Lɛɛ gbɔwɔ ɓa 32:22 - Yálá laawoo hɛɓɛ (dc)

²² Aarɔn yɛ Moisə ɓa: «Nwɔ́ mɛ̨nį nąmu, hvó ə́ líiholi! Yɛ́ kpinįi gbaɠala kaa yɛ́, nuą ŋɛ̨i di wɔ kiliŋąhiɛ a li lɔ mɛ̨nį ɲɔ̨n bɔ pələ.

Yálá laawoo hɛɓɛ

²² Aarɔn yɛ Moisə ɓa: «Nwɔ́ mɛ̨nį nąmu, hvó ə́ líiholi! Yɛ́ kpinįi gbaɠala kaa yɛ́, nuą ŋɛ̨i di wɔ kiliŋąhiɛ a li lɔ mɛ̨nį ɲɔ̨n bɔ pələ.

Bible

²² Eelɔŋ è mò Mose ma ǹyɛɛi, “Ífe ílii ŋwàna ḿâ mɛi-nuui. Kpɛ́ni fêi, ínûai ŋí kɔ́lɔŋ berei dílii kpanaŋɔ̂ɔi la sɔnyɔ̂ŋ kɛ́-mɛni mai.

Lɛɛ gbɔwɔ ɓa 32:22 ပူးပေါင်းရင်းမြစ်များ

Zɛnɛse 44:18

Ɉuda ə lɛɠɛ Ɉosɛfə ɓa, yɛ mą: «Nwɔ́ mɛ̨nį nąmu, ka nɔi ŋɛ̨i hutɔɔmun ka pɛliɛi, gɛ́ ə́ hvaa mą, ŋį́ hvaa ə́ pɔ, ə́ lii hvo holi bɔ́.

Mąątɛ̨nɛ̨ 36:4

Kɛɛ kala mɛ̨nį da nu ɓowo mɛ̨nį lɔ ɓə gaa na, mɛ̨nį lɛlɛɛ kɛ kili hvo mą.

Lɛɛ gbɔwɔ ɓa 14:11

Diɛ Moisə ɓa: «Akɛtii kámą ɓə hvo kɛ Eziptə lɔi hu, yai ə́ kuɔ həɠə ku pa haai ɓɛ nɔi pun ɉu? Lə ɓə ŋɛ̨i ə́ gɛ a kuɔi, yɛ́ ku kulɔ Eziptə lɔi hui?

Lɛɛ gbɔwɔ ɓa 15:24

Nuą di kɛi hvaa di nwun ɉu, Moisə ɓa, diɛ kɛ diɛ: «Ku kpələ yá wɔɔ?»

Lɛɛ gbɔwɔ ɓa 16:20

Nu taɠaa di hvo di wəli tɔɔ Moisə woo ɓa. Di da hee di kwɛlɛ ə lɛɛ ɉu yələ ə ɓɔ, kolo ə pu ɉu, gun yɛ tɛ Moisə ə níiholi di pɔ.

Lɛɛ gbɔwɔ ɓa 16:28

Yai-Laa, yɛ Moisə ɓa: «Ka káá pai lɛɛi ka nwun gulɔi nwɔ́ tɔ́n nwooɠaa da nwɔ́ tiɓoɠaa mu, ə lɛɛ ɉu mįnɛ̨ lɔwai?

Lɛɛ gbɔwɔ ɓa 32:1

Yii kɛa nuą di gaa diɛ Moisə aa lamu ɲee ɓa, nuą di pa a di kpulu Aarɔn kwɛlɛ diɛ mą: «Ə́ muhəɠə, ə́ hali pɛli kuɔ, ə pələ kulɔ a kuɔ, hvó gaai, Moisə ŋɛ̨i ku kulɔ Eziptə lɔi hu, ku ɲɛ̨i hvo kɛa mą, mɛ̨nįi laa mą, ku hvo gɔlɔn.»

Lɛɛ gbɔwɔ ɓa 32:21

Moisə yɛ Aarɔn ɓa: «Lə ɓə nuą ŋɛ̨i di gɛ a yɛ́, yaai ə́ di yee lɔ nɛ̨ŋɛ̨n gɛnɛ̨i ŋɛ̨i hu?»

Hanwon 4:16

Nwąnąlɔ nuą di hva yíi, akɛ di hvo mɛ̨nį ɲɔ̨n gɛ li. Da wala mɛ̨nį nwąnąą laa nu ta ɓa, yíi hva pa di ɲɛ̨i.

Dutɛrɔnome 31:27

Mąąhɔlɔɓo, ka kwɛli teɛi, ɛlɛɛ, ka nwun ɉu walawalaa mɛ̨nį nwɛi, yili kpaɠala ka mą́ą́ nii háákələi ka lɔwai. Vúlú kɔ́wɔ ŋą ɓə ka tɔɔlaa Yai-Laa la, gu hvo mun kɛ ɉáá pulu!

Dutɛrɔnome 9:24

Ə həɠə kpɔ ɲələi ŋį́ ka kɔ́lɔn na ma, ə həli la yiihu ɓa, ka kɛi lɔ ka kwɛli tee Yai-Laa ɓa.

Dutɛrɔnome 9:7

Ka kili ə kɛ ɉu kaa diɛ, ka Yai-Laa ka wɔ Yálái liiholi nɔi pun ɉu, ka hvo lɛ̨ą mɛ̨nįi tii ɓa. Ə həɠə ka kulɔ yələ ɓa Eziptə lɔi hu, ə lɛɛ ɉu ka həli la ɓɛ, ka kɛi lɔ tɔɔ Yai-Laa la.

Samuɛlə dɔlɔɔ 15:15

Saulə yɛ Samuɛlə ɓa: «Nuą di daatɛlɛɛɠaai tii hon Amalɛkə nuą pɔɔli, mɛlaa kɔ́lɔ lɛlɛɛ mąɠaai tii da nįŋɛ̨ɠaa, di yiliɠaai lɛɛ di yee pulu, ə gɛ di pa gulɔ a haláá, Yai-Laa ə́ wɔ Yálái ɓa. Gbəliɠaai tii nwɛi, ku gəlee kulɔ a haláá.»

Samuɛlə dɔlɔɔ 15:21

Ɉɛnŋaai ku ɉɔlɔɓo gɔ́ hu, daatɛlɛɛ bɛlɛɛɠaa da gbɛa-gbɛa, yiiɠaai kɛ gɔlɔ lɛlɛɛ laa mą, mąąnɛ̨ɛ̨ kɛ di gəlee kulɔ a haláá, nuą di yiliɠaai həɠə, ə gɛ di pa gulɔ Yai-Laa ə́ wɔ Yálái ɓa a haláá, Gilgalə daai.»

Samuɛlə dɔlɔɔ 15:24

Saulə yɛ Samuɛlə ɓa: «Ŋą́ą́ nɛ̨ŋɛ̨n ɉəɠə, ŋą́ą́ kulɔ Yai-Laa woo mu, ŋą́ą́ ə́ woo pili. Ɲɔw ɓə ŋą́ kɛi mo nuą diɛ, gɛ́ hvaa di woo ɓa.