Lɛɛ gbɔwɔ ɓa 8:20 - Yálá laawoo hɛɓɛ (dc)

²⁰ Yai-Laa ə gɛ tii. Vɔn gbulu kɛnɛ̨ ə lɔ tɔɔmun ɲəi bɛlɛ́n, nwɔ nu kpɛa-kpɛaa yəi bɛlɛ́n, ə mą kɛ Eziptə nuą kəlee. Vɔn ə kɛ nɔi nąą kəlee, yɛ kɛɛ kala.

Yálá laawoo hɛɓɛ

²⁰ Yai-Laa ə gɛ tii. Vɔn gbulu kɛnɛ̨ ə lɔ tɔɔmun ɲəi bɛlɛ́n, nwɔ nu kpɛa-kpɛaa yəi bɛlɛ́n, ə mą kɛ Eziptə nuą kəlee. Vɔn ə kɛ nɔi nąą kəlee, yɛ kɛɛ kala.

Bible

²⁰ Nya ƃe Yâwɛɛ è mò Mose mà ǹyɛɛi, “Ímu síɣe a ɣele-wâla pɛpɛ í lí Gâloŋ pɔ́ naa í maa kpɛŋ ǹyai lá. Tãi à kɛ̀ liî la ǹyái lái í m̀ó mà yɛ̂ɛi, Yâwɛɛ ǹyɛɛi, ‘Ŋánûai lɛ́ɛ naa dí lí a gɛɛ dí ḿvɛli.

Lɛɛ gbɔwɔ ɓa 8:20 ပူးပေါင်းရင်းမြစ်များ

Mąątɛ̨nɛ̨ 105:31

Ə mo von mą, ə pa, da heelon, yiliɠaai kpɛli di nɔi nąą kəlee kulɔ.

Mąątɛ̨nɛ̨ 78:45

Ə Vɔnŋaa ɲąątɔɔ diɛ, diɛ di ɲąmą kpələ, Ə gbəŋəɠaa ɲąątɔɔ diɛ, diɛ ɲɛnɛ̨ɛ̨ kɛ laa wala di yəi.

Lɛɛ gbɔwɔ ɓa 2:5

Eziptə tɔɔmun lon nɛ̨ɛ̨nu ə həɠə, yɛ li nwaai ɲa lee hu. Nwɔ tínɛ̨ąą diɛ hiɛ ɲa kwɛlɛ. Tɔɔmun non ə gbɔ́lɔ́i tii kaa heeni veen ɉu, yɛ nwɔ tímun ma: 'Li ə́ ɉəɠə ə́ paa la.

Lɛɛ gbɔwɔ ɓa 3:18

Di kaa pai di wəli tɔɔi ə́ woo ɓa; ka diɛni ka bɛlɛ gee ɓa, ka li Eziptə tɔɔmun bɔ, kaa mą: Yai-Laa, Hebreuɠaa di wɔ Yálá, aa gbɔwɔ lɛ kuɔ pɔ̨nɔ̨ŋą, yiihu, hvo kɛli kwə li, ku hvóló haaɓa hiɛ kɛ nɔi pun ɉu, ku haláá kulɔ laa ku wɔ Yálái a Yai-Laa mą.

Lɛɛ gbɔwɔ ɓa 4:23

Ŋą́ą́ mo yɛ́, 'ɓo nón ma ə li ə tí mą́ą́; ya ka hvó gɛi hvó ɓo mą hvo li! Yili ɓa, gáá ə́ lon ɉulɔnu dɔlɔɔ paai.›»

Lɛɛ gbɔwɔ ɓa 5:1

Yili pulu, Moisə da Aarɔn di li Eziptə tɔɔmun nií la, diɛ mą: «Mɛ̨nįi Yai-Laa Israɛlə nwɔ Yálá, ə mo ya ka: ‹'Nwɔ́ nuąi lɛɛ laa di li nɔi pun ɉu, di hɛli pu laa náá hu.›»

Lɛɛ gbɔwɔ ɓa 5:3

Moisə da Aarɔn, diɛ mą: «Hebreuɠaa di wɔ Yálá, aa gbɔwɔ lɛ kuɔ, yɛ kwəli ku hvóló haaɓa hiɛ kɛ nɔi pun ɉu, ə gɛ, ku haláá kulɔ Yai-Laa ɓa, yai gaa a ku wɔ Yálá, kwa wala li, a ku nwun na pili a kwəi kulɔ, a wala kɛ ti, ku lɛɛ kɔ́ hu.»

Lɛɛ gbɔwɔ ɓa 7:15

'Humo tinąą, ə́ li ɲalee kwɛlɛ ə́ tɔɔmun mąąkpɔn naa. Dunwɔ̨n ŋɛ̨i kɛ ə́ yəi yɛ mąą pənə a kaalə, 'ɉon ə́ yee pɔ.

Lɛɛ gbɔwɔ ɓa 8:1

Yai-Laa yɛ Moisə ɓa: «'Mo Aarɔn ɓa, ə nwɔ tunwɔ̨n ɉaŋą ɲá pɛlɛɛɠaa kəlee mɛ̨i, da bowa kəlee, gbəŋəɠaa di tɛ Eziptə lɔi nąą kəlee.»

Lɛɛ gbɔwɔ ɓa 8:21

Tɔɔmun ə Moisə da Aarɔn di təli, yɛ diɛ: «'Ka li ka haláá kulɔ ka wɔ Yálái ɓa ɓɛ nɔi.»

Lɛɛ gbɔwɔ ɓa 9:13

Yai-Laa yɛ Moisə ɓa: «'Humo tinąą ə́ li tɔɔmun bɔ, yɛ́ mą: Yai-Laa Hebreuɠaa di wɔ Yálái, nwoo ka, yɛ: Ə́ ɓo nwɔ nu huwui ɓa, di li di kwɛli hvilɛn mą.