Lɛɛ gbɔwɔ ɓa 4:21 - Yálá laawoo hɛɓɛ (dc)

²¹ Yai-Laa yɛ Moisə ɓa: «Lii ə́ kaa moi Eziptə, gwɛlɛɛn mɛ̨nįɠaa kpɔ ŋą́ gɛ sə tɛɛ ə́ pɔ, ə́ kaa lii gɛi Eziptə tɔɔmun nííla. Kɛlaa Gáá pai gili walawalai, hvo lii hvaai mą, hvo ɓo Israɛlə lonnii diɛ.

Yálá laawoo hɛɓɛ

²¹ Yai-Laa yɛ Moisə ɓa: «Lii ə́ kaa moi Eziptə, gwɛlɛɛn mɛ̨nįɠaa kpɔ ŋą́ gɛ sə tɛɛ ə́ pɔ, ə́ kaa lii gɛi Eziptə tɔɔmun nííla. Kɛlaa Gáá pai gili walawalai, hvo lii hvaai mą, hvo ɓo Israɛlə lonnii diɛ.

Bible

²¹ Nya ƃe Yâwɛɛ è mò Mose ma ǹyɛɛi, “Ƃà lì pôlu Ize lɔii su, ŋ̀ɛi-kɛ-maai ŋí kélee kɛ́ Gâloŋ ŋɛ́i-tuɛ nyii-ŋai ŋá dímaa wála-wala tɛ̀ɛ ípɔi. Kɛ́lɛ ŋa pâi ǹíi su kpananii a gɛɛ vé ǹûai lɛ̀ɛ naa dí lí.

Lɛɛ gbɔwɔ ɓa 4:21 ပူးပေါင်းရင်းမြစ်များ

Zɛnɛse 6:3

Nąąlɔwai, Yai-Laa ə mo gbɔwɔ ɓa yɛ diɛ: «Ɲɛnɛ̨ɛ̨ kɛ hvaŋąi ŋɛ̨i ŋį́ bu nu lonnii hu, mąą hvo nɛ̨ɛ̨li kɛa və́ nɛɛ di yəi. Mąąhɔlɔɓo, di kɛɛ mɔ̨ɔ̨ tii, mąąnɛ̨ɛ̨ lɔ di haa. Ə həɠə kɛa yiihu ɓa, di kaa kwɛlan gaa pai kɛi lɔ kɛa a: kwɛlan nwun dɔ̨nɔ̨ kwɛlan bow hveelɛ, diɛ haa.»

Tɔɔɓɛlaa dɔlɔɔ 22:22

Malakai tii yɛ mą: ‹Gáá lii, ŋą́ kɛ a lɛɛ kili, ŋą́ too Yálá kwəi mɛ̨nį hukulɔ nuąi tii laa diɛ.› Yai-Laa yɛ mą: ‹'Li, ə́ yee kaa lii lɔi, li ə́ gɛ tii.›

Mąątɛ̨nɛ̨ 105:25

Ə di kili mąą hvalin di kwəi, diɛ wɛlikpɛɛmąąlaa kulɔ a nwɔ nu huwui, diɛ nwɔ tínuąi ɓowo.

Mąątɛ̨nɛ̨ 78:43

Ə mą nwɔ̨nɔ̨ kɛ nwɔ kpalo mɛ̨nįɠaai ə gɛ Eziptə lɔi hu, da kwəi pili mąą mɛ̨nįɠaai ə naa Tanisə yɛɛ kɔwɔ hu nuą diɛ.

Lɛɛ gbɔwɔ ɓa 10:1

Yai-Laa yɛ Moisə ɓa: «'Li ə́ həli Eziptə tɔɔmun ma, mąąhɔlɔɓo, ɲą́ą́ ɓə gili walawala, da nwɔ ɲɛ̨itɔwɔ nuąi, ə gɛ, ŋį́ gbɔ́wɔ́ lɛ diɛ kwɛlɛɛn mɛ̨nįɠaa hu.

Lɛɛ gbɔwɔ ɓa 10:20

Bələi mąn ə kɛ la ti, Yai-Laa ə tɔɔmun gili walawala, hvo gɛ hvo ɓo Israɛlə lonnii diɛ.

Lɛɛ gbɔwɔ ɓa 10:27

Yai-Laa ə Eziptə tɔɔmun gili walawala, hvo gɛ hvo ɓo Israɛlə lonnii diɛ, di hvo li.

Lɛɛ gbɔwɔ ɓa 11:10

Moisə da Aarɔn di gbalo mɛ̨nįɠaai ti kəlee kɛ Eziptə tɔɔmun nííla, kɛlaa, Yai-Laa, ə tɔɔmun gili walawala, hvo ɓo Israɛlə lonnii diɛ, di hvo kulɔ nwɔ lɔi hu.

Lɛɛ gbɔwɔ ɓa 11:9

Yai-Laa yɛ Moisə ɓa: «Tɔɔmun hvo bɔ hvo nwəli tɔɔ ka woo ɓa, bələi mąn ŋą́ą́ kpalo mɛ̨nį tamąą kɛ la Eziptə lɔi hu.»

Lɛɛ gbɔwɔ ɓa 14:17

Ɲą́ą́n, gáá pai Eziptə nuą kili walawalai, di lɛɛ ka pulu, nąą ɓə gáá pai nwɔ́ huwalawala mąąwiɛ lɛi laa Eziptə tɔɔmun, nwɔ kɔlaɠai da nwɔ wotoloɠaa diɛ, ə mą kɛ a nwɔ hoo mɛ̨i nuą kəlee.

Lɛɛ gbɔwɔ ɓa 14:4

Gáá pai Eziptə tɔɔmu gili walawalai, ə hvilɛn ka pulu. Nąąlɔwai ɓə, gáá pai nwɔ́ yee tɛɛmąąlaa lɛi la Eziptə tɔɔmun da nwɔ kɔlaɠai diɛ. Yili pɔ pələ ɓə Eziptə nuą kəlee da gɔlɔn na diɛ, ɲą́ą́ ɓə gáá a Yai-Laa.» Israɛlə lonnii di gɛ yɛ bələi di di tɔɔ la.

Lɛɛ gbɔwɔ ɓa 14:8

Yai-Laa ə Eziptə tɔɔmun gili walawala, ə həɠə ə hvilɛn Israɛlə lonni pulu. Yaan, Israɛlə lonnii kɛɛ kulɔi Eziptə lɔi hu, di hvo pu.

Lɛɛ gbɔwɔ ɓa 3:19

Gíli kaa ɉu, gɛ́ Eziptə tɔɔmun hvo pai hvaai mą ka hvo li, hvo kɛli yee tɔɔ gwąną mɛ̨nį laa a too ɉu.

Lɛɛ gbɔwɔ ɓa 3:20

Gáá pai mɛ̨nį laai Eziptə lɔi ɓa, a kwɛlɛɛn mɛ̨nį tamąą kɛi gáá pai moi ɉu. Yili kɛɛ pulu ɓə di kaa pai ɓoi la kaa, kaa li.

Lɛɛ gbɔwɔ ɓa 7:13

Ə mą kɛ ti, Eziptə tɔɔmun ə gili walawala, hvo nwəli tɔɔ di woo ɓa, yɛ bələi Yai-Laa ə gbɛa mo la.

Lɛɛ gbɔwɔ ɓa 7:3

Ə mą kɛ ti, gáá pai Eziptə tɔɔmun gili walawalai, bələi mąn gáá pai kpalo mɛ̨nį kwɛlɛɛn mɛ̨nį tamąą kɛi la nwɔ lɔi hu.

Lɛɛ gbɔwɔ ɓa 8:11

Yii kɛa Eziptə tɔɔmun ə gaa yɛ, gbəŋəɠaa di hvo kɛa nɔi hu, nɔi aa lɛɛ gbɔwɔ ɓa, ə gili walawala, hvo gɛ hvo nwəli tɔɔ Moisə da Aarɔn di woo ɓa, yɛ bələi Yai-Laa ə gbɛa mo la.

Lɛɛ gbɔwɔ ɓa 8:15

Bənən gɛ nuą diɛ tɔɔmun ma: «Yii nwɛi, Yálá kɛ mɛ̨nį ka.» Ə mą kɛ tii, tɔɔmun ə gili walawala, mɛ̨nįi ŋɛ̨i Moisə da Aarɔn di ɉu hvɛli mą, hvo gɛ, yɛ pələi Yai-Laa ə gbɛa mo la.

Lɛɛ gbɔwɔ ɓa 9:12

Kɛlaa Yai-Laa ə tɔɔmun gili walawala, hvo gɛ hvo nwəli tɔɔ Moisə da Aarɔn diɛ, yɛ bələi Yai-Laa ə gbɛa mo la.

Lɛɛ gbɔwɔ ɓa 9:35

Eziptə tɔɔmun ə gili walawala, hvo gɛ hvo ɓo Israɛlə lonni diɛ, yɛ bələi Yai-Laa ə mo la Moisə ɓa.

Azaya 6:10

Nuąi tii kili walawala, 'di wəli hu kpɔn, di ɲɛ̨i pu, 'di hvo pɛli kɛɛ kaai a di ɲɛ̨i kɔ́w, 'di hvo mɛ̨nį mɛ̨n a di wəli, di hvo mɛ̨nį kpaɠala kaa a di kili, di hvo pa nee di hɔn mąą pənə, diɛ ɓalo.»

Azaya 63:17

Yai-Laa, lə ɓə kɛ yaai, ya ku lɛɛ laa, kuɔ lia li ku nwun mą? Kuɔ ku mąą kwɛa ə́ wɔ pələɠaai diɛ? Ɛlɛɛ yɛ́ ku kili wala wala, hva mą kɛa ɲɔw yɛ́? Ə́ wɔ tínuąi mąą mɛ̨nį ɓa, 'pənə ə́ pa, nu kanŋaai a ə́ pɔɔ, 'pa di mąą mɛ̨nį ɓa.

Ɉaan 12:40

«Ə di ɲɛ̨i pu, ə di kili walawala, əgɛ, di ɲɛ̨i hvo pa kɛɛ kaa, ɛlɛɛ, di kili hvo pa mɛ̨nį hukpɛ; diɛ pɛli di hɔn mɛ̨ɛ̨ pənəi. Və́ pa di mąą ɲɔ̨nŋąą kpɛɛ.»

Lomaŋ 1:28

Yii di hvo gɛ li di hvo Yálá kɔ́lɔn, ya ɓə gɛ, Yálá ə di lɛɛ laa di lɔ di kpɔkpɔɔ kili ɲɔ̨nwɔ̨ɔ̨ ti hu, yii kɛ mąą hvo nɛ̨ɛ̨li nu hvo gɛ, diɛ gɛ.

Lomaŋ 9:18

Yili ɓa, nui Yálá kaa bɔ ə ɲɛ̨imąąwɛli kaa a ɲɛ̨imąąwɛli kaa. Nui a kɛ bɔ ə gili walawala, ə gili walawala.

Korɛntə veelɛ 2:16

Daɠaa di wɛi gaa a haa kun, yɛ li a diɛ haa pɔ, daɠaa di wɛi, ɓalo kun mə, yɛ li a diɛ ɓalo hva kpɛɛ hu. Gbɛɛ ɓə a pɛli kɛi a góló taaləi tii kɛmun?

Dutɛrɔnome 2:36

Ə həɠə Aroɛrə ɓa, yaai tii Arnɔn yá kwɛlɛ, ə həɠə nwɔ̨nɔ̨ daai tii ɲee lɔwai lɔi hu mą, ə həli Galaadə lɔi ɓa; taa ta hvo kɛ laa, yii gu hvo ɉon. Yai-Laa gu wɔ Yálái aa kɛ gəlee tɛɛ gu pɔ.

Zasua 11:20

Mąąhɔlɔɓo, Yai-Laa aa kɛ mąą kili tee gwəi, yɛ di kili walawala diɛ kɔ́ pɛlɛ Israɛlə ɓa. Israɛlə ə di kaa a nuąi di hva pɛli di mąąwɛli kaai. Yili ɓə gɛ di gəlee di nwun na pili, yɛ bələi Yai-Laa ə mo la Moisə ɓa.

Piɛrə dɔlɔɔ 2:8

gaa nwɔ̨nɔ̨ a nu kɔwɔ tuwɔ kwɛnį, a kwɛni kpuwui a nu too. Da di kɔ́wɔ tuwɔi mą, mąąhɔlɔɓo, di hvo gɛ li di hvo laa Yálá laa woo la, ɛlɛɛ, yili ɓə kɛ naa di tɔwɔ.