Lɛɛ gbɔwɔ ɓa 40:34 - Yálá laawoo hɛɓɛ (dc)

³⁴ Túlɔ kpinįn ə pɛlɛ gee kaa kələ mɛ̨i, Yai-Laa nwɔ mąąwiɛ ə bɛlɛ́ laa hvɛɛ.

Yálá laawoo hɛɓɛ

³⁴ Túlɔ kpinįn ə pɛlɛ gee kaa kələ mɛ̨i, Yai-Laa nwɔ mąąwiɛ ə bɛlɛ́ laa hvɛɛ.

Bible

³⁴ Ŋ̀ele-kɔlɔŋ kolei è Bɛ́rɛi mɛi pɛ̀lɛ. Ǹyaŋ Yâwɛɛ ŋɔfólo-laai è bɛ́rɛi láa fɛ̀ɛ.

Lɛɛ gbɔwɔ ɓa 40:34 ပူးပေါင်းရင်းမြစ်များ

Samia Veerɛi 7:6

Mąąhɔlɔɓo, və́ ta lɔ li pɛlɛ́ kpɔ-kpɔɔ mu, ə həɠə ɲələi ŋą́ Israɛlə lonnii kulɔ la Eziptə, ə həli la háákələi ɓa. Ŋą́ kɛ həɠə pɛlɛ́ mu, gɛ́ gbáán dee laa, di kɛɛ ɉiɛ pələi.

Kɔlɔnikɔ Veerɛi 5:13

Dúlú hvɛɛ nuą da nwələ too nuą di woo ə kɛi kulɔ, bɛlɛɛ gee ɓa a nɛlɛɛ, diɛ Yai-Laa mąątɛ̨nɛ̨, diɛ naa tɛ. Ɓɛlɔwai dúlú woo, gbɛŋɛ̨nɛ̨ngwɛli da vɛli kɛ hɛnŋąą yiiɠaa tii di woo ə kɛi kulɔ la, di kɛi Yai-Laa mąątɛ̨nɛ̨ diɛ kɛ diɛ: «Yai-Laa nwɔ mɛ̨nį lɛlɛɛi, ɲɛ̨n deei hvo mą!» Nąąlɔwai, Yai-Laa nwɔ pɛ́lɛi laa ə hvɛɛ a túlɔ kpįnįn.

Kɔlɔnikɔ Veerɛi 7:2

Ɉaláá laahəlinuą di hvo pɛli lɔi Yai-Laa Hee Pɛlɛ mu, mąąhɔlɔɓo Yai-Laa Mąąɲįnɛ̨n aa kɛ Yai-Laa hee Pɛlɛ laa hvɛɛ.

Mąątɛ̨nɛ̨ 26:8

Yai-Laa, yɛ́ pɛ́lɛ́i tii ə́ kaa mu, nwɛli kaa mą́ą́, da ɓɛi ə́ wɔ mąąwiɛ kaa laai.

Lɛɛ gbɔwɔ ɓa 14:24

Yələɓoi lɔwai, Yai-Laa kɛ dulɔ kpinįn ɉu da nwɔ̨n nən, ə tinɛ̨n ə ɲɛ̨i ɲɔ̨nwɔ̨ɔ̨ hee Eziptə nuą diɛ, ə di hu pu diɛ.

Lɛɛ gbɔwɔ ɓa 16:10

Ɓɛlɔwai Aarɔn ə kɛi bələ ɓo la Israɛlə lonnii kəlee diɛ, ə tinɛ̨n ə ɲɛ̨i hee nɔi pun ɉu pələ, ə Yai-Laa nwɔ mąąwiɛ kaa tulɔ kpinįn ɉu.

Lɛɛ gbɔwɔ ɓa 25:8

Mąąnɛ̨ɛ̨ ə́ kɛɛnąą mąą həɠɛɛ pɛli mą́ą́, gɛ́ pɛli lɛɛi ka lɔwai.

Lɛɛ gbɔwɔ ɓa 29:43

Gáá pai kɛi pai kwa Israɛlə lonnii kuɔ ku kee kaa gɛɛnąą ti ɓa, nwɔ́ mąąwiɛ a nąą kɛ a kɛɛnąą mąąhəɠɛɛ.

Lɛɛ gbɔwɔ ɓa 33:9

Moisə a lɔ kɛ gee kaa kələ mu, dulɔ kpinįn a yɛɛ, ə tɔɔ gələ laaləi, Yai-Laa yɛ mɛ̨nį ɓo Moisə ɓa.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Azaya 6:4

Gbonŋąą di kɛi kpɛlin, di tómą nwoo ɓa, Yálá hee pɛlɛ́ laa ə hvɛɛ a nwɔ̨n nulu.

Izikiɛ 10:4

Yai-Laa nwɔ mąąwiɛ ə tɛ ŋələi pələ, mąąkpɛ malaka nwun mɛ̨i bɛlɛ́ laaləi pələ. Bɛlɛ́ laa ə hvɛɛ a tulɔ kpinįn, ɛlɛɛ, ɓɛi nuą da hee laa, Yai-Laa nwɔ mąąwiɛ nwɔ kɛɛ pɔ̨nɔ̨ ə naa laahvɛɛ.

Levetekɔ 16:2

«'Mo ə́ liɛ Aarɔn ɓa, hvo kɛ gaa lɔi gɛɛnąą mąąhəɠɛɛ ɓa a niiɓa pələ ɉəɠə ɓɛla pulu, mįnɛ̨ kəhi ɲɛ̨itɔwɔ, hvo pa nəi haa; ɓɛlɔwai gáá pai gbɔ́wɔ́ lɛi la tulɔ kpinįn ɉu mįnɛ̨ kəhi laakalan mɛ̨i.

Egaa 2:7

Yai-Laa Mɛ̨nį Kəlee ŋą Hééɓomun yɛ nwɔ̨nɔ̨ diɛ: Gáá pai hį́i kəlee tumoi, di yəi hɛnŋąą walawalaɠaa da di yəi hɛn gɔwɠaa kəlee kaa pai ɓɛ, ɉéé pɛlɛ́i ŋɛ̨i nwɔ mąąwiɛ kaa pai kɛnɛ̨i.

Egaa 2:9

Ɲą́ą́ Yai-Laa Mɛ̨nį Kəlee ŋą Hééɓomun ɉéé pɛlɛ́ nįnɛ̨i ŋɛ̨i, nwɔ mąąwiɛ kaa pai kɛnɛ̨i ə tɛɛ la dɔlɔɔ ɓa. Ɲą́ą́ Yai-Laa Mɛ̨nį Kəlee ŋą Hééɓomun, ɲą́ą́ ɓə mįnɛ̨ həɠə kaa, gɛ́ kaa: Gɛɛnąą ŋɛ̨i ɓa ɓə, ka káá pai liilaa hɔlɔɓoi laa.»

Lonon mo 7:89

Moisə ə lɔ kɛa gee kaa kələ mu, əgɛ da Yai-Laa di lono kɛ. Moisə ə kɛi nwoo mɛ̨n gəhi laa kalan mɛ̨i, mąąkpɛ malaka hveelɛ lɔwai. Gəhi laa kalan ə kɛ mįnɛ̨ kəhi mɛ̨i, ɛlɛɛ, Yai-Laa yɛ pələ ɓo Moisə ɓa.

Lomaŋ 9:4

Diɛi a Israɛlə lonnii, Yálá ə di kɛ a ŋą ɲąąkɔn-nonnii ə di mąąɲįnɛ̨n gɛ diɛ, da diɛni di mįnɛ̨ həɠə, ə tɔ́n dɛɛ di pɔ, da ɉalaa kulɔ pələ, ɛlɛɛ, ə mɛ̨nįɠaa laakwɛlanmo diɛ

M̀ɛni-lɛɛi 15:8

Ɛlɛɛ, Yálá hee pɛlɛ́ laa ə hvɛɛ a lulu, Yálá nwɔ mąąwiɛlaa, da ŋą yəi kɛnɛ̨laa mąą mɛ̨nį ɓa. Ɛlɛɛ, nui lɔpee ta hva pɛli kɛ lɔi yálá hɛlɛ́n, ə lɛɛ ɉu, mɔ̨nɔ̨ mɛ̨ihveelɛi tii malaka mɛ̨ihveelɛi tii yəi, bɔ mɛ̨nį ə kɛ.

M̀ɛni-lɛɛi 21:3

Ɛlɛɛ, ŋą́ woo kɛnɛ̨ ta mɛ̨n yɛ həɠə dɔɔkpəlin ɉu, yɛ kɛ mą: «Yálá heei ka, da nu kanŋaa! Da diɛni di kaa pai heei kɛɛnąą tanɔ̨n. Di kaa pai kɛi a nwɔ nu huwu, ɛlɛɛ, yaa kpinįi ə ɓo a di wɔɔ Yálá, yɛ ɓo di pɔ.