Lɛɛ gbɔwɔ ɓa 37:17 - Yálá laawoo hɛɓɛ (dc)

¹⁷ Yili pulu, di nwulɔ nwɔ̨n ɉee hɛn bɛli a hɛni huwaa hva-hva, di bɛli, gɔwɔ da gbinį, da gɔnŋąą, gbulɔn naɠaa di kanąnŋąą di kee ɓa, diɛ ɓo lɔ tanɔ̨n.

Yálá laawoo hɛɓɛ

¹⁷ Yili pulu, di nwulɔ nwɔ̨n ɉee hɛn bɛli a hɛni huwaa hva-hva, di bɛli, gɔwɔ da gbinį, da gɔnŋąą, gbulɔn naɠaa di kanąnŋąą di kee ɓa, diɛ ɓo lɔ tanɔ̨n.

Bible

¹⁷ È laŋpo see-wurui kpɛ̀tɛ a gôo tee-tee. È gɔ́ɔ da gbono ɣàle a kpɔ́kpɔ, é wúru-poa pɔkɔɔŋ-ŋa kpɛtɛ gbono ma a maa-ɣîri-sɛŋ.

Lɛɛ gbɔwɔ ɓa 37:17 ပူးပေါင်းရင်းမြစ်များ

Kɔlɔnikɔ Maa-ŋuŋ 28:15

Nabon ɉee hɛnŋąą tii kɛ a hɛni, da nabonŋąąi kɛ a hɛni, nabon ɉee hɛnŋąą wiɛ pələ, da nabonŋąą wiyə pələ, ə nwaliɠaai tii kɛ lɔ tii, nabon ɉee hɛnŋąą da nabonŋąą, yɛ bələi nabon ɉeei tɛitɛi ŋą kóló ə kɛ la.

Kɔlɔnikɔ Veerɛi 13:11

Da kɛ haláá hɛn gələn ɉii Yai-Laa lííla yələ wala kəlee da yələ wulii kəlee, diɛ lansan mąą kun nɛ̨ɛ̨ kələn. Ɛlɛɛ, diɛ lɛɠɛ mɔnŋąą laa daɓali mąąhəɠɛɛ mɛ̨i, diɛ nwɔ̨n dɔɔ yələ wulii pɔ tɛitɛi kəlee ɓa nwɔ̨n dɔɔ hɛn tii a hɛni mɛ̨i. Hvo gaai, ku wɛi, ku yee kaa Yai-Laa ku wɔɔ Yálái nwɔ tɔ́nŋąąi diɛ; ka wɛi, kaa nɛɛ laa.

Lɛɛ gbɔwɔ ɓa 31:8

Ɉaláá kulɔi da gwɛlɛ hɛnŋąą kəlee, nwulɔ nwɔ̨n ɉee hɛn, yai bɛliɛ a hɛni leelee, da bɔ hɛnŋąą kəlee; lansan gələn ɉaláá kulɔi,

Lɛɛ gbɔwɔ ɓa 37:16

Di daɓali ɲą hɛnŋąą pɛli a hɛni gəgənŋąą, gbələkɔɔɠaa da Yálá kɔ́ lɔɔ pu hɛnŋąą.

Lɛɛ gbɔwɔ ɓa 37:18

Gɔn mɛ̨idai, ɉaaɓa ə kɛ bələ tɔ̨nɔ̨, ɉaaɓa ə ɓo bələ tɔ̨nɔ̨.

Levetekɔ 24:4

Gaa pai naɓonŋąą heei nwulɔ nwɔ̨n ɉeei mɛ̨ihveelɛi tii ɓa, yai gaa a hɛni hu waa hva-hva, yɛ lən a yələ kəlee da nwɔɔ.

Zakari 4:11

Ŋą́ mąąnįn kɛ, gɛ́ mą: «Olivə wulu hveelɛi ŋɛ̨i nwɔ̨n ɉee hɛn mamįiyee hu pələ da gɔɓɛyee hu pələi, yili mukulaa ɓaa a lə?»

Zakari 4:2

Ə mą́ą́ni kɛ, yɛ mą́ą́: «Lə ɓə ə́ kaa gaai?» Gɛ́ mą: «Gáá hɛn da kaai, nwɔ̨n ɉee hɛn da li, nąą kəlee kaa a hɛni; nwulɔ pui kaa ɲələi pələ. Nwɔ̨n gbowo mɛ̨ihveelɛ ə ɓo mɛ̨i, da ɉaláá mɛ̨ihveelɛ.

Lonon mo 8:4

Bələi nwulɔ nwɔ̨n ɉee hɛn ə kɛ la bələ ka: Di bɛli a hɛni, di ɲɔw, ə həɠə gɔwɔ ɓa ə həli la dona. Di nwulɔ nwɔ̨n ɉee hɛn tii pɛli, yɛ bələi Yai-Laa ə gɔɔn mąą lɛ la Moisə ɓa.

Maafîu 5:15

Nu hva labon dɔɔ hvo nɔ tea mu. Kɛlaa, nu ya ɉee kpəlin gweaa ŋą, ə gɛ, ə bɛlɛ́n nuą kəlee mąą pono.

Filipə 2:15

Ə gɛ ka kɛ a nuąi hɔn və diɛ, ka kɛ a Yálá lonni leelee, yiiɠaai di mąą kulɔi hvo diɛ yɛnɛ̨ɛ̨, hulu nuą da nu ɲɔ̨nwɔ̨ɔ̨ɠaa lɔwai. Mąąnɛ̨ɛ̨ ka lən di lɔwai yɛ yələkɔlɔn ɉu pɛmɛ̨lɛ̨n-gɔw.

Hebreu 9:2

Di həɠə pɛlɛ́ ta tɔɔ, yɛ ɓo ɉu hveelɛ, bələ tɔ̨nɔ̨ laa ɓa kɛ a: Gɛɛnąą mąąhəɠɛɛ. Nąą ɓə, nwulɔ nwɔ̨n ɉeɛ kɛ laa, da Yálá kɔ́ lɛɠɛ laa hɛn.

M̀ɛni-lɛɛi 1:12

Ŋą́ tínɛ̨n, ə gɛ, nwooi tii kɛli bələ ɓo mą́ą́, ŋą́ gaa, ɛlɛɛ, tínɛ̨n ŋį́ mo, ŋą́ wulɔ nwɔ̨n ɉee hɛn mɛ̨ihveelɛ kaa, ə ɓo a hɛni;