Lɛɛ gbɔwɔ ɓa 34:28 - Yálá laawoo hɛɓɛ (dc)

²⁸ Moisə da Yai-Laa di kɛ gɛɛnąąi tii ɓa, hvóló pow nąąn kpinį pow nąąn ɲee mu, hvo kɔ̨nɔ̨n mįi, hvo yá kpələ. Ə mįnɛ̨ hu wooɠaa pɛ̨ɛ̨ a Dɔ́n bow tii.

Yálá laawoo hɛɓɛ

²⁸ Moisə da Yai-Laa di kɛ gɛɛnąąi tii ɓa, hvóló pow nąąn kpinį pow nąąn ɲee mu, hvo kɔ̨nɔ̨n mįi, hvo yá kpələ. Ə mįnɛ̨ hu wooɠaa pɛ̨ɛ̨ a Dɔ́n bow tii.

Bible

²⁸ Mose da Yâwɛɛ dí kɛ̀ naa a ɣele kûu buu náaŋ da kpíni kûu buu náaŋ. Vé ǹáa mii ní. Vé yá kpele ní. Nya ƃe Mose è gbanaŋ-woo kɛ́-woo-ŋai pɔ̃yɛ gɔni-ƃela-ŋai dîa nyii-ŋai kɛ̀ a Dɔ̂ŋ Puui.

Lɛɛ gbɔwɔ ɓa 34:28 ပူးပေါင်းရင်းမြစ်များ

Tɔɔɓɛlaa dɔlɔɔ 19:8

Eli ə muhəɠə, ə kɔ̨nɔ̨n mįi, ə gbələ, yii kɛa ə huwalawala hɔlɔɓo gɔ̨nɔ̨n tii mįi pulu, ə hvóló pow nąąn da kpinį pow nąąn ɉiɛ kɛ, yɛ li Yálá nwɔ yeei ɓa, yai gaa Horɛbə.

Lɛɛ gbɔwɔ ɓa 24:18

Moisə ə lɔ dulɔ kpinįn ɉu, ə tɛ ɲee ɓa. Moisə ə lɛɛ ɲee hu hvóló pow nąąn da kpinį pow nąąn.

Lɛɛ gbɔwɔ ɓa 31:18

Yii kɛa Yálá ə kpɛɛ a mɛ̨nįɠaa tii ɓoɔ Moisə ɓa, Sinai yee nwuɔ̨, ə mįnɛ̨ kwɛni ɓɛla hveelɛi tɛɛ bɔ, yii Yálá yaa kpinį ə bɛ̨ɛ̨ a ɲee.

Lɛɛ gbɔwɔ ɓa 32:16

Gwɛni ɓɛlaɠaa di kɛ a Yálá kɛ tíi, ɉɛɓɛ́ɠaai kɛ mą, Yálá ɓə bɛ̨ɛ̨, ɉaɠaa gwɛni ɓa.

Lɛɛ gbɔwɔ ɓa 34:1

Yai-Laa yɛ Moisə ɓa: «Kwɛni ɓɛla hveelɛ mąą haɠa yɛ́ kpinįi, yɛ bələi dɔlɔɔɠaa di kɛ la, nwooi lɔ tii kɛ dɔlɔɔ ɓa, diɛi tii ə́ di wolo, ŋį́ pənə ŋį́ bɛ̨ɛ̨.

Lɛɛ gbɔwɔ ɓa 34:10

Yai-Laa yɛ Moisə ɓa: «Gu kaa mįnɛ̨ həɠəi ə́ wɔ nuąi kəlee ɲɛ̨i ɓa, gáá pai mɛ̨nį kpɛa-kpɛa kɛi, yii ɲɔ̨nwɔ̨mąn hvo ta kɛ li yɛnɛ̨ɛ̨, lɔi ta hu. Ɛlɛɛ, nuą kpɔ ka kwɛlɛ, di kaa pai gbaɠala kaai, diɛ kɛ Yai-Laa kɛ kóló ɲɛ̨i mąą ɲɔwuɔ ɓə, a yai gáá pai gɛi yɛ́.

Maafîu 4:2

Jesus ə hvóló pow-nąąn da kpinį pow-nąąn gɛ, hvo hɛn da mį́į́. Pulu ə ɉon.

Lukə 4:2

Nąnį ə ɲąąhɛŋin hvóló pow nąąn ɲee mun. Voló pu-nąąn tii kuu mu, hvo hɛn nɔpee ta mį́į́, ə lɛɛ, pulú ə ɉon kɛa.

Korɛntə veelɛ 3:7

Dɔ́n nwooɠaa tii pɛ̨ɛ̨i kɛ kwɛnį ɓɛla mɛ̨i, dɔn tii a nu paa, Moisə ɓə kɛ a ŋą tímun. Bələi mąn ə kɛ la tii, ə kɛli mąąwiɛlaa kɛnɛ̨ hɔlɔɓo ɲəi, mąąwiɛlaa tii ɓə kɛli Moisə ɲɛ̨ilai lən, Israɛlə lonnii di hvo kɛli pɛli di ɲai heei ɲɛ̨ilai, yá pa, hvo lamun mą,

Dutɛrɔnome 10:10

Ŋą́ hvóló pow nąąn da kpinį pow nąąn gɛ lɔ nwɔ̨nɔ̨ ɲee nwuɔ̨, yɛ bələi ŋą́ gɛ la dɔlɔɔ tɔlɔɔ yələ. Yai-Laa ə nwəli tɔɔ nwɔ̨nɔ̨ nwóó ɓa; Yai-Laa hvo hvaa li mą, hvo ka nwun napili.

Dutɛrɔnome 10:5

Yili pulu, ŋį́ pənə ŋį́ ɲee yɛɛ, ŋą di laa gəhi lon tii ŋį́ bɛli ɉu; di kaa lɔ nii laa yɛ bələi Yai-Laa ə mo la mą́ą́.

Dutɛrɔnome 4:13

Ə nwɔ mįnɛ̨i hukulɔ kaa, a tɔ́n bow, yɛ kɛ ka bɔ yíi ɓo; ə di pɛ̨ɛ̨ kpəlin mɛla hveelɛ mɛ̨i.

Dutɛrɔnome 9:18

Ŋą́ too nɔi ɓa Yai-Laa líila, yɛ bələi tɔlɔɔ tɔlɔɔ ŋį́ gɛ la; hvóló pow nąąn kpinį pow nąąn ɲee mu. Və́ kɔ̨nɔ̨n da mįi, və́ gbələ, ka wɔ nɛ̨ŋɛ̨nŋąą mąą mɛ̨nį ɓa. Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ka kɛi gɛ, kaa nwąną lɔ la.

Dutɛrɔnome 9:25

Ɓɛlɔwai ŋį́ too la Yai-Laa lííla nɔi ɓa, ŋį́ lɛɛ pɛlɛ́ni nɔi ɓa, ŋį́ hvóló pow nąąn da kpinį pow nąąn gɛ pɛlɛ́ni nɔi ɓa. Mąąhɔlɔɓo, Yai-Laa aa kɛ mo, yɛ gaa ka kpɛɛi yɛnɛ̨ɛ̨.

Dutɛrɔnome 9:9

Ɓɛlɔwai ŋą tɛ la gwɛni ɓɛlaɠaa həɠəi ɲee nwuɔ̨, a gwɛni ɓɛlaɠaa tii mįnɛ̨i Yai-Laa ə naa gwa diɛni gu lɔwai, ɉu wooɠaa pɛ̨ɛ̨ kɛ mɛ̨i. Ŋą́ hvóló pow nąąn kpinį pow nąąn gɛ ɲee nwuɔ̨, və́ kɔ̨nɔ̨n mįi, və́ yá kpələ.