Lɛɛ gbɔwɔ ɓa 35:29 - Yálá laawoo hɛɓɛ (dc)

²⁹ Ɉinąą mąn nɛ̨ąą mąn, diɛi kpɔ kɛ di kwəinɛ̨ɛ̨, di kɛi di muhəɠə, diɛ pa a hɛnŋąą, gólói Yai-Laa ə Moisə tí la gɛ mɛ̨nį ɓa. Diɛi kɛ di kwəinɛ̨ɛ̨ Yai-Laa pɔ a Israɛlə lon gɛ pələ kpɔ-kpɔ.

Yálá laawoo hɛɓɛ

²⁹ Ɉinąą mąn nɛ̨ąą mąn, diɛi kpɔ kɛ di kwəinɛ̨ɛ̨, di kɛi di muhəɠə, diɛ pa a hɛnŋąą, gólói Yai-Laa ə Moisə tí la gɛ mɛ̨nį ɓa. Diɛi kɛ di kwəinɛ̨ɛ̨ Yai-Laa pɔ a Israɛlə lon gɛ pələ kpɔ-kpɔ.

Bible

²⁹ Eezuɛ nɛyâai da zinaâi nyii-ŋai ŋwɛ̀li a gɛɛ dí sama-sɛŋ tɛɛ díi-ŋai kélee mɛni mai, Yâwɛɛ è mò Mose ma a gɛɛ dí gɛ́i, dí pà a sama-sãa Yâwɛɛ pɔ́ é kúla dílii su.

Lɛɛ gbɔwɔ ɓa 35:29 ပူးပေါင်းရင်းမြစ်များ

Korɛntə veelɛ 9:7

Nu tɛitɛi ə dɛɛ kani yɛ bələi a laa la a níi, hvo gɛ a ɲɛ̨i-yili, hvo kɛ a ganąn mɛ̨nį, gbala ə tɔɔ, nui a dɛɛ a gwəinɛ̨ɛ̨, ya ɓə nwɛli kaa Yálá ɓa.

Lɛɛ gbɔwɔ ɓa 35:4

Moisə yɛ Israɛlə lonnii diɛ, mɛ̨nįi Yai-Laa ə mo ya ka:

Piɛrə veelɛ 1:19

Yili ɓa, nwoo ŋɛ̨i Yálá kwəi mɛ̨nį hukulɔ nuą di mo, ku laai na kpɔ nwɔ̨nɔ̨ kɛnɛ̨. Mąąhɔlɔɓo, gaa yɛ labon yii gaa lən ɉi kɛɛnąą kpinɛ̨ɛ̨ ɓa, ə lɛɛ la ɉu, yələ ɓoi pɔ, pɛmɛ̨lɛn gɔw yɛ hvóló ka nii hu.

Galatə 6:16

Lúwɔ́ ə kɛ, nuąi di kaa hiɛi gbaaləi tii mɛ̨i, diɛ; ə kɛ lɔ tii, Yálá ŋą nu huwui kəlee ɓa.

Korɛntə dɔlɔɔ 9:17

Akɛ gáá gɛi gbɔ́wɔ́ ɓa, ŋą́ li və́la mɛ̨nį ɓo, kɛlaa, akɛ di dí la, yili kaa a nwuɔ́ tiɛ̨.

Korɛntə dɔlɔɔ 3:5

Gbɛɛ ɓaa a Apɔlɔsə? Gbɛɛ ɓaa a Polə? Di kaa lɔ a tínuąi, diɛi pa a káá laa na la pələ mɛ̨i. Di tɛitɛi di di wɔɔ mąątí kɛ, yɛ bələ gu Nąmu ə mąąlaa tɛɛ la di pɔ.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Azaya 8:20

A kɛ tii, 'ka ɉɛɓɛ́ hu kaa, da mąąkwɛli woo, da wala hvaa yɛ bələi ɉɛɓɛ́i tii hu woo kaa la, a kɛ tii yələ hvo ɓɔli di mɛ̨i.

Kɔlɔnikɔ Maa-ŋuŋ 29:17

Ną́mu Yálá, gbaɠala kaa mą́ą́, gɛ́: Yá nu kwəi kaa, kwəi kwələlaa yɛ Ə́ lii hon, nwɛ́i, ŋą́ą́ ɉɛnŋąąi tii kəlee tɛɛ kpɔ Ə́ pɔ gbɔ́wɔ́ ɓa, ɛlɛɛ a gwə́inɛ̨ɛ̨. Ya ka nwɔ̨nɔ̨, gáá ə́ nwɔ nuąi ŋɛ̨i ɓɛ di kaai, diɛ pa Ə́ pɔ di kpɔwɔ ɓa a mɛ̨inɛ̨ɛ̨ɠaa.

Kɔlɔnikɔ Maa-ŋuŋ 29:14

Gbala ə tɔɔ, gbɛɛ ɓaa a ɲą́ą́, gbɛɛ ɓaa a nwɔ́ nu kanŋaai, yai kwa pɛli mąąlaa hɔlɔɓoi kuɔ ku liiɓa mɛ̨inɛ̨ɛ̨ kɛ, yɛ́ yiiɠaai ŋɛ̨i hvo gaai, hɛn gəlee a həɠə Ə́ pɔ, ɛlɛɛ ɉɛn ku gwɛlɛi, Ə́ yee ɲą lɔ ɓə ə həɠə laa.

Kɔlɔnikɔ Maa-ŋuŋ 29:6

Ya ɓə bɛlɛ nąmįną, nuąi kɛ ɉį́įɠaa nwun na Israɛlə lɔi hu, yiiɠaa kɛ nu waa tɛitɛi nwun na, nu nwun dɛitɛi nwun na, da nuąi kɛ tɔɔmun nwɔ hɛnŋąą nwun na, di pa a naa gwəi mɛ̨inɛ̨ɛ̨ a di liiɓa pələ,

Kɔlɔnikɔ Maa-ŋuŋ 29:3

Yili pulu, yii kpɔ Ną́mu Yálá nwɔ pɛlɛ́i mąą mɛ̨nį kaa a gwə́inɛ̨ɛ̨ mɛ̨nį, hɛni da walii ɲə́i a gbɔ́wɔ́ nwɔɔ, ŋį́ dɛɛ Ną́mu Yálá nwɔ pɛlɛ́i tɔɔ mɛ̨nį ɓa, ə pɛlɛ la bɛlɛ́ tɔɔ hɛnŋąąi kpɔ ŋį́ ŋąąkpɔn mą.

Nwun mąąɓo 5:9

«Nį́ilaai Israɛlə ɲɛ̨itɔwɔ nuą mɛ̨i, da nuąi da di kpɔwɔ kwɛlɛ a kwəinɛ̨ɛ̨. Ka Yai-Laa mąąwiɛ.

Nwun mąąɓo 5:2

«Israɛlə lɔi hu, kɔ́kulááɠaa kəlee hąą yiliɛi kɔ́ kɔ́ mɛ̨nį ɓa. Nɔi nuą kəlee daa di kpɔwɔ kwɛlɛ a di kwəinɛ̨ɛ̨, ə gɛ, di kɔ́ kɔ́: ka gu Yai-Laa mąąwiɛ.

Dutɛrɔnome 11:32

Ka tɔɔ a ka nwąnąi, dɔ́nŋąą, da nɔi mąą tɔ́nŋąąi kpɔ gáá dɛɛi ka pɔ háákələi, ka di pɔ yii ɓo.

Dutɛrɔnome 4:2

Dɔnŋąą ŋɛ̨i gáá dɛɛi ka pɔ, mąą hvo nɛ̨ɛ̨li ka hvo da kulɔ mą, ka hvo da pɛlɛ mą. Ka Yai-Laa ka wɔ Yálái nwɔ tɔ́nŋąą hon yai gáá dɛɛi ka pɔ.

Lɛɛ gbɔwɔ ɓa 36:3

Ɉɛnŋąąi kpɔ Israɛlə lonnii di paa la bɛlɛ́ mąą həɠɛɛ mąą mɛ̨nį ɓa, di ɉon Moisə yəi, diɛ gólóɠaa kɛ la, kɛlaa, nuą di kɛi lɔ pa a da kɛnɛ̨ yələwala pɔ tɛitɛi kəlee.

Kɔlɔnikɔ Veerɛi 35:8

Nwɔ kalanɉonŋąąi di da tɛɛ kpɔ kɛnɛ̨ nɔi lonnii pɔ, da ɉaláá laa həli nuą kpɛa-kpɛaɠaa ə mą kɛ, lévi lonnii. Hilkiya, Ɉekaryahu da Yehiɛlə diɛ ɓo a Yálá nwɔ pɛlɛ́i ɲąąwooɓo nuą, di ɓɛlaa lonnii nwun mɛ̨ida da nįnɛ̨ hilɛ nwun ɉaaɓa tɛɛ ɉaláá laa həli nuą kpɛa-kpɛa pɔ, pakə haláá mąą mɛ̨nį ɓa.

Ɛsdrasə 3:5

Yili pulu, haláá hɛn yii da gəlee kələn, yii di kɛi gulɔ a kwɛlan gəlee, ɲąnin dɔɔ nįnɛ̨ mąą mɛ̨nį ɓa, di yili kɛ, da Yai-Laa mąąwiɛ hɛli kəlee, ə mą kɛ, a nuąi kɛi naagwəi mɛ̨inɛ̨ɛ̨ kɛ Yai-Laa ɓa.

Ɛsdrasə 8:28

Ŋą́ mo diɛ, gɛ́ diɛ: «Ka káá a nuą yiiɠaai di kwɛlɛɛ Yai-Laa ɓa, ɉɛnɲąŋąɠaai ŋɛ̨i kəlee kaa a Yálá kɔ́ hɛnŋąą; nwaliɠaa da ɉɛniɠaa, di kaa a naagwəi kɔ́ɓo hɛn yii di dɛɛ Yai-Laa pɔ, yaai gaa a ka nąnni di wɔ Yálá.

Lɛɛ gbɔwɔ ɓa 35:5

«Ka hɛnŋąą kulɔ a Yai-Laa nwɔɔ. Nui gwəinɛ̨ɛ̨, ə naa gwəi mɛ̨inɛ̨ɛ̨ kɛ Nąmu ɓa: hɛni, wali kwɛli, ɓala kwɛli,