Lɛɛ gbɔwɔ ɓa 33:14 - Yálá laawoo hɛɓɛ (dc)

¹⁴ Yai-Laa yɛ mą: «Ɲą́ą́ gbinį ɓə pai hvįįtɔɔ tɛɛi ə́ pɔ.»

Yálá laawoo hɛɓɛ

¹⁴ Yai-Laa yɛ mą: «Ɲą́ą́ gbinį ɓə pai hvįįtɔɔ tɛɛi ə́ pɔ.»

Bible

¹⁴ Yâwɛɛ è mò ǹyɛɛ, “Ŋa pâi kɛ̂i íkɔlɛ ŋá gɛ́ íyee é tɛ́ɛ íkpɔara-ƃelai dîa.”

Lɛɛ gbɔwɔ ɓa 33:14 ပူးပေါင်းရင်းမြစ်များ

Zôo 34:29

Kɛlaa, Yálá a wala muhəɠə, gbɛɛ ɓə a pɛli hvaai bɔ? A ɲɛ̨ilai now, gbɛɛ ɓə a pɛli mɛ̨i həɠəi? Ya pa, a ɲɛ̨i pili lɔiɠaa mɛ̨i, da nu kanŋaa.

Mąątɛ̨nɛ̨ 95:11

Ya ɓə, níiholi pələ, ŋį́ gwɛ́la, gɛ́ diɛ: «A tɛ̨ą, di hvo pai lɔi nwɔ́ hviitɔɔi hu!»

Lɛɛ gbɔwɔ ɓa 13:21

Hvóló a kulɔ, Yai-Laa, a kɛ hvilɛn ni di tɔwɔ a tulɔ kpinįn, yɛ di tənən dɔɔ, kpinį a pɛlɛ yɛ ɓo a nwɔ̨n nən yɛ di mąąpono gbinį hiɛ kɛɛ hu.

Lɛɛ gbɔwɔ ɓa 3:12

Yálá yɛ Moisə ɓa: «Gáá ə́ pɔ. Yá pa Israɛlə nu huwu kulɔi Eziptə, ɲeei ŋɛ̨i ɓa ɓə ka tí laa Yálá ɓa; yili pɔ pələ ɓə yá gɔlɔn na yɛ́ ɲą́ą́ ɓə ə́ tɔɔ.»

Azaya 63:9

Ɛlɛɛ di kɛɛ di wɔ mɔ̨nɔ̨ɠaa hu, yaa kpɛli ə mɔ̨nɔ̨ mįi. Malakai ŋɛ̨i a nwɔ tímun, ya ɓə di nwunmąąɓo nwɔ wɛlikɛmąąlaa, da nwɔ nu ɲɛ̨imąąwɛli kaa laa haalai, yaa kpinįį ɓə di nwun mąąɓo, ə di mąą mɛ̨nį həɠə nwuɔ̨, yɛ di kpəŋə, yələ kəlee, ɲɛnɛ̨ɛ̨ yii aa tɛɛ ɉu.

Ɉeremi 31:2

Mɛ̨nįi Yai-Laa kaa moi, ya ka, yɛ diɛ: Nuąi tii kulɔ mowa kwɛaa yəi nɔi pun ɉu, ŋą́ ɲɛ̨́i lɛlɛɛ hee diɛ. Israɛlə lɔi pu hiɛ ka tii nįnɛ̨ kɔ́lɔi.

Ɉeremi 6:16

Yai-Laa yɛ diɛ: Ka tɔɔ tai, bələɠaa mɛ̨i, ka ka ɲɛ̨i laa! Ka ka hiɛ pələ pɔlɔ mɛ̨i kaa; ka mąąni kɛ kɛ; kaa diɛ: mįnɛ̨ pələ ɓə nwun na nɛ̨ɛ̨ pələ kaa la! Ɛlɛɛ, ka ɉon na. Ka káá pai hvįįtɔɔ hɔlɔɓoi ka wɔ yɛnɛ̨ɛ̨ hu. Kɛlaa ka káá kɛi diɛ: «Ku hvo ɉon ɉii la!»

Danîa 12:13

Daniɛlə, ə́ wɛi! Ə́ hvaŋąlɔ, ə lɛɛ la ɉu, ə́ həli ŋaakpɛɛi, ə ɠɛ, vəla kulɔi ŋɛ̨i ə́ ə́ wɔ naa hɔlɔɓo ɉu yɛnɛ̨ɛ̨ ŋaakpɛɛi lɔwai.»

Maafîu 11:28

«Ka pa bɔ́, kaai ka káá mɔ̨nɔ̨ mį́į́ ka nwuɔ̨ tiɛ̨ mu, da ka hviikpɛɛ, ŋą hvįįtɔɔ tɛɛ ka pɔ.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Dutɛrɔnome 12:10

Kɛlaa, ka káá pai Ɉurdɛn teen ɉii; ka li ka lɔ nɔi Yai-Laa ka wɔ Yálá aa dɛɛ ka pɔ a ka wɔɔ kaa hee ɉu. Gaa pai hvįįtɔɔ tɛɛ ka pɔ, ka yowoɠaa kpɔ tii ka hvanąi, yɛ di mąą kwɛa kaa. Ka káá pai kɛi laa a ka wəli pulu laɠiɛ.

Dutɛrɔnome 25:19

A kɛ tii Yai-Laa ka wɔ Yálái a pa hvįįtɔɔ tɛɛi ka pɔ, yɛ ka kulɔ ka yowoɠaa kəlee yəi nɔi hu, a nɔi Yai-Laa ka wɔ Yálái kaa dɛɛi ka pɔ a ka kwɛlin yɛ ka hee ɉu; Amalɛkə laa kulɔ yələkɔlɔn mu; ka hvo lɛ̨ą yili ɓa.

Dutɛrɔnome 3:20

Ka kpɔmąą tɛɛ ka nąn nonnii pɔ ə lɛɛ ɉu, Yai-Laa ə hvįįtɔɔ tɛɛ diɛ kpɛli mąn di pɔ yɛ bələi kaa ɉɔlɔɓo la. Nɔi Yai-Laa ka wɔ Yálái kaa dɛɛi di pɔ Ɉurdɛn pulu pələ, di lɔ ɉu. Ka kəlee ka li kɛa ka hee ka wɔ lɔi ŋį́ dɛɛ ka pɔ ɉu.»

Dutɛrɔnome 31:8

Yai-Laa ɓə pai tɔɔi ə́ ɲɛ̨itɔwɔ kaa li, gaa pai kɛi ə́ pɔ, hvo pai ə́ lɛɛi laa, hva gili kulɔ ə́ hu, hvó ɲɔw, ə́ mąą hvo kpɛlin.»

Dutɛrɔnome 4:37

Ka nąnni wɛli kɛɛ mɔ̨ɔ̨ kɛ mą, ya ɓə gɛ, yɛ di huwu həɠə a nwɔ nuą. Ɛlɛɛ, di haa pulu, ə ka kulɔ Eziptə lɔ hu a nwɔ huwalawala kɛnɛ̨i.

Zasua 1:5

Ə́ yíi hvóló kəlee hu, nui lɔpee ta hvo pai tɔɔi ə́ la. Bələi lɔ tii ŋį́ kɛ la Moisə pɔ, bələ lɔ ɓə gáá kɛi la ə́ pɔ. Vá gíli kulɔ ə́ hu, vá ə́ lɛɛ laa.

Zasua 21:44

Bələi lɔ Yai-Laa ə naakwɛlanmo la di nąnni diɛ, bələ ɓə ə gɛ la; a liilaa lɔi, ɲee kəlee hu. Di yowo ta hvo pɛli tɔɔi di la. Yai-Laa ə di yowoɠaa kəlee lɔ di yee ŋą.

Zasua 22:4

A kɛ tii kɛa, yii Yai-Laa ka wɔ Yálá aa liilaa tɛɛ ka nąn nonnii pɔ, yɛ bələi ə mo la diɛ, ka pɛli kɛa lii ka pɔ taaiɠaa ɓa, ka pɔ lɔi, yai Yai-Laa nwɔ tímun Moisə ə naa tɛɛ ka pɔ, ɓɛlɔwai gu hvo nii kɛ Ɉurdɛn yá teen ni la.

Zasua 23:1

Yai-Laa ə liilaa yɛnɛ̨ɛ̨ tɛɛ Israɛlə lonnii pɔ ɲowoɠaa kəlee lɔwai, ɉu kwɛa, Ɉosue ə pɔlɔ. Gɛɛ kɛa a hulɔgolo,