Lɛɛ gbɔwɔ ɓa 33:19 - Yálá laawoo hɛɓɛ (dc)

¹⁹ Yai-Laa yɛ mą: «Gáá pai nwɔ́ mąąwiɛ kəlee tɛɛi ə́ ɲɛ̨i, Ŋą́ náá ɓo yɛ, náá ɓaa a: ‹Yai-Laa.› Nui a nɛ̨ɛ̨ mą́ą́, ya ɓə ŋą́ ɲɛ̨i mąąnwɛli kaa.»

Yálá laawoo hɛɓɛ

¹⁹ Yai-Laa yɛ mą: «Gáá pai nwɔ́ mąąwiɛ kəlee tɛɛi ə́ ɲɛ̨i, Ŋą́ náá ɓo yɛ, náá ɓaa a: ‹Yai-Laa.› Nui a nɛ̨ɛ̨ mą́ą́, ya ɓə ŋą́ ɲɛ̨i mąąnwɛli kaa.»

Bible

¹⁹ Yâwɛɛ ǹyɛɛ mai, “Ŋa pâi ŋásɔŋ-lɛlɛɛ-laai kélee kɛ̂i é tɛ́ɛ íŋɛi túɛ. Ŋa pâi Yâwɛɛ laai lɛ̂i yâ. Ŋa pâi ƃɛlɛ-see tɛɛ̂i diai pɔ́ ŋa pâi ƃɛlɛ-see tɛɛ̂i dípɔi, ŋá diai malôŋ káa ŋa pâi dímaloŋ kâai.

Lɛɛ gbɔwɔ ɓa 33:19 ပူးပေါင်းရင်းမြစ်များ

Nehemi 9:25

Di walawalaaɠaa hon, da lɔi lɛlɛɛɠaa, di pɛlɛ́ɠaa hɔlɔɓo a di wɔɔ, di laahvɛɛ a hɛn gɔw huwu lɔpee. Ya-lɔwa da viɲə yɛaɠaa. Olivə yeaɠaa, da ɓá wulu kpulu tamąą. Di di laa mįi, di koo haɠa ə laa di ŋą. Di wɔ yɛnɛ̨ɛ̨ kɛ di ɲąąnɛ̨ɛ̨ hu, ə́ wɔ mɛ̨nį lɛlɛ pələ ɓa.

Mąątɛ̨nɛ̨ 25:13

Mąą nu a yíi nɛ̨ɛ̨ ɓo, ɉuwu yɛ lɔi hɔlɔɓo.

Mąątɛ̨nɛ̨ 65:4

Ku hɔnŋaa kpɛa-kpɛai ku kpįnįle ɓa, Kɛlaa, ə́ wɛi, yá ku wɔ nɛ̨ŋɛ̨nŋaa mąąhvaa lɛɛ.

Azaya 12:4

Mąą yələi tii, ka káá pai kɛi diɛ, 'Ka Yai-Laa hɛɠɛɛɓo, ka Naa tɛ, ka gɛ mɛ̨nį noloɓo yɛnɛ̨ɛ̨ nuą diɛ, 'Ka pənə nwɔ̨nɔ̨ kaa diɛ; Naa tɛɛi kpɔ ɓəɠə-ɓəɠə.

Azaya 7:14

Yili mąą mɛ̨nį ɓa, Ną́mu yaa kpinįi gaa mɛ̨nį ta lɛi kaa, ya ɓaa: Nɛ̨ɛ̨non yii hvo hulɔnu mɛ̨nį hukɔlɔn, a koo həɠə, ə lon ɉulɔnu hɔlɔɓo, ə naa hee a Ɛmanuɛlə.

Azaya 9:6

Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Ɉeremi 31:12

Diɛ ka tii pai; diɛ wələ too a kwəinɛ̨ɛ̨ Siɔn yee tona. Di kaa pai Yai-Laa nwɔ mɛ̨inɛ̨ɛ̨ɠaa pɔ. Di kaa pai kɔ̨nɔ̨n nɔi hu, lɔɔ pɔ, wulɔ da lɔɔ nįnɛ̨, ə mą kɛ, daatɛlɛɛ bɛlɛɛɠaa da gbɛa-kpɛaa. Di kaa pənəi di pu di nįnɛ̨ kɔ́lɔi, di tɛlin yɛ nɔw yɛai, da kɛ ya pui ma. Pulu hva kɛa too diɛ.

Ɉeremi 31:14

Gáá pai ɉaláá laa həli nuą pilɛi a huwɔ wulɔɔɠaa. Nwɔ́ nuą da pilɛ a ɲə́i mɛ̨inɛ̨ɛ̨. Ɲą́ą́ Yai-Laa nwóó li!

Zakari 9:17

Ee kə! Di kaa pai kɛi di nɛ̨ɛ̨ hu tai! Di kaa pai lɛlɛi-yee! Mɔ̨nun da lɔɔ di lɛlɛ pələ kaa pai, ɉilɛlɛa, da nɛ̨ɛ̨lɛa di kwəi nɛ̨ɛ̨i.

Lomaŋ 2:4

A wala kɛti, ə́ ɲɛ̨i tɛɠɛ ɓoɔ ɓə mɔ̨ɔ̨ Yálá nwɔ mɛ̨inɛ̨ɛ̨ pələ da nwɔ lii kpələ hu? Hvo gɔlɔn yɛ mɛ̨inɛ̨ɛ̨ ti gaa gɛi yɛ, gaa gɛi ti, ə gɛ, ə́ ə́ hɔn mąąhvalin?

Lomaŋ 9:23

bələ ɓə Yálá ə kɛ la bɔ ə nwɔ mąąwiɛlaa too la pono ŋą gu ɲɛ̨i ɓa, a guɔi ŋɛ̨i aa gu ɲɛ̨imąąwɛli kaa, aa gu həɠə ɉu, ə gɛ, gu nwɔ mąąwiɛlaai ta hɔlɔɓo.

Dutɛrɔnome 32:3

Gáá pai Yai-Laa təlii a Naa! Ka gu gu wɔ Yálái laa tɛ,