Lɛɛ gbɔwɔ ɓa 32:12 - Yálá laawoo hɛɓɛ (dc)

¹² Akɛ yá nuąi ŋɛ̨i kəlee nwun na pili yɛ pələi tii yaa mo la, Eziptə nuą kaa pai kɛi diɛ: ‹Ə́ di kulɔ lɔ Eziptə lɔi hu a gbąnąlaa, ə gɛ, ə́ di nwun na pili ɓɛ, ɲee koo mu, di laa ə kpɛɛ ɓɛ lɔi mɛ̨i.› Ee kə! Yai-Laa! Ə́ líí laa, Hvó mɛ̨nį ɲɔ̨n naa ə́ wɔ́ nu huwui ɓa.

Yálá laawoo hɛɓɛ

¹² Akɛ yá nuąi ŋɛ̨i kəlee nwun na pili yɛ pələi tii yaa mo la, Eziptə nuą kaa pai kɛi diɛ: ‹Ə́ di kulɔ lɔ Eziptə lɔi hu a gbąnąlaa, ə gɛ, ə́ di nwun na pili ɓɛ, ɲee koo mu, di laa ə kpɛɛ ɓɛ lɔi mɛ̨i.› Ee kə! Yai-Laa! Ə́ líí laa, Hvó mɛ̨nį ɲɔ̨n naa ə́ wɔ́ nu huwui ɓa.

Bible

¹² Ƃà nyíŋi kɛ̀, gɛ̀ ní Ize-ŋai da pâi môi a gɛɛ í díkùla Ize a gɛɛ í pá a dia ǹyéei ma í díŋuŋ la píli naa. Ílii maa fáleŋ í ílii ŋáa yéŋ. Ífe pà a mɛni-kpɔlui ŋí ínûai pɔ́.

Lɛɛ gbɔwɔ ɓa 32:12 ပူးပေါင်းရင်းမြစ်များ

Zɛnɛse 6:6

Yili ə Yai-Laa lii too pulu kpɔ kɛnɛ̨, nu pɛlii ŋɛ̨i ə mo lɔi mɛ̨i mąą mɛ̨nį ɓa, ə viikpɛɛ.

Tɔɔɓɛlaa dɔlɔɔ 8:51

Mąąhɔlɔɓo, ə́ wɔ nu huwui li, ə́ kwɛlin ni, nuą ə́ di kulɔ Eziptə lɔi hu hvuluun nwɔ̨n ɉu, diɛ li.

Ɛsdrasə 10:14

Ku ɲɛ̨itɔwɔ nuą di lɛɛ kani ɓɛ gbɔn gəlee laa hu, ɛlɛɛ, nuąi kpɔ nwɛ̨ą nɛ̨ą həɠə ku pɔ taaɠaa, taa tɛitɛi nwɔ kalanɉonŋąą da nwɔ kiti tee nuą di kuu hee diɛ; diɛ pa a volóɠaa tii, ə lɛɛ ɉu, gu wɔ Yálái nwɔ liiholi ə həɠə gu mɛ̨i mɛ̨nįi ŋɛ̨i hu.»

Mąątɛ̨nɛ̨ 106:45

Mįnɛ̨i da diɛ ni di ɉəɠə, ə giliŋąhiɛ mą, nwɔ wɛlikɛmąąlaa kɛnɛ̨ hu, ə nwoo yali bulu.

Mąątɛ̨nɛ̨ 74:18

Yai-Laa, mąąnɛ̨ɛ̨ ə́ kili ə pu ɉu yɛ́ diɛ, ə́ yowo kaa ə́ ɓɛlɛ too woo ɓoi; nwun gbɛɛ ɉu nu huwu aa ɓɛlɛkpɛɛ ə́ laa ɓa.

Mąątɛ̨nɛ̨ 78:38

Kɛlaa yaa ti nwɛi, a líinɛ̨ɛ̨ gwəi Yálá, hvo kɛi di hɔn ɉee gwəi, hvo di hukala, yaamun, ə kɛi di kɛ nɛ̨ŋɛ̨nŋaa hu pu; ɛlɛɛ, yɛ nwɔ liiholi huhon gbɔ kɛlɛ kɛlɛ di mąą mɛ̨nį ɓa, níilaai lɔ kɛ di pɔ,

Mąątɛ̨nɛ̨ 85:3

Yáá ə́ wɔ nu huwui nwɔ nɛ̨ŋɛ̨n kulɔ mą, yáá nwɔ túwɔ pələ ɲɔ̨n gəlee mɛ̨i kpulu.

Mąątɛ̨nɛ̨ 90:13

Yai-Laa! 'Yali ə́ pulu, ə́ pa ku pɔ! Mįnɛ̨ lɔwai ɓə ə́ wɔ liiholii kaa pai kpɛlai la mą? Ə́ wɔ tínuąi ɲɛ̨imąąwɛli kaa.

Lɛɛ gbɔwɔ ɓa 32:14

Mɛ̨nį nwąnąąi Yai-Laa ə kɛi pa naai nwɔ nu huwui ɓa, ə yili həɠə mą.

Lɛɛ gbɔwɔ ɓa 33:13

Yii hu, akɛ ŋą́ą́ ə́ líí hon a neelee, mɛ̨nįi ə́ kaa bɔ, nɛ mą́ą́, əgɛ, ŋą́ ə́ kɔ́lɔn a neelee, yá gɛ ti, akɛti ŋą́ą́ Ə́ líí hon gbɔ a tɛ̨ą; Ɛlɛɛ, Ə́ nu huwui ŋɛ̨i kaa a Yɛ́ nu huwu.»

Azaya 64:7

Ɛlɛɛ yaan, yɛ́ lɔ ɓə ə́ kaa a ku Nąn, ləɠi pɔlɔ ɓaa a kuɔ, yɛ́ lɔ ɓə ku tɔɔi, ku kəlee, ku kaa a ə́ yee ŋą koló.

Azaya 64:8

Yai-Laa, 'hvo ə́ liiholi, hvo dɛɛ ɲɛ̨n ɉu, hvo nɛ̨ŋɛ̨n gili too lɔ ə́ ŋą a yələ kəlee. Kɛlaa ɓɛ kaali! Ə́ wɔ nu huwu ɓaa a ku kəlee!

Ɉeremi 28:16

Ə həli kɛa yɛ́; Yai-Laa woo ka, yɛ diɛ: Gaa pai ə́ həɠəi nɔi ŋɛ̨i mɛ̨i, ə́ kaa pai haai gwɛlan ŋɛ̨i yee mu. Mąąhɔlɔɓo, yáá nuą kwɛli tee Yai-Laa ɓa.»

Izikiɛ 20:14

Kɛlaa ə mą kɛ tii, ŋą́ gɛ́ mɛ̨nį kɛ ɉu; náá mąą mɛ̨nį ɓa, mɛ́lɛ hvo pa lee kpɛɛ mą́ą́, lɔiɠaa ɲɛ̨i ɓa; a diɛi tii ŋą́ Israɛlə kulɔ nuwɔ laa hu di ɲɛ̨i ɓai.

Izikiɛ 20:22

Kɛlaa, ŋą́ ɲéé yali bulu, ŋą́ gɛ́ mɛ̨nį kɛ, náá mąą mɛ̨nį ɓa; náá hvo pa ləi pu, nɔiɠaai tii di kɛ ɉu, gɛ́ di kulɔ laa, yiliɠaai ɲɛ̨i ɓa.

Izikiɛ 20:9

Kɛlaa ə mą kɛ ti, ŋą́ gíliŋa hiɛ náá mąą mɛ̨nį ɓa, ə gɛ mɛ́lɛ hvo pa lee kpɛɛ mą́ą́ ɉįi takpɛɠaa di wɔ lɔi hu nuą ɲɛ̨i ɓa. Ŋą́ gbɔ́ɔ́ lɛ diɛ nɔiɠaa tii ɲɛ̨i ɓa, a di kulɔi ŋą́ mo Eziptə lɔi hu.

Zooɛ 2:17

Gwɛəli heai da ɉaláá kulɔi di lɔwai, ɉaláá laa həli nuą di tɔɔlaa di wɔlɔ, diɛi a Yai-Laa nwɔ tínuą. Diɛ kɛ diɛ: «Yai-Laa! Yɛ nu huwui mąąwɛli kaa, hvó ə́ kwɛlin mɛlɛ too, hvó gɛ a lɔi takpɛliɠaa di wɔ yɛlɛ kulɔ ɉu hɛn, diɛ kɛ kpɛli ma: Di wɔ Yálái kaa mi?»

Amɔsə 7:3

Mɛ̨nįi Yai-Laa ə kɛi pa gɛi, ə mąąhvalin, yɛ mą́ą́: «Yii tii ə́ gaa, hvo pai kɛi tii.»

Amɔsə 7:6

Mɛ̨nįi Yai-Laa ə kɛi pa gɛi, ə mąąhvalin, yɛ mą́ą́: «Yii ŋɛ̨i nwɔ̨nɔ̨ ə́ gaa, hvo pai kɛi tii.»

Zôna 3:9

Gbəli hu gwa gɛ tii, Yálá kaa pai gu ɲɛ̨imąąwɛli kaai, ə nwɔ liiɲąnwąną həɠə gu mɛ̨i, gu hvo pa haa.»

Zakari 8:14

Hvo gaai, mɛ̨nįi Yai-Laa Mɛ̨nį Kəlee ŋą Hééɓomun, kaa moi, ya ka: Ŋį́ ta naa gwə́i, gɛ́ kɛ ŋį́ ka hon a ɲɔ̨nwɔ̨ɔ̨, mąąhɔlɔɓo, ka nąnni di nííholi. Və́ gili mąą hvalin. Yai-Laa Mɛ̨nį Kəlee ŋą Hééɓomun woo li.

Lonon mo 14:19

Yili ɓa tii, nuą ŋɛ̨i ɲɛ̨imąąwɛli kaa, yɛ bələi Ə́ wɔ lii nɛ̨ɛ̨ kwəi laa hu kɛnɛ̨ɛ̨ la, yɛ bələi Yáá ə́ yee lɛɛ la diɛ, ə həɠə Eziptə lɔi hu ə pa ɓɛ.»

Lonon mo 16:21

«Ka həɠə nuąi tii kwɛlɛ, gáá di hukalai kpɔlɔ yiihu.»

Dutɛrɔnome 13:17

Hɛn kpɔ a kulɔ ɉu, ka gəlee ɲąą kpɔn gwəli hąąi, ka daa kələn da ɉɛnŋąą tii kəlee. Ka gulɔ tii a haláá Yai-Laa ka wɔ Yálái ɓa; nąą ə lɛɛ a taa kpoloon nąą hva kɛa pənə hvo tɔɔ.

Dutɛrɔnome 32:36

Yai-Laa kaa pai nwɔ nu huwui kiti teei, gaa pai gwəi kili mąąhvalin ɉii di pɔ di hon bələ hu. Yɛ nwɔ tínuą ɲɛ̨imąąwɛli kaa; ɓɛlɔwai di yee kɔ́nwɔ̨n ɉu a haa la, di ta hvo a luwɔ da hvo gbɔwɔ ɓa.

Dutɛrɔnome 9:28

Mąą hvo nɛ̨ɛ̨li nɔi tii ə́ ku kulɔ ɉu, ɉu nuą di hvo pa mo diɛ kɛ diɛ: ‹Yai-Laa yee hva pɛli kɛ di lɔi, nɔi ə́ naakwɛlanmo diɛ ɉu; aa hvɛɠɛ di mu; di wɛli kpɛɛi kɛ mą, yili ɓə ə di kulɔ la yɛ li di nwun na pilii nɔi pun ɉu.›

Zasua 7:26

Gwɛni hįį kɛnɛ̨ɛ̨ tii di dɔɔ di mɛ̨i, gaa lɔ nii laa háákələi. Yili ɓə gɛ Yai-Laa nwɔ liiɲąnwąną ɲąą ə yɛɛ. Mɛ̨nįi gɛ di gɛɛnąąi tii laa hee a Akɔrə ɓoloon ɉu yaa li. Háá ɓaa háá, naai tii ɓə mą.

Zasua 7:9

Kanaan nuą, da nuąi kpɔ di heɛ kaa nɔi ŋɛ̨i hu, daa mɛ̨nįi ŋɛ̨i bələ mɛ̨n, di kaa pai tínɛ̨n ɉii kuɔ, di ku laa waa lɔi mɛ̨i. Akɛ tii, naa kɛnɛ̨i ŋɛ̨i gaa yɛ́, yá gɛ ləi?»

Samuɛlə dɔlɔɔ 12:22

Mąąhɔlɔɓo, Yai-Laa hvo pai ɲee kulɔi nwɔ nu huwui mu, gbala ə tɔɔ, naa kɛnɛ̨i. Ɛlɛɛ, ə nɛ̨ɛ̨ a Yai-Laa lii, ə ka kɛ a nwɔ nu huwu.