Lɛɛ gbɔwɔ ɓa 4:31 - Yálá laawoo hɛɓɛ (dc)

³¹ Di kəlee di laa na, yii kɛa di gaa diɛ kɛ mɔ̨nɔ̨i tii di kaa mįi Yai-Laa aa nąą kaa, aa nwɔɔ nąą kɛ ɉu, di kəlee di pu di kpəlin na di kwɛli hvilɛn.

Yálá laawoo hɛɓɛ

³¹ Di kəlee di laa na, yii kɛa di gaa diɛ kɛ mɔ̨nɔ̨i tii di kaa mįi Yai-Laa aa nąą kaa, aa nwɔɔ nąą kɛ ɉu, di kəlee di pu di kpəlin na di kwɛli hvilɛn.

Bible

³¹ Ǹûai dí làa a mɛni-ŋai Eelɔŋ è m̀oi. Tãi dí mɛ̀ni la a gɛɛ Yâwɛɛ è Eezuɛ-ŋai nàa kàa lai a gɛɛ ŋɔ́nɔ a dímɛni-solii káai, dí díŋuŋ ma pìlaŋ dí Ɣâla fɛli.

Lɛɛ gbɔwɔ ɓa 4:31 ပူးပေါင်းရင်းမြစ်များ

Zɛnɛse 17:3

Abramə ə nɛɛmą, ə pɛlɛ nɔi ɓa, Yálá yɛ mą:

Zɛnɛse 24:26

Ɉulɔnui tii, ə pɛlɛ nɔi ɓa, ə Yai-Laa hɛɠɛɛɓo,

Zɛnɛse 29:32

Lea ə koo həɠə, ə lon ɉulɔnu kaa, ə naa hee a: Rubɛn. Lea yɛ mą: «Yai-Laa aa ɲɛ̨́i mąąwɛli kaa. Nwɛ́li kaa kɛa pai tooi ɉílɛ ɓa.»

Zɛnɛse 50:24

Ɉosɛfə yɛ niɛni diɛ: «Gáá pai laai kwɛlɛ; kɛlaa, Yálá kaa pai ɲɛ̨i lɛlɛɛ heei kaa, ə ka kulɔ nɔi ŋɛ̨i hu, ə li a kaa, ɓɛi wɔlɔ ə nąą laakwɛlanmo Abrahamə, Isaakə da Ɉakɔbə diɛ.»

Kɔlɔnikɔ Maa-ŋuŋ 29:20

Davidə yɛ nu kpɔn gəlee ɓa: «'Ka Yai-Laa, ka wɔ Yálái mąątɛ̨nɛ̨.» Nu kpɔn kəlee di Yai-Laa di nąnni di wɔ Yálá mąątɛ̨nɛ̨, di pɛlɛ nɔi ɓa, di gwɛli hvilɛn Yai-Laa líi la, ɛlɛɛ, da tɔɔmun nií la.

Kɔlɔnikɔ Veerɛi 20:18

Ɉosafatə ə kwɛli hvilɛn, ə pɛlɛ nɔi ɓa. Ə kɛ lɔ tii, Ɉuda nuą da Ɉerusalɛmə nuą kəlee di pɛlɛ nɔi ɓa di kwɛli hvilɛn Yai-Laa ɓa.

Kɔlɔnikɔ Veerɛi 32:8

Asiri tɔɔmun nwɛi, nu kanŋaa ɓə ɲəi, kɛlaa gu wɛi, gu wɔɔ Yálái Yai-Laa kaa gu pɔ. Yaa ɓə a kpɔnmąą tɛɛ gu pɔ, yɛ gu wɔɔ kɔ́i kɔ́.» Ɉuda tɔɔmun Ezekiasə woo tii ə nɔi lonnii liilaa ə di hvaŋąlɔ.

Kɔlɔnikɔ Veerɛi 7:3

Israɛlə lonnii kəlee di nwɔ̨n gaa yɛ yɛɛ, Yai-Laa Mąąɲįnɛ̨n ə ɓo mɛ̨i; di di nwun vilɛn nɔi ɓa, di pɛlɛ di lii ɓa; diɛ Yai-Laa Laa tɛ. Mąąhɔlɔɓo ŋą mɛ̨nį lɛlɛɛi, ŋą wɛlikɛmąąlaa ɲɛ̨n və mą.

Nehemi 8:6

Ɛsdrasə ə Yálá mąątɛ̨nɛ̨, yaai gaa a Yálá kɛnɛ̨. Nɔi lonnii kəlee di mu hon, di di yee tɛ yələ, diɛ mą: «Yálá ə kɛti! Yálá ə kɛti!» Yili pulu, di di nwun vilɛn, di pɛlɛ Yai-Laa lííla, tɔwɔla hvilɛn ŋąą nɔi ɓa.

Zôo 1:20

Nąąlɔwai, Ɉobə ə nɛɛmą ə muhəɠə ə tɔɔ, ə nwɔ biliɉui huɓɛla, di nwun gbəlaan mo, ə too nɔi ɓa, ə kwɛli hvilɛn Yálá ɓa.

Lɛɛ gbɔwɔ ɓa 12:27

Ka kɛ diɛ: ‹Yai-Laa nwɔ pakə haláá li, yai ku gulɔ mą, ɓɛlɔwai ə kɛi Eziptə nuą kɛlɛ la, yɛ Israɛlə nwɔ pɛ́lɛ́i nwun mąąɓo.›» Israɛlə lonnii kəlee di pɛlɛ nɔi ɓa, di kwɛli hvilɛn.

Lɛɛ gbɔwɔ ɓa 14:31

Bələi Yai-Laa ə nwɔ sə mɛ̨nį kɛ la, yɛ Israɛlə lonnii kulɔ Eziptə nuą yəi, di nąą kaa, di ɲɔw Yai-Laa ɓa, di laa na; di laa nwɔ̨nɔ̨ nwɔ tímun Moisə la.

Lɛɛ gbɔwɔ ɓa 19:8

Nu kpɔn gəlee ə nwoo mu hon a gee, diɛ mą: «Mɛ̨nįɠaai kpɔ Yai-Laa ə mo, ku kaa pai gəlee kɛi.» Moisə ə nuą woo laa həli Yai-Laa ɓa.

Lɛɛ gbɔwɔ ɓa 19:9

Yai-Laa yɛ Moisə ɓa: «Gáá pai ŋį́ həli kpɔ yɛ́ tulɔ kpinįn ɉuwia hu, nɔi lonnii diɛ pɛli nwóó mɛ̨n ɉii, ɓɛlɔwai gáá pai kɛi pələ ɓoi la yɛ́, diɛ pɛli laai ə́ la a yələ kəlee.» Moisə ə nɔi lonnii woo laa həli Yai-Laa ɓa.

Lɛɛ gbɔwɔ ɓa 2:25

Yálá ə ɲɛ̨i hee Israɛlə lonnii diɛ, di mąąwɛli ə ɉon.

Lɛɛ gbɔwɔ ɓa 3:16

'Li, ə́ Israɛlə kalanɉonŋąą ŋąąkpɔn, yɛ́ diɛ: Yai-Laa ka nąnni di wɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá, ə gbɔwɔ lɛ mą́ą́, yɛ mą́ą́: Mɛ̨nii ŋɛ̨i Eziptə nuą daa naa káá, ŋą́ą́ nąą kaa, gáá gɛ́ mɛ̨nį kɛi ɉu.

Lɛɛ gbɔwɔ ɓa 3:18

Di kaa pai di wəli tɔɔi ə́ woo ɓa; ka diɛni ka bɛlɛ gee ɓa, ka li Eziptə tɔɔmun bɔ, kaa mą: Yai-Laa, Hebreuɠaa di wɔ Yálá, aa gbɔwɔ lɛ kuɔ pɔ̨nɔ̨ŋą, yiihu, hvo kɛli kwə li, ku hvóló haaɓa hiɛ kɛ nɔi pun ɉu, ku haláá kulɔ laa ku wɔ Yálái a Yai-Laa mą.

Lɛɛ gbɔwɔ ɓa 3:7

Yai-laa yɛ mą: «Bələi di kaa nwɔ́ nuąi mɔ̨nɔ̨ ɓoi la Eziptə, ŋą́ą́ nąą kaa, ŋą́ą́ di wɔlɔ woo mɛ̨n, di mɔ̨nɔ̨ ɓo nuą yee mu. Ŋą́ą́ di wɔ mɔ̨nɔ̨i kaa.

Lɛɛ gbɔwɔ ɓa 33:10

Nɔi lonnii kəlee di kɛi dulɔ kpinįn gaa, ə ɓo tɔɔ ni gələ laaləi, nu kəlee ə kɛi pɛlɛ niiɓa yɛ kwɛli hvilɛn ɲəi bɛlɛ́ laaləi.

Lɛɛ gbɔwɔ ɓa 34:8

Moisə ə nɛɛmą ə pu nwungbəla, ə gwɛli hvilɛn.

Lɛɛ gbɔwɔ ɓa 4:5

Yai-Laa, yɛ Moisə ɓa: «Yá li, yili ɓə yá gɛ Israɛlə nu huwu ɲɛ̨i ɓa, ya ɓə a gɛ di gɔlɔn diɛ ŋį́ gbɔ́wɔ́ lɛ yɛ́, ɲą́ą́ ŋɛ̨i gáá a di nąnni Abrahamə, Isaakə da Ɉakɔbə di wɔ Yálá.»

Sofoni 2:7

Nuąi pai lɛɛi Ɉuda nwɔ pɛlɛ́i mu, nɔi tii kaa lɛɛi a di wɔɔ, nąą ɓə di kaa pai kɛi lii laa a di wɔɔ taatɛlɛɛɠaai, diɛ di laa mį́i. Yələwulii pɔ, Askelɔn nwɔ pɛlɛ́ɠaai ɓə da di hvįįtɔɔ mu. Hvó gaai, Yai-Laa Ɉuda nwɔ Yálái, gaa pai ɲee pɛlɛi nɔi tii ɓa, di mąą mɛ̨nį ɓa, Ɉuda lɔi hu nuąi luwɔ pələi, ə pa a diɛ.

Lukə 1:68

«Mąąwiɛ kaa Ną́mu Yálá ɓa, yii gaa a Israɛlə nwɔ Yálá; Mąąhɔlɔɓo, aa ɲɛ̨i lɛlɛɛ hee nwɔ nu huwui ɓa, aa nwun mąąɓo.

Lukə 8:13

Daɠaa kɛ pələ yɛ ɓo yɛ, vaɲą ŋą lɔi. Yiliɠaai da Yálá laawoo mɛ̨n, di di yee hee mu a kwəinɛ̨ɛ̨. Kɛlaa, di hva nɛɛ laa, hvo ɉamu pili di lii hu, da laa lɔ nwoo tii la a lɔwai logolo tiikpə. Ɓɛlɔwai ɓɛlɛkpɛɛ mąą a həli la diɛ, da həɠə laa na pələ mɛ̨i.

Rutə 1:6

Nąąlɔwai, Naomi da non nɛ̨ąni hveelɛi tii di həɠə Moabə lɔi hu diɛ li, mąąhɔlɔɓo, Naomi ə lɛɛ Moabə lɔi hu ə mɛ̨n diɛ mą: Yai-Laa aa ɲɛ̨i lɛlɛɛ hee nwɔ lɔi nuą diɛ, aa kɔ̨nɔ̨n dɛɛ di pɔ.