Lɛɛ gbɔwɔ ɓa 34:29 - Yálá laawoo hɛɓɛ (dc)

²⁹ Moisə həɠɛɛ Sinai yee ɓa yɛ yɛɛ, gwɛni ɓɛla hveelɛi ŋɛ̨i Dɔ́n bɛ̨ɛ̨ mą, yɛ ɓo ɲəi. Gili hvo kɛ ɉu yɛ kɛ ɲɛ̨ilai ə kɛi lən, ɓɛlɔwai da Yai-Laa di kɛi lonon kɛ la.

Yálá laawoo hɛɓɛ

²⁹ Moisə həɠɛɛ Sinai yee ɓa yɛ yɛɛ, gwɛni ɓɛla hveelɛi ŋɛ̨i Dɔ́n bɛ̨ɛ̨ mą, yɛ ɓo ɲəi. Gili hvo kɛ ɉu yɛ kɛ ɲɛ̨ilai ə kɛi lən, ɓɛlɔwai da Yai-Laa di kɛi lonon kɛ la.

Bible

²⁹ Tãi Mose è kùla la Sana Yeei ma gbanaŋ-wooi maa kɔni-ƃela-ŋai kɛ́ ƃò ǹyêei, vé kɛ́ ní a gɔ́lɔŋɔɔ a gɛɛ ŋ̀ɛ́i è kɛ̀ fôloi. Kpɛ́ni fêi, è lòno Yâwɛɛ pɔ́.

Lɛɛ gbɔwɔ ɓa 34:29 ပူးပေါင်းရင်းမြစ်များ

Lɛɛ gbɔwɔ ɓa 16:15

Israɛlə lonnii di gaa, diɛ kɛ di kee ɓa: «Man hu?» Mukulaa ɓaa: «Lə ɓaa yii?» Mąąhɔlɔɓo, di hvo kɛ ɉɛn ti kɔ́lɔn. Moisə yɛ diɛ: «Gɔ̨nɔ̨n Yai-Laa ə dɛɛ ka pɔ yaa li.

Lɛɛ gbɔwɔ ɓa 31:18

Yii kɛa Yálá ə kpɛɛ a mɛ̨nįɠaa tii ɓoɔ Moisə ɓa, Sinai yee nwuɔ̨, ə mįnɛ̨ kwɛni ɓɛla hveelɛi tɛɛ bɔ, yii Yálá yaa kpinį ə bɛ̨ɛ̨ a ɲee.

Lɛɛ gbɔwɔ ɓa 32:15

Moisə ə pənə ə ɲee yɛɛ, gwɛni ɓɛla hveelɛi ŋɛ̨i Yálá nwɔ ton ə kɛ mą bələ kəlee hveelɛi, yɛ ɓo ɲəi.

Lɛɛ gbɔwɔ ɓa 34:35

Moisə ɲɛ̨ilai ə kɛi lɔ lən Israɛlə lonnii ɲɛ̨i ɓa; Moisə ə pənə ə ɉəɠə yɛɛ ɲɛ̨i, ə lɛɛ ɉu yɛ pənə yɛ li da Yai-Laa diɛ mɛ̨nį ɓo.

Ikilisiati 8:1

Kili hvo nu ɓa, yɛ pɛli yɛnɛ̨ɛ̨ mɛ̨nįɠaa hee pələ hukulɔi. Kɛlaa, ə mą kɛ tii, kilimąą mun nwɔ kili a ɲɛ̨i pɔ̨nɔ̨, yɛ ɲɛ̨i həɠəən.

Maafîu 17:2

Di lɛɛ lɔ laa, Jesus ɲɛ̨i laa mąą ə hvalin. Yɛ lən yɛ hvóló. Mąą həɠə ə kwələ yɛ kɛɛ pono.

Markə 14:40

Ə pənə nwɔ̨nɔ̨ ə pa ə di kaa diɛ yii, mąąhɔlɔɓo, yii aa kɛ di ɲɛ̨i kɔ́lɔn nwuiɛ. Mɛ̨nįi kpɔ kɛa kɛ ə mo diɛ hvo kɛ gɔlɔn.

Markə 9:6

Mɛ̨nįi mąąnɛ̨ɛ̨ kɛ ə mo hvo kɛ gɔlɔn. Mąąhɔlɔɓo, da mɛlaa kəlee di ɲɔ̨w.

Lukə 2:49

Jesus ə di woo pulu pənə yɛ diɛ: «Lə mɛ̨nį ɓa ka káá gwɛ́li, ka hvo gɔlɔn kaa diɛ mąąnɛ̨ɛ̨ ŋą kɛ Ną́n ɲəi pɛlɛ́n?»

Lukə 9:29

Ɓɛlɔwai Jesus ə kɛi Yálá hvɛli la, ɲɛ̨ilaai mąą ə hvalin, nwɔ həɠəi gwələ ɲɛ̨i ə kulɔ kpɔ pə-pə.

Ɉaan 5:13

Kɛlaa nui tii di ɓalo, hvo kɛ Jesus kɔ́lɔn, mąąhɔlɔɓo Jesus aa kɛ kulɔ nu kpului tii lɔwai.

Gɛlaɠaa 12:9

Piɛrə ə kulɔ ə hvilɛn bulu. Gili hvo kɛ ɉu, yɛ kɛ mɛ̨nįɠaa ti kɛi tɛɛ a Malaka kɛ mɛ̨nį, neelee li kɛ, ə kɛ gwəi yɛ kɛ hįi pələ li.

Gɛlaɠaa 23:5

Polə ə di woo ŋąapənə yɛ diɛ: «Ną́n nonnii, gíli hvo ti kɛ ɉu, gɛ́ kɛ diɛ: ɉaláá laa həli mun gɛnɛ̨ li. Mąąhɔlɔɓo, bɛ̨ɛ̨i, diɛ: 'Hvó ə́ wɔ lɔi ɲąąwooɓomun nɛ̨ŋɛ̨n naa.»

Gɛlaɠaa 6:15

Nuąi kpɔ kɛ dɔ́n gələ mu, di kəlee di di ɲɛ̨i hee Etiɛnə ɓa, ɲɛ̨ilaai ə ɓo yɛ Yálá nwɔ malaka ta.

Korɛntə veelɛ 3:13

Ku hvo gɛi yɛ Moisə, yai kɛi həɠə pɛlɛ ɲɛ̨ilai, ə gɛ Israɛlə lonnii di hvo nəi pa volo tɔ̨nɔ̨ kɛɛponoi tii, kpɛɛi lɔwai kaa.

Dutɛrɔnome 10:5

Yili pulu, ŋį́ pənə ŋį́ ɲee yɛɛ, ŋą di laa gəhi lon tii ŋį́ bɛli ɉu; di kaa lɔ nii laa yɛ bələi Yai-Laa ə mo la mą́ą́.

Zasua 2:4

Kɛlaa, Rahabə ə nu hveelɛi tii həɠə, ə di loo, yili pulu ə nuąi tii woo pulu pənə yɛ diɛ: «Teą li, nuąi tii di pa ɓɛ, kɛlaa, və́ kɛ di həɠəi kɔ́lɔn.

Zasua 8:14

Yii kɛa Ai tɔɔmun ə yili nąą kaa tii, da nwɔ nuąi di kpuluun, diɛ pa pɛlɛi Israɛlə ɓa gɛɛnąą tɔ̨nɔ̨i lɔ hiɛ kɛ, Ɉurdɛn ɲá-ɓoloon dənən ma. Kɛlaa, di wɔ tɔɔmun gili hvo kɛ ɉu, yɛ kɛ bələ ɲąątɛ nuą daa di loo dɔwɔ, daa pulu pələ.

M̀ɛni-lɛɛi 1:16

Pɛmɛ̨lɛ̨n-gɔw mɛ̨ihveelɛ ə kɛ mamįiyee ɲą, ɛlɛɛ, líikpakpa kwɛa ɲąąliɛ, yɛ kulɔ na. Ɲɛ̨ilai yɛ lən yɛ hvóló a tɛ nwun ma.

M̀ɛni-lɛɛi 10:1

Ɛlɛɛ, ŋą́ malaka takpɛli kaa, vaŋą kɛnɛ̨ɛ̨, ə həɠə yələi ə yɛɛ. Mąą yiliɛ a tulɔ kpinįn, mąąwiɛlaa həɛ dɔwɔla a gbəimiliin, ɲɛ̨ilaai ə ɓo yɛ, hvóló, ɛlɛɛ, gɔwɔɠaa di ɓo mu yɛ nwɔ̨n.

Nwun mąąɓo 16:20

Yili pulu, yɛ Samsɔn ɓa: «Samsɔn, Filisti nuą kaa pai.» Samsɔn ə ɲįnąąɓo, yɛ kɛ nwɔ kwəi pələ: «Gáá pai kulɔi ɉu, yɛ bələi hiɛ ŋą́ kɛ kulɔi la ɉu.» Kɛlaa, hvo kɛ gɔlɔn yɛ kɛ Yai-Laa aa mąą kwɛa mą.