Lɛɛ gbɔwɔ ɓa 32:34 - Yálá laawoo hɛɓɛ (dc)

³⁴ 'Li kɛa yiihu a nuą, ɓɛi ŋį́ naa hvaa ɓo yɛ́, ɛlɛɛ, nwɔ́ malaka ɓə pai hvilɛn ɉi ə́ tɔwɔ. Kɛlaa, gáá pai di hutɔɔi a yələ ta, di wɔ nɛ̨ŋɛ̨nŋąąi mąą mɛ̨nį ɓa.»

Yálá laawoo hɛɓɛ

³⁴ 'Li kɛa yiihu a nuą, ɓɛi ŋį́ naa hvaa ɓo yɛ́, ɛlɛɛ, nwɔ́ malaka ɓə pai hvilɛn ɉi ə́ tɔwɔ. Kɛlaa, gáá pai di hutɔɔi a yələ ta, di wɔ nɛ̨ŋɛ̨nŋąąi mąą mɛ̨nį ɓa.»

Bible

³⁴ Lí nâa a ǹûai ƃɛ́i ŋá nàa lɛ̀ yâi. É kɛ́ íkili ŋá a gɛɛ ŋákelai a pâi tɔɔ̂i kátuɛ. Kɛ́lɛ tãi ŋa pâi dínaa kâai lai, ŋa pâi dísɔnyɔ̂ŋ maa tɔ̂ŋ kpɛ̂i dîa.”

Lɛɛ gbɔwɔ ɓa 32:34 ပူးပေါင်းရင်းမြစ်များ

Mąątɛ̨nɛ̨ 99:8

Yai-Laa, ku wɔ Yálái ə́ kɛi di woo mu hon yaa kpinįi, ə́ ɓo a Yálái niikpələ di mu, Kɛlaa, ə́ kɛi nwąną kulɔ, di wɔ túwɔ́ pələ ɲɔ̨nŋaai mąą mɛ̨nį ɓa.

Lɛɛ gbɔwɔ ɓa 15:17

Ə́ kaa pai lii a diɛ, Ə́ di hee, yee nwuɔ̨, Ə́ wɔ lɔi hu; Yai-Laa nąą ɓə Ə́i hee kulɔ laa, Yai-Laa, nąą ɓə ə́ ə́ hee pɛlɛ́ kɔ́wɔ hvilɛn naa.

Lɛɛ gbɔwɔ ɓa 20:5

'Hvó pɛlɛ da lííla, hvo kwɛli hvilɛn diɛ; Mąąhɔlɔɓo, ɲą́ą́ Yai-Laa ka wɔ Yálá, gáá a Yálá tolɔɔ, nuąi da yowolaa kulɔ a ɲą́ą́, ŋą́ gwələ kulɔ di lonnii diɛ, da yiliɠaai di wɔɔ mąnįn bulu mąnįnŋąą diɛ.

Lɛɛ gbɔwɔ ɓa 23:20

«‹Gáá pai malaka ta hvilɛn ɉii ka tɔwɔ, yɛ ɲɛ̨i kɛ kaa bələ pɔ, ə lɛɛ ɉu ka həli ɓɛi ŋį́ naa pɛli a ka wɔɔ.

Lɛɛ gbɔwɔ ɓa 3:17

Ya ɓə, Ŋą́ kɛ Gáá ka kulɔi mɔ̨nɔ̨i tii hu, Ŋą́ li a káá Kanaan lɔi hu, ɓɛi Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa laa, ɓɛi tii hɛn gəlee da lɛlɛ laa.

Lɛɛ gbɔwɔ ɓa 33:12

Moisə yɛ Yai-Laa ɓa: «Yɛ́ kpinį ɓə kɛ mą́ą́: ‹'Li a nuą ŋɛ̨i nɔi ŋį́ naakwɛlanmo diɛ ɉu.› Kɛlaa, nui Ə́ kaa kwa yaa ku tɔɔi, Hvó nɛ li mą́ą́. Ɛlɛɛ yaan ə́ kɛ mą́ą́: ‹Ŋą́ ə́ kɔ́lɔn a ə laa.› Yɛ́ nwɔ̨nɔ̨ mą́ą́: ‹Yáá níí hon.›

Lɛɛ gbɔwɔ ɓa 33:2

Gáá pai malaka hvilɛn ɉi ka tɔwɔ, ŋį́ Kanaan nuą Amɔrə nuą Hɛtə nuą, Perizi nuą, Hivi nuą, da Ɉebusə nuą kpɛ ka tɔwɔ.

Azaya 63:9

Ɛlɛɛ di kɛɛ di wɔ mɔ̨nɔ̨ɠaa hu, yaa kpɛli ə mɔ̨nɔ̨ mįi. Malakai ŋɛ̨i a nwɔ tímun, ya ɓə di nwunmąąɓo nwɔ wɛlikɛmąąlaa, da nwɔ nu ɲɛ̨imąąwɛli kaa laa haalai, yaa kpinįį ɓə di nwun mąąɓo, ə di mąą mɛ̨nį həɠə nwuɔ̨, yɛ di kpəŋə, yələ kəlee, ɲɛnɛ̨ɛ̨ yii aa tɛɛ ɉu.

Ɉeremi 14:10

Yai-Laa woo ka yɛ hvilɛn na nu huwui tii ɓa: «Gilɛ həɠə wɛli kaa diɛ, di hva di lii kili ɓo» yili nwɛli hvo Yai-Laa ɓa, gíli kaa di kɛ nɛ̨ŋɛ̨n ɉu, yɛ pa ɉutɔɔi

Ɉeremi 23:2

Yili mąą mɛ̨nį ɓa, Yai-Laa Israɛlə nwɔ Yálái kaa mɛ̨nįi ŋɛ̨i ɓoi, nwɔ taatɛlɛɛ ɲąąkɔn nuą diɛ, yɛ diɛ: «Kaa nwɔ́ ɓɛlaaɠaai lɛɛ laa diɛ taɠa taɠa, diɛ pili, ka hvo di mɛ̨i kaa li, nwɛ́i gáá pai ɲéé pɛlɛi kaa, ka túwɔ́ pələ ɲɔ̨nwɔ̨ɔ̨ɠaa mąą mɛ̨nį ɓa.» Yai-Laa woo li.

Ɉeremi 5:29

Yai-Laa yɛ diɛ: Mɛ̨ni kɛ pələ a kɛ tii, a kɛ tii, vá mɔ̨ɔ̨ di hutɔɔ? Ŋą́ nwą́ną kulɔ nu huwu taaləi tii ɓa!

Ɉeremi 5:9

Túwɔ́ taalə a kɛ tii, ya ɓə mɔ̨ɔ̨ vá pɛli mɛ̨nį laai la nuą tii diɛ? Ə lɛɛ, nu huwu taaləi tii, vá mɔ̨ɔ̨ nwáná kulɔ diɛ? Ɲą́ą́ Yai-Laa nwóó li.

Osia 8:13

Yii di yəi a haláá ya ka; ɉuwɔi da gulɔ a haláá, da pənə di mįi; Kɛlaa, yili hva nɛ̨ɛ̨ Yai-Laa ɓa, yiihu, gaa giliŋąhiɛi di wɔ nɛ̨ŋɛ̨nŋąąi ɓa, yɛ di wɔ túwɔ́ pələ ɲɔ̨nŋąąi lonon. Hvo kɛli nwɔ̨nɔ̨ di pənə di li Eziptə lɔi hu.

Amɔsə 3:14

hvólói gáá pai Israɛlə nu huwu di wɔ mɛ̨nį ɲɔ̨n ŋɛ̨i kiti teei la, gáá pai Betɛlə nwɔ haláá kulɔi kiti teei, gáá pai ɉaláá kulɔiɠaa wəli yali diɛ, ŋį́ di pu nɔi ɓa.

Amɔsə 3:2

«Lɔi mɛ̨i heeɓo nuą kəlee lɔwai, kaa tɔ̨nɔ̨ gbən ɓə ŋį́ ɲɛ̨́i lɛlɛɛ hee kaa, yili mąą mɛ̨nį ɓa, mɛ̨nį ɲɔ̨nŋąąi kpɔ kaa gɛ, ka káá pai gwɛlan mo kɛi mą́ą́.»

Lonon mo 20:16

Ku wɔlɔ Yai-Laa ɓa, ə ku tómą woo mɛ̨n, ə malaka ta tɔɔ, yɛ ku kulɔ Eziptə lɔi hu. Kwaa həli kɛa Kadɛsə daai, yii gaa ə́ wɔ lɔi ɲɛ̨n ma.

Maafîu 23:35

Ya ɓə a gɛ, nu haŋąąɠaai daa di ɲąmą pu ɓɛ nɔi ŋɛ̨i ɓa, ə həɠə nu tɔlɔɔ Abɛlə ɓa ə həli la Barasi lon ɉulɔnu Zakari ɓa yai kɛ a nu gbɛli, yii ka baa ɉaláá kulɔ kəhi da Yálá hee pɛlɛ́ di lɔwai, di ɲąmą wulu a lɛɛ ka nwuɔ̨.

Dutɛrɔnome 32:35

Gáá pai nwą́ną kulɔi, yii di gɛ ŋį́ gwələ kulɔ, ɓɛlɔwai di kaa pai tɔɔi la, di nwun napili yələ aa həli. Mɛ̨nįi naai di tɔwɔ, ɉu hvo kwɛa li yɛ həli diɛ.»