Lɛɛ gbɔwɔ ɓa 32:2 - Yálá laawoo hɛɓɛ (dc)

² Aarɔn yɛ diɛ: «Nwəlii kwɛliɠaa tii ka nɛ̨ąni, ka lonnii hinąą da ka lonnii nɛ̨ąą wəlii a hɛni, ka pa a diɛ bɔ́.»

Yálá laawoo hɛɓɛ

² Aarɔn yɛ diɛ: «Nwəlii kwɛliɠaa tii ka nɛ̨ąni, ka lonnii hinąą da ka lonnii nɛ̨ąą wəlii a hɛni, ka pa a diɛ bɔ́.»

Bible

² Nya ƃe Eelɔŋ è mò dîa ǹyɛɛi, “Ka ŋ̀ôlii-sãai kúla kánɛyâai, kálônii-sinaai, da kálônii-nɛyãai wôli, ká pá a dia ḿbɔ.”

Lɛɛ gbɔwɔ ɓa 32:2 ပူးပေါင်းရင်းမြစ်များ

Zɛnɛse 24:22

Yii kɛa ɲɔ̨nwɔ̨mɛ̨ɛ̨ɠaa kəlee di di kpələ, ɉulɔnui tii ə gbono tɛɛ Rebeka pɔ ə ɓo a hɛni, mu wiaa, ɛlɛɛ, da yeeɓa kwɛli hveelɛ di ɓo a hɛni, gəlee hveelɛi mu wiɛ yee ə ɓo tanɔ̨n.

Zɛnɛse 24:47

Ya ɓə ŋą́ kɛ mą: ‹Gbɛɛ lon maa a yɛ́?› Yɛ mą́ą́: ‹Betuɛlə lon nɛ̨ɛ̨nu ɓaa a ɲą́ą́, Betuɛlə kaa a Nahɔrə da nɛ̨ą Milka di lon ɉulɔnu.› Nąąlɔwai ɓə ŋą́ kwɛli too la ɉunwɛ̨i, ŋį́ kwɛli too ɲee kwaną.

Lɛɛ gbɔwɔ ɓa 20:23

Mąą hvo nɛ̨ɛ̨li, ka hvo mą́ą́ mɛ̨nį kɛ yɛ halii di bɛli a wali kwɛli, awala kɛ ti, a hɛni. Ɛlɛɛ, mąą hvo nɛ̨ɛ̨li ka hvo ɉaliɠaa tii ta pɛli.

Lɛɛ gbɔwɔ ɓa 32:3

Nuą kəlee di pa a nwəlii kwɛliɠaa, di dɛɛ Aarɔn pɔ.

Lɛɛ gbɔwɔ ɓa 35:22

Hinąą da nɛ̨ąąi kɛ di kwəinɛ̨ɛ̨, di kɛi pa a di wəlii kwɛliɠaa, gbonoɠaa da kwɛɛnŋąą, gəlee di ɓo a hɛni, diɛ Yai-Laa kɔ́ la.

Hanwon 25:12

Kilimąą mun a nu hɔn doo, yá ə́ nwəli tɔɔ mą a nɛlɛɛ, gaa yɛ hɛni gbono da hɛni kwɛɛn.

Azaya 3:19

Wəlii kwɛliɠaa, yee kwąną kwɛlii a yɔwɔn bɛlɛɛ, da nu nwun mɛ̨i kpulu həɠə ɓɛla pɛlɛɛ,

Azaya 30:22

Mąą nįnįn ɉaɠaaɠaai da kɛ nwali ya pui diɛ, da yiiɠaai kwɛli yɔw nuą da bu, diɛ ɉɛni-yá pu diɛ, mąąnɛ̨ɛ̨ ka gəlee kaa a hɛn mąąliɓiɛɠaa, ka di pili, yɛ bələi da hɛn ɲɔ̨nwɔ̨ɔ̨ pili la ɛlɛɛ, yɛ́ diɛ: 'Ka kulɔ ɓɛ!

Izikiɛ 16:17

Ə́ mąą yili hɛnŋąą lɛlɛɛi ŋį́ dɛɛ ə́ pɔ a hɛni da wali, ə́ di həɠə yɛ́ di kɛ a hinąą hɛn mąąnįnįn, yɛ́ túwɔ pələ ɲɔ̨n gulɔ la.

Osia 2:8

Yili mąą mɛ̨nį ɓa, gáá pai ə́ wɔ pələɠaa pui a ɲąąlənŋaa, ŋį́ gala yili ɉu, ɛlɛɛ, hva kɛa ə́ tɛɛ pələ kaa.