Lɛɛ gbɔwɔ ɓa 31:17 - Yálá laawoo hɛɓɛ (dc)

¹⁷ Yili ɓə pai kɛi kwa Israɛlə lonnii ku lɔwai a kili lɛɛ ɉu hɛn, diɛ kɛ Yai-Laa ə yələkɔlɔn da lɔi di pɛli a hvóló mɛ̨ida, mɛ̨ihveelɛ yələ ə vįitɔɔ, ə vina kulɔ.»

Yálá laawoo hɛɓɛ

¹⁷ Yili ɓə pai kɛi kwa Israɛlə lonnii ku lɔwai a kili lɛɛ ɉu hɛn, diɛ kɛ Yai-Laa ə yələkɔlɔn da lɔi di pɛli a hvóló mɛ̨ida, mɛ̨ihveelɛ yələ ə vįitɔɔ, ə vina kulɔ.»

Bible

¹⁷ Fɛ̂ɛ é kɛ́ a wɔlɔ-wɔlɔ ŋɛi-kɛ-maa kwa Eezuɛ-ŋai kúloai. Kpɛ́ni fêi, Ńyãa ƃa Yâwɛɛ nyii ŋ̀elei kpɛ́tɛ da ǹɔii a fólo lɔ́ɔlu mɛi da, ŋá ḿvii tɔ́ɔ a mɛi feerɛ ɣelei.”

Lɛɛ gbɔwɔ ɓa 31:17 ပူးပေါင်းရင်းမြစ်များ

Zɛnɛse 1:31

Ɉɛnŋąą kpɔ tii Yálá ə bɛli, ə hee, ə gəlee kaa, gəlee lɛlɛɛ kpɔ ɲɛ̨i ɓa. Yələwulii ə kɛ, yələwala ə kɛ, yili ɓə kɛ a voló mɛ̨ida.

Zôo 38:7

Ɓɛlɔwai yələ ɓɔi bɛmɛ̨lɛ̨n-gɔwɠaa di kɛi wələ too la, ɛlɛɛ, Yálá nwɔ malakaɠaa diɛ tomą a wələ.

Mąątɛ̨nɛ̨ 104:31

Yai-Laa Mąąwiɛ̨ pələ, 'ə lɛɛ lɔ laa kpan kpan! Yai-Laa, kɛkólóɠaa di gwəinɛ̨ɛ̨!

Lɛɛ gbɔwɔ ɓa 20:11

Mąąhɔlɔɓo, Yai-Laa ə yələkɔlɔn, lɔi, gboloyá, da ɉu hɛnŋąą kəlee pɛli hvóló mɛ̨ida yee mu, kɛlaa, ə vįitɔɔ a voló mɛ̨ihveelɛ yələ. Yili ɓə gɛ, Yai-Laa ə lúwɔ́ too vįitɔɔ yələi ti ɓa, ə gɛ a hvóló mąąhəɠɛɛ.

Lɛɛ gbɔwɔ ɓa 31:13

«Mo Israɛlə nuą diɛ, yɛ́ diɛ: Ka nwɔ́ túwɔ́ yələɠaa mąąwiɛ. Mąąhɔlɔɓo, gwa kaani gu lɔwai mɛ̨nį kɔ́lɔn bələ li a yələ kəlee. Ə gɛ, nuą diɛ pɛli gbaɠala kaai diɛ kɛ Ɲą́ą́ Yai-Laa, ɲą́ą́ ɓə ka mąąhəɠə.

Lɛɛ gbɔwɔ ɓa 31:16

Mąąnɛ̨ɛ̨ Israɛlə lonnii di túwɔ́ yələ mąą mɛ̨nį ɲɛ̨i kulɔ, di di hvitɔɔ la, yələ kəlee mɛ̨nį li kpɛɛ hvo mą. Kwɛlan gəlee yee mu.

Azaya 58:13

Ya wala kɛ kólóɠaa kɛi a hvįįtɔɔ yələ, ya kpəla tɔ̨nɔ̨ kwɛliɛ ɓa, a nwɔ́ hvóló mąąhəɠɛɛ, ya vįitɔɔ yələ laa hee, «a ə́ liiɓa hvóló», Yɛ́ Yai-Laa nwɔ hvólói mąąhəɠɛɛ laa hee, a «hvóló Mąąwiaa.» Yɛ́ mąą həɠə a ə́ lííɓa hiɛɠaai ya nɛɛ laa, hva tɔ̨nɔ̨ kwɛli a mąą yələ, hvo túwɔ mɛ̨nį ɓo hu a mąą yələ.

Ɉeremi 32:41

Gwə́inɛ̨ɛ̨ mɛ̨nįi lɔ ɓa pai kɛi a mɛ̨inɛ̨ɛ̨ kɛɛ diɛ, gáá pai di kɔ́wɔ hvilɛn ɉii nɔi ŋɛ̨i hu. Gáá pai gɛi tii gwə́i tɔ̨nɔ̨ mɛ̨i, kpɔ a gwə́i kwəlɛɛ.

Izikiɛ 20:12

Ŋą́ nwɔ́ hvįįtɔɔ yələɠaai lɛ diɛ, da kwa diɛni ku lɔwai mɛ̨nį kili too la di ŋą. Diɛ gbaɠala kaa, diɛ kɛ ɲą́ą́ Yai-Laa, ɲą́ą́ ɓə ŋą́ di mąąhəɠə.

Izikiɛ 20:20

'Ka nwɔ́ hvįįtɔɔ hvólóɠaai kaa a hvoló mąąhəɠɛɛɠaa. Gwa kaani gu lɔwai mɛ̨nį kili too mɛ̨nį ɓə ka ŋą. Kaa pɛli gbaɠala kaai, kaa kɛ, ɲą́ą́ ɓə a Yai-Laa ka wɔ Yálá.

Hebreu 4:10

Mąąhɔlɔɓo, nui a lɔ Yálá ŋą hvįitɔɔi hu, yaa kpɛlimąn, a vįitɔɔ gɛ kólóɠaa diɛ, yɛ bələi Yálá ə vįitɔɔ la nwɛiɠaai diɛ.