Lɛɛ gbɔwɔ ɓa 33:9 - Yálá laawoo hɛɓɛ (dc)

⁹ Moisə a lɔ kɛ gee kaa kələ mu, dulɔ kpinįn a yɛɛ, ə tɔɔ gələ laaləi, Yai-Laa yɛ mɛ̨nį ɓo Moisə ɓa.

Yálá laawoo hɛɓɛ

⁹ Moisə a lɔ kɛ gee kaa kələ mu, dulɔ kpinįn a yɛɛ, ə tɔɔ gələ laaləi, Yai-Laa yɛ mɛ̨nį ɓo Moisə ɓa.

Bible

⁹ Tãi Mose a kâa lɔ̀ la Bɛrɛi ŋí mui, ŋ̀ele-kɔlɔŋ kolei a kâa yèŋ é tɔ́ɔ gbôŋ lá, Yâwɛɛ kɛ́ ƃo zu gɛ lòno Mose pɔ́.

Lɛɛ gbɔwɔ ɓa 33:9 ပူးပေါင်းရင်းမြစ်များ

Zɛnɛse 17:22

Ɓɛlɔwai Yálá ə kpɛɛ la a mɛ̨nįɠaa ɓoɔ Abrahamə ɓa, da yaa di di ɓɛlaɓo.

Zɛnɛse 18:33

Ɓɛlɔwai Yai-Laa ə kpɛɛ la a nwooɠaai tii ɓoɔ Abrahamə ɓa, di di ɓɛlaɓo, Abrahamə yɛ pa ɲəi bɛlɛ́ laaləi.

Mąątɛ̨nɛ̨ 99:7

Ə kɛi mɛ̨nį ɓo diɛ, tulɔ kpinįn ɉu, di kɛi nwɔ tɔnwooɠaai laa hɔn mo, a mɛ̨nįɠaai tii ə naa di nwuɔ̨i.

Lɛɛ gbɔwɔ ɓa 25:22

Nąą ɓə gu kaa pai kɛi gu kee kaai laa, ŋą́ kɛ gəhi laa kalan mɛ̨i, malaka hveelɛi tii mįnɛ̨ kəhi mɛ̨i di lɔwai. Mɛ̨nįɠaai gáá pai kɛi ə́ tí la, a Israɛlə lonnii mąą mɛ̨nį, gɛ́ di ɓo laa yɛ́.

Lɛɛ gbɔwɔ ɓa 31:18

Yii kɛa Yálá ə kpɛɛ a mɛ̨nįɠaa tii ɓoɔ Moisə ɓa, Sinai yee nwuɔ̨, ə mįnɛ̨ kwɛni ɓɛla hveelɛi tɛɛ bɔ, yii Yálá yaa kpinį ə bɛ̨ɛ̨ a ɲee.

Lɛɛ gbɔwɔ ɓa 33:10

Nɔi lonnii kəlee di kɛi dulɔ kpinįn gaa, ə ɓo tɔɔ ni gələ laaləi, nu kəlee ə kɛi pɛlɛ niiɓa yɛ kwɛli hvilɛn ɲəi bɛlɛ́ laaləi.

Lɛɛ gbɔwɔ ɓa 33:11

Yai-Laa ə kɛi pələ ɓo Moisə ɓa, da yaa di ɲɛ̨i heɛ di kee ɓa, yɛ nu a kɛi pələ ɓo mɛlan ma, yili pulu, Moisə ə kɛi pənə yɛ pa muwu la, kɛlaa, bɔ mun ŋɛ̨i kɛ a Nun lon Ɉosue, hvo kɛi tee gee kaa kələ mu.

Lɛɛ gbɔwɔ ɓa 33:8

Ɛlɛɛ, Moisə a kɛi kɛ li gee kaa kələ mu, nɔi lonnii kəlee da kulɔ di tɔɔ di yəi bɛlɛ́ laaləi, di ɲɛ̨i ə lɛɛ Moisə ɓa, ə lɔ gee kaa kələ mu.

Lɛɛ gbɔwɔ ɓa 34:3

Nu takpɛli hvo lɛɛ ə́ pɔ, mąą hvo nɛ̨ɛ̨li di hvo nui lɔpee kaa ɲee ɓa, ə mą kɛ taatɛlɛɛ ɓə, ə tikpə ə kɛnɛ̨, da hvo naa mįi laa ɲee ɓa.»

Lɛɛ gbɔwɔ ɓa 34:5

Yai-Laa ə yɛɛ tulɔ kpinįn ɉu, ə tɔɔ laa, Moisə, ə dəli a naa yɛ mą: «Yai-Laa.»

Lɛɛ gbɔwɔ ɓa 34:9

Yɛ mą: «Yai-Laa nwɔ́ mɛ̨nį Nąmu, akɛ kpɔ ŋą́ą́ ə́ líí hon, Yɛ́ ɓo ku lɔwai, kwa nu huwu nwun nwalawalaa ŋɛ̨i, kɛlaa, ku wɔ túwɔ́ pələ ɲɔ̨n da ku wɔ nɛ̨ŋɛ̨n mąąhvaalɛɛ, ɛlɛɛ, ə́ ku kɛ kɛa a ə́ kwɛlin.»

Izikiɛ 3:22

Nąąlɔwai Yai-Laa yee ə kɛ lɔ nwɔ̨nɔ̨ mɛ̨́i; yɛ mą́ą́; «'Ə́ muhəɠə, 'li, ɲɛɛkɔwɔ hu, ŋą́ mɛ̨nį ɓo laa yɛ́.»

Lonon mo 11:17

Gáá pai yɛɛi, ŋą́ mɛ̨nį ɓo yɛ́. Gilii tii ə́ yəi, gáá pai da wolo həɠəi, ŋį́ dɛɛ di pɔ, ka diɛni ɓə pai kɛi nuą ŋɛ̨i lɔwai mɛ̨nį hutɔɔi, yɛ́ tɔ̨nɔ̨ hvəi kɛa di kaa pai lɛɛi ə́ nwuɔ̨.

Lonon mo 7:89

Moisə ə lɔ kɛa gee kaa kələ mu, əgɛ da Yai-Laa di lono kɛ. Moisə ə kɛi nwoo mɛ̨n gəhi laa kalan mɛ̨i, mąąkpɛ malaka hveelɛ lɔwai. Gəhi laa kalan ə kɛ mįnɛ̨ kəhi mɛ̨i, ɛlɛɛ, Yai-Laa yɛ pələ ɓo Moisə ɓa.

Dutɛrɔnome 31:14

Yai-Laa yɛ Moisə ɓa: «Moisə! Ə́ pɔlɔ hiɛ ka ɉu hvo kwɛa li, Ɉosue təli ka yaa ka pa gee kaa kələ laaləi, nąą ɓə gáá nwɔ́ tíɓoi tɛɛi laa bɔ.» Moisə da Ɉosue di nɛɛ mą də li gee kaa kələ laaləi.

Dutɛrɔnome 31:15

Yai-Laa ə gbɔwɔ lɛ diɛ gee kaa kələ laaləi tulɔ kpinįn gwɛa hu.