Lɛɛ gbɔwɔ ɓa 32:30 - Yálá laawoo hɛɓɛ (dc)

³⁰ Mąą yələ laa ɓoɔ, Moisə yɛ nuą diɛ: «Kaa nɛ̨ŋɛ̨n gɛnɛ̨ həɠə, kɛlaa, dɛ́ hiɛ ka yiihu Yai-Laa pɔ pələ, gbəli hu, gaa lii hvaai mą ə ka wɔ nɛ̨ŋɛ̨n mąą hvaalɛɛ.»

Yálá laawoo hɛɓɛ

³⁰ Mąą yələ laa ɓoɔ, Moisə yɛ nuą diɛ: «Kaa nɛ̨ŋɛ̨n gɛnɛ̨ həɠə, kɛlaa, dɛ́ hiɛ ka yiihu Yai-Laa pɔ pələ, gbəli hu, gaa lii hvaai mą ə ka wɔ nɛ̨ŋɛ̨n mąą hvaalɛɛ.»

Bible

³⁰ Mose è mò ǹûai dîa a bôlu ma-ɣelei ǹyɛɛi, “Ka sɔnyɔ̂ŋ kɛ́tɛ kɛ́. Ǹyaŋ ŋa pâi tɛ̂i ǹyéei ma Yâwɛɛ pɔ́ naa, tãi da ŋa pâi kásɔnyɔ̂ŋ maa kpera-fe kɛ̂i.”

Lɛɛ gbɔwɔ ɓa 32:30 ပူးပေါင်းရင်းမြစ်များ

Samia Veerɛi 12:9

Gɛ pələ kaa ləi yai, ə́ tɛɠɛɓo Yai-Laa woo hu, mɛ̨nįi hva nɛɛ mą́ą́, yɛ́ gɛ? Hɛtə mun ŋɛ̨i a Uri, yáá baa a ɓɔwa, yáá nɛ̨ą həɠə, yɛ gɛ a ə́ nɛ̨ą. Yɛ́ kpįnįi ɓə dɛɛ Amɔn lonnii pɔ, diɛ baa a kɔ́ kɔ́ ɓɔwa.

Samia Veerɛi 16:12

Gbəli hu, Yai-Laa kaa pai ɲɛ̨́i mąąwɛli kaai, ə pənə ə nwún na nɛɛ, a háákələi nɛ̨ŋɛ̨n naa ŋɛ̨i maahvalən.»

Tɔɔɓɛlaa veelɛ 17:21

Ɓɛlɔwai Yai-Laa ə Israɛlə kulɔ la Davidə nwɔ pɛ́lɛ́i ɓa, nąąlɔwai ɓə di Nevatə lon Ɉeroboamə hee la a tɔɔmun. Ɉeroboamə ə Israɛlə nwun ɉu lan, yɛ mąąkwɛa Yai-Laa ɓa, ə ɲee lɔ nɛ̨ŋɛ̨n gɛnɛ̨ hu.

Mąątɛ̨nɛ̨ 99:6

Moisə da Aarɔn di kɛ nwɔ haláái kulɔ nuą lɔwai, ɛlɛɛ Samuɛlə ə ɓo nuąi kɛi naa təli di pɔ, di kəlee di kɛi wɔlɔ Yai-Laa ɓa, yɛ di woo mu hon.

Lɛɛ gbɔwɔ ɓa 32:29

Nąąlɔwai, Moisə yɛ diɛ: «Kaa kpinįi ɓə kaa ka kpɔwɔ hee a Yai-Laa nwɔ nuą, mąąhɔlɔɓo ka hvo ɲɔw li ka lonnii paai da ka kaayɔwɔɠaa. Gɛ́ Yai-Laa ə́ lúwɔ́ too ka kəlee kaa háákələi.»

Amɔsə 5:15

Ka mɛ̨nį ɲɔ̨n nwɛli kpɛɛ kaa, ka mɛ̨nį lɛlɛɛ wɛli la kɛ. Ka mɛ̨nį haŋąą kɛ ka wɔ kiti tee pɛlɛ́ɠaai mu. A kɛ tii, Yai-Laai gaa a Mɛ̨nį Kəlee ŋą Hééɓomun Yálá, a pɛli kiɛ, ə ka ɲɛ̨i maa wɛli kaa, kaai ka káá a Ɉosɛfə huwuhu nuą gbəli.

Zôna 3:9

Gbəli hu gwa gɛ tii, Yálá kaa pai gu ɲɛ̨imąąwɛli kaai, ə nwɔ liiɲąnwąną həɠə gu mɛ̨i, gu hvo pa haa.»

Lonon mo 25:13

Mįnɛ̨i tii kaa lɛɛ a yaa da ɉuwu di wɔɔ. Mįnɛ̨i tii kaa pai ɉaláá laa həliɛ mąą laa lɛɛi di yəi a yələ kəlee, hvo gaai ə nwɔ Yálái mąą tolo kulɔ; yɛ Israɛlə lonnii di wɔ nɛ̨ŋɛ̨n mąą kwələ kulɔ kóló kɛ.»

Lukə 15:18

Yili ɓa, gáá pənəi ŋą li ną́n bɔ. Gáá lii kɛi mą: «Ną́n, ŋą́ą́ nɛ̨ŋɛ̨n ɉəɠə Yálá ɓa, ə lɛɛ, ŋą́ą́ nɛ̨ŋɛ̨n ɉəɠə yɛ́!

Lukə 7:47

Yili ɓə gaa mą, gáá moi yɛ́, nwɛlikɛmąą mɛ̨nį kɛnɛ̨i ŋɛ̨i nɛ̨ɛ̨nui ŋɛ̨i aa gɛ, yili a nɛ, yɛ nɛ̨ŋɛ̨n damąą tii aa gɛ, mąąhvaa aa lɛɛ. Kɛlaa, nui da mąąhvaalɛɛ tiikpə, wɛlikɛmąąlaa tiikpə lɔ ɓə a gɛ.»

Lomaŋ 9:3

A tɛ̨ą, yii gáá bɔ, a nɛ̨ɛ̨mąn, nɛ́ŋɛ̨n ə laa, ŋį́ gulɔ Kristə nwɔ wɛlikɛmąąlaa hu, nąn nonniii, a diɛi a ɉúwu hu nuą di mąą mɛ̨nį ɓa.

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Timote veelɛ 2:25

Nuąi da kɛ naa hɛatooi, yɛ di woo ɲąąpənə a liinɛ̨ɛ̨ gwəi laa. Gbɛɛ ɓə gɔlɔn, akɛ, Yálá hvo pai kili tɛɛi di pɔ, diɛ pɛli di ɲɛ̨i tínɛ̨n ɉii, diɛ ɉee tɛ̨ą pɔ pələ?

Zĩi 5:16

'Ká hvaa ka wɔ nɛ̨ŋɛ̨nŋaa ɓa ká kee ɲɛ̨i ɓa, 'ká Yálá hvɛli ká kee ɓa, ə gɛ, ká kɔ́lɔi ə pono. Tələnmomun ŋą hvɛli woo kaa a ɲɔ̨n ɉali walawala.

Samuɛlə dɔlɔɔ 12:17

Kɛlɛi mɔ̨nun deei lɔwai ka kɛa-e, gáá Yai-Laa hvɛlii, yələgbąnąą tulɔ ə pu, mɛ̨nį ɲɔ̨nwɔ̨ɔ̨i ka gɛ, ka a gɛnɛ̨ pələ kaa, gɛ mɛ̨nį ka tɔɔmun vɛli yɛ hee ka nwun mɛ̨i.»

Samuɛlə dɔlɔɔ 12:19

Nɔi lonnii kəlee diɛ Samuɛlə ɓa: «Ə́ wɔɔ luwɔɠaai maa nɛ̨ɛ̨mąą hvə Yai-Laa ɓa, ə gɛ, ku hvo ləi pa haa. Hvo gaai, kwaa ku kɛ nɛ̨ŋɛ̨nŋaa ta laa mɛ̨i, gɛ mɛ̨nį ku tɔɔ nwɔ̨nɔ̨, kuɔ tɔɔmun ɉu hvəli, kuɔ ɉee, yɛ ku ɲąąwooɓo.»

Samuɛlə dɔlɔɔ 12:20

Samuɛlə yɛ nɔi lonnii diɛ: Ka hvo ɲɔw, tɛ̨ą li kaa ɓə mɛ̨nį ɲɔ̨n ŋɛ̨i kəlee kɛ, ə mą kɛ tii, ka hvo ka pulu tinɛ̨n Yai-Laa ɓa, ka tí Yai-Laa ɓa kwəi tɔ̨nɔ̨ laa hu.

Samuɛlə dɔlɔɔ 12:23

Yii ɓaa mą́ą́ mɛ̨nį nwɛi, ə hvóló mą́ą́, gɛ́ nɛ̨ŋɛ̨n ɉɛɠɛ Yai-Laa ɓa, a gbə́la mɛ̨nį ka mąą mɛ̨nį laa həliɛ ɓa a nɛlɛɛ, a ɉaŋąą; və́ pai kpɛlai mɛ̨nį lɛlɛɛ da mɛ̨nį haŋąą lɛi kaa.

Samuɛlə dɔlɔɔ 2:17

Eli lonnii di wɔ nɛ̨ŋɛ̨n kɛnɛ̨i kɛ Yai-Laa ɲɛ̨i ɓa, mąąhɔlɔɓo, di kɛi Yai-Laa nwɔ haláái hon a mɛlɛ too pələ.