Lɛɛ gbɔwɔ ɓa 32:8 - Yálá laawoo hɛɓɛ (dc)

⁸ Niɛwooɠaai ŋɛ̨i ŋį́ dɛɛ, di pɔ, daa di pulu tɔɔ mą, daa nįŋɛ̨ lon bɛli di kpɔɔ ɓa, diɛ pɛlɛ gɔwɔ mu, diɛ haláá kulɔ mą, diɛ kɛ mą: Israɛlə, ka gu wɔ yálái ka, yai gu kulɔ Eziptə lɔi hu.»

Yálá laawoo hɛɓɛ

⁸ Niɛwooɠaai ŋɛ̨i ŋį́ dɛɛ, di pɔ, daa di pulu tɔɔ mą, daa nįŋɛ̨ lon bɛli di kpɔɔ ɓa, diɛ pɛlɛ gɔwɔ mu, diɛ haláá kulɔ mą, diɛ kɛ mą: Israɛlə, ka gu wɔ yálái ka, yai gu kulɔ Eziptə lɔi hu.»

Bible

⁸ Berei ŋá nɛ̀i da siɣe ma. Da niŋa-sirɛ pɔkɔɔŋ kpɛtɛ a gôo díkpîŋ mɛni ma díkɛ vɛ̀li díkɛ sâla kùla ma. Díkɛ mò dîyɛɛ ŋ̀âlai díkùla Ize lɔii sui ǹyaa ká tí.”

Lɛɛ gbɔwɔ ɓa 32:8 ပူးပေါင်းရင်းမြစ်များ

Tɔɔɓɛlaa dɔlɔɔ 12:28

Giliŋąhiɛ taaləi tii kɛi ə mo, ə nįŋɛ̨ lon mąąnįnįn veelɛ pɛli a hɛni. Yɛ nuą diɛ: «Kaa wɔlɔ lamun lii Ɉerusalɛmə, Israɛlə nuą. Yálái ka kulɔ Eziptə, ya ka.»

Nehemi 9:18

Ə mą kɛ ɓɛlɔwai di nįŋɛ̨ lon bɛli la a hɛni, diɛ kɛ diɛ: ‹Ə́ wɔ Yálá ka, ya ɓə ə́ kulɔ Eziptə lɔi hu.› Di di hɔn gɛ mɛ̨nį kpɛa kpɛa hu.

Mąątɛ̨nɛ̨ 106:19

Di nįŋɛ̨ lon mąąnįnįn bɛli Horɛbə yee ɓa, di pɛlɛ diɛ kwɛli hvilɛn mą.

Mąątɛ̨nɛ̨ 78:36

Kɛlaa, di kɛi mowo a di laaləi, di nɛ̨n yɛ lɛɛ kɛ mą.

Lɛɛ gbɔwɔ ɓa 20:23

Mąą hvo nɛ̨ɛ̨li, ka hvo mą́ą́ mɛ̨nį kɛ yɛ halii di bɛli a wali kwɛli, awala kɛ ti, a hɛni. Ɛlɛɛ, mąą hvo nɛ̨ɛ̨li ka hvo ɉaliɠaa tii ta pɛli.

Lɛɛ gbɔwɔ ɓa 22:20

«‹'Hvo ə́ yee pənə nwɛ̨ą hu, mąąhɔlɔɓo, kaa kpɛli ka kɛ a nwɛ̨ąą Eziptə lɔi hu.

Lɛɛ gbɔwɔ ɓa 32:4

Aarɔn ə ɉon di yəi, ə bɛli a nįŋɛ̨ lon mąą nįnįn. Nąąlɔwai, nuą diɛ kɛa kɛ diɛ: «Israɛlə ka gu wɔ yálái ka; yai gu kulɔ Eziptə lɔi hu.»

Lɛɛ gbɔwɔ ɓa 34:15

Ka nɔi tii hu nuą ka hvo yɛnɛ̨ɛ̨ pɛlɛ gee ɓa, da kɛi nei pa túwɔ́ pələ ɲɔ̨n gulɔi, diɛ haláá kulɔ di wɔ haliɠaai diɛ, da nei ka təli, kaa di wɔ haláá kɔ̨nɔ̨n ta mįi.

Azaya 46:6

Nu taɠaa da di wɔ hɛni hu kala, diɛ wali kɔ́ɔn, diɛ yɛlɛ kɛmun ɉala, hali pɛli mɛ̨nį ɓa, ɛlɛɛ, diɛ di mąąwiɛ, diɛ pɛlɛ di liiɓa, diɛ kwɛli hvilɛn diɛ.

Ɉeremi 31:32

Hvo pai kɛi yɛ mįnɛ̨i kwa di nąnni ku ɉəɠə, ɓɛlɔwai ŋą́ di hon na a di yee, gɛ́ di kulɔ Eziptə lɔi hu. Mįnɛ̨i tii, di ɉukala, kɛlaa, ɲą́ą́n, gáá lɔ a di Nąmu di nwun na. Yai-Laa woo li!»

Levetekɔ 17:7

A kɛ ti di hva kɛa di wɔɔ taatɛlɛɛɠaa ta kulɔ a haláá ɲinɛ̨n ma yai a kɛ di ɲąątɔɔi a túwɔ́ pələ ɲɔ̨nŋąą. Yələ kəlee tɔ́n ga tii, a kwɛlan gəlee mɛ̨nį.

Dutɛrɔnome 32:17

Diɛ haláá kulɔ ɲinɛnŋąą diɛ, diɛi di hvo a Yálá. A haliɠaa di hvo kpɛli di kɔ́lɔn, a pa wɛɛ haliɠaa, diɛi di nąnni di hvo gɔlɔn.

Dutɛrɔnome 9:12

Nąąlɔwai Yai-Laa yɛ mą́ą́: «Ə́ muhəɠə, ə́ kɛhu ə yɛɛ! Mąąhɔlɔɓo, yɛ́ nuąi daa túwɔ́ pələ ɲɔ̨n gulɔ. Ə́ wɔ nuą ŋɛ̨i ə́ di kulɔ Eziptə lɔi hu, ɉu hvo nii kpɛli kwɛa li; bələi ŋį́ nɛ diɛ, daa həɠə mɛ̨i, daa kwɛli həɠeen daa bɛli a hɛn da mąąnįnįn.»

Dutɛrɔnome 9:16

Ŋą́ gaa kpɔ tii, kaa kɛ nɛ̨ŋɛ̨n ɉəɠə Yai-Laa ka wɔ Yálái ɓa; a gɛ mɛ̨nį ka kwɛli həɠeen, kaa nįŋɛ̨ lon bɛli la; ɛlɛɛ, ɉu hvo mą kɛ kwɛa li, bələi Yai-Laa ə nɛ kaa, kaa mąn həɠə mɛ̨i.

Zasua 22:15

Di həli Rubɛn lonnii diɛ, da Gadə lonnii, ə mą kɛ Manase huwu bələ tɔ̨nɔ̨ Galaadə lɔi hu, di nwooɠaa ŋɛ̨i ɓo diɛ,

Nwun mąąɓo 2:17

Kɛlaa, di hvo kpɛli kɛi di wəli tɔɔ di nwun mąąɓo nuąi woo ɓa, mąą hɔlɔɓo, di kɛi lɔ kwɛli hvilɛn haliɠaa diɛ, di lɛ̨ą kpɔlɔ tii, bələi di nąnni di kɛi hiɛ mɛ̨i, mą; diɛi kɛi Yai-Laa nwɔ liɛwooɠaai hon.

Nwun mąąɓo 8:24

Yili pulu, Zedeɔn yɛ nwɔ̨nɔ̨ diɛ: «Mɛ̨nį tɔ̨nɔ̨ ɓə gáá ɉu hvɛli kaa, ya ɓaa: Gɔ́ honŋaai tii ka ɉɔlɔɓo, nu kəlee ə gbono tɛitɛi kulɔ ɉu, ə dɛɛ bɔ́.» Ə mo tii diɛ, mąąhɔlɔɓo, nuąi tii də li gɔ́ pɛlɛi diɛ, di kɛ a Ismaɛlə nu huwu, hɛni gbono ə kɛ gəlee yee ɓa.