Lɛɛ gbɔwɔ ɓa 31:15 - Yálá laawoo hɛɓɛ (dc)

¹⁵ Hvóló mɛ̨ida yee mu, nuą da di mąą kólóɠaa kɛ. Kɛlaa, voló mɛ̨ihveelɛ yələ, vįitɔɔ yələ li. Volói tii kaa a Yai-Laa nwɔɔ. Nui lɔpee a kóló kɛ a túwɔ́ yələ da baa.

Yálá laawoo hɛɓɛ

¹⁵ Hvóló mɛ̨ida yee mu, nuą da di mąą kólóɠaa kɛ. Kɛlaa, voló mɛ̨ihveelɛ yələ, vįitɔɔ yələ li. Volói tii kaa a Yai-Laa nwɔɔ. Nui lɔpee a kóló kɛ a túwɔ́ yələ da baa.

Bible

¹⁵ Ka tíi kɛ́ a fólo lɔ́ɔlu mɛi da, mɛi feerɛ ɣelei káa a fii-tɔɔ ɣele maa waa mɛni ma. Ǹúui pâi tíi kɛ̂i a ŋ̀elei tíi, fɛ̂ɛ dí maa nuui tí páa.

Lɛɛ gbɔwɔ ɓa 31:15 ပူးပေါင်းရင်းမြစ်များ

Zɛnɛse 2:2

Yálá ə gɛ́ kóló kəlee kɛ ə kpɛɛ la, voló mɛ̨ihveelɛ yələ, ə hee, ə vįitɔɔ gɛ kóló kəlee ɓa.

Lɛɛ gbɔwɔ ɓa 16:23

Moisə yɛ diɛ: «Yai-Laa ɓə mo ti, tinąą ɓaa túwɔ́ hvoló, hvįįtɔɔ yələ li. Volói ti kaa a Yai-Laa nwɔɔ. Kɔ̨nɔ̨n mąąnɛ̨ɛ̨ ə mɔ̨n ka mɔ̨n, yii mąąnɛ̨ɛ̨ ə yili, ka ɲili. Gbəli a lɛɛ, ka ɉee a tinąą nwɔɔ.»

Lɛɛ gbɔwɔ ɓa 16:26

Hvóló mɛ̨ida yee mu, ka pɛli mą ka da yɛɠɛ, kɛlaa, voló mɛ̨ihveelɛ yələ, gaa a túwɔ́ yələ, da hva kɛ laa.»

Lɛɛ gbɔwɔ ɓa 23:12

«‹Hvoló mɛ̨ida yee mu, ə́ kɛ kóló kɛ. Kɛlaa, vóló mɛ̨ihveelɛ yələ, ə́ túwɔ́ ə́ ə́ hvįįtɔɔ, ə́ wɔ nįŋɛ̨i da ə́ wɔ hoohvaalən di di hviitɔɔi, ɛlɛɛ, ə́ wɔ luwɔ nɛ̨ą lon da nwɛ̨ą di di hvina kulɔ.

Lɛɛ gbɔwɔ ɓa 31:14

Mąąnɛ̨ɛ̨ ka túwɔ́ yələ mąąwiɛ, mąąhɔlɔɓo, hvóló mąąhəɠɛɛ li ka yəi. Nui a volói tii ɓɛlɛkpɛɛ mą, mąąnɛ̨ɛ̨ di baa. Ɛlɛɛ, nui a kóló kɛ a mąą yələ, mąąnɛ̨ɛ̨ di naa kulɔ Israɛlə lonnii lɔwai.

Lɛɛ gbɔwɔ ɓa 31:16

Mąąnɛ̨ɛ̨ Israɛlə lonnii di túwɔ́ yələ mąą mɛ̨nį ɲɛ̨i kulɔ, di di hvitɔɔ la, yələ kəlee mɛ̨nį li kpɛɛ hvo mą. Kwɛlan gəlee yee mu.

Lɛɛ gbɔwɔ ɓa 31:17

Yili ɓə pai kɛi kwa Israɛlə lonnii ku lɔwai a kili lɛɛ ɉu hɛn, diɛ kɛ Yai-Laa ə yələkɔlɔn da lɔi di pɛli a hvóló mɛ̨ida, mɛ̨ihveelɛ yələ ə vįitɔɔ, ə vina kulɔ.»

Lɛɛ gbɔwɔ ɓa 34:21

«Ka kóló kɛ hvóló mɛ̨ida yee mu, mɛ̨ihveelɛ yələ, ka ka hvįįtɔɔ, ə kɛ a kɛɛ hįį lɔwai, ə kɛ a ɉihɛn gulɔ lɔwai, mąąnɛ̨ɛ̨ ka ka hvįįtɔɔ.

Lɛɛ gbɔwɔ ɓa 35:2

Hvoló mɛ̨ida yee mu, nuą da di mąą kóló kəlee kɛ, voló mɛ̨ihveelɛ yələ, a kɛ ka yəi a hvóló mąąwiaa, a Sabatə, a Yai-Laa nwɔ hvįįtɔɔ yələ. Nui lɔpee a kóló kɛ a mąą yələi, da baa.

Lɛɛ gbɔwɔ ɓa 35:3

Ka hvo kɔ̨nɔ̨n ɲili nwɔ̨n ɉee ka yəi bɛlɛ́n a vįitɔɔ yələ, ɓɛi lɔpee ka kɛ laa.»

Izikiɛ 46:1

Mɛ̨nį kəlee ŋą Hééɓomun Yálá woo ka, yɛ: Bɛlɛ́n bələ, ɲiman mu, kpon tii ɲɛ̨i heɛ voló kulɔi pələ, naa a kɛ a gbulɔɔ, góló kɛ hvóló mɛ̨idai yeemu; kɛlaa, da naaɓo a vįitɔɔ yələ. Da naaɓo lɔ nwɔ̨nɔ̨ a ɲąnin dɔɔ nįnɛ̨.

Levetekɔ 16:29

«Ka hiɛ pələ ka tii a yələ kəlee. Ɲąnin mɛ̨ihveelɛnąą nwɔ hvóló pow yələ, mąąnɛ̨ɛ̨ ka hin nɔ, ka hvo kólói lɔpee ta kɛ, ə kɛ a nɔi lon ə mą kɛ a nwɛ̨ąi heeni ka kɔ́wɔ mɛ̨i.

Levetekɔ 23:3

«Nu kəlee ə mąą kóló kɛ hvóló mɛ̨ida yee mu, kɛlaa, voló mɛ̨ihveelɛ yələ kaa a hvįįtɔɔ hvóló; ka ka ɲąąkpɔn a mąą yələ, ka náá mąąwiɛ. Ka hvo kóló ta lɔpee kɛ a mąą yələ. Yai-Laa nwɔ hvólói li, ɓɛi lɔpee ka kɛ laa heeni, ka ka kili lɛɛ ɉu.

Levetekɔ 23:32

Túwɔ́ yələ li ka yəi a hvįįtɔɔ yələ, ka hin nɔ a mąą yələ; ə həɠə ɲąnin nwɔ hvóló mɛ̨inąąn ɲələ ɓa, ə həli la bulu ɓa yələ laaɓoɔ ɓa, ka hva kóló lɔpee ta kɛ.»

Lukə 13:14

Kɛlaa, Yálá hvɛli pɛlɛ́ nwun nąmu kwəi hvo nɛ̨ɛ̨ Jesus pɔ. Mąąhɔlɔɓo, aa kɛ nu ta kɔ́lɔi pono a vįitɔɔ yələ. Nu kpului tii kɛ laa, ə mo kɛa diɛ, yɛ diɛ: «Hvóló mɛ̨ida ɓə mąąnɛ̨ɛ̨ ku koló kɛ la, volóɠaa tii hu ɓə mąąnɛ̨ɛ̨ ka paa la di ka kɔ́lɔi pono. Mąą hvo nɛ̨ɛ̨li hvo kɛ a vįitɔɔ yələ.»

Lukə 23:56

Nɛa tii di pənə də li di pulu, di wulɔ kun nɛ̨ɛ̨ kɛ pələ pɛli, əgɛ, di bu Jesus powa ɓa. Hvįįtɔɔ yələ, di di hvii tɔɔ yɛ pələi di bɛ̨ɛ̨ la tɔ́n ɉɛɓɛ́ hu.

Dutɛrɔnome 5:12

«'Ka túwɔ́ yələ mąąwiɛ, ka gɛ a hvóló mąąhəɠɛɛ, yɛ bələi Yai-Laa ka wɔ Yálái ə ka tí la.

Hebreu 4:9

Vįitɔɔ yələ ta kaa laa a Yálá nwɔ nuąi di wɔ.