Lɛɛ gbɔwɔ ɓa 35:21 - Yálá laawoo hɛɓɛ (dc)

²¹ Yili pulu, nui lɔpee nąą wɛli ə kɛ mą, nui lɔpee kɛ naa gwəi mɛ̨inɛ̨ ə kɛ ɲəi, di paa la a Yai-Laa kɔ́ hɛn; Gəlee di kɛ a gee kaa kələ góló kɛ hɛn, da díɓoɠaa pai kɛi mu mąą mɛ̨nį kəlee ɲɛ̨i kulɔ mɛ̨nį, da ɉaláá həɠəɠaa pɛli mɛ̨nį.

Yálá laawoo hɛɓɛ

²¹ Yili pulu, nui lɔpee nąą wɛli ə kɛ mą, nui lɔpee kɛ naa gwəi mɛ̨inɛ̨ ə kɛ ɲəi, di paa la a Yai-Laa kɔ́ hɛn; Gəlee di kɛ a gee kaa kələ góló kɛ hɛn, da díɓoɠaa pai kɛi mu mąą mɛ̨nį kəlee ɲɛ̨i kulɔ mɛ̨nį, da ɉaláá həɠəɠaa pɛli mɛ̨nį.

Bible

²¹ Diai kélee kɛ̀ ŋ̀wɛ̂lii kpaa máŋ nyii-ŋai kélee dílii è kùlai, dí pà a sama-sãa Yâwɛɛ pɔ́ tɛi-tɛi a gɛɛ dí tíi kɛ́ la Bɛ́rɛ maa waai mɛni ma. Dí ŋɔnɔ pà a sama-sɛŋ Bɛrɛi mu-tii kélee kɛ́ mɛni ma é pɛ́lɛ zeɣe ma waa-ŋai dîa.

Lɛɛ gbɔwɔ ɓa 35:21 ပူးပေါင်းရင်းမြစ်များ

Samia Veerɛi 7:27

Mąąhɔlɔɓo, yɛ́ kpįnįi Yai-Laa Mɛ̨nį Kəlee ŋą Hééɓomun, Israɛlə nwɔ Yálá, yɛ́ ɓə ə́ wɔ tímun wəli lon doo ɉu, yɛ kɛ mą: ‹Gáá pai pɛlɛ tɔɔi yɛ́.› Yili ɓə ə́ wɔ tímun lii kpələ yɛ ə́ hvɛli.

Kɔlɔnikɔ Maa-ŋuŋ 28:2

Ya ɓə, tɔɔmun Davidə ə haŋą ə tɔɔ, yɛ diɛ: «Ną́n nonnii, ka pɛlɛɛ nwɔ́ nuą diɛ! 'Ka ká wəli tɔɔ mą́ą́! Ŋą́ kɛ kpɔ bɔ, ŋą́ pɛlɛ́ tɔɔ, ɓɛi Yai-Laa ŋą mįnɛ̨ kəhii a kɛ laa, da gu wɔ Yálái kɔ́wɔ hvilɛn ɉii. Ŋą́ą́ bɛlɛ́i tii tɔɔ hɛnŋąą ɲąąkpɔn.

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Kɔlɔnikɔ Maa-ŋuŋ 29:14

Gbala ə tɔɔ, gbɛɛ ɓaa a ɲą́ą́, gbɛɛ ɓaa a nwɔ́ nu kanŋaai, yai kwa pɛli mąąlaa hɔlɔɓoi kuɔ ku liiɓa mɛ̨inɛ̨ɛ̨ kɛ, yɛ́ yiiɠaai ŋɛ̨i hvo gaai, hɛn gəlee a həɠə Ə́ pɔ, ɛlɛɛ ɉɛn ku gwɛlɛi, Ə́ yee ɲą lɔ ɓə ə həɠə laa.

Kɔlɔnikɔ Maa-ŋuŋ 29:3

Yili pulu, yii kpɔ Ną́mu Yálá nwɔ pɛlɛ́i mąą mɛ̨nį kaa a gwə́inɛ̨ɛ̨ mɛ̨nį, hɛni da walii ɲə́i a gbɔ́wɔ́ nwɔɔ, ŋį́ dɛɛ Ną́mu Yálá nwɔ pɛlɛ́i tɔɔ mɛ̨nį ɓa, ə pɛlɛ la bɛlɛ́ tɔɔ hɛnŋąąi kpɔ ŋį́ ŋąąkpɔn mą.

Kɔlɔnikɔ Maa-ŋuŋ 29:8

Nuą yiiɠaa kúwɔ́-kwɛni lɛlɛɛɠaa di kɛ di yəi, di dɛɛ Gɛrsɔn mun Yehiɛlə pɔ, di bu Yálá nwɔ pɛlɛ́i ɉɛn gɔw kɛɛnąą.

Kɔlɔnikɔ Maa-ŋuŋ 29:9

Nuą tii kəlee di ɉɛnŋąą tii tɛɛ a di kwəinɛ̨ɛ̨, hvo gaai, di kɛi di tɛɛ Yai-Laa pɔ a di kwəi kwəlɛɛ. Tɔɔmun Davidə yaa kpɛli mąn, gwəi ə nɛ̨ɛ̨ ɉu kpɔ kɛnɛ̨.

Ɛsdrasə 2:68

Ɓɛlɔwai di həli la Ɉerusalɛmə, ɓɛi kɛ a Yai-Laa nwɔ pɛ́lɛ́i tɔɔi laa, pɛlɛ́ nąmįną taɠaa di naagwəi mɛ̨inɛ̨ɛ̨ kɛ, ə gɛ, Yálá hee pɛlɛ́ ə pənə ə tɔɔ dɔɔi pɔlɔ ɓa.

Ɛsdrasə 7:27

«Mąąwiɛ kaa Yai-Laa ɓa, ku nąnni di wɔ Yálá; Yaai ə hvaa mą, Yai-Laa nwɔ pɛ́lɛ́i gaa Ɉerusalɛmə, ə mąą mɛ̨nį too tɔɔmun nii hu.

Mąątɛ̨nɛ̨ 110:3

Heeɓolaa ə lɛɛ ə́ yəi, a ɲələi ə́ kɛi yɛ́ kɔlaɠai ɲąąkpɔn na. Mąąwiɛ ə kɛ yɛ́ a Yálá-taa mąąwiɛ, ə́ ɓo nį ə́ lee kwəi, ə́ nwunų kɔ́lɔi.

Lɛɛ gbɔwɔ ɓa 25:2

«'Mo Israɛlə lonnii diɛ, di di yee ɲąąkpɔn di mą́ą́ mɛ̨nį kɛ la. Nuąi kpɔ yili mąą lii kaa di kwəi, ɉɛn da paa la, ka ɉon di yəi.

Lɛɛ gbɔwɔ ɓa 35:20

Israɛlə lonnii kəlee di həɠə Moisə lííla.

Lɛɛ gbɔwɔ ɓa 35:22

Hinąą da nɛ̨ąąi kɛ di kwəinɛ̨ɛ̨, di kɛi pa a di wəlii kwɛliɠaa, gbonoɠaa da kwɛɛnŋąą, gəlee di ɓo a hɛni, diɛ Yai-Laa kɔ́ la.

Lɛɛ gbɔwɔ ɓa 35:26

Nɛ̨ąi kɛ di wəlɛɛ ɓolu ləɠa pɛnɛ̨i, di kɛi bɛnɛ̨.

Lɛɛ gbɔwɔ ɓa 35:29

Ɉinąą mąn nɛ̨ąą mąn, diɛi kpɔ kɛ di kwəinɛ̨ɛ̨, di kɛi di muhəɠə, diɛ pa a hɛnŋąą, gólói Yai-Laa ə Moisə tí la gɛ mɛ̨nį ɓa. Diɛi kɛ di kwəinɛ̨ɛ̨ Yai-Laa pɔ a Israɛlə lon gɛ pələ kpɔ-kpɔ.

Lɛɛ gbɔwɔ ɓa 35:5

«Ka hɛnŋąą kulɔ a Yai-Laa nwɔɔ. Nui gwəinɛ̨ɛ̨, ə naa gwəi mɛ̨inɛ̨ɛ̨ kɛ Nąmu ɓa: hɛni, wali kwɛli, ɓala kwɛli,

Lɛɛ gbɔwɔ ɓa 36:2

Moisə ə Besalɛlə da Oholiavə təli, da nuąi kpɔ Yai-Laa ə di kɔ́ a kili, di kəlee di kɛi pa góló ɓa, a di kwəinɛ̨ɛ̨, diɛ góló kɛ.

Hanwon 4:23

Ə́ kili kɛ ə́ kpɔwɔ hu, ə tɛɛ hɛn gəlee ɓa, mąąhɔlɔɓo, yili ɓə a gɛ ə́ yíi ə kwɛa.

Ɉeremi 30:21

Nɔi lon da ɓə a kɛ a nwɔ tɔɔmun, ɲąąwooɓomun a kulɔ di lɔwai. Gáá hvaai ma yɛ mąą lɛɠɛ mą́ą́. Gbɛɛ kpɔ ɓə nii a pɛli kpələi yɛ mąą lɛɠɛ mą́ą́? Yai-Laa woo li.

Maafîu 12:34

Kaa yiiɠaa ka wɔ mɛ̨nį ɲɔ̨nwɔ̨ɔ̨ ŋɛ̨i, yɛ tumo kwəi lonnii, ka pɛli ka mɛ̨nį lɛlɛɛ ɓo pələ kɛi ləi? Yaan, ka hɔn ɲɔ̨nwɔ̨ɔ̨? Mąąhɔlɔɓo, mɛ̨nįi gaa nu kwəi, ya ɓə a tɛ na.

Korɛntə veelɛ 8:12

Nu kiliŋąhiɛ pələ a lɛlɛ kpɔ a neelee, da di yee hee mu, da hɛn gaa ɲəi, hɛn da awala nwɔ̨nɔ̨ kɛ ɲəi, mɛ̨nį hvo li!

Korɛntə veelɛ 9:7

Nu tɛitɛi ə dɛɛ kani yɛ bələi a laa la a níi, hvo gɛ a ɲɛ̨i-yili, hvo kɛ a ganąn mɛ̨nį, gbala ə tɔɔ, nui a dɛɛ a gwəinɛ̨ɛ̨, ya ɓə nwɛli kaa Yálá ɓa.

Nwun mąąɓo 5:12

«Debora! Ə́ ɲɛ̨ilaa ɓo! Ə́i muhəɠə! Ə́ wələ too. Avinoamə lon Barakə! Ə́ muhəɠə, ə́ pa, a ə́ wɔ kɔ́ honŋaai!

Nwun mąąɓo 5:3

Kaai ɓaa tɔɔɓɛlaa, ka ka wəli tɔɔ, kaai ɓaa ɲɛ̨itɔwɔ nuą, ka mɛ̨nįi ŋɛ̨i mɛ̨n! Gáá pai wələ tooi, ŋą́ Yai-Laa, Israɛlə nwɔ Yálái mąątɛ̨nɛ̨.

Nwun mąąɓo 5:9

«Nį́ilaai Israɛlə ɲɛ̨itɔwɔ nuą mɛ̨i, da nuąi da di kpɔwɔ kwɛlɛ a kwəinɛ̨ɛ̨. Ka Yai-Laa mąąwiɛ.