Lɛɛ gbɔwɔ ɓa 30:8 - Yálá laawoo hɛɓɛ (dc)

⁸ Aarɔn a pa nwulɔ nwɔ̨nŋąą təŋa yalii, yələwulii pɔ, a lansan kələn; gaa pai kɛi a hɛn gun nɛ̨ɛ̨ yii a kɛ a yələ kəlee mɛ̨nį Yai-Laa lííla.

Yálá laawoo hɛɓɛ

⁸ Aarɔn a pa nwulɔ nwɔ̨nŋąą təɲa yalii, yələwulii pɔ, a lansan kələn; gaa pai kɛi a hɛn gun nɛ̨ɛ̨ yii a kɛ a yələ kəlee mɛ̨nį Yai-Laa lííla.

Bible

⁸ É géreŋ ŋɔ́nɔ ma a ɣele-wulii tãi a kɛ̂ laŋpoi tɔɔ̂i. Ka zâlai ŋí kúla ŋɛ́i-tuɛ a ɣele kélee káfulu-laai su da kásuui wɔlɔ-wɔlɔ da wɔlɔ-wɔlɔ.

Lɛɛ gbɔwɔ ɓa 30:8 ပူးပေါင်းရင်းမြစ်များ

Kɔlɔnikɔ Veerɛi 26:18

Di mo tɔɔmun Oziasə ɓa, diɛ mą: «Yɛ́ hvəi ə́ mąąnɛ̨ɛ̨ ə́ lansan kələn Yai-Laa ɓa, kɛlaa, ɉaláá laa həli nuą ŋɛ̨i a Aarɔn lonnii, diɛ ɓə. Diɛ ɓə di laakwɛlanmoɔ golói tii kɛɛ ɓa! 'Tɛɛ ə́ kulɔ! Mąąhɔlɔɓo, yáá pulu kulɔ mɛ̨nį kɛ! Ə́ ɲɛ̨i pɔ̨nɔ̨ mɛ̨nį hvaa a yii Yai-Laa mąą mɛ̨nį hu!»

Mąątɛ̨nɛ̨ 141:2

Nwɔ́ hvɛli wooi ə kɛ ə́ lííla yɛ lansan, Ɛlɛɛ, ŋą́ ɲééɠaa hąŋąn, ə ɓo yɛ yələ wilii haláá.

Lɛɛ gbɔwɔ ɓa 12:6

Ka ɉon, a lɛɛ ka yəi, ə lɛɛ ɉu, ɲąnin nwɔ hvóló pow gɔw nąąn ɲələ, yələwulii pɔ, nu kəlee ə nwɛi paa.

Lɛɛ gbɔwɔ ɓa 25:37

Ə́ wulɔ nwɔ̨n gbowo mɛ̨ihveelɛ pɛli, ə́ ɉee nwulɔ nwɔ̨n ɉee hɛn gɔn mɛ̨ihveelɛi tii nwuɔ̨, da kɛi lən, diɛ di tɔwɔ pələ pɔ̨nɔ̨.

Lɛɛ gbɔwɔ ɓa 27:21

Ɓɛi gu kaa pai kɛi gu kee kaai laa, ɉəɠə ɓɛla ŋɛ̨i hɛlɛn ni mįnɛ̨ kəhi lííla, mo Aarɔn da nonnii diɛ, di nwulɔ nwɔ̨n ɉee nííla yɛ lən, a yələwulii da yələwala, Yai-Laa lííla. Yili ɓə pai kɛi a Israɛlə lonnii di wɔ kóló, mąą hva hvalin, yɛ ɓo a yələ kəlee mɛ̨nį.

Lɛɛ gbɔwɔ ɓa 30:7

Nąą ɓə Aarɔn kaa pai kɛi lansanŋaa kələn ɉii laa yələ wala pɔ tɛitɛi kəlee, ɓɛlɔwai a kɛ nwulɔ nwɔ̨nŋąą təŋą yalii la, nąąlɔwai ɓə a lansan kələn na.

Lɛɛ gbɔwɔ ɓa 30:9

Lansan lúwɔ́ hvo mą, di hvo da kələn naa, haláá hɛn yii da gəlee kələn, di hvo da kulɔ laa, ə mą kɛ, Yálá kɔ́ haláá, ɛlɛɛ, ka hvo lɔɔ pu ɉaláá kulɔi ti ɓa.

Lomaŋ 8:34

Gbɛɛ ɓə a pɛli di nwun na pili? Yaan, Jesus Kristə ə haa, ə pənə kpɔ nwɔ̨nɔ̨ ə nwun, gaa heeni Yálá ɓámįiyee hu pələ, yɛ Yálá hvɛli guɔ.

Tɛsalonikə dɔlɔɔ 5:17

'ká hvo kpɛla Yálá hvɛliɛ ɓa,

Hebreu 7:25

Ɛlɛɛ, nuąi da di mąąlɛɠɛ Yálá ɓa, yaa ɉáálai, a pɛli mą ə di nwun mąąɓo, gbala ə tɔɔ, yaa tii gaa lɔ laa a yələ kəlee, yɛ di mąą mɛ̨nį laa həli a nɛlɛɛ kɔlɔi.

Hebreu 9:24

Ɉəɠə pɛlɛ́i nu ə dɔɔ a ɲee ɓɛ lɔi mɛ̨i, yai gaa a neelee mąą nįnįn, mu hvəə Kristə ə lɔ laa, kɛlaa, ə lɔ kpɔ yələkɔlɔn ɉu leelee, əgɛ, yɛ pɛli tɔɔi Yálá liila gu mąą mɛ̨nį ɓa.

Samuɛlə dɔlɔɔ 2:28

ŋą́ ə́ nąn ɉəɠə Israɛlə nu huwuɠaa kəlee lɔwai, gɛ́ gɛ a nwɔ́ haláá laa həli mun, yɛ tɔɔ nwɔ́ haláá kulɔi kɛɛnąąi ɓa, yɛ lansan kələn, yɛ ɉaláá kulɔ həɠə too ɲɛ̨i ɓa, hɛn lɔpee Israɛlə lonnii di kɛi gɔ́ la, ŋą́ kɛi gəlee tɛɛ ə́ nąn nwɔ pɛlɛ́i pɔ.