛa-kpɛaa-o, ə mą kɛ, nɔi nuą. Dɔ̨nɔ̨ kpɛli hvo lɛɛ laa.

Yálá laawoo hɛɓɛ

²⁷ Bələi ti Moisə ə ɉu hvɛli la, Yai-Laa ə gɛ ti. Vɔnŋąą tii mąą ə kwɛa tɔɔmun ma, da nwɔ nu kpɛa-kpɛaa-o, ə mą kɛ, nɔi nuą. Dɔ̨nɔ̨ kpɛli hvo lɛɛ laa.

Bible

²⁷ Fɛ̂ɛ nɔ́ kú ɣele kûu saaƃa sia kɛ́ vɛ̃ɛ-kpâlaŋ su a gɛɛ kú sâla kula Yâwɛɛ Kúɣâla mâ yɛ̂ɛ berei è mò la kûai.”

Lɛɛ gbɔwɔ ɓa 8:27 ပူးပေါင်းရင်းမြစ်များ

Lɛɛ gbɔwɔ ɓa 10:26

Ku kaa lii a ku wɔ taatɛlɛɛɠaai kəlee, dɔ̨nɔ̨ kpɛli hva lɛɛ ɓɛ. Mąąhɔlɔɓo, daatɛlɛɛɠaai ti lɔwai ɓə ku kaa lii da həɠəi laa, kuɔ gɛ a haláá, Yai-Laa ku wɔ Yálái ɓa. Kɛlaa, yii ku ɉəɠəi ɉu, ku hvo gɔlɔn, hvo kɛli kwa həli ɓɛi ku kaa lii laa.»

Lɛɛ gbɔwɔ ɓa 3:12

Yálá yɛ Moisə ɓa: «Gáá ə́ pɔ. Yá pa Israɛlə nu huwu kulɔi Eziptə, ɲeei ŋɛ̨i ɓa ɓə ka tí laa Yálá ɓa; yili pɔ pələ ɓə yá gɔlɔn na yɛ́ ɲą́ą́ ɓə ə́ tɔɔ.»

Lɛɛ gbɔwɔ ɓa 3:18

Di kaa pai di wəli tɔɔi ə́ woo ɓa; ka diɛni ka bɛlɛ gee ɓa, ka li Eziptə tɔɔmun bɔ, kaa mą: Yai-Laa, Hebreuɠaa di wɔ Yálá, aa gbɔwɔ lɛ kuɔ pɔ̨nɔ̨ŋą, yiihu, hvo kɛli kwə li, ku hvóló haaɓa hiɛ kɛ nɔi pun ɉu, ku haláá kulɔ laa ku wɔ Yálái a Yai-Laa mą.

Lɛɛ gbɔwɔ ɓa 34:11

Mɛ̨nii gáá moi yɛ́ háákələi, ə́ kili lɛɛ ɉu a nɛlɛɛ. Gáá pai Amɔrə nuą, Kanaan nuą, da Hɛtə nuą, da Perizi nuą, da Hivi nuą, ɛlɛɛ da Ɉebusə nuą kpɛi ka tɔwɔ.

Lɛɛ gbɔwɔ ɓa 5:1

Yili pulu, Moisə da Aarɔn di li Eziptə tɔɔmun nií la, diɛ mą: «Mɛ̨nįi Yai-Laa Israɛlə nwɔ Yálá, ə mo ya ka: ‹'Nwɔ́ nuąi lɛɛ laa di li nɔi pun ɉu, di hɛli pu laa náá hu.›»

Lɛɛ gbɔwɔ ɓa 5:3

Moisə da Aarɔn, diɛ mą: «Hebreuɠaa di wɔ Yálá, aa gbɔwɔ lɛ kuɔ, yɛ kwəli ku hvóló haaɓa hiɛ kɛ nɔi pun ɉu, ə gɛ, ku haláá kulɔ Yai-Laa ɓa, yai gaa a ku wɔ Yálá, kwa wala li, a ku nwun na pili a kwəi kulɔ, a wala kɛ ti, ku lɛɛ kɔ́ hu.»

Levetekɔ 10:1

Aarɔn lonnii, Nadavə da Avihu di di wɔ lansan kələn hɛnŋąąi həɠə, di nwɔ̨n naa ɉu, di lansan pu ŋą, nwɔ̨n lúwɔ́ hvo mą, diɛ naa həli Yai-Laa ɓa; Yaan hvo kɛ di tí li a yili.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»